Ремонт и техническое обслуживание транспортных средств и оборудования и сопутствующие услуги (Грузия - Тендер #70030064)

შესყიდვის ობიექტს წარმოადგენს სსიპ განათლების ხარისხის განვითარების ეროვნული ცენტრის ბალანსზე რიცხული 5 (ხუთი) ერთეული ავტოსატრანსპორტო საშუალების შეკეთების და ტექნიკური მომსახურების შესყიდვა. კერძოდ:

1. HYUNDAI SANTAFE 3.5 (ბენზინი); საიდენტიფიკაციო კოდი: KMHSH81GDCU847149; გამოშვების წელი: 2011;
2. HYUNDAI SONATA 2.4 (ბენზინი); საიდენტიფიკაციო კოდი: KMHEC41CBCA391494; გამოშვების წელი: 2011;
3. HYUNDAI ELANTRA 1.8 (ბენზინი); საიდენტიფიკაციო კოდი: KMHDH41EBCU363549; გამოშვების წელი: 2011;
4. HYUNDAI ELANTRA 1.8 (ბენზინი); საიდენტიფიკაციო კოდი: KMHDH41EBCU316225; გამოშვების წელი: 2011;
5. HYUNDAI ELANTRA 1.8 (ბენზინი); საიდენტიფიკაციო კოდი: KMHDH41EBCU363362; გამოშვების წელი: 2011.

1.2.1. ავტომანქანების შეკეთება და ტექნიკური მომსახურება მოიცავს:
• პროფილაქტიკური და დიაგნოსტიკური სამუშაოების ჩატარებას;
• ავტომანქანების დროულ, ოპერატიულ და რიგგარეშე შეკეთებას;
• სათადარიგო ნაწილების შეკეთებას ან/და შეცვლას;
• საცხებ-საპოხი მასალების შეცვლას;
• დაზიანებული ნაწილების შეკეთებას ან/და შეცვლას.

1.2.2. პრეტენდენტი უნდა ფლობდეს (საკუთრებაში ან დროებითი სარგებლობის უფლებით) მოქმედ სერვის–ცენტრს ქ. თბილისში, რომელსაც უნდა გააჩნდეს:
- ერთდროულად არანაკლებ 5 ავტომანქანის ტექნიკური მომსახურების შესაძლებლობა;
- ავტომანქანების ასაწევი არანაკლებ 5 მოწყობილობა;
- ავტომანქანების პროფილაქტიკური, დიაგნოსტიკური და შეკეთებითი სამუშაოების განსახორციელებელი ყველა საჭირო აპარატურა და დანადგარი.
- მინიმუმ 5 ავტომანქანის სადღეღამისო სადგომი;
- საჭიროების შემთხვევაში, ევაკუატორით მომსახურება.

1.2.3. სერვის–ცენტრი უნდა ფუნქციონირებდეს სამუშაო დღეებში, მათ შორის შაბათ დღესაც.
შესყიდვის ობიექტის დეტალური აღწერა მითითებულია პრეისკურანტში (ფასების ცხრილი).
1.2.4. პრეისკურანტის სავარაუდო ღირებულება განისაზღვრება 83563.20 (ოთხმოცდასამიათას ხუთას სამოცდასამი ლარი 20 თეთრი) ლარით.
1.2.5. ტენდერში გამარჯვებულ პრეტენდენტთან ხელშეკრულება გაფორმდება 15 000 (თხუთმეტი ათასი) ლარზე.
1.2.6. პრეტენდენტის მიერ პრეისკურანტის ღირებულება წარმოდგენილი უნდა იყოს სატენდერო დოკუმენტაციის 1.3 პუნქტში მოცემული პრეისკურანტის მიხედვით, მაგრამ არაუმეტეს სატენდერო განცხადებაში მითითებული პრეისკურანტის სავარაუდო ღირებულებისა და პრეისკურანტ(ებ)ის თითოეულ პოზიციაზე მითითებული სავარაუდო ერთეულის ფასისა.
1.2.7. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
1.2.8. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
1.2.9. ელექტრონული ვაჭრობა გაიმართება სატენდერო განცხადებით განსაზღვრული პრეისკურანტის სავარაუდო ღირებულებასთან მიმართებით;
1.2.10. პრეტენდენტის მიერ ელექტრონული ვაჭრობის შედეგად პრეისკურანტის საერთო ფასის შემცირების/კლების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტით განსაზღვრულ ყოველ კონკრეტულ პოზიციაზე.
1.2.11. პრეტენდენტის მიერ წარმოდგენილი პრეისკურანტის ერთეულის და ჯამური ფასები დამრგვალებული უნდა იყოს მეასედის სიზუსტით.
1.2.12. პრეტენდენტის მიერ, „წინადადების მიღება დასრულებულია“ ეტაპზე, პრეისკურანტის წარმოუდგენლობა გამოიწვევს პრეტენდენტის დისკვალიფიკაციას აღნიშნულ ტენდერში.
1.2.13. თუ ხელშეკრულების მოქმედების პერიოდში აღმოჩნდება, რომ ფასების ცხრილში (პრეისკურანტში) არ არის გათვალისწინებული იმ მომენტისათვის საჭირო საქონელი (ნაწილები) და მომსახურება, აღნიშნული ერთეულ(ებ)ის ფასი მისი შესყიდვის აუცილებლობისას, დგინდება მხარეთა შორის შეთანხმებით, საბაზრო ფასის გათვალისწინებით. ასეთ შემთხვევაში პრეისკურანტში საქონლის რომელიმე ერთეულ(ებ)ის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული სისტემაში დაფიქსირებული პრეისკურანტის საბოლოო ჯამური ღირებულების 10%-ს.
1.2.14. შემსყიდველი უფლებას იტოვებს სრულად არ აითვისოს სახელშეკრულებო ღირებულების ოდენობის მომსახურება მიმწოდებლისგან.

1.4.1. შესყიდვის ობიექტის მიწოდება განხორციელდება ეტაპობრივად, ხელშეკრულების გაფორმებიდან 2026 წლის 25 დეკემბრის ჩათვლით.
1.4.2. მომსახურება გაწეული უნდა იქნას დაუყოვნებლივ, რიგგარეშედ, დეფექტური აქტის გაფორმების დღიდან არაუგვიანეს 2 (ორი) კალენდარულ დღის ვადაში.
1.4.3. მიმწოდებლის არგუმენტის საფუძველზე, შემსყიდველი უფლებამოსილია მიმწოდებელს განუსაზღვროს დამატებითი გონივრული ვადა შესასყიდი მომსახურებისა და მისი თანმდევი საქონლის მიწოდებაზე, რაზედაც გაფორმდება ურთიერთშეთანხმების აქტი.

შესყიდვის ობიექტის მიწოდება და მომსახურების გაწევა უნდა განხორციელდეს ქ. თბილისში, მიმწოდებლის სერვის–ცენტრ(ებ)ში.

1.7.1.1. მიმწოდებლის მიერ შემოთავაზებული სათადარიგო ნაწილები უნდა იყოს ახალი და მომსახურებაზე და თანმდევ სათადარიგო ნაწილებზე უნდა ვრცელდებოდეს გარანტია მიღება-ჩაბარების აქტის ხელმოწერიდან, კერძოდ:
1. ძრავის ზეთზე – გარბენი მინიმუმ 8 000 კმ.
2. აგრეგატები (ძრავა, გადაცემათა კოლოფი და ხიდები) და ელექტროობა (გარდა ელ. მცველებისა და ნათურებისა)- არანაკლებ 1 წელი.
3. გადაცემათა კოლოფის ზეთზე – მინიმუმ 40 000 კმ.
4. მომსახურებაზე და თანმდევ სათადარიგო ნაწილებზე - არანაკლებ 6 თვე.
5. აკუმულატორებზე – მინიმუმ 2 (ორი) წელი
6. სათუნუქე და სამღებრო სამუშაოებზე არანაკლებ 1 წელი;
7. გადაბმულობის კომპლექტზე, სამუხრუჭე ხუნდებზე, დაკიდების დისკზე, მორგვის საკისრებზე და ყუმბარებზე არანაკლებ 8000 კმ.

1.7.1.2. საგარანტიო პერიოდში, შემსყიდველის მხრიდან საქონლის ექსპლუატაციის ნორმების დაცვის შემთხვევაში, თუ აღმოჩნდა რომ მიმწოდებლის მიერ გაწეული მომსახურება და/ან შეცვლილი ნაწილი წუნდებულია, მიმწოდებლი ვალდებულია საკუთარი ხარჯებით აღმოფხვრას აღმოჩენილი ხარვეზი ან/და საჭიროების შემთხვევაში უზრუნველყოს წუნდებული საქონლის შეცვლა ახლით, ასეთი ხარვეზის/წუნის გამოვლენის შესახებ დეფექტური აქტის გაფორმების დღიდან 2 კალენდარული დღის ვადაში.

1.7.1.3. მიმწოდებლის არგუმენტის საფუძველზე, შემსყიდველი უფლებამოსილია განუსაზღვროს დამატებითი ვადა წუნდებული საქონლის შესაკეთებლად ან შესაცვლელად.

პრეტენდენტს უნდა გააჩნდეს მსგავსი მომსახურების გაწევის გამოცდილება 2023, 2024 და 2025 წლებში, რის დასადასტურებლადაც პრეტენდენტმა უნდა წარმოადგინოს მითითებულ წლებში დადებული ხელშეკრულებები და ამ ხელშეკრულებების ფარგლებში გაფორმებული მიღება-ჩაბარების აქტები ან ანგარიშფაქტურები.

შენიშვნა: იმ შემთხვევაში, თუ სატენდერო დოკუმენტაციის 2.2.1. პუნქტით მოთხოვნილი პრეტენდენტის გამოცდილების დამადასტურებელი დოკუმენტაცია ატვირთულია შესყიდვების ერთიან ელექტრონულ სისტემაში, პრეტენდენტს შეუძლია მიუთითოს შესაბამისი CMR, SPA, NAT ნომრები და არ წარმოადგინოს მოთხოვნილი დოკუმენტაცია.

2.3.1.1. პრეტენდენტმა უნდა წარმოადგინოს ინფორმაცია, ქ. თბილისში, მის საკუთრებაში ან დროებით სარგებლობაში არსებული მოქმედი სერვის–ცენტრ (ებ)ის შესახებ (მისამართ(ებ)ის მითითებით, რომელსაც უნდა გააჩნდეს:
- ერთდროულად არანაკლებ 5 ავტომანქანის ტექნიკური მომსახურების შესაძლებლობა;
- ავტომანქანების ასაწევი არანაკლებ 5 მოწყობილობა;
- ავტომანქანების პროფილაქტიკური, დიაგნოსტიკური და შეკეთებითი სამუშაოების განსახორციელებელი ყველა საჭირო აპარატურა და დანადგარი.
- მინიმუმ 5 ავტომანქანის სადღეღამისო სადგომი;
- საჭიროების შემთხვევაში, ევაკუატორით მომსახურება.

2.3.1.2. პრეტენდენტმა ასევე უნდა წარმოადგინოს იმ ფართების დროებითი სარგებლობის უფლების ან საკუთრების უფლების დამადასტურებელი დოკუმენტები, სადაც განთავსებულია მისი ავტოტექმომსახურების სერვის–ცენტრ(ებ)ი. საკუთრების შემთხვევაში, წარმოდგენილი უნდა იყოს საჯარო რეესტრიდან ამონაწერ(ებ)ი, სადაც მესაკუთრედ დაფიქსირდება პრეტედენტი. რაც შეეხება დროებითი სარგებლობის შემთხვევას, წარმოდგენილი უნდა იყოს შესაბამისი ხელშეკრულება/შეთანხმება, რომლის თანახმადაც პრეტენდენტს ფართ(ებ)ით სარგებლობის უფლება მინიჭებული ექნება არანაკლებ 2026 წლის 31 დეკემბრის ჩათვლით (იმ შემთხვევაში, თუ სარგებლობის უფლება ექვემდებარება საჯარო რეესტრში რეგისტრაციას, მიმწოდებელმა ასევე უნდა წარმოადგინოს ამონაწერი საჯარო რეესტრიდან). აღნიშნული ხელშეკრულების საფუძველზე, ფართის მესაკუთრის მიერ პრეტენდენტს არ უნდა ეკრძალებოდეს აღნიშნული ფართში ავტოტექმომსახურების სერვის-ცენტრის განთავსება.

2.9.1. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.
2.9.2. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
2.9.3. პრეტენდენტი ვალდებულია სახელმწიფო შესყიდვების ერთიან ელექტრონულ სისტემაში წარმოსადგენ მის მიერ შექმნილ დოკუმენტებზე ან/და ინფორმაციაზე (გარდა excel-ის ფორმატის ფაილისა) შეასრულოს კვალიფიციური ელექტრონული ხელმოწერა ან/და ეს დოკუმენტ(ებ)ი დაამოწმოს კვალიფიციური ელექტრონული შტამპით, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად.
2.9.4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
2.9.5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
2.9.6. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა პირობას.

თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა ექსპერტიზის ან აუდიტორის დასკვნით, რომელიც ადასტურებს პრეტენდენტის მიერ დაფიქსირებულ ფასად დასადები ხელშეკრულებით ნაკისრი ვალდებულებების შესრულების შესაძლებლობას როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის თითოეულ პუნქტთან მიმართებით.

ექსპერტიზის ან აუდიტორის დასკვნის წარმოდგენის შემთხვევაში, აუდიტორული კომპანია/აუდიტორი უნდა ირიცხებოდეს ბუღალტრული აღრიცხვის, ანგარიშგების და აუდიტის ზედამხედველობის სამსახურის შესაბამის რეესტრში. ასევე, შესაძლებელია სახელმწიფოს მიერ აღიარებული ორგანიზაციის მიერ გაცემული საექსპერტო დასკვნის წარმოდგენა.

ანგარისწორება განხორციელდება ეტაპობრივად მხარეთა შორის გაფორმებული მიღება-ჩაბარების აქტის საფუძველზე.

ანგარისწორება განხორციელდება მხარეთა შორის მიღება-ჩაბარების აქტის ხელმოწერიდან 10 სამუშაო დღის ვადაში.

ნათია ქვათაძე, 591417020, n.kvatadze@eqe.ge ნინო კოტრიკაძე, 577631314, n.kotrikadze@eqe.ge