Полные или частичные строительные работы и публичные работы (Грузия - Тендер #70128260)

სსიპ-სურსათის ეროვნული სააგენტოს ლანჩხუთის ოფისის მშენებლობა

1.2.1. საოფისე შენობა უნდა აშენდეს ქ. ლანჩხუთში ნინოშვილის ქუჩა N2-ში (ს/კ 27.06.52.677), სსიპ სურსათის ეროვნული სააგენტოს კუთვნილ მიწის ნაკვეთზე;


1.2.2. მიმწოდებელი ვალდებულია, სამუშაოები შეასრულოს მოქმედი სამშენებლო ნორმებითა და წესებით;

1.2.3. სამუშაოების წარმოება უნდა განხორციელდეს საქართველოს მთავრობის 2007 წლის 28 მარტის №62 დადგენილებით დამტკიცებული “მშენებლობის უსაფრთხოების წესების” სრული დაცვით;

1.2.4. მშენებლობის პროცესში გამოყენებული ყველა მასალა/მოწყობილობას უნდა გააჩნდეს შესაბამისი ხარისხის სერტიფიკატი. მასალის/მოწყობილობის ტიპი და მახასიათებლები თანხმდება შემსყიდველთან. იმ შემთხვევაში თუ მიმწოდებლის მიერ წარმოდგენილი მასალა/მოწყობილობა ან შესრულებული სამუშაო არ იქნება მოწონებული შემსყიდველის მიერ, მიმწოდებელი ვალდებულია გამოასწოროს ან წარმოადგინოს სხვა, შემსყიდველისათვის მისაღები მასალა/მოწყობილობა ან სამუშაო.

1.2.5. მიმწოდებელი პასუხისმგებელია შეასრულოს სამუშაო უსაფრთხო და ეკოლოგიურად მისაღები გზით და ვალდებულია მინიმუმამდე დაიყვანოს მუშაობით გამოწვეული ხმაურის, ვიბრაციისა და მტვრის გავლენა.

1.2.6. სამუშაოების დასრულების შემდეგ მიმწოდებელი ვალდებულია თავისი ძალებითა და სახსრებით ერთი კვირის განმავლობაში გაათავისუფლოს სამუშაო ადგილი სამშენებლო ნარჩენებისაგან, მოწყობილობა-დანადგარებისაგან, დროებითი ნაგებობებისაგან და ა.შ.

1.2.7. ობიექტზე მთლიანი ან ნაწილობრივი სამუშაოს შესრულების თაობაზე მიმწოდებელი ადგენს შესრულებული სამუშაოს აქტს (ფორმა №2), რომლის პროექტთან შესაბამისობას შეამოწმებს და ადასტურებს შემყიდველის მიერ განსაზღვრული, მშენებლობაზე ზედამხედველობის განმახორციელებელი პირ(ებ)ი.

1.2.8. მშენებლობაზე ზედამხედველობის განმახორციელებელი პირ(ებ)ის მხრიდან შესრულებული სამუშაოების უარყოფითად ან წუნით შეფასების შემთხვევაში, შესაბამის სამუშაოთა შესრულების შესახებ დოკუმენტაცია გაფორმდება მხოლოდ მითითებული დეფექტების და წუნის აღმოფხვრის შემდეგ.

1.2.9. დასრულებულ სამუშაოზე (საბოლოოდ და არა შუალედურზე) უნდა შედგეს სათანადო უფლებამოსილებისა და კვალიფიკაციის მქონე ექსპერტიზის დასკვნა (A კატეგორია). ექსპერტიზის დასკვნა უნდა ადასტურებდეს შესრულებული სამუშაოების აქტში (ფორმა №2) ასახული გახარჯული მასალებისა და შესრულებულ სამუშაოთა მოცულობების ნამდვილობას. ექსპერტის დასკვნის მოპოვება წარმოადგენს მომწოდებლის ვალდებულებას.

1.2.10. შემსყიდველი იტოვებს უფლებას, მომწოდებლისაგან დამოუკიდებლად შეამოწმოს შესრულებული სამუშაოების ხარისხისა და მოცულობის შესაბამისობა პროექტითა და სატენდერო დოკუმენტაციით განსაზღვრულ მოთხოვნებთან. შეუსაბამობის აღმოჩენის შემთხვევაში მომწოდებელი ვალდებულია თავად, შემსყიდველის მხრიდან დამატებითი ხარჯების გაწევის გარეშე, გამოასწოროს ყველა ნაკლი და შეუსაბამობა.

საამშენებლო სამუშაოებისათვის საჭირო პროექტი მოცემულია დანართების სახით:

ხელშეკრულების გაფორმებიდან 7 თვეში

საოფისე შენობა უნდა აშენდეს ქ. ლანჩხუთში ნინოშვილის ქუჩა N2-ში (ს/კ 27.06.52.677) სსიპ სურსათის ეროვნული სააგენტოს კუთვნილ მიწის ნაკვეთზე.

1.6.1. შესრულებულ სამუშაოებზე უნდა ვრცელდებოდეს შემდეგი ხანგრძლივობის გარანტიები:

- შენობის ფასადებზე 3 წლის მანძილზე;

- შენობის სახურავზე 5 წლის მანძილზე;

- დანარჩენს სამუშაოებზე 3 წლის მანძილზე;

1.6.2. საგარანტიო ვადის ათვლა დაიწყება სამუშაოების საბოლოო მიღება-ჩაბარების აქტის გაფორმების თარიღიდან.

1.6.3.გარანტია უნდა ვრცელდებოდეს საგარანტიო პერიოდში ნებისმიერი ხარვეზისა და დეფექტის აღმოფხვრაზე (შეკეთება/შეცვლა ახლით) გარდა შემსყიდველის მხრიდან გაუფრთხილებლობით გამოწვეული მექანიკური დაზიანებებისა.

2.2.1.1. პრეტენდენტს უნდა ჰქონდეს მსგავსი/ანალოგიური სამუშაოების და სირთულის შენობის სამშენებლო სამუშაოების შესრულების გამოცდილება 2023 - 2025 წლების მანძილზე. აღნიშნული უნდა დასტურდებოდეს პრეტენდენტის მიერ, ელექტრონულად წარმოდგენილი, შესაბამისი ხელშეკრულებებითა და მიღება-ჩაბარების აქტებით, ან აღნიშნული ინფორმაცია უნდა იძებნებოდეს სახელმწიფო შესყიდვების ერთიან ელექტრონულ სისტემაში;

2.2.1.2. პრეტენდენტმა ასევე ელექტრონულად უნდა წარმოადგინოს არანაკლებ ორი ორგანიზაციის სარეკომენდაციო წერილი. რეკომენდატორი ორგანიზაცია უნდა იყოს პრეტენდენტის მიერ გამოცდილების შესახებ (2.2.1.1. პუნქტში) წარმოდგენილ შემსყიდველთა სიაში ანალოგიური/მსგავსი სამუშაოების შესრულების თაობაზე;

2.5.1.1 მიმწოდებელმა სამუშაოების გეგმა-გრაფიკი უნდა წარმოადგინოს და შემსყიდველთან შეათანხმოს ხელშეკრულების გაფორმებიდან არაუგვიანეს 5 (ხუთი) კალენდარული დღის ვადაში.
2.5.1.2 სამუშაოების გეგმა-გრაფიკის ორჯერ ზედიზედ დარღვევისთვის შემსყიდველი იტოვებს უფლებას ცალმხრივად შეწყვიტოს ხელშეკრულება.

შესყიდვაში მონაწილეობის მსურველ პირს 2023 - 2025 წლების განმავლობაში საჭიროა ჰქონდეს შესრულებული წელიწადში საშუალოდ 566,500 ლარის ოდენობის ანალოგიური ხასიათის, სირთულის და შინაარსის სამუშაოები. აღნიშნულის დასადასტურებლად პრეტენდენტმა უნდა წარმოადგინოს სატენდერო დოკუმენტაციის 2.2.1.1. ქვეპუნქტში მითითებული დოკუმენტები.

2.9.1. ხარჯთაღრიცხვა დაზუსტებას არ ექვემდებარება და პრეტენდენტი დისკვალიფიცირებული იქნება, თუ სატენდერო დოკუმენტაციის მოთხოვნის შესაბამისად, არ არის წარდგენილი ხარჯთაღრიცხვა ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს. ამავე დროს პრეტენდენტის მიერ წარმოდგენილი ხარჯთაღრიცხვები შედარებულ იქნება ხარჯთაღრიცხვის ავტორის მიერ მოწოდებულ ხარჯთაღრიცხვასთან.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას სსიპ „ლევან სამხარაულის სახელობის ექსპერტიზის ეროვნული ბიუროს" ან სხვა აკრედიტირებული პირის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი), რომელშიც ტექსტობრივად მკაფიოდ უნდა იკვეთებოდეს, 2017 წლის 26 სექტემბრის საქართველოს მთავრობის N439 დადგენილებით განსაზღვრული ტექნიკური რეგლამენტის - „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ მოთხოვნებთან დასკვნის შესაბამისობა. წარმოდგენილი დასკვნით უნდა დასტურდებოდეს პრეტენდენტის მიერ ატვირთულ სატენდერო ხარჯთაღრიცხვაში (სატენდერო წინადადების საბოლოო ფასის შესაბამისი ხარჯთაღრიცხვა (შესაბამისი ტენდერის უნიკალური ნომრის მითითებით)) დაფიქსირებული ერთეულის ფასებით (თითოეულ ერთეულთან მიმართებით) და აგრეთვე ჯამური ღირებულებით ამავე ხარჯთაღრიცხვით განსაზღვრული სამუშაოების შესრულების შესაძლებლობა. ექსპერტიზის დასკვნას თან უნდა ერთვოდეს სატენდერო ხარჯთაღრიცხვა და რესურსული მეთოდით შედგენილი ხარჯთაღრიცხვა.
4.1.1.2 დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული პირობები.

ურიდიული პირისათვის – ამონაწერი მეწარმეთა და არასამეწარმეო (არაკომერციული) იურიდიულ პირთა რეესტრიდან, რომელიც ადასტურებს რომ პრეტენდენტის ქონებაზე არ არის რეგისტრირებული ყადაღა/აკრძალვა, საგადასახადო გირავნობა/იპოთეკა და პრეტენდენტი არ არის რეგისტრირებული მოვალეთა რეესტრში;

ინდივიდუალურ მეწარმისათვის – ცნობა ნასამართლობის შესახებ შესაბამისად უფლებამოსილი ორგანოდან, რომლითაც დასტურდება, რომ პირი არ არის ნასამართლევი საქართველოს სისხლის სამართლის კოდექსის XXVI (დანაშაული სამეწარმეო ან სხვა ეკონომიკური საქმიანობის წინააღმდეგ) და XXXIX (სამოხელეო დანაშაული) თავებით გათვალისწინებული ქმედებისათვის

ფიზიკური პირისათვის – ცნობა ნასამართლობის შესახებ შესაბამისად უფლებამოსილი ორგანოდან, რომლითაც დასტურდება, რომ პირი არ არის ნასამართლევი საქართველოს სისხლის სამართლის კოდექსის XXVI (დანაშაული სამეწარმეო ან სხვა ეკონომიკური საქმიანობის წინააღმდეგ) და XXXIX (სამოხელეო დანაშაული) თავებით გათვალისწინებული ქმედებისათვის;

ამხანაგობისთვის– ამონაწერი მეწარმეთა და არასამეწარმეო (არაკომერციული) იურიდიულ პირთა რეესტრიდან, რომელიც ადასტურებს რომ პრეტენდენტის ქონებაზე არ არის რეგისტრირებული ყადაღა/აკრძალვა, საგადასახადო გირავნობა/იპოთეკა და პრეტენდენტი არ არის რეგისტრირებული მოვალეთა რეესტრში;

არარეზიდენტმა პირმა უნდა წარმოადგინოს საკვალიფიკაციო მოთხოვნებით გათვალისწინებული ინფორმაციის ექვივალენტური მონაცემები, რომლებიც სათანადო წესით იქნება დამოწმებული ან ლეგალიზებული

წარმომადგენლობამ /ფილიალმა, უნდა წარმოადგინოს საკვალიფიკაციო მოთხოვნებით გათვალისწინებული ინფორმაციის ექვივალენტური მონაცემები, რომლებიც სათანადო წესით იქნება დამოწმებული ან ლეგალიზებული;

5

10

ხელშეკრულების უზრუნველყოფის გარანტიის მოქმედების ვადა 30 კალენდარული დღით უნდა აღემატებოდეს ხელშეკრულების მოქმედების ვადას;

6.4.1. ხელშეკრულების შესრულების უზრუნველყოფის მიზნით, "მიმწოდებლმა" უნდა წარმოუდგინოს "შემსყიდველს", საქართველოში შესაბამისად რეგისტრირებული ფინანსური დაწესებულების მიერ გაცემული საბანკო გარანტია, ხელშეკრულების ღირებულების 5%-ის ოდენობით.

6.4.2. სატენდერო წინადადების 6.2. პუნქტით გათვალისწინებულ შემთხვევაში, მიმწოდებლის მიერ წარმოდგენილი საბანკო გარანტია უნდა იყოს ხელშეკრულების ღირებულების 10%;

6.4.3. ხელშეკრულების შესრულების უზრუნველყოფის მიზნით, მიმწოდებლის მიერ წარმოდგენილი საბანკო გარანტიიდან, მოხდება შემსყიდველის ყველა იმ მოთხოვნის დაკმაყოფილება, რაც გამოწვეული იქნება მიმწოდებლის მხრიდან ხელშეკრულების პირობების დარღვევით

7.2.1. ანგარიშსწორება მიმწოდებელთან განხორციელდება მხარეთა მიერ, სატენდერო დოკუმენტაციის 1.2.7 - 1.2.8. - 1.2.9. პუნქტების მოთხოვნათა შესაბამისად, მიღება-ჩაბარების აქტის გაფორმების საფუძველზე;

7.2.2. ანგარიშწორების ფორმა იქნება უნაღდო ანგარიშსწორება, თანხა ჩაირიცხება მომწოდებლის მიერ ხელშეკრულებაში მითითებულ საბანკო რეკვიზიტებზე;

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე

ნატო თოთიაური, 591503827, Nato.Totiauri@nfa.gov.ge

10.1.1. სატენდერო დოკუმენტაციის 1.2.7 - 1.2.8. - 1.2.9 პუნქტებით განსაზღვრული პირობების დაცვით წარმოდეგნილი, შესრულებულ სამუშაოთა აქტის (ფორმა №2) საფუძველზე, მიმწოდებელსა და შემსყიდველს შორის ფორმდება სათანადო მიღება-ჩაბარების აქტი შესრულებლ სამუშაოთა (მთლიანი ან ნაწილობრივი) რეალური ღირებულების ასახვით.
10.1.2. საბოლოო ანგარიშსწორებისას მხედველობაში მიიღება მხოლოდ ექსპერტის დასკვნა შესრულებულ სამუშაოთა ღირებულებასთან დაკავშირებით.
10.1.3. სატენდერო წინადადების ფასში პრეტენდენტმა უნდა გაითვალისწინოს, პროექტის შესაბამისად, სამუშაოს შესრულებისათვის საჭირო ყველა ხარჯი, საქართველოს კანონმდებლობით გათვალისწინებული ყველა შესაბამისი გადასახადი და მოსაკრებელი.
10.1.4. სატენდერო წინადადების ფასში პრეტენდენტმა ასევე უნდა გაითვალისწინოს, ექსპერტის დასკვნის ღირებულება.
10.1.5. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი;
10.1.6. სახელმწიფო შესყიდვების ერთიან ელექტრონულ სისტემაში (შემდგომში – სისტემა) მიმწოდებლის მიერ ატვირთული დოკუმენტები ან/და ინფორმაცია დამოწმებული უნდა იყოს კვალიფიციური ელექტრონული ხელმოწერით ან კვალიფიციური ელექტრონული შტამპით, საქართველოს კანონის - „ელექტრონული დოკუმენტისა და ელექტრონული სანდო მომსახურების შესახებ“- შესაბამისად;
10.1.7.სარეგისტრაციო/უფლებრივი მონაცემების ამსახველი დოკუმენტ(ებ)ი უნდა აკმაყოფილებდეს „ელექტრონული ტენდერის ჩატარების წესის დამტკიცების შესახებ” სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების 30-ე მუხლის მე-2 პუნქტის მოთხოვნებს.