Ремонт и техническое обслуживание транспортных средств и оборудования и сопутствующие услуги (Грузия - Тендер #70370636)

ა(ა)იპ გორის მუნიციპალიტეტის სასმელი წყლის სისტემების, წყალარინების, მელიორაციის ჭაბურღილებისა და სატუმბო სადგურების სამსახურის ბალანსზე არსებული ავტოტრანსპორტისა და სპეც-ტექნიკის შეკეთების და ტექნიკური მომსახურების სახელმწიფო შესყიდვა.

1.2.1 ავტომანქანების შეკეთება და ტექნიკური მომსახურება (სერვისი) გულისხმობს ა(ა)იპ გორის მუნიციპალიტეტის სასმელი წყლის სისტემების, წყალარინების, მელიორაციის ჭაბურღილებისა და სატუმბო სადგურების სამსახურის ბალანსზე რიცხული ავტომანქან(ებ)ისა და სპეც-ტექნიკის დროულ და სრულყოფილ შეკეთებას, პროფილაქტიკური და დიაგნოსტიკური სამუშაოების ჩატარებას, ავტომობილის ნაწილების შეკეთებას და/ან გამოცვლას.

1.2.3 ავტომანქანების ტექნიკური მომსახურება უნდა განხორციელდეს მიმწოდებელსა და შემსყიდველ ორგანიზაციას შორის თითოეულ კონკრეტულ შემთხვევაში დეფექტური აქტის შედგენის შემდეგ, რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო საქონლის (სათადარიგო ნაწილების) ჩამონათვალი. შემსყიდველის წარმომადგენლის მიერ ავტომანქანის მიმწოდებლის სერვისცენტრში შეყვანიდან მაქსიმუმ 2 (ორი) სამუშაო დღის განმავლობაში მიმწოდებელი ვალდებულია შეადგინოს დეფექტური აქტი და ორივე მხარის მიერ ხელმოწერის შემდგომ დაიწყოს მომსახურების განხორციელება. იმ შემთხვევაში თუ მიმწოდებელი არ მოაწერს დეფექტურ აქტს ხელს, შემსყიდველს უფლება აქვს ცალმხრივად შეწყვიტოს ხელშეკრულება მიმწოდებელთან.

1.2.4 მიმწოდებელი ვალდებულია მომსახურების გაწევისას გამოიყენოს ახალი სათადარიგო ნაწილები, რომლებიც ხარსიხობრივი თვალსაზრისით აკმაყოფილებენ ფართოდ გავრცელებულ თანამედროვე სტანდარტებს და ნორმებს. (გამონაკლისის შემთხვევაში, ხელშეკრულებაში შესაბამისი ცვლილების საფუძველზე, დასაშვებია მეორადი).

1.2.5 თუ ხელშეკრულების მოქმედების პერიოდში აღმოჩნდება, რომ განფასების ცხრილში (პრეისკურანტში) არ არის გათვალისწინებული იმ მომენტისათვის საჭირო საქონელი (ნაწილები და საცხებ საპოხი) და მომსახურება, აღნიშნული ერთეულ(ებ)ის ფასი, მისი შესყიდვის აუცილებლობისას, დგინდება მხარეთა შორის შეთანხმებით, საბაზრო ფასის გათვალისწინებით. ასეთ შემთხვევაში პრეისკურანტში საქონლის რომელიმე ერთეულ(ებ)ის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

1.2.6 ტენდერში გამარჯვებულ პრეტენდენტთან ხელშეკრულება გაფორმდება 60 000 (სამოცი ათასი) ლარზე, სატენდერო წინადადების ფასი კი წარმოდგენილი უნდა იყოს სატენდერო დოკუმენტაციის დანართი #1-ში მოცემული საქონლის და მომსახურების ერთეულის ფასების ჯამურ ღირებულების შესაბამისად, მაგრამ არაუმეტეს ტენდერის ჩატარების შესახებ, განცხადებაში მითითებული პრეისკურანტის სავარაუდო ღირებულებისა.

1.2.7 პრეტენდენტის მიერ, შესყიდვების ერთიანი ელექტრონული სისტემის მეშვეობით, წარმოდგენილ მომსახურების პრეისკურანტში (დანართი#1) მითითებული ერთეულის ფას(ებ)ი არ უნდა აღემატებოდეს შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის ზღვრულ ფას(ებ)ს.

1.2.8 პრეტედენტის მიერ, სისტემაში ატვირთული პრეისკურანტის ჯამურ ღირებულებას და ვაჭრობის შედაგად დაფიქსირებულ ფასებს შორის სხვაობის შემთხვევაში, სხვაობა საჭიროა პროპორციულად გადანაწილდეს პრეისკურანტში მოცემულ ყოველ ცალკეულ პოზიციაზე. ამისათვის, პრეისკურანტის ჯამური ღირებულების დაზუსტებისას, პრეტენდენტმა პროპორციულად უნდა შეამციროს თითოეული საქონლის და მომსახურების ღირებულება.

შესყიდვის ობიექტის მიწოდება განხორციელდება ეტაპობრივად, შემსყიდველის მოთხოვნის შესაბამისად, ხელშეკრულების გაფორმებიდან 2026 წლის 31 დეკემბრის ჩათვლით.

1.5.1 მომსახურება გაწეული უნდა იქნას დაუყოვნებლივ, შემსყიდველის მოთხოვნისთანავე, შესყიდვის ობიექტის მიწოდება განხორციელდება მიმწოდებლის სერვის ცენტრ(ებ)ში. გორის მუნიციპალიტეტის სოფლებში სპეცტექნიკის მუშაობისას მათი დაზიანების შემთხვევაში, პრეტენდენტმა მომსახურების გაწევა უნდა განახორციელოს ოპერატიულად, ადგილზე მისვლით.

1.7.1 მიმწოდებელი ვალდებულია, მომსახურების გაწევისას გამოიყენოს ახალი სათადარიგო ნაწილები, (გამონაკლისის შემთხვევაში, მხარეთა შეთანხმების საფუძველზე, დასაშვებია მეორადი. მისი შესყიდვის აუცილებლობისას, ფასი დგინდება მხარეთა შორის შეთანხმებით, საბაზრო ფასის გათვალისწინებით). ავტომანქანებისა და სპეც-ტექნიკის შეკეთებისა და მომსახურებისათვის გამოყენებული სათადარიგო ნაწილები უნდა იყოს ახალი, ქარხნული, ხარისხიანი და არ ავლენდეს დეფექტებს, რაზეც მიმწოდებელმა უნდა გაავრცელოს არანაკლებ 6 (ექვსი) თვიანი გარანტია, გარდა ცვეთადი ნაწილებისა, როგორიცაა სამუხრუჭე ხუნდები, ზეთის, ჰაერის, კონდენციონერისა და საწვავის ფილტრები...), ხოლო, ძირითად ნაწილებზე უნდა გავრცელდეს არანაკლებ 1 წლიანი გარანტია.

1.7.2 მიმწოდებელი პასუხისმგებელია წუნდებული საქონლის გამოცვლაზე შესაბამისი მომსახურებით საკუთარი ხარჯით.

პრეტენდენტს უნდა გააჩნდეს ავტომანქანის ან/და სპეცტექნიკის შეკეთებისა და ტექნიკური მომსახურების გაწევის არანაკლებ 3 წლიანი გამოცდილება, რომლის თაობაზეც ინფორმაცია მოცემული უნდა იყოს ცხრილის სახით (დანართი #2).

2.2.2 აღნიშნულის დამადასტურებელი დოკუმენტაცია (ხელშეკრულებ(ები)ა, მიღება-ჩაბარების აქტ(ებ)ი) ატვირთული უნდა იქნას ერთიან ელექტრონულ სისტემაში. სახელმწიფო შესყიდვის განხორციელების შემთხვევაში პრეტენდნტმა, ზემოთ ხსენებულ ცხრილში უნდა მიუთითოს შესაბამისი SPA/CMR/NAT ნომერი და ამ შემთხვევაში დამატებითი დოკუმენტაციის (ხელშეკრულება, მიღება-ჩაბარების აქტი) წარმოდგენა სავალდებულო არ არის.

მიმწოდებელს ქ. გორში ან გორის რაიონში საკუთარ სარგებლობაში უნდა გააჩნდეს არანაკლებ 1 (ერთი) სერვის ცენტრი.

2.5.1.1 შესყიდვის ობიექტის მიწოდება (მომსახურების გაწევა) უნდა განხორციელდეს რიგგარეშე, ამასთან მომსახურების ვადა თითოეულ შემთხვევაზე არ უნდა აღემატებოდეს:

ა) სავალი ნაწილებისათვის - 2 (ორი) კალენდარულ დღეს;

ბ) ელექტროობისათვის - 2 (ორი) კალენდარულ დღეს;

გ) იმ შემთხვევაში, თუ საჭირო გახდა ძრავის კაპიტალური რემონტის ჩატარება ან დეფიციტური ნაწილის მიწოდება, შესაძლებელია მომსახურების ვადა განისაზღვროს გონივრულ ვადაში, შემსყიდველთან შეთანხმებით.

2.9.1. პრეტენდენტის მიერ წარმოდგენილი სატენდერო წინადადების ფასი უნდა მოიცავდეს შესყიდვის ობიექტის მიწოდებასთან დაკავშირებულ ყველა ხარჯს, ტრანსპორტირების, გადასახადებისა და მოსაკრებლების და სხვა ხარჯებს.

2.9.2. პრეტენდენტს არა აქვს უფლება წარმოადგინოს ალტერნატიული წინადადება.

2.9.3. პრეტენდენტის მიერ ერთიან ელექტრონულ სისტემაში ატვირთული დოკუმენტაცია „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე საჭიროებს კვალიფიციურ ელექტრონულ ხელმოწერას ან/და კვალიფიციურ ელექტრონულ შტამპის დასმას. (იხ. ინსტრუქცია შემდეგ ბმულზე: (http://procurement.gov.ge/getattachment/News/news-(50)/eSignature_25-Dec-18.pdf.aspx).

2.9.4 ტენდერთან დაკავშირებული დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანი.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით, ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა უნდა წარმოადგინოს სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის დამტკიცების შესახებ“ წესის 28-ე მუხლის მე-5 პუნქტის შესაბამისად საშემფასებლო დასკვნით (ამასთან,ბუღალტრული აღრიცხვის,ანგარიშგებისა და აუდიტის შესახებ საქართველოს კანონის 28-ე მუხლის მე-8 პუნქტის ,,გ“ ქვეპუნქტის შესაბამისად, საშემფასებლო მომსახურების გაწევის უფლება ეძლევა მხოლოდ იმ პირს, რომელშიც დასაქმებულია აკრედიტებული შემფასებელთა სერტიფიკაციის ორგანოს მიერ სერტიფიცირებული შემფასებელი. შეფასების განხორციელების და შეფასების ანგარიშზე/დასკვნაზე ხელის მოწერის უფლება ენიჭება აკრედიტებული შემფასებელთა სერტიფიკაციის ორგანოს მიერ სერტიფიცირებულ შემფასებელს) საშემფასებლო დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი).

4.1.1.2 ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება განხორციელდება ეტაპობრივად ფაქტიურად გაწეულ მომსახურებაზე მიღება-ჩაბარების აქტის გაფორმების შემდეგ, მიღება-ჩაბარების აქტისა და ყველა თანმდევი დოკუმენტაციის (სასაქონლო ზედნადები/საგადასახადო ანგარიშ-ფაქტურა და ა.შ.) წარმოდგენიდან არაუგვიანეს 10 (ათი) სამუშაო დღის ვადაში. ყველა დოკუმენტი ხელმოწერილი უნდა იყოს მხარეთა უფლებამოსილი წარმომადგენლების მიერ.
ანგარიშსწორების ფორმა - უნაღდო, გადარიცხვა მოხდება მიმწოდებლის მიერ მითითებულ საბანკო ანგარიშზე.

ანგარიშსწორება განხორციელდება გაწეული მომსახურების, შესაბამისი ფინანსური დოკუმენტაციის წარმოდგენის და მიღება - ჩაბარების აქტის გაფორმებიდან არაუგვიანეს 10 (ათი) სამუშაო დღის ვადაში.

ლიკა მეცხვარიშვილი, 596801000, lawyer.lika@gmail.com

პრეტენდენტის მიერ ერთიან ელექტრონულ სისტემაში ასატვირთი დოკუმენტაცია:

ა) პრეისკურანტი (დანართი N1);

ბ) დანართი N2;

გ) სამუშაო გამოცდილების დამადასტურებელი დოკუმენტაცია (ხელშეკრულებები და მიღება-ჩაბარების აქტები)