Ремонт и техническое обслуживание транспортных средств и оборудования и сопутствующие услуги (Грузия - Тендер #70030016)

შპს „მარაბდა-კარწახის რკინიგზის“ კუთვნილი ავტომობილების რეცხვის მომსახურება.

ტექნიკური დავალება

1. მიმწოდებელმა (ტენდერში გამარჯვებული პრეტენდენტი, რომელთანაც გაფორმდება სახელმწიფო შესყიდვის შესახებ ხელშეკრულება) ტალონური სისტემით უნდა უზრუნველყოს:
- დაბალი გამავლობის ავტომობილის (სედანის ტიპის) რეცხვის (ავტომობილის ძარა, სალონი და საბარგული) მომსახურების გაწევა - საორიენტაციო რაოდენობა 29-ჯერ;
- მაღალი გამავლობის ავტომობილის (პიკაპისა და ჯიპის ტიპის) რეცხვის (ავტომობილის ძარა, სალონი და საბარგული) მომსახურების გაწევა - საორიენტაციო რაოდენობა 246-ჯერ;

შენიშვნა:
• შემსყიდველი არ არის ვალდებული შეისყიდოს წინამდებარე ტექნიკური დავალებით გათვალისწინებული მომსახურების სრული მოცულობა.

2. მიმწოდებელმა წინამდებარე ტექნიკური დავალებით გათვალისწინებული მომსახურებების მიღებისათვის საჭირო ტალონების შემსყიდველისათვის გადაცემა უნდა უზრუნველყოს ხელშეკრულების გაფორმებიდან 2026 წლის 31 დეკემბრის ჩათვლით პერიოდში, შემსყიდველის მოთხოვნის შესაბამისად - ეტაპობრივად ან ერთიანად (სრულად). ამასთან, მიმწოდებელმა მოთხოვნილი ტალონები შემსყიდველს უნდა გადასცეს მოთხოვნიდან არაუგვიანეს 5 სამუშაო დღის განმავლობაში.

3. შემსყიდველისათვის გადაცემულ ტალონზე დატანილი უნდა იყოს, ტალონის მოქმედების ვადა, ავტომანქანის ტიპისა და მომსახურების სახეობის განმასხვავებელი ნიშანი, რომლის შესაბამისად მოხდება ავტომანქანის იდენტიფიკაცია შესაბამისი მომსახურების მიღების დროს.

4. შემსყიდველისათვის გადაცემული, წინამდებარე ტექნიკური დავალებით გათვალისწინებული მომსახურებების მიღებისათვის საჭირო ყველა ტალონი უნდა მოქმედებდეს მათი შემსყიდველისთვის გადაცემიდან 12 კალენდარული თვის განმავლობაში. ამასთან მიმწოდებელს არ აქვს უფლება მოსთხოვოს შემსყიდველს ავტომანქანების რეცხვისა მომსახურების სრულად ათვისება.

5. შემსყიდველის წარმომადგენელის მიერ ტალონის მიმწოდებლის ნებისმიერ სერვის ცენტრში წარდგენისას, მიმწოდებელმა არაუმეტეს 1 საათის განმავლობაში უნდა უზრუნველყოს ავტომობილის ძარის, სალონისა და საბარგულის რეცხვის დაწყება, უკონტაქტო რეცხვისათვის საჭირო მაღალი წნევის სარეცხი აპარატურით, აგრეთვე მტვერსასრუტით, საჭირო ინვენტარით, სარეცხი და საწმენდი საშუალებებით.

6. მიმწოდებლს ქ. თბილისში, სხვადასხვა მისამართზე უნდა გააჩნდეს არანკლებ 3 სერვის ცენტრი, მათ შორის:
6.1 არანაკლებ 1 (ერთი) სერვის ცენტრი, რომელშიც ერთდროულად უნდა ფუნქციონირებდეს არანაკლებ 4 (ოთხი) ბოქსი, უნდა მდებარეობდეს შპს „მარაბდა-კარწახის რკინიგზის“ ოფისიდან (ქ. თბილისი, დ. აღმაშენებლის გამზირი №150) არაუმეტეს 5 (ხუთი) კილომეტრის რადიუსზე;
6.2 არანაკლებ 2 (ორი) სერვის ცენტრი, თითოეულ მათგანში არანაკლებ 2 (ორი) ბოქსის ფუნქციონირების უზრუნველყოფით.

7. მომსახურების გაწევისათვის განსაზღვრული სერვის ცენტრები უნდა წარმოადგენდეს მიმწოდებლის საკუთრებას ან უნდა ფლობდეს დროებითი სარგებლობის უფლებით (ქირავნობა, იჯარა ან/და სამოქალაქო კოდექსით გათვალისწინებული სხვა ფორმით). ამასთან, წინამდებარე ტექნიკური დავალების მე-6 პუნქტის 6.1 ქვეპუნქტით გათვალისწინებულ ერთ სერვის ცენტრს (თუ იგი მიმწოდებლის საკუთრებას არ წარმოადგენს) მიმწოდებელი უნდა ფლობდეს დროებითი სარგებლობის უფლებით არანაკლებ 2027 წლის 1 მაისამდე ვადით, რაც უნდა იყოს დარეგისტრირებული საჯარო რეესტრში, „საჯარო რეესტრის შესახებ“ საქართველოს კანონის შესაბამისად;

8. მიმწოდებელმა ავტომობილების რეცხვა უნდა უზრუნველყოს კვირის ნებისმიერ დღეს, არანაკლებ 9:00-დან 19:00 მდე.

9. შემსყიდველის წარმომადგენელის (მძღოლი) სურვილის შემთხვევაში, მიმწოდებელი ვალდებულია დაასწროს იგი ავტომობილის რეცხვის პროცესს.

10. რეცხვისას ავტომობილის დაზიანების შემთხვევაში, მიმწოდებელი ვალდებულია სრულად აუნაზღაუროს შემსყიდველს მისი შეკეთების ხარჯები.

11. დაუშვებელი, რომ მიმწოდებელმა მომსახურების ან მისი ნაწილის განხორციელება უზრუნველყოს სუბკონტრაქტორის მეშვეობით.

1.4.1 ტექნიკური დავალებით გათვალისწინებული მომსახურებების მიღებისათვის საჭირო ტალონების შემსყიდველისათვის გადაცემა უნდა განხორციელდეს ხელშეკრულების გაფორმებიდან არაუგვიანეს 2026 წლის 31 დეკემბრის ჩათვლით, შემსყიდველის მოთხოვნის შესაბამისად - ეტაპობრივად ან ერთიანად (სრულად). ამასთან, მიმწოდებელმა მოთხოვნილი ტალონები შემსყიდველს უნდა გადასცეს მოთხოვნიდან არაუგვიანეს 5 სამუშაო დღის განმავლობაში;

1.4.2 ტალონი უნდა მოქმედებდეს მათი შესყიდველისთვის გადაცემიდან 12 კალენდარული თვის განმავლობაში.

1.5.1 მომსახურების გაწევის ადგილია ქ. თბილისი.
1.5.1 მომსახურების გაწევის ადგილია: ქ. თბილისში, სხვადასხვა მისამართზე მდებარე არანკლებ 3 სერვის ცენტრი, რომლებიც უნდა აკმაყოფილებდეს ტექნიკური დავალების 6 და 7 პუნქტებით განსაზღვრულ მოთხოვნებს;
1.5.2 სერვისცენტრების შესახებ ინფორმაცია წარმოდგენილი უნდა იქნეს 2.3.1 პუნქტის შესაბამისად.

სატენდერო წინადადებასთან ერთად პრეტენდენტმა სისტემაში უნდა ატვირთოს მომსახურების გაწევისათვის განსაზღვრული ცენტრების შესახებ ინფორმაცია, თანდართული ფორმის მიხედვით, რომლის წარმოუდგენლობა ან არასრულყოფილად წარმოდგენა გამოიწვევს პრეტენდენტის დისკვალიფიკაციას.
მომსახურების გაწევისათვის განსაზღვრული ცენტრები უნდა აკამყოფილებდეს ტექნიკური დავალების 6 და 7 პუნქტებით განსაზღვრულ მოთხოვნებს.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა/ანგარიში, რომელშიც უნდა დასტურდებოდეს ხელშეკრულებით ნაკისრი ვალდებულებების შესრულების შესაძლებლობა.

დასკვნასთან ერთად წარმოდგენილ უნდა იქნას „ბუღალტრული აღრიცხვის, ანგარიშგების და აუდიტის შესახებ“ საქართველოს კანონის შესაბამისად, დასკვნაზე/ანგარიშზე ხელმომწერი პირის, ბიზნესის შემფასებლის მოქმედი სერტიფიკატ(ებ)ის ასლი, რომელიც გაცემული უნდა იყოს სსიპ საქართველოს აკრედიტაციის ეროვნული ორგანოს - აკრედიტაციის ცენტრის მიერ, აკრედიტებულ შემფასებელთა სერტიფიკაციის ორგანოს მიერ.

შენიშვნა:

- იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია;
- პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

.2.1 ანაზღაურებას ექვემდებარება მხოლოდ მიმწოდებლის მიერ შემსყიდველისათვის ფაქტიურად გადაცემული ტალონების ღირებულება.
7.2.2 ანგარიშსწორების საფუძველს წარმოადგენს: მიმწოდებლის მიერ შემსყიდველისათვის ფაქტიურად გადაცემულ ტალონებზე მხარეთა მიერ გაფორმებული მიღება-ჩაბარების აქტ(ებ)ი და მიმწოდებლის მიერ შემსყიდველისათვის წარდგენილი საგადასახადო ანგარიშ-ფაქტურა(ები) (იმ შემთხვევაში, თუ მიმწოდებელი დღგ-ს გადამხდელია).

ანგარიშსწორება განხორციელდება მიმწოდებლის მიერ ხელშეკრულებით გათვალისწინებული დოკუმენტების შემსყიდველისათვის წარდგენიდან 10 (ათი) სამუშაო დღის განმავლობაში.

მაკა ჟუჟუნაშვილი, 591199191, mzhuzhunashvili@mkr.ge

პრეტენდენტმა ტექნიკური დოკუმენტაციის სახით სისტემაში უნდა ატვირთოს შემდეგი დოკუმენტები და ინფორმაცია:

10.1.1 ფასების ცხრილი 1.3 პუნქტის შესაბამისად (დადასტურებული კვალიფიციური ელექტრონული ხელმოწერით ან/და კვალიფიციური ელექტრონული შტამპით);

10.1.2 მომსახურების გაწევისათვის განსაზღვრული სერვის ცენტრების შესახებ ინფორმაცია 2.3.1 პუნქტის შესაბამისად (დადასტურებული კვალიფიციური ელექტრონული ხელმოწერით ან/და კვალიფიციური ელექტრონული შტამპით).

10.1.3 მხოლოდ იმ შემთხვევაში, თუ საჯარო რეესტრიით ვერ დგინდება დროებითი სარგებლობის უფლება (გარდა ტექნიკური დავალების 6.1 პუნქტით განსაზღვრული სერვის ცენტრისა), პრეტენდენტმა უნდა წარადგინოს დროებითი სარგებლობის უფლების დამადასტურებელი სამართლებრივი დოკუმენტ(ებ)ი (საიჯარო ან ქირავნობის ხელშეკრულება/შეთანხმება და სხვა).


შენიშვნა:

1. პრეტენდენტს უფლება აქვს წარმოადგინოს მხოლოდ ერთი სატენდერო წინადადება;

2. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში (პუნქტი 8.1), რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.

3. სატენდერო დოკუმენტაციით მოთხოვნილი, ერთიან ელექტრონულ სისტემაში ასატვირთი ყველა დოკუმენტ(ებ)ი წარმოდგენილ უნდა იქნეს ქართულ ენაზე; დოკუმენტების სხვა ენაზე წარდგენის შემთხვევაში, მათ უნდა დაერთოს ნოტარიულად დამოწმებული ქართული თარგმანი. დოკუმენტთან დაკავშირებული სადავო საკითხ(ებ)ის გადაწყვეტისას უცხოურენოვან დოკუმენტსა და მის ქართულ შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;

4. ტენდერში მონაწილეობის მიღებით, პრეტენდენტი ადასტურებს მის თანხმობას ამ სატენდერო დოკუმენტაციაში მოცემული პირობების შესრულებაზე, იმის მიუხედავად, შეიცავს თუ არა მისი სატენდერო წინადადება ასეთ თანხმობას/დადასტურებას. ამის საწინააღმდეგო ნებისმიერი დათქმა თუ ჩანაწერი პრეტენდენტის სატენდერო წინადადებაში ბათილია;

5. სატენდერო დოკუმენტაციით მოთხოვნილი, ელექტრონულ სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, სავალდებულოა დამოწმებული/დადასტურებული იყოს კვალიფიციური ხელმოწერით ან/და კვალიფიციური შტამპით. ამასთანავე, ხელმოწერა უნდა განხორციელდეს შესაბამისი უფლებამოსილი პირის მიერ (საჭიროების შემთხვევაში ატვირთული უნდა იქნეს მინდობილობა); გარდა იმ შემთხვევისა, როდესაც სატენდერო დოკუმენტაციის 1.3 ქვეპუნქტით მოთხოვნილი ფასების ცხრილი (დანართი N1), პრეტენდენტის მიერ სისტემაში წარმდგენილი იქნება „MS Excel“-ის ფორმატში.

6. შემსყიდველი ორგანიზაცია ვალდებულია, კანონმდებლობით დადგენილი წესით, ერთიანი ელექტრონული სისტემის კითხვა/პასუხის მოდულის მეშვეობით, პრეტენდენტის/მიმწოდებლის მოთხოვნის შემთხვევაში, განახორციელოს სატენდერო განცხადებასთან და დოკუმენტაცია/პირობებთან დაკავშირებით შესაბამისი დაზუსტება/განმარტება.

7. შემსყიდველ ორგანიზაციასა და მიმწოდებელს შორის ნებისმიერი მიმოწერა/შეტყობინების გაგზავნა ხდება სისტემის შესაბამისი მოდულის მეშვეობით და სისტემის გამოყენების გარეშე მიმოწერა/შეტყობინება სავალდებულო არ არის. მიმოწერა/შეტყობინება მიღებულად ჩაითვლება მისი სისტემაში ატვირთვის მომენტიდან.