Услуги в области бухгалтерского учета, аудита и налогообложения (Грузия - Тендер #70370639)

საქართველოს განათლებისა და მეცნიერების სამინისტროს პროგრამის „ინოვაციის, ინკლუზიურობის და ხარისხის პროექტი - საქართველო I2Q (IBRD)" (პროგრამული კოდი 32 09) ფარგლებში ჩატარებული კონკურენტული ინოვაციის ფონდის (CIF) საგრანტო კონკურსი, კონსორციუმის № MES-CIF-2-45 საგრანტო პროექტის ,,მოლეკულური პათოლოგიის სასწავლო პროგრამის შემუშავება და დანერგვა საქართველოს უნივერსიტეტებში უმაღლესი სამედიცინო განათლების სრულყოფის მიზნით’’ 2024 წლის 07 ივნისის საგრანტო ხელშეკრულების № CIF-2-2024-01 დაფინანსებით, აუდიტორული მომსახურების სახელმწიფო შესყიდვა.

2024 წლის 07 ივნისის საგრანტო ხელშეკრულების № CIF-2-2024-01 პირობებით, განხორციელებული შესყიდვა არ ექვემდებარება საქართველოს კანონმდებლობით გათვალისწინებულ გადასახადების, მათ შორის დღგ-ს გადასახადის გადახდას, სატენდერო დოკუმენტაციის პირობებით, გათვალისწინებულია, რომ პრეტენდენტი წინადადების ფასში არ ითვალისწინებს დღგ-ს, მიუხედავად იმისა, არის თუ არა იგი დღგ-ს გადამხდელი, საქართველოს კანონმდებლობის შესაბამისად. შერჩევა-შეფასება განხორციელდება წარმოდგენილი წინადადების ფასების მიხედვით დღგ-ს გარეშე. შემსყიდველი ორგანიზაცია ხელშეკრულების ღირებულებაში გაითვალისწინებს სატენდერო წინადადების ფასის შესაბამის დღგ-ს ოდენობას, თუ ხელშეკრულების დადების მომენტისთვის პრეტენდენტი არის დღგ-ს გადამხდელი საქართველოს კანონმდებლობის მოთხოვნათა შესაბამისად.

მიმწოდებელმა უნდა უზრუნველყოს საგრანტო პროექტის აუდიტორული მომსახურება თანდართული ტექნიკური დოკუმენტაციის შესაბამისად.

1.2.1. აუდიტორმა მომსახურების გაწევა უნდა უზრუნველყოს დანართი 1 - ის შესაბამისად, შესამოწმებელი საბიუჯეტო მუხლების ძირითადი კატეგორიებია:
• თანამშრომელთა ხელფასები;
• მივლინების ხარჯები;
• შესყიდვები.
1.2.2. პროექტის ფინანსური ანგარიშგების ამოცანაა, რომ აუდიტორს ჰქონდეს შესაძლებლობა, გამოხატოს მოსაზრება ზემოაღნიშნული პროექტის ფინანსური მდგომარეობის, მიღებული თანხებისა და ხარჯვითი ნაწილის შესახებ


იხილეთ დანართი 1

ხელშეკრულების გაფორმებიდან 20 კალენდარული დღე.

მიმწოდებელმა შესყიდვის ობიექტის მიწოდება უნდა უზრუნველყოს მისამართზე: ქ.თბილისი ი.ჭავჭავაძის გამზ # 1.

1.7.1. მიმწოდებელი იძლევა გაწეული მომსახურების საერთაშორისო სტანდარტებისადმი შესაბამისობის გარანტიას.
1.7.2. მიმწოდებელი ვალდებულია კეთილსინდისიერად და მაღალპროფესიონალურ დონეზე შეასრულოს ნაკისრი ვალდებულება, დროულად განიხილოს „შემსყიდველის“ მიერ წამოჭრილი პრობლემები, რომლებიც დაკავშირებულია ხელშეკრულების შესრულებასთან. შეტყობინების მიღებისთანავე უზრუნველყოს ნებისმიერი უხარისხოდ გაწეული მომსახურების (ტექნიკური თუ კვლევითი ნაწილის ხარვეზის) გამოსწორება 3 სამუშაო დღის ვადაში შემსყიდველის მხრიდან რაიმე დამატებითი დანახარჯების გაწევის გარეშე.
1.7.3. მიმწოდებლის მიერ ნებისმიერი ზიანის შემთხვევაში, რომელიც მიადგება შემსყიდველს მიმწოდებლის მიერ ხელშეკრულების პირობების შეუსრულებლობის ან არაჯეროვანი შესრულების გამო ვალდებულებების დარღვევის (ხელშეკრულებით გათვალისწინებული ვალდებულებების შესრულებაზე უარის თქმა, ხელშეკრულებით გათვალისწინებული ვადების დარღვევა, ვალდებულების უხარისხოდ, არაჯეროვნად, არასრულად შესრულება და სხვა.) შემთხვევაში, მიმწოდებელს შეუჩერდება დაფინანსება.

აუდიტორი უფლებამოსილი უნდა იყოს, განახორციელოს აუდიტორული საქმიანობა საქართველოში და უნდა შეეძლოს შეთანხმებული აუდიტის სტანდარტების გამოყენება. აუდიტორს უნდა ჰყავდეს სათანადო პროფესიული კვალიფიკაციისა და გამოცდილების მქონე თანამშრომლებით, მათ შორის, დამკვეთის მსგავსი - ტიპის, ზომის და კომპლექსურობის ორგანიზაციისათვის, აუდიტის ჩატარების გამოცდილებით.

პრეტენდენტი დარეგისტრირებული უნდა იყოს ბუღალტრული აღრიცხვის, ანგარიშგების და აუდიტის ზედამხედველობის სამსახურის ვებგვერდზე და მინიჭებული უნდა ჰქონდეს სარეგისტრაციო ნომერი. მისი თანამშრომლები უნდა ფლობდნენ ინგლისურ ენას, რათა შეძლონ პროექტის ყველა ბენეფიციარის მიერ წარმოდგენილი დოკუმენტაციის გაცნობა.

პრეტენდენტს უნდა გააჩნდეს არანაკლებ ოთხი წლის, 2021 წლის 01 იანვრიდან აღნიშნულ ტენდერში მონაწილეობის მიღებამდე პროფესიული საქმიანობის გამოცდილება, არანაკლებ 50 000 ლარისა. ამასთან პრეტენდენტს ყოველწელიწადს (2021 წლის 01 იანვრიდან აღნიშნულ ტენდერში მონაწილეობის მიღებამდე) შესრულებული უნდა ჰქონდეს, არანაკლებ ერთი ხელშეკრულება, რაც დადასტურებული უნდა იყოს შესაბამისი ხელშეკრულებ(ებ)ით და მიღება-ჩაბარების აქტებით ან ცხრილით სატენდერო განცხადებების SPA/NAT/MEP/CMR… ნომრების მითითებით.

პრეტენდენტმა უნდა წამოადგინოს შემოთავაზებული აუდიტორ(ებ)ის რეზიუმეები (CV), რომლებიც შეიმუშავებენ აუდიტორულ მოსაზრებებსა და დასკვნებს, ასევე აუდიტორულ საქმიანობაში ჩართული სხვა პირების რეზიუმეები (CV), როგორებიც არიან მაგ.: ზედამხედველები, მენეჯერები და სხვა ძირითადი პერსონალი. რეზიუმეები უნდა მოიცავდეს დეტალურ ინფორმაციას უკვე განხორციელებული აუდიტების, ასევე მიმდინარე საქმიანობის შესახებ.

პრეტენდენტის მიერ შემოთავაზებულ აუდიტორს უნდა ჰქონდეს აუდიტის ჩატარების უფლებამოსილება, რომელიც გადამოწმდება ბუღალტრული აღრიცხვის, ანგარიშგებისა და აუდიტის ზედამხედველობის სამსახურის ვებგვერდზე https://saras.gov.ge.

პრეტენდენტი დარეგისტრირებული უნდა იყოს ბუღალტრული აღრიცხვის, ანგარიშგების და აუდიტის ზედამხედველობის სამსახურის ვებგვერდზე და მინიჭებული უნდა ჰქონდეს სარეგისტრაციო ნომერი. სატენდერო წინადადებასთან ერთად პრეტენდენტმა უნდა წარმოადგინოს აუდიტორული ფირმის ბუღალტრული აღრიცხვის, ანგარიშგებისა და აუდიტის ზედამხედველობის სამსახურში რეგისტრაციის დამადასტურებელი დოკუმენტი.

2.9.1. წინადადების ფასი გამოსახული უნდა იყოს ეროვნულ ვალუტაში (ელექტრონული ტენდერის შესაბამის ველში) საქართველოს კანონმდებლობით განსაზრვრული ყველა გადასახდელის გათვალისწინებით. წინადადების ფასი შესყიდვების ერთიან ელექტრონულ სისტემაში (შემდგომში – სისტემა) მითითებული უნდა იქნეს დღგ-ს ჩათვლით.
2.9.2. ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას.
2.9.3. შემსყიდველი ორგანიზაციის მიერ ხელშეკრულების ღირებულებაში გათვალისწინებული იქნება წინადადების ფასის დღგ-ს შესაბამისი ოდენობა, თუ ხელშეკრულების დადების მომენტისათვის პრეტენდენტი არის დღგ-ს გადამხდელი საქართველოს კანონმდებლობის შესაბამისად (იმ შემთხვევაში, თუ მიმწოდებელი ხელშეკრულების გაფორმების შემდგომ გახდა დღგ-ს გადამხდელი სუბიექტი, დღგ-ს თანხის დამატებით გათვალისწინება ხელშეკრულების ღირებულებაში არ განხორციელდება);

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება. სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ მე-18 მუხლის მე-5 პუნქტის შესაბამისად, შესყიდვის თავისებურებიდან გამომდინარე (ინტელექტუალური მომსახურება) შემსყიდველი ორგანიზაცია არ ითვალისწინებს ფასწარმოქმნის ადეკვატურობის დასაბუთების ვალდებულებას.

7.2.1. ანგარიშსწორება განხორციელდება უნაღდო ანგარიშსწორებით ეროვნულ ვალუტაში, საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით;
7.2.2. ანგარიშსწორება შემსყიდველსა და მიმწოდებელს შორის იწარმოებს, ფაქტიურად გაწეული მომსახურების შესაბამისად, მიმწოდებლის მიერ წარმოდგენილი შესაბამისი ანგარისსწორების დოკუმენტების წარმოდგენისა და ინსპექტირებაზე უფლება მოსილი პირ(ებ)ის დადებითი დასკვნის საფუძველზე შედგენილი მიღება-ჩაბარების აქტის საუძველზე.

ანგარიშსწორება შემსყიდველსა და მიმწოდებელს შორის იწარმოებს, ფაქტიურად გაწეული მომსახურების შესაბამისად, მიმწოდებლის მიერ წარმოდგენილი საგადასახადო ანგარიშფაქტურის და ინსპექტირებაზე უფლებამოსილი პირ(ებ)ის დადებითი დასკვნის საფუძველზე შედგენილი მიღება-ჩაბარების აქტის წარმოდგენიდან 10 (ათი) სამუშაო დღის განმავლობაში.

ლელა კოპალეიშვილი-გვაზავა, 577943294, lela.kopaleishvili@tsu.ge

10.1.1. სატენდერო დოკუმენტაციით მოთხოვნილი, ელექტრონულ სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, სავალდებულოა დამოწმებული/დადასტურებული იყოს კვალიფიციური ხელმოწერით ან/და კვალიფიციური შტამპით. ამასთანავე, ხელმოწერა უნდა განხორციელდეს შესაბამისი უფლებამოსილი პირის მიერ (საჭიროების შემთხვევაში ატვირთული უნდა იქნეს მინდობილობა); გარდა იმ შემთხვევისა, როდესაც სატენდერო დოკუმენტაციის 2.9 პუნქტის პირველი ქვეპუნქტით მოთხოვნილი ფასების ცხრილი (დანართი N1), პრეტენდენტის მიერ სისტემაში წარმდგენილი იქნება „MS Excel“-ის ფორმატში.
10.1.2. ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნტქით გათვალისწინებული ვალდებულება არ ვრცელდება სახელმწიფო შესყიდვების ერთიან ელექტრონულ სისტემაში „მიმწოდებლად“ რეგისტრირებულ არარეზიდენტ მომხმარებლებზე (საქართველოს მთავრობის განკარგულება №24, 15.01.2021წ.)
10.1.3. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში (პუნქტი 8.1), რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.4. ერთიან ელექტრონულ სისტემაში ასატვირთი ყველა დოკუმენტ(ებ)ი წარმოდგენილ უნდა იქნეს ქართულ ენაზე; დოკუმენტების სხვა ენაზე წარდგენის შემთხვევაში, მათ უნდა დაერთოს ნოტარიულად დამოწმებული ქართული თარგმანი. დოკუმენტთან დაკავშირებული სადავო საკითხ(ებ)ის გადაწყვეტისას უცხოურენოვან დოკუმენტსა და მის ქართულ შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
10.1.5. ტენდერში მონაწილეობის მიღებით, პრეტენდენტი ადასტურებს თანხმობას, სატენდერო დოკუმენტაციაში მოცემული პირობების შესრულებაზე, იმის მიუხედავად, შეიცავს თუ არა მისი სატენდერო წინადადება ასეთ თანხმობას/დადასტურებას. ამის საწინააღმდეგო ნებისმიერი დათქმა თუ ჩანაწერი პრეტენდენტის სატენდერო წინადადებაში ბათილია;
10.1.6. შემსყიდველი ორგანიზაცია ვალდებულია, კანონმდებლობით დადგენილი წესით, ერთიანი ელექტრონული სისტემის კითხვა/პასუხის მოდულის მეშვეობით, პრეტენდენტის/მიმწოდებლის მოთხოვნის შემთხვევაში, განახორციელოს სატენდერო განცხადებასთან და დოკუმენტაცია/ პირობებთან დაკავშირებით შესაბამისი დაზუსტება/განმარტება.
10.1.7. შემსყიდველ ორგანიზაციასა და მიმწოდებელს შორის ნებისმიერი მიმოწერა/შეტყობინების გაგზავნა ხდება სისტემის შესაბამისი მოდულის მეშვეობით. მიმოწერა/შეტყობინება მიღებულად ჩაითვლება მისი სისტემაში ატვირთვის მომენტიდან.