Консультирование по вопросам делопроизводства и управления и связанные с ними услуги (Грузия - Тендер #70454821)

„ტექნოლოგიების გადაცემის პროგრამის“ ფარგლებში საკონსულტაციო მომსახურების შესყიდვა

იხილეთ თანდართული დოკუმენტები

108 სამუშაო დღე, ეტაპობრივად, შემსყიდველის მოთხოვნის შესაბამისად, ხელშეკრულების ძალაში შესვლიდან 2026 წლის 15 დეკემბრის ჩათვლით

ჰიბრიდულად: ფიზიკურად (მის: სსიპ საქართველოს ინოვაციების და ტექნოლოგიების სააგენტო - თბილისი, ინოვაციების ქუჩა #7) ან/და დისტანციურად, შემსყიდველის მოთხოვნის შესაბამისად;

ხელშეკრულების შესაბამისად, კონსულტანტს ყოველი კალენდარული თვის განმავლობაში გაწეული სამუშაო დროის შესაბამისად, ექნება ვალდებულება, ყოველი კალენდარული თვის 25 რიცხვამდე წარმოადგინოს შესაბამისი ანგარიშები, რომლებშიც დეტალურად იქნება აღწერილი მის მიერ შესრულებული სამუშაო (ქვემოთ მოცემული ცხრილის შესაბამისად, შესრულებული შესაბამისი ამოცანები/აქტივობები და თითოეულ ამოცანაზე/აქტივობაზე ანგარიშში მისათითებელი ინფორმაცია (აგრეთვე, მათი მიმდინარეობის პროგრესი)). აგრეთვე, ანგარიშს თან უნდა დაერთოს სამუშაო დროის აღწერა - შევსებული ექსელის ფორმა (TimeSheet) (ნიმუში თანდართულია სატენდერო დოკუმენტაციაზე), რომელშიც ასახული იქნება მის მიერ შესრულებულ სამუშაოზე დახარჯული საათები (შესაბამისად, სამუშაო დღეები).

ყველა კომუნიკაცია სააგენტოსთან, ასევე, სამეცნიერო პროექტების შეფასების დოკუმენტები და კონტრაქტის შესრულებასთან დაკავშირებული ანგარიშები (მათ შორის, მისი შესრულების პროგრესის ანგარიშები და შესრულებული სამუშაო საათები/დღეები შესაბამისი ექსელის ფორმით (Timesheet)) წარმოდგენილი უნდა იქნეს ყოველთვიურად, ინგლისურ ენაზე.
ზემოაღნიშნული დოკუმენტაცია წარმოდგენილ უნდა იქნეს ელექტრონული სახით, tjatchvadze@gita.gov.ge მეილზე გამოგზავნის გზით.

მოთხოვნები ინდივიდუალური კონსულტანტის მიმართ განათლება:
• მაგისტრის ხარისხი ბიზნესის მართვის ან ფინანსების მიმართულებით.
• ბაკალავრის ხარისხი ტექნიკური მიმართულებით (ქიმია, ინჟინერია, ფიზიკა, ბიოლოგია ან სხვა ტექნიკურ დარგში).
• არანაკლებ 4 წლიანი გამოცდილება ტექნოლოგიების ტრანსფერისა და ტექნოლოგიების კომერციალიზაციის მიმართულებით.
• არანაკლებ 2 წლიანი გამოცდილება ტექნოლოგიების კომერციალიზაციის კუთხით ინდუსტრიული პარტნიორის დაინტერესების, ლიცენზირების ხელშეკრულებების დადების, კომერციალიზაციის მზადყოფნის შეფასებასა და სამეცნიერო გარემოში მუშაობის მიმართულებით.
• არანაკლებ 5 წლიანი გამოცდილება საერთაშორისო პროექტებში კონსულტანტად მუშაობის.
• არანაკლებ 4 წლიანი გამოცდილება მაღალ მენეჯერულ პოზიციაზე მუშაობის.
სხვა მოთხოვნები:
• Microsoft Word-ის, Excel-ისა და PowerPoint-ის ცოდნა
• ინგლისური ენის ფლობა (Fluent დონეზე), რაც დასტურდება შესაბამისი სამუშაო გამოცდილებით
• ტექნოლოგიების გადაცემის სისტემების/პროცესების კარგი ცოდნა.
ინდივიდუალურ კონსულტანტს თავისუფლად უნდა შეეძლოს ინგლისურ ენაზე ვერბალური და წერითი კომუნიკაცია.

შენიშვნა: აღნიშნულის დამადასტურებლად პრეტენდენტმა უნდა წარმოადგინოს კანდიდატის რეზიუმე - ე.წ. СV, სადაც სრულყოფილად იქნება მოცემული ინფორმაცია მის გამოცდილებაზე.შემსყიდველი იტოვებს უფლებას რეზიუმეში წარმოდგენილი ინფორმაციისა და გამოცდილების დადასტურების მიზნით მოითხოვოს დამატებითი დოკუმენტაცია.

პრეტენდენტმა ერთიანი ელექტორნული სისტემის მეშვეობით უნდა წარმოადგინოს:

ა) ფასების ცხრილი დანართის N3-ის შესაბამისად;
ბ) ტექნიკური დოკუმენტაციის წარდგენა შესაძლებელია როგორც ქართულ, ისე უცხოურ ენებზე;
გ) დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. დოკუმენტაციასთან დაკავშირებული სადავო საკითხების გადაწყვეტისას უცხოურენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს შემსყიდველი ორგანიზაცია;
დ) სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული ყველა გადასახადის ჩათვლით.


შენიშვნა:

„ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე სახელმწიფო შესყიდვების ერთიან ელექტრონულ სისტემაში ატვირთულ ელექტრონულ დოკუმენტებზე შესრულებული უნდა იყოს კვალიფიციური ელექტრონული ხელმოწერა ან/და ეს დოკუმენტები დამოწმებული უნდა იყოს კვალიფიციური ელექტრონული შტამპით.

• იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან მოითხოვს ფასწარმოქმნის ადეკვატურობის დასაბუთებას, რაზეც პრეტენდენტი ვალდებული იქნება წარმოადგინოს სსიპ - ლევან სამხარაულის სახელობის სასამართლო ექსპერტიზის ეროვნული ბიუროს მიერ გაცემული ექსპერტის შესაბამისი დასკვნა, ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნა (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

• ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით. ამასთან, ფასწარმოქნის ადეკვატურობის დასაბუთების (ექსპერტიზის დასკვნის) წარმოუდგენლობა გამოიწვევს შესაბამისი პრეტენდენტის დისკვალიფიკაციას სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის დამტკიცების შესახებ“ წესის შესაბამისად.

ანგარიშსწორება განხორციელდება მიმწოდებლის საბანკო ანგარიშზე, თაქტიურად გაწეული მომსახურების შესაბამისად, მიმწოდებლის მირ საგადასახადო დოკუმენტის (ასეთის არსებობის შემთხვევაში) და მიღება-ჩაბარების აქტზე ორმხრივი ხელმოწერის შემდგომ.

ანგარიშსწორება განხორციელდება მიმწოდებლის საბანკო ანგარიშზე, თაქტიურად გაწეული მომსახურების შესაბამისად, მიმწოდებლის მირ საგადასახადო დოკუმენტის (ასეთის არსებობის შემთხვევაში) და მიღება-ჩაბარების აქტზე ორმხრივი ხელმოწერიდან არაუგვიანეს 10 (ათი) საბანკო დღის ვადაში.

ანნა მამაგეიშვილი, 591101402, amamageishvili@gita.gov.ge

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება ,,სახელმწიფო შესყიდვების შესახებ“ საქართველოს კანონის და ,,ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების შესაბამისად.

2. სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთული უნდა იქნეს მინდობილობა).

3 პრეტენდენტის მიერ შექმნილი ყველა დოკუმენტი ან/და ინფორმაცია წარმოდგენილ უნდა იყოს „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონისა და მის საფუძველზე გამოცემული ნორმატიული აქტ(ებ)ის (ასეთის არსებობის შემთხვევაში) შესაბამისად.

4. პრეტენდენტს არა აქვს უფლება წარმოადგინოს ალტერნატიული სატენდერო წინადადება.

5. ტექნიკური დოკუმენტაციის წარდგენა შესაძლებელია როგორც ქართულ, ისე უცხოურ ენებზე. დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. დოკუმენტაციასთან დაკავშირებული სადავო საკითხების გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს შემსყიდველი ორგანიზაცია.

6. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო. ამასთან, პრეტენდენტის მიერ ხელშეკრულების დადებისას რომელიმე პირობაზე უარის თქმის შემთხვევაში, მისი ქმედება განიხილება როგორც უარი ხელშეკრულების დადებაზე.

7. ერთიან ელექტრონულ სისტემაში ელექტრონულად შევსებული სატენდერო დოკუმენტაციის ველებში მოცემული პირობების შესახებ დამატებითი ინფორმაციისა და განმარტებების მოთხოვნა შესაძლებელია სისტემის შესაბამისი მოდულის მეშვეობით ან/და სატენდერო კომისიის აპარატის იმ წევრისგან, რომლის საკონტაქტო ინფორმაციაც მითითებულია სატენდერო დოკუმენტაციის 9.1 პუნქტის ველში;

8. შემსყიდველ ორგანიზაციასა და პრეტენდენტს შორის ნებისმიერი მიმოწერა მიმდინარეობს სისტემის შესაბამისი მოდულის მეშვეობით და სისტემის გამოყენების გარეშე მიმოწერა სავალდებულო არ არის. შეტყობინება ოფიციალურად მიღებულად ჩაითვლება მისი სისტემაში ატვირთვის მომენტიდან;

9. ელექტრონულად შევსებული სატენდერო დოკუმენტაციის პირობების ველებსა და ატვირთულ დოკუმენტებს შორის წინააღმდეგობის არსებობის შემთხვევაში უპირატესობა ენიჭება სატენდერო დოკუმენტაციის ველებს;

10. პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს ინოვაციების და ტექნოლოგიების სააგენტო მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.