Услуги в области бухгалтерского учета, аудита и налогообложения (Грузия - Тендер #70030067)

შპს „საქართველოს გაერთიანებული წყალმომარაგების კომპანიისთვის“, 2025 წლის 31 დეკემბრის მდგომარეობით, აქტივების გაუფასურების ტესტის შესყიდვა.

1.2.1 მიმწოდებელმა უნდა უზრუნველყოს შპს "საქართველოს გაერთიანებული წყალმომარაგების კომპანიის" ძირითადი საშუალებების გაუფასურების ტესტირება, 2025 წლის 31 დეკემბრის მდგომარეობით, ბასს 36 სტანდარტის მოთხოვნის შესაბამისად;
1.2.2 მიმწოდებელმა უნდა უზრუნველყოს ძირითადი საშუალებების გაუფასურების ტესტირება,
მიმწოდებლის მიერ შეთავაზებული დაშვებების შესაბამისად, შპს „საქართველოს გაერთიანებული წყალმომარაგების კომპანიის“ მენეჯმენტთან შეთანხმებით;
1.2.3 შემსყიდველი ორგანიზაცია უზრუნველყოფს დავალებასთან დაკავშირებული ყველა საჭირო
საპროექტო დოკუმენტაციის მიწოდებას;
1.2.4 მიმწოდებელს ექნება სრული წვდომა (გონივრულ ვადებში) ყველა ინფორმაციაზე, რომელიც
ძირითადი საშუალებების გაუფასურების ტესტირებისთვის ჩაითვლება საჭიროდ;
1.2.5 ხელშეკრულების გაფორმებიდან არაუმეტეს 15 სამუშაო დღეში მიმწოდებლის მხრიდან გამოთხოვილი უნდა იყოს ძირითადი საშუალებების გაუფასურების ტესტირებისთვის საჭირო ინფორმაციის სრული ნუსხა, “Draft Report”-ის მომზადების მიზნით (შესაძლებელია კომპანიის საოპერაციო საქმიანობის გაცნობის მიზნით ინტერვიუს/შეხვედრის ჩანიშვნა კომპანიის
წარმომადგენლებთან);
1.2.6 შემსყიდველმა უნდა უზრუნველყოს მიმწოდებლისთვის ძირითადი საშუალებების გაუფასურების ტესტირებისთვის საჭირო პირველადი ინფორმაციის არაუგვიანეს 15 სამუშაო დღეში მიწოდება (საბოლოო სტატისტიკური მონაცემებისა და არსებული მდგომარეობით განახლებული ფინანსური ინფორმაცია);
1.2.7 მიმწოდებელმა უნდა უზრუნველყოს შემსყიდველის მხრიდან ძირითადი საშუალებების გაუფასურების ტესტირებისთვის საჭირო პირველადი ინფორმაციის მიღებიდან არაუმეტეს 20
სამუშაო დღეში “Draft Report”-ის წარდგენა (ფინანსური მოდელი Excel-ის ფორმატში);
1.2.8 მიმწოდებელმა უნდა უზრუნველყოს 1.2.7 მუხლით გათვალისწინებული სამუშაოების შესრულებიდან არაუმეტეს 7 სამუშაო დღეში “შემაჯამებელი Draft Report” -ის წარდგენა (PDF დოკუმენტი, რომელშიც აღწერილი იქნება მიმწოდებლის მიერ ძირითადი საშუალებების გაუფასურებისტესტირებისას გამოყენებული ძირითადი მიდგომები/დაშვებები/გამოთვლები.)
შემსყიდველსა და მიმწოდებელს შორის ფინანსური მოდელის შეთანხმების მიზნით;
1.2.9 მიმწოდებელი უფლებამოსილია 1.2.8 მუხლით გათვალისწინებული შემაჯამებელი “Draft
Report” წარმოადგინოს მხოლოდ ინგლისურ ან ქართულ ენაზე;
1.2.10 მას შემდეგ რაც შემსყიდველი უზრუნველყოფს საბოლოო ფინანსური დოკუმენტაციის წარდგენას, მიმწოდებელმა უნდა უზრუნველყოს 7 სამუშაო დღეში შპს "საქართველოს გაერთიანებული წყალმომარაგების კომპანიის" ხელმძღვანელობისათვის გაუფასურების ტესტირების შედეგების შეჯამებული ანგარიშის წარდგენა თანმხლები წერილით, სადაც მოცემული იქნება შედეგები და სლაიდები ყველა საჭირო ინფორმაციით და სამუშაო ფაილები კალკულაციებით;
1.2.11 შემაჯამებელი ანგარიში წარმოდგენილი უნდა იქნეს, როგორც ქართულ, ასევე, ინგლისურ ენებზე. მიმწოდებელმა უნდა წარმოადგინოს თითოეული ანგარიშის ნაბეჭდი ეგზემპლარი ქართულ და ინგლისურ ენაზე და თითოეული მათგანის ელექტრონული ვერსია PDF ფორმატებში, აგრეთვე Excel (ცხრილებისთვის).

1.3.1 მომსახურების გაწევის ვადა - არაუგვიანეს 2026 წლის 20 მაისისა. (იმ შემთხვევაში, თუ შემსყიდველი ვერ უზრუნველყოფს მიმწოდებლისათვის 2026 წლის 1 მაისამდე საბოლოო ფინანსური დოკუმენტაციის წარდგენას, სამუშაოს შესრულების ვადა განისაზღვრება საბოლოო ფინანსური დოკუმენტაციის წარდგენის თარიღიდან 7 სამუშაო დღეში).
1.3.2 მიმწოდებელმა 1.3.1 პუნქტში განსაზღვრულ ვადაში უნდა დაასრულოს გაუფასურების ტესტირების პროცესი და წარმოადგინოს შემსყიდველ ორგანიზაციაში საბოლოო შემაჯამებელი ანგარიში.

1.4.1 საქონლის მიწოდების/მომსახურების გაწევის/სამუშაოს შესრულების ფორმა და ადგილი დასკვნის მიწოდება უნდა განხორციელდეს მიმწოდებლის ხარჯით, შემსყიდველის მისამართზე: ქ. თბილისი, ანნა პოლიტკოვსკაია N5, შპს „საქართველოს გაერთიანებული წყალმომარაგების კომპანიის“ ცენტრალური ოფისი.

2.4.1.1 წარმოდგენილი უნდა იყოს ინფორმაცია იმ თანამშრომლების შესახებ, რომელიც უშუალოდ იმუშავებენ გაუფასურების ტესტზე, მათ შორის ჯგუფის ხელმღვანელი, პროექტის მენეჯერი წარმოდგენილი უნდა იქნას მათი CV-ები და მათი ცვლილების შემთხვევაში ჩანაცვლება უნდა მოხდეს წინასწარ შეთანხმებით შემსყიდველთან, მსგავსი კვალიფიკაციის და გამოცდილების თანამშრომლით.

2.7.1 მოთხოვნა ლიცენზიასთან, აკრედიტაციასთან, სტანდარტებთან, ხარისხის შესაბამისობასთან და
სხვ. დოკუმენტების შესახებ
2.7.1.1 პრეტენდენტი კომპანია რეგისტრირებული უნდა იყოს საქართველოს ფინანსთა სამინისტროს სისტემაში შემავალი სახელმწიფო საქვეუწყებო დაწესებულების - ბუღალტრული აღრიცხვის, ანგარიშგებისა და აუდიტის ზედამხედველობის სამსახურის აუდიტორული ფირმების სახელმწიფო რეესტრში, ვებ გვერდზე www.saras.gov.ge. პრეტენდენტს უნდა გააჩნდეს საზოგადოებრივი დაინტერესების პირის სტატუსის მქონე ფირმებისათვის აუდიტორული მომსახურების გაწევის უფლება და ამასთან ბოლო სამი წლის განმავლობაში აუდიტორული საქმიანობიდან მიღებული საშუალო ჯამური შემოსავალი უნდა აღემატებოდეს 3 მილიონ ლარს. აღნიშნული შემოწმდება და დადასტურდება ბუღალტრული აღრიცხვის, ანგარიშგებისა და აუდიტის ზედამხედველობის სამსახურის აუდიტორული ფირმების სახელმწიფო რეესტრში, ვებ გვერდზე www.saras.gov.ge.

შესყიდვის ობიექტის სპეციფიკის და იმ ფაქტის გათვალისწინებით, რომ გასაწევი მომსახურების ძირითადი ნაწილი დაფუძნებულია მომსახურების პროცესში მონაწილე ფიზიკური პირების (სპეციალისტების) ფიზიკურ და ინტელექტუალურ რესურსზე, პრეტენდენტების მიერ შესყიდვის ობიექტის სავარაუდო ღირებულების 20%-ით ან მეტით დაბალი ფასის დაფიქსირების შემთხვევაში არ იქნება მოთხოვნილი ფასწარმოქმნის ადეკვატურობის ან/და ამ ფასად ტენდერით გათვალისწინებული ვალდებულების შესრულების შესაძლებლობის დასაბუთების წარმოდგენა.

ანგარიშსწორება განხორციელდება, მიღება–ჩაბარების აქტის, ინსპექტირების აქტის (დადებითი დასკვნით), სასაქონლო ზედნადებისა და საგადასახადო ანგარიშფაქტურის (დღგ-ს გადამხდელის შემთხვევაში) მიმწოდებლის მიერ წარმოდგენის შემდეგ.

ანგარიშსწორება განხორციელდება მიმწოდებლის მიერ ანგარიშსწორებისთვის საჭირო დოკუმენტაციის წარმოდგენიდან 10 (ათი) სამუშაო დღის ვადაში.

ანა შენგელია, 555397818, a.shengelia@water.gov.ge

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2. პრეტენდენტს არ აქვს უფლება წარმოადგიმოს ალტერნატიული სატენდერო წინადადება;
3. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით;
4. სახელმწიფო შესყიდვების ერთიან ელექტრონულ სისტემაში ატვირთული, პრეტენდენტის მიერ შექმნილი,დოკუმენტები ან/და ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
6. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი, ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ ხარჯთაღრიცხვაში განუფასებელი პოზიცი(ებ)ის რაოდენობა არ აღემატება განსაფასებელი პოზიციების 5%-ს).