Продукты для чистки и полировки (Грузия - Тендер #69970942)

სსიპ „იუსტიციის სახლის“ ქორწინების სახლების საჭიროებისათვის არომატიზატორების და ეთერზეთების სახელმწიფო შესყიდვა.

1. არომატიზატორი - 12 ცალი;

ფერი: თეთრი
მასალა: პლასტმასი
მექნიზმი: მეტალი
მოხმარების ინტენსივობა საათში: 1,5 მლ-დან 3,0 მლ-მდე
აპარატის ზომები: სიმაღლე 15 სმ-დან 26 სმ-დე, სიგანე: 15 სმ-დან 30 სმ-მდე
გასურნელების არეალი 1 აპარატზე: 200 კბ.მ-დან 650 კბ.მ-მდე
აპარატს უნდა გააჩნდეს კონფიგურაციის დამახსოვრების ფუნქცია (დროისა და კვირის განრიგის მართვა)

შემოთავაზებული საქონელი უნდა იყოს ახალი, არ უნდა იყოს ნამყოფი ექსპლუატაციაში.


2. ეთერზეთი - 38 ლიტრი;

არომატი - შემსყიდველთან შეთანხმებით.

შესყიდვის ობიექტის მოწოდების ვადა: არომატიზატორის შემთხვევაში ხელშეკრულების გაფორმებიდან 15 კალენდარული დღის განმავლობაში, ხოლო ეთერზეთების შემთხვევაში ეტაპობრივად, შემსყიდველის მოთხოვნიდან 3 კალენდარული დღის განმავლობაში 2026 წლის 20 დეკემბრამდე.

შესყიდვის ობიექტის მოწოდება განხორციელდება შემდეგ მისამართზე: ქ. თბილისი, ზვიად გამსახურდიას სანაპიროს ქ.N1, თბილისის ცენტრალური იუსტიციის სახლი.

1.7.1.1. არომატიზატორებზე უნდა ვრცელდებოდეს გარანტია შესაბამისი მიღება-ჩაბარების აქტის გაფორმების დღიდან არანაკლებ 2 (ორი) წლის ვადით.
1.7.1.2. შემსყიდველის მხრიდან შესყიდვის ობიექტის ექსპლუატაციის ნორმების დაცვის შემთხვევაში, საგარანტიო ვადის განმავლობაში მიმწოდებელმა საკუთარი ხარჯებით უნდა აღმოფხვრას ექსპლუატაციის პროცესში გამოვლებილი ნებისმიერი ხარვეზი/წუნი (ტრანსპორტირების ჩათვლით), საჭიროების შემთხვევაში უზრუნველყოს წუნდებული საქონლის შეცვლა ახლით, ასეთი ხარვეზის/წუნის გამოვლენიდან შემსყიდველთან შეთანხმებულ გონივრულ ვადაში, მაგრამ არაუგვიანეს 10 კალენდარული დღისა, გარდა იმ შემთხვევისა, თუ ასეთი ხარვეზი გამოწვეულია მექანიკური დაზიანებით.
1.7.1.3. მიმწოდებლის მიერ სატენდერო დოკუმენტაციის 1.7.1.2. პუნქტში მითითებული ვალდებულების შეუსრულებლობის შემთხვევაში, შემსყიდველ ორგანიზაციას უფლება აქვს საკუთარი ხარჯებით აღმოფხვრას ექსპლუატაციის პროცესში გამოვლენილი დეფექტები და მოსთხოვოს მიმწოდებელს შესაბამისი ხარჯების სრულად ანაზღაურება.

2.1.1.1. პრეტენდენტი ვალდებულია, სისტემაში ატვირთულ ფასების ცხრილში მიუთითოს ინფორმაცია შემოთავაზებული საქონლის წარმოშობის ქვეყნის, მწარმოებლისა (მწარმოებელი კომპანია ან/და ბრენდი ან/და სავაჭრო ნიშანი) და მოდელის (მოდელი ივსება მხოლოდ არომატიზატორის შემთხვევაში, მოდელის არ არსებობის შემთხვევაში უნდა გაკეთდეს შესაბამისი ჩანაწერი) შესახებ.
2.1.1.2. პრეტენდენტი ექვემდებარება დისკვალიფიკაციას, თუ არ წარმოადგენს ფასების ცხრილს ან წარმოდგენილი ფასების ცხრილი იქნება განუფასებელი ან სისტემაში ატვირთულ ფასების ცხრილში არ მიუთითებს ინფორმაციას საქონლის წარმოშობის ქვეყნის, მწარმოებლის ან/და მოდელის (მოდელი ივსება მხოლოდ არომატიზატორის შემთხვევაში, მოდელის არ არსებობის შემთხვევაში უნდა გაკეთდეს შესაბამისი ჩანაწერი) შესახებ.
2.1.1.3.არომატოზატორების მახასიათებლების სატენდერო დოკუმენტაციასთან შესაბამისობის დადგენის მიზნით, წარმოდგენილი მოდელის მიხედვით შემოთავაზებული საქონლის ტექნიკური პარამეტრები უნდა იძებნებოდეს ინტერნეტ წყაროების საშუალებით. წინააღმდეგ შემთხვევაში პრეტენდენტმა უნდა წარმოადგინოს მწარმოებლის ოფიციალური ინფორმაცია ტექნიკური მახასიათებლების შესახებ (მწარმოებლის წერილი ან/და დასკანერებული ტექნიკური პასპორტი, ან/და data sheet ან/და ვებ-გვერდის მისამართი).
2.1.1.4. წარმოდგენილი უნდა იქნეს 15 ნეიტრალური სუნის არომატში (ეთერზეთში) გამოყენებული ინგრედიენტების შესახებ დოკუმენტი, გაცემული მწარმოებლის მიერ (მწარმოებლის მიერ ხელმოწერილი და ბეჭედდასმული (ასეთის არსებობის შემთხვევაში)), ასევე უსაფრთხოების მონაცემთა ფურცელი (SDS).

წარმოდგენილი უნდა იქნას მინიმუმ 15 ნეიტრალური სუნის ეთერზეთის ნიმუში.

შესყიდვის ობიექტის მოწოდება განხორციელდება შემდეგ მისამართზე: ქ. თბილისი, ზვიად გამსახურდიას სანაპიროს ქ.N1, თბილისის ცენტრალური იუსტიციის სახლი.

4.1.1.1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას;

4.1.1.2. ფასწარმოქმნის ადეკვატურობა, შესაძლებელია დასაბუთდეს სსიპ "ლევან სამხარაულის სახელობის სასამართლო ექსპერტიზის ეროვნული ბიუროს" ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული შესაბამისი დასკვნით, შესაბამისი ტენდერის უნიკალური ნომრის მითითებით (პრეტენდენტის მიერ დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი);

4.1.1.3.ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებულ წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

7.2.1 ანგარიშსწორება განხორციელდება უნაღდო ანგარიშსწორებით, ეტაპობრივად/ერთიანად ეროვნულ ვალუტაში – ლარში. მხარეთა შორის გაფორმებული მიღება-ჩაბარების აქტის, მიმწოდებლის მიერ წარმოდგენილი სასაქონლო ზედნადებისა და ანგარიშ-ფაქტურის (კანონმდებლობით გათვალისწინებულ შემთხვევაში) საფუძველზე.
7.2.2 მიღება-ჩაბარების აქტი მხარეთა შორის გაფორმდება ეტაპობრივად/ერთიანად ფაქტობრივად მოწოდებული შესყიდვის ობიექტის შემდეგ, შემსყიდველის მიერ განსაზღვრული ხელშეკრულების შესრულების კონტროლის განმახორციელებელი პირ(ებ)ის მიერ შედგენილი ინსპექტირების დასკვნის და მიმწოდებლის მიერ წარმოდგენილი სასაქონლო ზედნადების საფუძველზე.

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე.

ნანა ჯაშიაშვილი, 577245566, najashiashvili@psh.gov.ge

10.1.1. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნეს ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.

10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.

10.1.3. ალტერნატიული სატენდერო წინადადება არ განიხილება.

10.1.4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში.

10.1.5. პრეტენდენტი დაექვემდებარება დისკვალიფიკაციას, თუ მის მიერ არ იქნება წარმოდგენილი ფასების ცხრილი ან ფასების ცხრილი წარმოდგენილი იქნება განფასების გარეშე ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს.

10.1.6. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.

10.1.7. იმ შემთხვევაში, თუ სატენდერო დოკუმენტაციის რომელიმე პუნქტში იკითხება კონკრეტული სასაქონლო ნიშანი, პატენტი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება "მსგავსი“, "ანალოგიური“ ან "ექვივალენტური.

10.1.8. პრეტენდენტმა სატენდერო წინადადების ფასში არ უნდა გაითვალისწინოს დღგ, მიუხედავად იმისა, არის თუ არა იგი დღგ-ის გადამხდელი საქართველოს კანონმდებლობის შესაბამისად. შემსყიდველი ორგანიზაცია ვალდებულია ხელშეკრულების ღირებულებაში გაითვალისწინოს სატენდერო წინადადების ფასის შესაბამისი დღგ-ის ოდენობა, თუ ხელშეკრულების დადების მომენტისთვის პრეტენდენტი არის დღგ-ის გადამხდელი საქართველოს კანონმდებლობის მოთხოვნათა შესაბამისად.