Автотранспортные услуги (Грузия - Тендер #70484918)

სსიპ - თბილისის ტრანსპორტისა და ურბანული განვითარების სააგენტოს მიერ 2025-2026 სასწავლო წლის მეორე სემესტრისთვის, ქალაქ თბილისის საჯარო სკოლების მოსწავლეების ტრანსპორტირების მომსახურების სახელმწიფო შესყიდვა

1.2.1.1. საჯარო სკოლის მოსწავლეთა ავტოსატრანსპორტო საშუალებით გადაყვანის მომსახურება უნდა განხორციელდეს:
ა) წინასწარ დადგენილი მარშრუტის მიხედვით, ტექნიკურად გამართული, შესაბამისი მოცულობისა და რაოდენობის ავტოსატრანსპორტო საშუალებებით;
ბ) ავტოსატრანსპორტო საშუალება თითოეული მიმართულებისთვის უნდა შეირჩეს გადასაყვან ბავშვთა რაოდენობისა და ადგილის რელიეფის შესაბამისად;
გ) დაცული უნდა იყოს მოქმედი კანონმდებლობის შესაბამისი უსაფრთხო გადაადგილების ყველა ნორმა, უზრუნველყოფილი უნდა იყოს ისეთი პირობები, რომელიც გამორიცხავს მოსწავლეთა ჯანმრთელობის ზიანს.
დ) მოსწავლეთა ტრანსპორტირებისას ავტოსტრანსპორტო საშუალება აღჭურვილი უნდა იყოს სპეციალური ნიშნით, რომელიც მიუთითებს, რომ ხორციელდება ბავშვების გადაყვანა;
ე) ავტოსანტრანსპორტო საშუალებებში დაცული უნდა იყოს სანიტარულ-ჰიგიენური ნორმები და პერიოდულად უნდა ხდებოდეს დეზინფიცირება;
ვ) ავტოსატრანსპორტო საშუალებებს უნდა მართავდნენ შესაბამისი მართვის უფლების მქონე მძღოლები;
ზ) სკოლის მოსწავლეების ტრანსპორტირება უნდა განხორციელდეს ისე, რომ არცერთ მოსწავლეს არ უწევდეს ფეხზე დგომა სატრანსპორტო საშუალებაში საჭირო ადგილების არ არსებობის გამო;
თ) საჯარო სკოლის მოსწავლეთა სატრანსპორტო მომსახურებით უზრუნველყოფა უნდა მოხდეს სასწავლო დროის დაწყებამდე და დასრულებიდან გონივრულ ვადაში (მოსწავლეთა სკოლაში მიყვანა უნდა განხორციელდეს სასწავლო პროცესის დაწყებამდე არაუგვიანეს 5 წუთისა და არაუადრეს 60 წუთისა. ხოლო სკოლიდან წამოყვანა უნდა განხორციელდეს სასწავლო პროცესის დასრულებიდან - არაუგვიანეს 60 წუთისა);
ი) სასწავლო დღის განმავლობაში ერთი სატრანსპორტო საშუალებით მოსწავლეთა ტრანსპორტირება უნდა განხორციელდეს არაუმეტეს 8 გზისა;
კ) დაუშვებელია ერთ გზად 55 ბავშვზე მეტის გადაყვანა;
1.2.1.2. მიმწოდებელმა უნდა უზრუნველყოს ტრანსპორტირებისას თითოეული მოსწავლის ჯანმრთელობის დაზღვევა არანაკლებ 1500 ლარის ოდენობით.
1.2.1.3. სატენდერო დოკუმენტაციის დანართი N2 არის საორიენტაციო ხასიათის და აღნიშნული შესაძლებელია დაკორექტირდეს/დაზუსტდეს ხელშეკრულების გაფორმების პროცესში.
1.2.1.4 წინამდებარე ტენდერის ფარგლებში მომსახურების შესყიდვა ხორციელდება სსიპ თბილისის ტრანსპორტისა და ურბანული განვითარების სააგენტოს მიერ დადგენილი კრიტერიუმების გათვალისწინებით (დანართი N1).
1.2.1.5 კონკრეტულ მარშრუტზე სატრანსპორტო საშუალების ტევადობა უნდა შეესაბამებოდეს სატრანსპორტო საშუალებაში სტაციონარულად დამონტაჟებულ სკამებზე დამჯდარ მდგომარეობაში გადასაყვან მოსწავლეთა რაოდენობას. კონკრეტულ მარშრუტზე განსაზღვრული გზების რაოდენობა და სატრანსპორტო საშუალების ტევადობა შესაბამისობაში უნდა იყოს გადასაყვან მოსწავლეთა რაოდენობასთან.

2026 წლის 16 მარტიდან ან ხელშეკრულების გაფორმებიდან (რომელიც უფრო გვიან დადგება) 2026 წლის 15 ივნისის ჩათვლით, სასწავლო დღეების შესაბამისად.

მომსახურება გაწეულ უნდა იქნას ქალაქ თბილისში, სატენდერო დოკუმენტაციის დანართ N2-ში მითითებული მარშრუტების შესაბამისად.

2.2.1.1 ტენდერში მონაწილეობის მსურველს 2023 წლის 1 იანვრიდან წინამდებარე ტენდერში წინადადებების მიღების დასრულების დღის ჩათვლით პერიოდში მინიმუმ ორი წელი უნდა ჰქონდეს განხორციელებული ავტოსატრანსპორტო საშუალებით მგზავრთა გადაყვანის მომსახურება წელიწადში სატენდერო ღირებულების არანაკლებ 10%-ის ოდენობით. აღნიშნული უნდა დადასტურდეს გაფორმებული ხელშეკრულებებითა და შესაბამისი მიღება-ჩაბარების აქტებით.
2.2.1.2. პრეტენდენტის გამოცდილება უნდა დასტურდებოდეს:
2.2.1.2.1 ხელშეკრულებით ან ხელშეკრულებებით;
2.2.1.2.2 წარმოდგენილი ხელშეკრულებების შესრულების შესახებ გაფორმებული მიღება-ჩაბარების აქტ(ებ)ით და დადასტურებული ანგარიშ-ფაქტურ(ებ)ით (იმ შემთხვევაში თუ, ჩამოთვლილი დოკუმენტაციიდან არ იკვეთება შესრულებული სამუშაოები, შინაარსი და მათი ღირებულებები, პრეტენდენტი ვალდებულია წარმოადგინოს დოკუმენტაცია, საიდანაც შესაძლებელია შესრულებული სამუშაოების, შინაარსისა და ღირებულებების იდენტიფიცირება.
2.2.1.2.3 უცხოურ საწარმოსთან გაფორმებული ხელშეკრულების შემთხვევაში, წარმოდგენილი ხელშეკრულებების შესრულების შესახებ გაფორმებული მიღება-ჩაბარების აქტ(ებ)ით და გადახდის დამადასტურებელი დოკუმენტ(ებ)ით (იმ შემთხვევაში თუ, ჩამოთვლილი დოკუმენტაციიდან არ იკვეთება შესრულებული სამუშაოები, შინაარსი და მათი ღირებულებები, პრეტენდენტი ვალდებულია წარმოადგინოს დოკუმენტაცია, საიდანაც შესაძლებელია შესრულებული სამუშაოების, შინაარსისა და ღირებულებების იდენტიფიცირება.
2.2.1.2.4 სახელმწიფო შესყიდვის განხორციელების შემთხვევაში პრეტენდენტს შეუძლია დანართის სახით წარმოადგინოს შესაბამისი SPA ან/და NAT ან/და CMR ან/და სხვა ნომერი (ასეთ შემთხვევაში არ არის სავალდებულო სისტემაში იმ დოკუმენტაციის ატვირთვა, რომელიც უკვე ატვირთულია სახელმწიფო შესყიდვების ერთიან ელექტრონულ სისტემაში. ასევე, ამ შემთხვევაში არ არის სავალდებულო დადასტურებული ანგარიშ-ფაქტურ(ებ)ის წარმოდგენა).

პრეტენდენტმა სატენდერო წინადადებასთან ერთად უნდა წარმოადგინოს ინფორმაცია მატერიალურ-ტექნიკური ბაზის შესახებ, რომელიც დამოწმებული უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით (წარმოდგენილი ინფორმაციით პრეტენდენტი მიუთითებს საჭირო ავტოსატრანსპორტო საშუალებების რაოდენობიდან რამდენი იქნება მის საკუთრებაში და მოქმედი კანონმდებლობის შესაბამისად იჯარით/ქირავნობით/თუ სხვა ფორმით სარგებლობაში მომსახურების გაწევის სრული ვადის გათვალისწინებით).

პრეტენდენტის მიერ წარმოდგენილი უნდა იქნას შემდეგი ინფორმაცია:
ა) ინფორმაცია დაზღვევის პირობების შესახებ - სატრანსპორტო მომსახურების განხორციელების პერიოდში სავალდებულოა მგზავრის (მოსწავლეები) დაზღვევა, რომლის ასანაზღაურებელი ლიმიტი არ უნდა იყოს 1500 ლარზე ნაკლები.

ბ) მომსახურების ხარჯთაღრიცხვა, Excel-ის ფორმატში, სატენდერო დოკუმენტაციის დანართი N2-ის შესაბამისად, რომელშიც მიმწოდებლის მიერ ივსება მხოლოდ სამარშრუტო კილომეტრის ფასი და გზების რაოდენობა.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომლებშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო მომსახურების ხარჯთაღრიცხვაში/ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე მომსახურების ხარჯთაღრიცხვით/ფასების ცხრილით განსაზღვრული შესყიდვის ობიექტის მიწოდების შესაძლებლობა.
დასკვნის წარმოუდგენლობა ან უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.

5 Процентов

10 Процентов

ხელშეკრულების შესრულების უზრუნველყოფის გარანტიის მოქმედების ვადა არანაკლებ 60 კალენდარული დღით უნდა აღემატებოდეს ხელშეკრულებით გათვალისწინებულ მომსახურების გაწევის ვადას.

6.4.1. ხელშეკრულების უზრუნველყოფის გარანტია (რაც გულისხმობს, რომ გარანტი უპირობოდ, გამოუთხოვადად, ყოველგვარი უარყოფისა და გასაჩივრების უფლების გარეშე კისრულობს საგარანტიო თანხის სრული ოდენობით ანაზღაურების ვალდებულებას მიმწოდებლის მიერ წინამდებარე ტენდერის ფარგლებში შემსყიდველთან გაფორმებული ხელშეკრულების პირობების დარღვევის საფუძველზე, შემსყიდველის პირველივე წერილობითი მოთხოვნის მიღებისთანავე არაუგვიანეს 5 (ხუთი) სამუშაო დღის განმავლობაში. ამასთან, გარანტიით გათვალისწინებული თანხები შემსყიდველმა უნდა მიიღოს ყოველგვარი დამატებითი მტკიცებულების წარდგენის გარეშე, პირველი მოთხოვნისთანავე) სატენდერო დოკუმენტაციის 6.1 ან 6.2 პუნქტების შესაბამისად.
6.4.2. გარანტიის მოქმედების ვადა განისაზღვრება სატენდერო დოკუმენტაციის 6.3 პუნქტის შესაბამისად.
6.4.3. უპირობო, გამოუთხოვადი ხელშეკრულების შესრულების გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.
6.4.4. საგარანტიო დოკუმენტში არ უნდა იყოს მითითებული, რომ საგარანტიო თანხა მცირდება მიმწოდებლის მიერ ხელშეკრულებით ნაკისრი ვალდებულებების შესრულების (გაწეული მომსახურების ღირებულების) პროპორციულად.
6.4.5. ხელშეკრულების შესრულების უზრუნველყოფის გარანტიაში მითითებულ უნდა იქნეს შესყიდვის კონკრეტული დასახელება, აღნიშნულ შესყიდვასთან დაკავშირებით ერთიან ელექტრონულ სისტემაში განთავსებული განცხადების ნომერი, შემსყიდველისა და პრეტენდენტის საიდენტიფიკაციო კოდი.

- ანგარიშსწორება განხორციელდება უნაღდო ანგარიშსწორების ფორმით, ეროვნულ ვალუტაში, კონკრეტული მიმართულების ერთი გზის ღირებულებისა და ფაქტობრივად განხორციელებული (შესრულებული) გზების რაოდენობის გათვალისწინებით.

- ანგარიშსწორება განხორციელდება თვეში ერთხელ, ფაქტობრივად გაწეული მომსახურების შესაბამისად.

- ხელშეკრულების პირობების არაჯეროვანი შესრულებისათვის დაკისრებული პირგასამტეხლოს თანხა, გამოიქვითება ყოველი მიღება-ჩაბარების აქტის საფუძველზე, მიმწოდებელზე გადასარიცხი თანხიდან და შემსყიდველის მიერ გადაირიცხება მიმწოდებლის სახელით სახელმწიფო ხაზინის შესაბამის სახაზინო კოდზე.

ანგარიშსწორება განხორციელდება მიღება-ჩაბარების აქტის გაფორმებიდან 10 სამუშაო დღის განმავლობაში.

ბადრი საჯაია, 599700335, badri.sajaia@tbilisi.gov.ge

10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე.
10.1.2 დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.3 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4 პრეტენდენტი ვალდებულია სახელმწიფო შესყიდვებში ერთიან ელექტრონულ სისტემაში დოკუმენტაციის ატვირთვისას იხელმძღვანელოს „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონისა და დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე სახელმწიფო შესყიდვების სააგენტოს სახელმძღვანელო ინსტრუქციის შესაბამისად.
10.1.5 სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“.
10.1.6 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.7 პრეტენდენტს არა აქვს უფლება წარმოადგინოს ალტერნატიული სატენდერო წინადადება.

10.2 პრეტენდენტის მიერ ერთიან ელექტრონულ სისტემაში ასატვირთი დოკუმენტაცია/ინფორმაცია:

ა) გასაწევი მომსახურების ხარჯთაღრიცხვა (დანართი N2) Excel-ის ფორმატში, სატენდერო დოკუმენტაციის 2.9 პუნქტის „ბ“ ქვეპუნქტის შესაბამისად;
ბ) პრეტენდენტის გამოცდილების დამადასტურებელი დოკუმენტაცია, სატენდერო დოკუმენტაციის 2.2.1 პუნქტის მოთხოვნათა დაცვით;
გ) ინფორმაცია პრეტენდენტის მატერიალურ-ტექნიკური ბაზის შესახებ, სატენდერო დოკუმენტაციის 2.3.1 პუნქტის მოთხოვნათა დაცვით;
დ) ინფორმაცია დაზღვევის პირობების შესახებ, სატენდერო დოკუმენტაციის 2.9 პუნქტის „ა“ ქვეპუნქტის მოთხოვნათა დაცვით.