Кино услуги и видео услуги (Грузия - Тендер #70454819)

ვიდეორგოლების (5-10 წუთიანი ფილმის შექმნა (1 ცალი) და 40-60 წამიანი მცირე ვიდეო რგოლები (4 ცალი)) დამზადების მომსახურება

"ქართული ხალხური ცხენოსნური თამაშობანი - ისინდი, ცხენბურთი, ყაბახი, მარულა"

ტექნიკური დავალება

ქართული ხალხური ცხენოსნური თამაშობანი სავარაუდოდ დასტურდება ძვ. წ აღ. III-IV საუკუნეებში.
დოკუმენტების მიხედვით დადასტურებულია, რომ საქართველოში ცხენოსნობას უძველესი დროიდან მისდევენ. ანტიკური და შუა საუკუნეების უცხოური და ქართული წყაროები მოწმობენ რომ, საქართველო მხედრული ტრადიციების ქვეყანა იყო, სადაც წარმატებით ვითარდებოდა ცხენოსნობის სხვადასხვა სახეობა - დოღი, ცხენოსნური თამაშები - ცხენბურითი, ყაბახი, ისინდი, ჯირითი და სხვ.
ქართული ცხენოსნობის მეტად საინტერესო ფაქტებია აღწერილი, ბერძენი მწერლის აპოლონიოს როდოსელის (III საუკუნეში ჩ.წ აღ-მდე) ნაწრმოებში (არგონავტიკა): „არესის ველი ქალაქის პირისპირ მდებარეობდა და მდინარის ნაპირს ოდნავ იყო მოშორებული, არესის ველზე ვრცელი ასპარეზი იყო გადაშლილი და გარს მოაჯირი ერტყა. კოლხები აქ ბწყინვალე გმირების მოსაგონებლად ბრძოლასა და მხედრულ შეჯიბრებებს აწყობდნენ ხოლმე“. ეს ადგილი მდებარეობდა ქუთაისის მიდამოებში.

 ისინდი
ისინდი ერთ-ერთი მეტად საინტერესო და პოპულარული, უძველესი დროის ქართული ეროვნული ცხენოსნური თამაშია. ამ თამაშს ძველ საქართველოში დიდი სამხედრო მნიშვნელობა ენიჭებოდა. ისინდის თამაში მხედრისაგან მოითხოვს მაღალ ოსტატობას, თვალის სიმახვილეს, სიმარდეს, ძალას და მიზნის სიზუსტეს, ცხენისგან კი განსაკუთრებულ წვრთნასა და მომზადებას. მასში ჩართულია სამხედრო ტაქტიკის ელემენტები - დაზვერვა, უცაბედი თავდასხმა, დიდი სისწრაფით ცხენის უკან დახევა. მთელი სისწრაფით გაქცევა - გამოკიდება, იერიში და კონტრიერიში. საქართველოს სხვადასხვა კუთხეში ისინდის თამაშობის წესები მცირედ განსხვავდებოდა ერთმანეთისგან, თუმცა არსი ერთი იყო. დღეისათვის, საასპარეზოდ შემუშავებულია საერთო წესები, რომლებიც XX ს-ის მიწურულს დაზუსტდა და ერთიანი გახდა საქართველოს ყველა კუთხისთვის. ისინდი იმართება საგანგებოდ, ასევე, საერო და რელიგიურ დღესასწაულებზე. როგორც წესი, იზიდავს დიდძალ მაყურებელს მიმდებარე სოფლებიდან და ქალაქებიდან. თამაშობა თავისთავად დღესასწაული და სახალხო ზეიმია.

 ცხენბურთი
ცხენბურთის (ჩოგანბურთი), ანუ გადრის, თამაში საქართველოში უძველესი დროიდან მომდინარეობს. ეს მეტად საინტერესო, ეროვნული თამაში ქართველი ხალხის საყვარელ გართობად ითვლებოდა. ყველაზე საყვარელი სანახაობა იმ დროს იყო ცხენოსნური ასპარეზობა, სადაც მხედრებს სახალხოდ უნდა ეჩვენებინათ ცხენის მართვის ხელოვნება და ჩოგნის ხმარების ოსტატობა ბურთის თამაშის დროს. თამაში მიმდინარეობს ორ გუნდს შორის (თითოეულში 6 მონაწილეა) ხის ჩოგანით და რეზინის ბურთით.
მოედანი წარმოადგენს დაახლოებით 150 – 300 მ. სიგრძისა და 75-120 მ. სიგანის სწორკუთხედს. ორ ჯგუფად დაყოფილი მოთამაშენი ცდილობენ ჩააგდონ (გაიტანონ) ბურთი მოწნააღმდეგის მაყაში ანუ კარში. ყველა მოთამაშეს უფლება აქვს თავისუფლად იმოძრაოს მთელს მოედანზე. ჩოგნის გამოყენება შეიძლება როგორც მიწაზე, ისე ჰაერში ბურთის დასარტყმელად, ბურთის ჰაერში დასაჭერად, გადასასროლად, უკან დასაბრუნებლად, გადასაცემად და ა.შ. აკრძალულია ჩოგნის დარტყმა მოწინააღმდეგე მხედარსა და ცხენზე. ბურთი შეიძლება იყოს „გარეშე“ (აუტში) - როდესაც გადავარდება მოედნის გარეთ; „სადავო“ - როდესაც ჩაუვარდება ფეხქვეშ ერთად დაჯგუფებულ ცხენებს და შეიქმნება მხედრის ან ცხენის სიცოცხლისთვის საშიში პირობები. ამ დროს თამაში ჩერდება და შემდგომ გრძელდება ბურთის მაღლა ასროლით. თამაშის წესების უხეშად დარღვევისას მოწინააღმდეგე „დამნაშავის“ კარში ურტყავს ბურთს (ისე, როგორც ფეხბურთში პენალტი). კარებს იცავს დამცველი. თამაში ტარდება ორ ნაწილად, თითოეული გრძელდება 10 – 15 წუთს. გამარჯვებულად ითვლება ის გუნდი, რომლმაც მეტი ბურთი ჩააგდო მოწინააღმდეგის მაყაში.

 ყაბახი
ყაბახი ერთ-ერთი უძველესი ქართული სპორტული თამაშობაა, რომელსაც თავის დროზე დიდი სამხედრო მნიშვნელობა ენიჭებოდა. ცნობილია, რომ შუა საუკუნეებში და უფრო ადრეც (ვახტანგ გორგასლის ეპოქიდან) ძველ თბილისში (სავარაუდოდ ორთაჭალის მიდამოებში) იდგა ყაბახი. ქალაქის ცენტრში გამართულ ყაბახობა, დიდძალი ხალხი ესწრებოდა.
ყაბახი არის დაახლოებით ექვსმეტრიანი ძელი, სადაც განთავსებულია რაიმე ნივთი (მაგ. ძვირფასი თასი) ან ბურთი. მხედარს, რომელიც ამ ნივთს მშვილდ-ისრის ტყორცნით გადმოაგდებდა, იგი საჩუქრად მიჰქონდა. თამაში შეიძლება ჩატარდეს როგორც ინდივიდუალურად, ისე გუნდურად. მშვილდით და ორი ისრით შეიარაღებული მხედართა გუნდი თამაშის წინ დამწკრივდება ყაბახიდან 40-50 მეტრის მანძილზე. მწკრივიდან გასული, მშვილდ-ისრით მომარჯვებული მხედარი ნავარდით მიემართება ყაბახისაკენ. ყაბახთან მიახლოვებისთანავე იგი სამიზნეს სტყორცნის ისარს. ყოველ მხედარს ორი ისრის სროლის უფლება აქვს. ხელიდან გავარდნილი ისრის აღება არ შეიძლება, ხოლო მშვილდის ხელიდან გავარდნისას მხედარი კარგავს თამაშში მონაწილეობის უფლებას. გამარჯვების განსჯისას მხედველობში მიიღება ისრის მოხვედრათა რაოდენობა და დრო, სამიზნეს ჯილდოდ ღებულობს გამარჯვებული მხედრი.

 მარულა
მარულა ქართული ცხენოსნური სპორტის უძველესი დროის ერთ-ერთი სახეობაა. მარულაში მონაწილე ცხენებს მხედრები აჯიბრებენ 25-30 კმ მანძილზე. ამ გზის სწრაფად გარბენა ცხენისაგან მოითხოვს დიდ გამძლეობას. ამიტომ განსაკუთრებული ყურადღება ექცევა ცხენის წინასწარ შერჩევას და მომზადებას, რაც მარულას დაწყებამდე 2-3 თვით ადრე იწყება.
მარულასთვის ცხენებს ამზადებენ საკმაოდ პრიმიტიულად: პერიოდულად მუცლამდე აყენებენ წყალში, შემდეგ აფარებენ თბილ საფარველს, რომ ცხენი გაოფლიანდეს. ცხენში სიმკვირცხლისა და ამტანიანობის განსავითარებლად მას სისტემატურად ავარჯიშებენ დიდ დისტა¬ნციაზე. ამასთან, თანდათან ზრდიან მანძილს.
ქართული ცხენის ასეთი გამოცდა დიდ მანძილზე კიდევ ერთხელ მოწმობს მის განსაცვიფრებელ გამძლეობას. სპორტის ამ სახეობაში უმთავრესად იყენებდნენ დასავლეთ საქართველოში მეგრულ, ხოლო აღმოსავლეთ საქართველოში თუშური ჯიშის ცხენებს. დღეისათვის, ამ ჯიშის ცხენები გადაშენების პირას არიან, რის გამოც ხშირად სხვა, არაქართული ჯიშის ცხენები გამოიყენება. წმინდასისხლიანი ცხენის მთიან ტერიტორიებზე მარულაში გაშვება არ არის რეკომენდირებული.
ცხენის და მხედრის გამოცდას ამ სახეობის თამაშში დღესაც მეტად გავრცელებულია. თუმცა, უმეტესად, მანძილი შემოკლებულია 8-10 კილომეტრამდე.

"ქართული ხალხური ცხენოსნური თამაშობანი - ისინდი, ცხენბურთი, ყაბახი, მარულა"-ს UNESCO-ს არამატერიალური კულტურული მემკვიდრეობის წარმომადგენლობით ნუსხაში შეტანის მიზნით 5-10 წუთიანი ფილმის შექმნა

• შემსყიდველის მიერ მიწოდებული და მიმწოდებლის მიერ გადაღებული ინტერვიუებისა და ფოტო/ვიდეო მასალების გამოყენებით უნდა შეიქმნას საინფორმაციო ფილმი, რომელშიც მოცემული იქნება ოთხივე თამაშობის (ისინდი, ცხენბურთი, ყაბახი, მარულა) შესახებ დეტალური ინფორმაცია;
• ფილმში სრულყოფილად უნდა იყოს წარმოჩენილი თითოეული თამაშობა- შეჯიბრისთვი მზადების პროცესი (ცხენების დაჭედვა, შეკაზმვა), შეჯიბრის მიმდინარეობა, გულშემატკივრების ემოციები, დაჯილდოვება და, ასევე, ამ თამაშობათა ისტორიული კონტექსტი;
• ფილმში გამოყენებული უნდა იყოს ძველი (საარქივი) და ახალი მასალები;
• ელემენტის აღწერისთვის აუცილებელია რამდენიმე რესპოდენტის გადაღება. აღნიშნული რესპონდენტების შესახებ ინფორმაცია მიმწოდებლს ეცნობება შემსყიდველის მიერ. მათ შორის:
- ქართული უნაგირის ოსტატის;
- თამაშობებში მონაწილე პროფესიონალი მხედრის;
- მოზარდი მხედრის - ტრანსმისიის პროცესის საჩვენებლად;
- უნდა ჩაიწეროს ინტერვიუ კულტურული მემკვიდროების დაცვის ეროვნული სააგენტოს წარმომადგენელთან;
- უნდა ჩაიწეროს ინტერვიუ საქართველოს საცხენოსნო ხალხური თამაშობების განვითარების ეროვნული ფედერაციის წარმომადგენელთან;
- უნდა ჩაიწეროს ინტერვიუ სპორტის სამინისტროს წარმომადგენელთან;
- უნდა ჩაიწეროს ინტერვიუ ეთნოლოგთან, რომელიც ისაუბრებს ამ თამაშობათა ისტორიულ განვითარებაზე.
შენიშვნა: შემსყიდველის გადაწყვეტილებით რესპოდენტების რაოდენობა შეიძლება შეიცვალოს.
• რესპოდენტების ჩაწერა უნდა განხორციელდეს შემსყიდველის წარმომადგენლის თანდასწრებით, რათა მაქსიმალურად საჭირო ინფორმაცია შეიკრიბოს;
• რესპოდენტებთან ინტერვიუების ჩაწერის ორგანიზებას მაქსიმალურად ოპერატიულად მოახდენს შემსყიდველი;
• არსებულ მასალებს მიმწოდებელს მიაწვდის დამკვეთი. მიწოდებული მასალების უკმარისობის შემთხვევაში საჭირო მასალები უნდა მოიძიოს და შემსყიდველთან შეთანხმების შემდეგ გამოიყენოს მიმწოდებელმა.
• ფილმის ტექსტუალური ნაწილი შემსყიდველთან შეთანხმებით უნდა გაიშიფროს, ითარგმნოს და ინგლისურ სუბტიტრად დაედოს ვიდეოს
• ფილმის სცენარი მიეწოდება მიმწოდებელს დამკვეთის მიერ. (სიუჟეტის მიმდინარეობა, წინ წამოსაწევი საკითხები და ა.შ.);
• გადაღებები უნდა განხორციელდეს HD ხარისხის 3 კამერით; მათ შორის 1 რელსი;
• ფილმის გადაღების პროცესში, საჭიროების შემთხვევაში, მიმწოდებელი ვალდებულია გამოიყენოს დრონი.
• გამოყენებული უნდა იქნეს განათება და ამრეკლავი მოწყობილობები.
• ფილმზე მუშაობისას შემსყიდველი და მიმწოდებელი არიან მუდმივ კოორდინაციაში.

 მიზანი:

ფილმის შექმნის მიზანია სრულყოფილად იყოს ნაჩვენები "ქართული ხალხური ცხენოსნური თამაშობანი - ისინდი, ცხენბურთი, ყაბახი, მარულა"-ს დღევანდელობა, მისი ისტორია, თემების ჩართულობა და საზოგადოების დამოკიდებულება ამ კულტურის მიმართ.
ფილმის ფორმატი:
 საინფორმაციო ფილმი, გახმოვანებით, ლიცენზირებული მუსიკითა და გრაფიკული ელემენტებით, ინტერვიუებით, ფოტოებით, სუბტიტრებით;
სამიზნე აუდიტორია:
 ვიდეო რგოლის მთავარ სამიზნე აუდიტორიას წარმოადგენს UNESCO-ს არამატერიალური კულტურული მემკვიდრეობის მიმართულებით მომუშავე შესაბამისი სეგმენტი, რომელამაც უნდა მიიღოს გადაწყვეტილება მოცემული ელემენტის არამატერიალური კულტურული მემკვიდრეობის წარმომადგენლობით ნუსხაში შეტანის თაობაზე.
შინაარსი:
• ფილმი უნდა მოიცავდეს სათაურს-"ქართული ხალხური ცხენოსნური თამაშობანი - ისინდი, ცხენბურთი, ყაბახი, მარულა";
• ზოგადად საცხენოსნო თამაშობების მიმოხილვა, ისტორიული კონტექსტი, სხვადასხვა მაგალითები.
• ვიზუალური და ხმოვანი აქცენტი უნდა გაკეთდეს თითოეული თამაშის ისტორიაზე, წესებზე, სამზადისზე, გულშემატკივრობის აუცილებლობაზე, დაჯილდოებასა და საზოგადოებაზე კულტურულ გავლენაზე;

 ვიდეო ფაილის ტექნიკური სპეციფიკაციები:

 ხანგრძლივობა: UNESCO-ს შესაბამისი საბჭოს მოთხოვნით ვიდეო უნდა იყოს მინ: 5 და მაქს: 10 წუთი ხანგრძლივობის;
 ენა: ქართული(ინგლისური სუბტიტრებით);
 ფორმატი-მამაკაცის ხმით თხრობა;
 სტილი: მკაფიო, უწყებრივი ფორმა-სახელმწიფო ინსტრუქციის სტანდარტით;
 ფორმატი: HD (1920-1080) mp4;

ძირითადი ვიდეოს გარდა უნდა გაკეთდეს თოთოეული თამაშობის შესახებ (ისინდი, ცხენბურთი, ყაბახი, მარულა) 40-60 წმ. ხანგრძლივობის სთორითელინგის ტიპის მცირე ვიდეო რგოლები (სულ 4 ცალი) სოციალური მედიისთვის.

ვიდეო რგოლების ფორმატი:

 სოციალური მედიისთვის თავსებადი ვიდეო რგოლები (Reels); გახმოვანებით, ლიცენზირებული მუსიკითა და გრაფიკული ელემენტებით.
ვიდეო ფაილების ტექნიკური სპეციფიკაციები:
 ხანგრძლივობა: არანაკლებ 40 და არაუმეტეს 60 წმ.
 ენა: ქართული;
 ფორმატი-მამაკაცის ხმით თხრობა;
 სტილი: მკაფიო, უწყებრივი ფორმა-სახელმწიფო ინსტრუქციის სტანდარტით;
 ფორმატი: სოციალური მედიის (Reels);


 საბოლოო პროდუქტები წარმოადგენს დამკვეთის საკუთრებას. მიმწოდებელი ვალდებულია საბოლოო პროდუქტზე შემსყიდველს გადასცეს ყველა ქონებრივი საავტორო უფლება (Copyright) შეუზღუდავად დროში, ტერიტორიულად და გამოყენების მიზნით. შემსყიდველი იძენს სრულ უფლებას პროდუქტის გამოყენებაზე, რეპროდუცირებაზე, გავრცელებაზე, კომერციალიზაციაზე, მოდიფიკაციასა და პუბლიკურ ჩვენებაზე.


შენიშვნა: სრულყოფილი ტექნიკური დავალება იხილეთ მიმაგრებულ ფაილებში.

 ძირითადი ვიდეო რგოლის ჩაბარების საბოლოო ვადაა ხელშეკრულების გაფორმებიდან არაუგვიანეს 2026 წლის 10 მარტის ჩათვლით.

 40-60 წმ-იანი ვიდეო რგოლების ჩაბარების საბოლოო ვადაა ხელშეკრულების გაფორმებიდან არაუგვიანეს 2026 წლის 31 მარტის ჩათვლით.

 ვიდეოების საბოლოო ვერსიები დამკვეთს უნდა მიეწოდოს ელექტრონულ მატარებელზე მეხსიერების ბარათი).

 მისამართი: ქ. თბილისი, აღმაშენებლის გამზირი #79.

2023 წლის 1 იანვრიდან ტენდერის გამოცხადებამდე არანაკლებ 5 ვიდეო რგოლის დამზადების გამოცდილება, თითოეულის ქრონომეტრაჟი უნდა იყოს არანაკლებ 90 წამისა (გრაფიკული და/ან კომბინირებული და/ან რეალური კადრებით).

2023 წლის 1 იანვრიდან ტენდერის გამოცხადების დღემდე ფაქტიურად გაწეული უნდა ჰქონდეს ვიდეო-რგოლების დამზადების მომსახურება, რომელთაგან არაუმეტეს ორი ხელშეკრულების ღირებულების ჯამი უნდა იყოს შესყიდვის სავარაუდო ღირებულების არანაკლებ 80%.

გამოცდილება უნდა დაადასტუროს შესაბამისი ხელშეკრულებებითა და შესრულების დოკუმენტაციით.

 ინფორმაცია წარმოდგენილი უნდა იქნას ჩამონათვალის სახით (არსებობის შემთხვევაში CMR/SPA/NAT ნომრის მითითებით) დანართი N3-ის მიხედვით, რომელსაც თან უნდა ერთვოდეს აღნიშნულის დამადასტურებელი დოკუმენტები: დამკვეთსა და შემსრულებელს (ქვეკონტრაქტორს) შორის გაფორმებული ხელშეკრულების და მიღება-ჩაბარების აქტების ასლების და/ან სხვა დოკუმენტების სახით.

 იმ შემთხვევაში, თუ მომსახურება შესრულებულია კერძო სამართლის იურიდიული პირის ან ფიზიკური პირის დაკვეთით (არა სახელმწიფო შემსყიდველი ორგანიზაცია), პრეტენდენტმა ზემოაღნიშნულ დოკუმენტებთან ერთად უნდა წარმოადგინოს ამ სამუშაოების შესრულების ამსახველი ფინანსური დოკუმენტაცია: დადასტურებული საგადასახადო ანგარიშფაქტურები და გადახდის დამადასტურებელი დოკუმენტები და შემსყიდველის მოთხოვნის შემთხვევაში ამონაწერი საბანკო ანგარიშებიდან.

 გამოცდილების ამსახველი CMR/SPA/NAT განცხადებების შესაბამის ველში სამუშაოს შესრულების სრულყოფილი დოკუმენტების არსებობის შემთხვევაში დამადასტურებელი დოკუმენტაციის წარმოდგენა სავალდებულო არ არის.

მომსახურების სპეციფიკიდან გამომდინარე (ვინაიდან შესყიდვა მოიცავს ინტელექტუალურ მომსახურებას), ტენდერში არ გამოიყენება ფასწარმოქმნის ადეკვატურობის დასაბუთების ვალდებულება.

ანგარიშსწორება განხორციელდება უნაღდო ანგარიშსწორებით ლარში, შესყიდვის ობიექტის მიწოდების შესახებ გაფორმებული მიღება-ჩაბარების აქტის და შესაბამისი საგადასახადო დოკუმენტაციის საფუძველზე.

ანგარიშსწორება განხორციელდება ეტაპობრივად, ყოველი ეტაპის დასრულებიდან და მიღება-ჩაბარების აქტის გაფორმებიდან (არსებობის შემთხვევაში საგადახდო დოკუმენტის წარმოდგენიდან) 15 (თხუთმეტი) კალენდარული დღეში.

თამარ ბაგაშვილი, 599146124, tamaribagashvili13@gmail.com

1. ტენდერში მონაწილეობის მიღებით პრეტენდენტი ავტომატურად გამოხატავს თანხმობას სატენდერო დოკუმენტაციით განსაზღვრულ მოთხოვნებზე.

2. მიმწოდებელი ვალდებულია, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით.

3. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს სანოტარო წესით დამოწმებული ქართული თარგმანი.

4. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.

5. სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია დამოწმებული უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება).

6. იმ შემთხვევაში, თუ სატენდერო პირობებზე ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა უნდა წარმოადგინოს ხელისმოწერისათვის გაცემული მინდობილობა.

7. პრედენდენტს არა აქვს უფლება წარმოადგინოს ალტერნატიული სატენდერო წინადადება.

8. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებულ ყველა ხარჯის ჩათვლით.

9. სატენდერო წინადადების ფასი სახელმწიფო შესყიდვების ერთიან ელექტრონულ სისტემაში მითითებული უნდა იქნეს დღგ-ს გარეშე. გამარჯვებულთან, თუ იგი დღგ-ს გადამხდელად არის რეგისტრირებული, ხელშეკრულების დადებისას, ხელშეკრულების ღირებულებაში დამატებით იქნება გათვალისწინებული დღგ-ს ოდენობა.

10. პრეტენდენტის მიერ ერთიანი ელექტრონული სისტემის მეშვეობით ფასების ცხრილის წარმოუდგენლობა გამოიწვევს მის დისკვალიფიკაციას დაზუსტების გარეშე.

11. საბოლოოდ დაფიქსირებული ერთეულის ფასები უნდა დამრგვალდეს მეასედის სიზუსტით.

12. პრეტენდენტის მიერ ტენდერში სავალდებულოდ წარმოსადგენი დოკუმენტებია:

სატენდერო დოკუმენტაციის 1.3. პუნქტის თანახმად - ფასების ცხრილი/ხარჯთაღრიცხვა;
სატენდერო დოკუმენტაციის 2.2.1. პუნქტის თანახმად - ინფორმაცია პრეტენდენტის გამოცდილების შესახებ;