Инженерные услуги (Грузия - Тендер #70128278)

ქ. თბილისში, გლდანის რაიონის ტერიტორიაზე, მრავალბინიანი საცხოვრებელი სახლების, ბინათმესაკუთრეთა ამხანაგობების საერთო სარგებლობაში არსებული, წითელ ხაზებში მოქცეული შიდა წყალ-კანალიზაციის გაყვანილობების შეკეთების სამუშოების დეფექტური აქტების, ხარჯთაღრიცხვებისა და შესაბამისი სქემატური ნახაზების შედგენის მომსახურების შესყიდვა.

მომსახურება ითვალისწინებს:
1.2.1 შემსყიდველის მიერ გაცემული წერილობითი დავალების საფუძველზე ობიექტზე გასვლა, აღმოჩენილი დეფექტების აღმოფხვრის მიზნით საჭირო ჩასატარებელი სამუშაოების მოცულობების დათვლა, დეფექტური აქტის შედგენა (სამუშაოთა მოცულობებისა და გამოსაყენებელი მასალების ზუსტი აღწერით), შესაბამისი ხარჯთაღრიცხვის შედგენა (შემსყიდველის მიერ გადაცემული, შესაბამისი სამუშაოების ტენდერში გამარჯვებული კომპანიის მიერ დაფიქსირებული ერთეულის ფასების მიხედვით). საჭიროების შემთხვევაში, მიმწოდებელმა უნდა წარმოადგინოს შესაბამისი სქემატური ნახაზი და ობიექტის მდგომარეობის ამსახველი ფოტომასალა.
1.2.2 საჭიროების შემთხვევაში, ტერიტორიის აგეგმვითი სამუშაოების ჩატარება უნდა მოხდეს WGS-84 კოორდინატთა სისტემაში UTM პროექციაში GeoCORS-ის სისტემაში. მიმწოდებელმა უნდა უზრუნველყოს აგეგმილი წერტილების ინსტრუმენტიდან ამოღებული ტექსტური (IDX) (ელ.ტაქომეტრის და GPS-ის) ფაილის ამობეჭვდა და შემსყიდველთან წარდგენა.
1.2.3 მიმწოდებელს შესყიდვის ობიექტის კონკრეტული მისამართ(ებ)ი, გასაწევი მომსახურება და ვადა გადაეცემა ეტაპობრივად, შემსყიდველის მიერ გაცემული წერილობითი დავალების საფუძველზე.
1.2.4 მომსახურების სპეციფიკიდან გამომდინარე შემსყიდველი არ იღებს ვალდებულებას მომსახურების გაწევის ვადაში ტექნიკური დავალებით გათვალისწინებული მომსახურების მოცულობების სრულად დაკვეთის შესახებ.
1.2.5 მომსახურების პროცესში მიმწოდებელმა უნდა იხელმძღვანელოს ქვეყანაში მოქმედი ნორმებითა და აღიარებული სტანდარტებით;
1.2.6 მიმწოდებელი ვალდებულია, შემსყიდველის მიერ გაცემული წერილობითი დავალების საფუძველზე, საჭიროების შემთხვევაში, უზრუნველყოს ერთდროულად 5 ობიექტზე დეფექტური აქტებისა და შესაბამისი სქემატური ნახაზების შედგენა, შემსყიდველის მიერ განსაზღვრულ ვადაში.
1.2.7 დეფექტური აქტების შედგენის დროს, მიმწოდებელმა უნდა იხელმძღვანელოს შემსყიდველის მიერ გადაცემული, შესაბამისი სამუშაოების შესასრულებლად გაფორმებული ხელშეკრულებით გათვალისწინებული, სამუშაოების ჩამონათვალით.
1.2.8 შემსყიდველი უფლებამოსილია, აცნობოს მიმწოდებელს დეფექტურ აქტში რაიმე წუნის (ხარვეზის) აღმოჩენის შესახებ, ხოლო მიმწოდებელი ვალდებულია, შენიშვნ(ებ)ის გაცნობიდან არაუგვიანეს 3 (სამი) სამუშაო დღის ვადაში საკუთარი ხარჯებით აღმოფხვრას დეფექტურ აქტში აღმოჩენილი წუნი (ხარვეზი).
1.2.9 მიმწოდებელი ვალდებულია, განახორციელოს საავტორო ზედამხედველობა კონკრეტულ ობიექტზე სამუშაოების მიმდინარეობის მთელი პერიოდის განმავლობაში.
1.2.10 სამუშაოების მიმდინარეობისას გაუთვალისწინებელი გარემოების აღმოჩენის შემთხვევაში, მიმწოდებელი ვალდებულია, შემსყიდველი ორგანიზაციის მიერ გაცემული წერილობითი დავალების საფუძველზე, შეიტანოს სათანადო ცვლილებები (კორექტირება) შესაბამის დეფექტურ აქტებში, დამატებითი დანახარჯების გარეშე.
1.2.11 მიმწოდებელმა შემსყიდველს დეფექტური აქტები უნდა წარუდგინოს ელექტრონული (PDF და Excel ფორმატში, ფონტით „Sylfaen”) და ნაბეჭდი ვერსიით და ასევე, საჭიროების შემთხვევაში, შესაბამისი სქემატური ნახაზები ნაბეჭდი სახით (3 ეგზემპლარად).
1.2.12 გასაწევი მომსახურების ჩამონათვალი და რაოდენობა განსაზღვრულია სატენდერო დოკუმენტაციის დანართი N1-ში, რომელიც თან ერთვის სატენდერო დოკუმენტაციას.

1.4.1 მიწოდების ვადა - ეტაპობრივად, შემსყიდველის წერილობითი დავალების შესაბამისად, ხელშეკრულების გაფორმებიდან 2026 წლის 11 დეკემბრის ჩათვლით.
1.4.2 შესყიდვის ობიექტის კონკრეტული მისამართ(ებ)ი, გასაწევი მომსახურება და ვადა განისაზღვრება ეტაპობრივად, შემსყიდველის მიერ გაცემული წერილობითი დავალების საფუძველზე.

მიწოდების ადგილი: ქ. თბილისი, დ. სარაჯიშვილის გამზ. N1გ, ქალაქ თბილისის მუნიციპალიტეტის გლდანის რაიონის გამგეობის ადმინისტრაციული შენობა.

2.2.1.1 პრეტენდენტს 2023 წლის 01 იანვრიდან უნდა გააჩნდეს ჯამურად არანაკლებ შესყიდვის ობიექტის სავარაუდო ღირებულების 150%-ის ღირებულების წყალკანალიზაციის ან/და სანიაღვრე ქსელ(ებ)ის შეკეთების სამუშაოების საპროექტო დოკუმენტაციის ან/და დეფექტური აქტების (შესაბამისი ტექნიკური დავალებითა და სქემატური/ესკიზური ნახაზებით) შედგენის გამოცდილება. წარმოდგენილ იქნას დამადასტურებელი დოკუმენტები: ხელშეკრულებ(ებ)ა, ამ ხელშეკრულებ(ებ)ის შესრულების დამადასტურებელი მიღება-ჩაბარების აქტ(ებ)ი.

2.2.1.2 იმ შემთხვევაში, თუ პრეტენდენტის მიერ ანალოგიური შესყიდვ(ები)ა განხორციელებულია სახელმწიფო შესყიდვების ერთიანი ელექტრონული სისტემის გამოყენებით და სისტემაში სრულყოფილად არის ატვირთული შესრულების შესახებ ინფორმაცია/დოკუმენტაცია, პრეტენდენტს არ აქვს 2.2.1.1 პუნქტით მოთხოვნილი გამოცდილების დამადასტურებელი დოკუმენტების წარმოდგენის ვალდებულება. საკმარისია წარმოდგენილ იქნას ინფორმაცია გამოცდილების შესახებ დანართი N2–ის შესაბამისად (სატენდერო განცხადების SPA/NAT/CMR . . . ნომრების მითითებით).

შენიშვნა: სატენდერო დოკუმენტაციით გათვალისწინებული გამოცდილების მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯარო სამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება.

ანგარიშსწორება მოხდება 2026 წლის ქ. თბილისის მუნიციპალიტეტის ადგილობრივი ბიუჯეტის სახსრებით

ეტაპობრივად, ფაქტიურად გაწეული მომსახურების მიღება-ჩაბარების აქტის გაფორმებიდან არაუგვიანეს 10 (ათი) სამუშაო დღის ვადაში.

სალომე კიკნაველიძე, 577361417, GldaniGamgeoba@procurement.gov.ge

10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.1.4 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.5 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.6 სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოდგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

პრეტენდენტის მიერ ერთიან ელექტრონულ სისტემაში ასატვირთი მონაცემები:

1. მომსახურების ხარჯთაღრიცხვა წარმოდგენილ უნდა იქნას დანართი N1–ის მიხედვით (ხარჯთაღრიცხვის წარმოუდგენლობა ან განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).

2. ინფორმაცია/დოკუმენტაცია გამოცდილების შესახებ დანართი N2–ის და სატენდერო დოკუმენტაციის 2.2.1 პუნქტის მოთხოვნების შესაბამისად.