Лабораторные услуги (Грузия - Тендер #69970938)

შესყიდვის ობიექტია: ცხოველური წარმოშობის სურსათში (მსხვილფეხა საქონლის ხორცი, ღორის ხორცი, ცხვრის ხორცი, ფრინველის ხორცი, ბოცვრის ხორცი, ძროხის ნედლი რძე და კვერცხი) ლაბორატორიული კვლევა ზოგიერთი ნივთიერებისა სუბსტანციის) და მათი ნარჩენების მონიტორინგის მიზნით;

1.2.1 გამოსაკვლევი ნიმუშების სავარაუდო რაოდენობა 1367, დანართის N 1-ში მოცემული მაჩვენებლებისა და სურსათის სახეობების გათვალისწინებით, მათ შორის ხორცი (მსხვილფეხა საქონელი, ღორი, ცხვარი, ბოცვერი და ფრინველი) - 867 ნიმუში, ფრინველის კვერცხი - 200 ნიმუში და ნედლი რძე - 300 ნიმუში.

1.2.2. ლაბორატორიული კვლევისათვის წარდგენილი ნიმუშების გამოცდა (ტესტირება) უნდა ჩატარდეს აღნიშნული შესყიდვით განსაზღვრული გამოსაკვლევი მაჩვენებლების ტესტირების სფეროში აკრედიტირებულ ლაბორატორიაში, აკრედიტირებული მეთოდებით; კვლევის ჩატარება ასევე შესაძლებელია საერთაშორისო სტანდარტების შესაბამისად;
1.2.3. ლაბორატორიული კვლევისათვის წარდგენილი ნიმუშების ტესტირება (გამოცდა) უნდა ჩატარდეს საქართველოში მოქმედი ნორმატიული ბაზის შესაბამისად, კერძოდ: საქართველოს მთავრობის 2016 წლის 18 იანვრის N22 დადგენილებაში „ტექნიკური რეგლამენტის − ცოცხალ ცხოველებსა და ცხოველური წარმოშობის სურსათში ზოგიერთი ნივთიერებისა (სუბსტანციის) და მათი ნარჩენების მონიტორინგის წესის დამტკიცების შესახებ“ და საქართველოს მთავრობის 2015 წლის 18 დეკემბრის N639 დადგენილებაში „ფარმაკოლოგიურად აქტიური ნივთიერებების, მათი კლასიფიკაციისა და ცხოველური წარმოშობის სურსათში ნარჩენების მაქსიმალური ზღვრის შესახებ ტექნიკური რეგლამენტის დამტკიცების თაობაზე“ მოცემული ცხოველური წარმოშობის სურსათის სახეობების და მაჩვენებლების გათვალისწინებით ასევე საქართველოს მთავრობის 2015 წლის 9 ნოებრის N567 დადგენილების „სურსათში ზოგიერთი დამაბინძურებლის (კონტამინანტის) მაქსიმალურად დასაშვები ზღვრის შესახებ ტექნიკური რეგლამენტის დამტკიცების თაობაზე“ და საქართველოს შრომის, ჯანმრთელობისა და სოციალური დაცვის მინისტრის 2001 წლის 16 აგვისტოს N 301/ნ ბრძანების „სასურსათო ნედლეულისა და კვების პროდუქტების ხარისხისა და უსაფრთხოების სანიტარიული წესებისა და ნორმების დამტკიცების შესახებ“ მოთხოვნებიდან გამომდინარე, ცოცხალ ცხოველებსა და ცხოველური წარმოშობის სურსათში ზოგიერთი ნივთიერებისა (სუბსტანციის) და მათი ნარჩენების გამოკვლევისათვის ანალიზის მეთოდები უნდა შეესაბამებოდეს საქართველოს მთავრობის 2023 წელის 5 ივნისის N 212 დადგენილების „ტექნიკური რეგლამენტის − სასურსათო დანიშნულების ცხოველებში ფარმაკოლოგიურად აქტიური ნივთიერებების (სუბსტანციების) ნარჩენების ანალიზის მეთოდების განხორციელების, ნიმუშის აღებისა და შედეგების ინტერპრეტაციის წესის დამტკიცების შესახებ“ და საქართველოს მთავრობის 2023 წლის 13 ივნისის N 225 დადგენილების „ტექნიკური რეგლამენტის – ცხოველური წარმოშობის სურსათში აკრძალულ/დაუშვებელ ფარმაკოლოგიურად აქტიურ ნივთიერებებთან (სუბსტანციებთან) დაკავშირებით მოქმედებისათვის საცნობარო მაჩვენებლების (RPA) შესახებ დამტკიცების თაობაზე“ მოთხოვნებს.
1.2.4. თუ მოცემულ ნიმუშზე არსებობს ცალკე ტექნიკური რეგლამენტი ამ შემთხვევაში გათვალისწინებული უნდა იქნეს ამ ტექნიკური რეგლამენტის მოთხოვნებიც.
1.2.5. საჭიროების შემთხვევაში, ლაბორატორიამ ანალიზის სფეროში სრულფასოვანი მომსახურებისთვის შეიძლება გამოიყენოს ქვეკონტრაქტორი - განსაზღვრული გამოსაკვლევი მაჩვენებლების ტესტირების სფეროში აკრედიტირებული ლაბორატორია, საქართველოს ეროვნული სტანდარტის (სსტ ისო/იეკ 17025 : 2010) 4.5 პუნქტის შესაბამისად;
1.2.6. იმ შემთხვევაში, როდესაც კვლევის ფაქტიური შედეგი ახლოს არის საქართველოს კანონმდებლობით განსაზღვრულ მაქსიმალურად დასაშვებ ზღვართან (ნორმასთან), მიმწოდებელმა ლაბორატორიული კვლევის შედეგი უნდა წარმოადგინოს განსაზღვრის გაფართოებული განუსაზღვრელობის გათვალისწინებით (მითითებით);
1.2.7. ინტერესთა კონფლიქტი:
ა) პრეტენდენტის/მიმწოდებელის, მისი თანამშრომლების და ხელმძღვანელის საქმიანობაში არ უნდა არსებობდეს ინტერესთა კონფლიქტი;
ბ) პრეტენდენტი/მიმწოდებელი იღებს ვალდებულებას, რომ მისი ხელმძღვანელი იქნება მიუკერძოებელი, ასევე მასზე და მის თანამშრომლებზე არ მოხდება კომერციული, ფინანსური ან სხვა რაიმე სახის ზეწოლა, რომელიც აისახება მათ გადაწყვეტილებაზე;
გ) პრეტენდენტის/მიმწოდებელის ხელმძღვანელი არ უნდა ეწეოდეს ისეთ საქმიანობას, რომელმაც შეიძლება საფრთხის ქვეშ დააყენოს მისი გადაწყვეტილების მიღების მიუკერძოებლობა და ნდობა კვლევებთან დაკავშირებით;

1.2.8. ლაბორატორიული გამოცდის მიზნით აღებული ნიმუში ლაბორატორიას გადაეცემა სააგენტოს უფლებამოსილი თანამშრომელის მიერ მიმართვით;
1.2.9. ლაბორატორიამ უნდა უზრუნველყოს ნიმუშის მაჩვენებლების გამოცდა სატენდერო დოკუმენტაციის 1,3. პუნქტით წარმოსადგენი ფასების ცხრილში მითითებულ ვადებში.
1.2.10. ლაბორატორიული გამოცდის მიზნით აღებული სურსათის ნიმუში ლაბორატორიას გადაეცემა სააგენტოს უფლებამოსილი თანამშრომელის მიერ შესაბამისი მიმართვით. შემსყიდველი ლაბორატორიას აუნაზღაურებს მხოლოდ შესაბამისი წესით გაფორმებულ მიმართვაში ასახული და ჩატარებული კვლევის ღირებულებას. საჭიროების შემთხვევაში მიმწოდებელმა უნდა უზრუნველყოს სააგენტოს შესაბამისი სტრუქტურული ერთეულის ხელმძღვანელის ან ნიმუშის ამღები უფლებამოსილი თანამშრომლის დაუყოვნებელი ინფორმირება (სატელეფონო შეტყობინებით ან ელექტრონული ფოსტით) ნიმუშის გამოცდის შედეგების შესახებ, ხოლო გამოცდის ოქმი (ნორმების და მიღებული შედეგების მითითებით, სათანადო ნორმატიული აქტით დადგენილი შინაარსითა და ფორმით, რომელზეც დატანილი უნდა იყოს ნიმუშის მიღების თარიღი/დრო და ლაბორატორიული კვლევის დაწყების და დასრულების თარიღი/დრო.) უნდა გაუგზავნოს შემსყიდველს წერილობით ან ელექტრონული ფოსტით, კვლევის დასრულებიდან 48 საათის განმავლობაში.
1.2.11. თუ აღნიშნული 48 საათიანი ვადის ამოწურვა ემთხვევა არასამუშაო დღეს, გამოცდის ოქმი (ნორმების და მიღებული შედეგების მითითებით, სათანადო ნორმატიული აქტით დადგენილი შინაარსითა და ფორმით, რომელზეც დატანილი უნდა იყოს ნიმუშის მიღების თარიღი/დრო და ლაბორატორიული კვლევის დაწყების და დასრულების თარიღი/დრო.) უნდა გაეგზავნოს შემსყიდველს ვადის ამოწურვიდან პირველივე სამუშაო დღეს.
1.2.12. ლაბორატორია ვალდებულია შესაბამის პირობებში შეინახოს შესაბამისი ფორმის მიხედვით ჩატარებული ტექნიკური ოპერაციის, თითოეული გამოცდა ანალიზის, საანალიზო ნიმუშების გამოცდის ოქმების, გრაფიკების, გაზომვების, ცხრილების, ნახაზების, მიღებული პასუხების, ინსტრუმენტალური კვლევის შედეგების, შენახვა და დაცვა პირადი პასუხისმგებლობის ქვეშ და წარმოადგინონ ისინი მოთხოვნის შემთხვევაში.
1.2.13. თუ ლაბორატორიას მომსახურების მიწოდებისას გასდის აკრედიტაციის ვადა, მან აკრედიტაციის უწყვეტობის დასადასტურებლად დაუყოვნებლივ უნდა წარმოადგინოს რეაკრედიტაციის დამადასტურებელი დოკუმენტი.

შ ე ნ ი შ ვ ნ ა:
პრეტენდენტმა უნდა უზრუნველყოს სატენდერო დოკუმენტაციის (ფასების ცხრილი, ცხრილი N1) 1.3. პუნქტში წარმოდგენილი სამივე სახეობის სურსათის "+" -ით მონიშნული მაჩვენებლების განფასება.

1.4.1. ხელშეკრულების გაფორმებიდან 2026 წლის 25 დეკემბრამდე.

1.4.2. ერთ ნიმუშზე ლაბორატორიული კვლევის შესრულების ვადა არ უნდა აღემატებოდეს 20 სამუშაო დღეს.

1.4.3. ინფორმაცია ლაბორატორიული კვლევის შესრულების ვადებზე მითითებული უნდა იყოს ფასების ცხრილში.

1.5.1. საგამოცდო ლაბორატორიამ უნდა უზრუნველყოს აკრედიტაციის პასპორტის შესაბამისი ფორმის მიხედვით ჩატარებული ტექნიკური ოპერაციის, თითოეული გამოცდა-ანალიზის, საანალიზო ნიმუშების გამოცდის ოქმების, გრაფიკების, გაზომვების, ცხრილების, ნახაზების, მიღებული პასუხების, ინსტრუმენტალური კვლევის შედეგების, შენახვა და დაცვა პირადი პასუხისმგებლობის ქვეშ და წარმოადგინოს ისინი მოთხოვნის შემთხვევაში.

2.7.1.1. აკრედიტაციის მოწმობა (ან ნოტარიულად დამოწმებული ასლი);
2.7.1.2. აკრედიტაციის სფეროს ის ნაწილი, რომლითაც დასტურდება, რომ პრეტენდენტს შეუძლია მოცემულ ტენდერში განსაზღვრული გამოსაკვლევი მაჩვენებლის ტესტირება1.2. პუნქტში მითითებული "გამოსაკვლევი მაჩვენებლების დასახელების დანართი #1" ის შესაბამისად;
2.7.1.3. აკრედიტაციის სფერო დამტკიცებული უნდა იყოს მიმდინარე ტენდერის წინადადების მიღების დამთავრებამდე.“

პრეტენდენტმა ქვეკონტრაქტორის მიმართაც უნდა წარმოადგინოს 2.7.1. პუნქტით მოთხოვნილი დოკუმენტები და მათ შორის გაფორმებული მოქმედი ხელშეკრულება;

4.1.1.1 შესყიდვის სავარაუდო ღირებულებასთან მიმართებაში, საბოლოო ფასის 20%-ით ან მეტით კლების შემთხვევაში, ფასწარმოქმნის ადეკვატურობის დადასტურების მიზნით, პრეტენდენტმა უნდა წარმოადგინოს შესაბამისი უფლებამოსილების მქონე დამოუკიდებელი აუდიტორისა ან აუდიტორული კომპანიის მიერ გაცემული დასკვნა, რომელიც დაადასტურებს, რომ შემოთავაზებულ ფასად, პრეტენდენტს სრულად და შეუფერხებლად შეუძლია ტენდერით გათვალისწინებული ვალდებულებებისა და მოთხოვნების შესრულება;

4.1.1.2. ტენდერის მიზნებისთვის, შესაბამისი კვალიფიკაციის და უფლებამოსილების მქონე დამოუკიდებელ აუდიტორად შემსყიდველი განიხილავს პირს, რომელიც რეგისტრირებულია ბუღალტრული აღრიცხვის, ანგარიშგებისა და აუდიტის ზედამხედველობის სამსახურის ოფიციალურ რეესტრში, ვებ გვერდზე: https://www.saras.gov.ge/ka/Register/Auditors.

იურიდიული პირისათვის-ამონაწერი მეწარმეთა და არასამეწარმეო (არაკომერციული) იურიდიულ პირთა რეესტრიდან, რომელიც ადასტურებს რომ პრეტენდენტის ქონებაზე არ არის რეგისტრირებული ყადაღა/აკრძალვა, საგადასახადო გირავნობა/იპოთეკა და პრეტენდენტი არ არის რეგისტრირებული მოვალეთა რეესტრში;

ინდივიდუალური მეწარმისათვის - ამონაწერი მეწარმეთა და არასამეწარმეო (არაკომერციული) იურიდიულ პირთა რეესტრიდან, რომელიც ადასტურებს რომ პრეტენდენტის ქონებაზე არ არის რეგისტრირებული ყადაღა/აკრძალვა, საგადასახადო გირავნობა/იპოთეკა და პრეტენდენტი არ არის რეგისტრირებული მოვალეთა რეესტრში;

ფიზიკური პირისათვის – ცნობა ნასამართლობის შესახებ შესაბამისად უფლებამოსილი ორგანოდან, რომლითაც დასტურდება, რომ პირი არ არის ნასამართლევი საქართველოს სისხლის სამართლის კოდექსის XXVI (დანაშაული სამეწარმეო ან სხვა ეკონომიკური საქმიანობის წინააღმდეგ) და XXXIX (სამოხელეო დანაშაული) თავებით გათვალისწინებული ქმედებისათვის;

ამხანაგობისათვის – ამონაწერი მეწარმეთა და არასამეწარმეო (არაკომერციული) იურიდიულ პირთა რეესტრიდან, რომელიც ადასტურებს რომ პრეტენდენტის ქონებაზე არ არის რეგისტრირებული ყადაღა/აკრძალვა, საგადასახადო გირავნობა/იპოთეკა და პრეტენდენტი არ არის რეგისტრირებული მოვალეთა რეესტრში;

არარეზიდენტმა პირმა უნდა წარმოადგინოს საკვალიფიკაციო მოთხოვნებით გათვალისწინებული ინფორმაციის ექვივალენტური მონაცემები, რომლებიც სათანადო წესით იქნება დამოწმებული ან ლეგალიზებული;

წარმომადგენლობამ /ფილიალმა, უნდა წარმოადგინოს საკვალიფიკაციო მოთხოვნებით გათვალისწინებული ინფორმაციის ექვივალენტური მონაცემები, რომლებიც სათანადო წესით იქნება დამოწმებული ან ლეგალიზებული;

3 Процентов

5 Процентов

წარმოდგენილი გარანტიის მოქმედების ვადა, სულ მცირე 30 დღით უნდა აღემატებოდეს გამარჯვებულ პრეტენდენტთან გაფორმებული ხელშეკრულების მოქმედების ვადას

პრეტენდენტმა უნდა წარმოადგინოს საქართველოში სათანადოდ რეგისტრირებული, უფლებამოსილი საფინანსო დაწესებულების მიერ გაცემული საბანკო გარანტია;

7.2.1. ანგარიშსწორება მიმწოდებელთან განხორციელდება ეტაპობრივად, მხარეთა მიერ, შესაბამისი მიღება-ჩაბარების აქტის გაფორმების შემდგომ;

7.2.2. ანგარიშწორება განხორციელდება ეროვნულ ვალუტაში - ლარში;

7.2.3. ანგარიშწორების ფრომა იქნება უნაღდო, თანხა ჩაირიცხება მომწოდებლის მიერ ხელშეკრულებაში მითითებულ საბანკო რეკვიზიტებზე;

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე

სალომებანძელაძე, 577080719, salome.bandzeladze@nfa.gov.ge

10.1.1. სახელმწიფო შესყიდვების ერთიან ელექტრონულ სისტემაში პრეტენდენტის მიერ ატვირთული ყველა შესაბამისი დოკუმენტი ან/და ინფორმაცია დამოწმებული უნდა იყოს კვალიფიციური ელექტრონული ხელმოწერით ან კვალიფიციური ელექტრონული შტამპით, საქართველოს კანონის - „ელექტრონული დოკუმენტისა და ელექტრონული სანდო მომსახურების შესახებ“- შესაბამისად.
10.1.2. სარეგისტრაციო/უფლებრივი მონაცემების ამსახველი დოკუმენტ(ებ)ი უნდა აკმაყოფილებდეს „ელექტრონული ტენდერის ჩატარების წესის დამტკიცების შესახებ” სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების 30-ე მუხლის მე-2 პუნქტის მოთხოვნებს.