Ремонт и техническое обслуживание транспортных средств и оборудования и сопутствующие услуги (Грузия - Тендер #70128265)

ჰიუნდაის ტიპის ტვირთამწის შეკეთება და ტექნიკური მომსახურება (CPV: 50100000)

1.2.1. მიმწოდებელმა უნდა უზრუნველყოს შპს „საქართველოს ფოსტის“ საკუთრებაში არსებული ჰიუნდაის ტიპის ტვირთამწის (Hyundai 33df-7) დროული პროფილაქტიკური სამუშაოების ჩატარება და შეკეთება.
1.2.2. მომსახურების გაწევა უნდა განხორციელდეს პრეტენდენტის მიერ წარმოდგენილ ფასების ცხრილში (დანართი №1, პრეისკურანტი) მითითებული შესაბამისი საქონლისა და მომსახურების დასახელების და ფასის შესაბამისად.
1.2.3. ტვირთამწეების შეკეთება და ტექნიკური მომსახურება უნდა განხორციელდეს მიმწოდებელსა და შემსყიდველს შორის თითოეულ კონკრეტულ შემთხვევაში დეფექტური აქტის შედგენის შემდეგ, რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო საქონლის (სათადარიგო ნაწილების) ჩამონათვალი.
1.2.4. პრეტენდენტის მიერ შესყიდვების ერთიანი ელექტრონული სისტემის მეშვეობით წარმოდგენილ მომსახურების პრეისკურანტში (დანართი №1) მითითებული ერთეულის ფასები არ უნდა აღემატებოდეს შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის სავარაუდო ფასებს, წინააღმდეგ შემთხვევაში მოხდება პრეტენდენტის დისკვალიფიკაცია.
1.2.5. თუ ხელშეკრულების მოქმედების პერიოდში აღმოჩნდება, რომ განფასების ცხრილში (პრეისკურანტში) არ არის გათვალისწინებული იმ მომენტისათვის საჭირო საჭირო საქონელი (ნაწილები) და მომსახურება, აღნიშნული ერთეულ(ებ)ის ფასი მისი შესყიდვის აუცილებლობისას დგინდება მხარეთა შორის შეთანხმებით, საბაზრო ფასის გათვალისწინებით. ასეთ შემთხვევაში პრეისკურანტში საქონლის ან მომსახურების რომელიმე ერთეულ(ებ)ის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.
1.2.6. პრეტენდენტი ვალდებულია, სატენდერო წინადადების წარდგენისას პრეისკურანტით განსაზღვრულ პოზიციებზე ფასების კლება განახორციელოს პროპორციულად (უცვლელი პროცენტული მნიშვნელობით), საბოლოო ფასები უნდა დაფიქსირდეს (დამრგვალდეს) მეასედის სიზუსტით. პრეტედენტის მიერ სისტემაში ატვირთული პრეისკურანტისა და მის მიერ დაფიქსირებულ ფასს შორის სხვაობა დაანგარიშდება პროცენტულად, პრეტენდენტმა აღნიშნული პროცენტული მაჩვენებლის მიხედვით პროპორციულად უნდა შეამციროს თითოეული მომსახურების ღირებულება, რომლის მიხედვითაც უნდა წარმოადგინოს კორექტირებული დანართი №1 (პრეისკურანტი).
1.2.7. პრეტენდენტის მიერ „წინადადების მიღება დასრულებულია“ ეტაპზე სატენდერო დოკუმენტაციის დანართი №1-ის (პრეისკურანტის) წარმოუდგენლობა გამოიწვევს პრეტენდენტის დისკვალიფიკაციას აღნიშნულ ტენდერში.
1.2.8. მრავალკომპონენტიანი დეტალის (მაგ.: ძრავი, გადაცემათა კოლოფი, ელ. სისტემა) კონკრეტული კომპონენტის შეცვლის ღირებულება, რომელიც მოიცავს აღნიშნული დეტალის სრულ დაშლა/დემონაჟს და შემდგომ აწყობას, არ უნდა დუბლირდებოდეს/მეორდებოდეს რამოდენიმე კომპონენტის შეცვლის შემთხვევაში, არამედ უნდა გაწერილი იქნეს როგორც მრავალკომპონენტიანი დეტალის დაშლა/დემონტაჟი და შემდგომ აწყობის ერთიანი ტარიფი.
1.2.9. მიმდინარე ხარვეზის აღმოფხვრის პროცესის დროს წარმოქმნილი პრობლემის შედეგად, რომელიც ითვალისწინებს ხელოსნების ჯგუფის მიერ ლოკაციის დატოვებას და შემდგომ დაბრუნებას გარკვეული დეტალის ან ხელსაწყოს ადგილზე მოტანის უზრუნველსაყოფად, არ უნდა ითვალისწინებდეს მომსახურების ტარიფის დუბლირება/გამეორებას.
1.2.10. მომსახურების გაწევის პროცესში შესაკეთებელი ავტოსატრანსპორტო საშუალებ(ებ)ის სხვა სერვისცენტრში სავალდებულო გადაზიდვის ხარჯებს უზრუნველყოფს მიმწოდებელი ორგანიზაცია (საწვავი, ევაკუატორის მომსახურება და ა. შ.).

მომსახურების გაწევა უნდა განხორციელდეს ხელშეკრულების გაფორმებიდან 2026 წლის 31 დეკემბრის ჩათვლით ეტაპობრივად, შემსყიდველის მოთხოვნიდან არაუგვიანეს 1 (ერთი) სამუშაო დღის ვადაში.

მომსახურების გაწევა უნდა განხორციელდეს შემდეგ მისამართზე: ქ. თბილისი, აეროპორტის მიმდებარე ტერიტორია (შპს „საქართველოს ფოსტის“ ტერმინალი).

1.7.1.1. ექსპლუატაციის პირობების დაცვის შემთხვევაში (თუ არ აღინიშნება გარეგანი მექანიკური ზემოქმედებით გამოწვეული დაზიანება) მიმწოდებლის მიერ გაწეულ ტექმომსახურებაზე, ახალ, შეკეთებულ ნაწილებზე გარანტია უნდა ვრცელდებოდეს არანაკლებ 6 თვე.
1.7.1.2. საგარანტიო პერიოდში ავტომანქანის სათადარიგო ნაწილზე/გაწეულ მომსახურებაზე დეფექტის/ნაკლის/წუნის/ხარვეზის გამოვლენის შემთხვევაში ხელშეკრულების მოქმედების ნებისმიერ ეტაპზე და ასევე მისი მოქმედების დასრულების შემდგომ მიმწოდებელი ვალდებულია, შეტყობინების მიღებისთანავე გონივრულ ვადაში (მაგრამ არაუგვიანეს 5 კალენდარული დღისა) ნაკლის/წუნის გამოსწორების მიზნით შეცვალოს იგი ახალი სათადარიგო ნაწილით, შემსყიდველის მხრიდან დამატებითი დანახარჯების გაწევის გარეშე.
1.7.1.3. საგარანტიო პირობებით ნაკისრი ვალდებულებების შესრულებაზე მიმწოდებლის მხრიდან უარის თქმის შემთხვევაში შემსყიდველი უფლებამოსილია, მიმწოდებელს მოსთხოვოს ავტოტექნიკური ექსპერტიზის ჩატარება აკრედიტებულ საექსპერტო დაწესებულებაში სათადარიგო ნაწილის/გაწეული მომსახურების ხარისხის/ვარგისიანობის/დაზიანების გამომწვევი მიზეზის დასადგენად, შემსყიდველის მხრიდან დამატებითი დანახარჯების გაწევის გარეშე. აღნიშნულ შემთხვევაში ექსპერტიზის ჩატარების ვადად განისაზღვრება შემსყიდველის მიმართვიდან 10 (ათი) კალენდარული დღე.
1.7.1.4. მიმწოდებლის მხრიდან საგარანტიო პირობებით ნაკისრი ვალდებულებების შეუსრულებლობის შემთხვევაში შემსყიდველი უფლებამოსილია, მოსთხოვოს მიმწოდებელს შესაბამისი ხარჯების ანაზღაურება.
1.7.1.5. პრეტენდენტმა ინფორმაცია საგარანტიო ვადისა და პირობების გავრცელების შესახებ უნდა წარმოადგინოს წერილის სახით სისტემის მეშვეობით.

შესყიდვის ობიექტის თავისებურებიდან გამომდინარე, შესყიდვის მოცემული სავარაუდო მოცულობა შეიძლება სრულად არ იქნეს ათვისებული.

იმ შემთხვევაში, თუ პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით არის დაბალი შესყიდვის ობიექტის სავარაუდო ღირებულებაზე, პრეტენდენტმა უნდა დაასაბუთოს ფასწარმოქმნის ადეკვატურობა, რომელიც შესაძლებელია დასაბუთდეს სერტიფიცირებული ექსპერტის/აუდიტორის/საშემფასებლო კომპანიის მიერ გაცემული დასკვნით (დასკვნას თან უნდა ახლდეს დასკვნის გამცემი პირის შესაბამისი უფლებამოსილების/სერტიფიცირების დამადასტურებელი დოკუმენტი), რომელიც დაადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

ანგარიშსწორების საფუძველია მხარეთა უფლებამოსილი პირების მიერ ფაქტობრივად გაწეულ მომსახურებაზე გაფორმებული მიღება-ჩაბარების აქტ(ებ)ი.

ანგარიშსწორება განხორციელდება მხარეთა შორის მიღება–ჩაბარების აქტის გაფორმებიდან 10 (ათი) სამუშაო დღის ვადაში.

გივი ჯანიბეგაშვილი, 597901609, givi.janibegashvili@gpost.ge