Ремонт и техническое обслуживание транспортных средств и оборудования и сопутствующие услуги (Грузия - Тендер #69940286)

სსიპ სსსტც "დელტა"-ს ბალანსზე რიცხული სხვადასხვა დასახელების სპეც. ტექნიკის შეკეთება (ასეთი მომსახურებისათვის საჭირო საქონლის (სათადარიგო ნაწილების) გათვალისწინებით) და ტექნიკური მომსახურება.

1. ტექნიკური მომსახურება უნდა განხორცილდეს პრეტენდენტის მიერ წარმოდგენილ პრეისკურანტში მითითებული შესაბამისი საქონლის (ნაწილების) და მომსახურების დასახელების და ფასის შესაბამისად;
2. მიმწოდებელმა შემსყიდველის მოთხოვნისთანავე (წერილი, ელ.ფოსტა ან/და სხვა ელექტრონული საშუალებები) უნდა ჩაატაროს შესაკეთებელი სპეც.ტექნიკის დათვალიერება უსასყიდლოდ, რის შემდგომაც, მხარეები ადგენენ დეფექტურ აქტს, რომელშიც მითითებული იქნება გასაწევი მომსახურების/სათადარიგო ნაწილის სახეობა, რაოდენობა/მოცულობა, მათი ღირებულებები, მომსახურების გაწევის/საქონლის მოწოდების კონკრეტული ვადა;
3. საგარანტიო პერიოდის განმავლობაში გამოვლენილ ხარვეზებს მიმწოდებელი აღმოფხვრის დამატებითი ანაზღაურების გარეშე;
4. დაზიანებული სათადარიგო ნაწილის შეცვლის საჭიროების დადგომისას, ურთიერთშეთანხმების საფუძველზე შესაძლებელია დაყენდეს მეორადი ნაწილი ან მოხდეს დაზიანებული ნაწილის აღდგენა. მეორადი ნაწილის ფასი არ უნდა აღემატებოდეს პრეისკურანტში დაფიქსირებული ფასის 50%-ს.
5. მიმწოდებელი ვალდებულია საჭიროების შემთხვევაში, წინამდებარე ტენდერით გათვალისწინებულ სპეც. ტექნიკას ელექტრო (კომპიუტერული) სისტემის დიაგნოსტიკა და სავალი ნაწილების შემოწმების მომსახურება გაუწიოს შემსყიდველს უსასყიდლოდ, როგორც ხელშეკრულების მოქმედების ნებისმიერ ეტაპზე, ასევე საგარანტიო პერიოდის განმავლობაში.

1.მომსახურება უნდა განხორციელდეს ხელშეკრულების გაფორმებიდან 2026 წლის 20 დეკემბრის ჩათვლით, ეტაპობრივად, შემსყიდველის მოთხოვნის შემთხვევაში შემდეგი ვადების გათვალისწინებით:
2. შემსყიდველის ბალანსზე რიცხული სპეც. ტექნიკისთვის ძრავის ზეთის, ზეთის ფილტრის, ჰაერის ფილტრის, სალონის ფილტრის, წინა და უკანა სამუხრუჭე ხუნდების გამოცვლის ვადა განისაზღვრება 3 (სამი) სამუშაო დღით;
3. სავალი ნაწილის შეკეთების ვადა განისაზღვრება 1-დან 10-მდე სამუშაო დღით (დეტალის შეკვეთის საჭიროების შემთხვევაში).
4. აგრეგატების შეკეთების/შეცვლის ვადა განისაზღვრება 1-დან 15-მდე სამუშაო დღით.
5. თუ დაზიანების/დაზიანებული ნაწილის განსაკუთრებით რთული ხასიათის გამო, აღნიშნულ ვადებში ვერ ხერხდება მიმწოდებლის მიერ მომსახურების გაწევა, მხარეები ყოველ კონკრეტულ შემთხვევაში დამატებით თანხმდებიან გონივრულ ვადაზე, მაგრამ არაუმეტეს 20 (ოცი) სამუშაო დღისა.
6. მიმწოდებელი ვალდებულია ხელშეკრულების მოქმედების პერიოდში, სათადარიგო ნაწილის საქართველოს ფარგლებს გარეთ შეკვეთის შემთხვევაში, ტექნიკაზე დეფექტური აქტის შედგენიდან 2 (ორი) კალენდარული დღის ვადაში წარუდგინოს შემსყიდველს შეკვეთის დამადასტურებელი დოკუმენტი.

1. მომსახურების გაწევა განხორციელდება შემსყიდველის მოთხოვნის შესაბამისად, მითითებულ მისამართზე.
2. მიმწოდებელმა საჭიროების შემთხვევაში უნდა უზრუნველყოს ევაკუატორით ტრანსპორტირება.

1. ექსპლუატაციის პირობების დაცვის შემთხვევაში (თუ არ აღინიშნება გარეგანი მექანიკური ზემოქმედებით გამოწვეული დაზიანება) მიმწოდებლის მიერ გაწეულ ტექ. მომსახურებაზე, ახალ (არამეორად), შეკეთებულ და მეორად ნაწილებზე გარანტია უნდა ვრცელდებოდეს არანაკლებ 1 წელი, გარდა სწრაფადცვეთადი დეტალებისა.
2. საგარანტიო პერიოდში, ტექნიკის სათადარიგო ნაწილზე/გაწეულ მომსახურებაზე დეფექტის/ნაკლის/წუნის/ხარვეზის გამოვლენის შემთხვევაში, ხელშეკრულების მოქმედების ნებისმიერ ეტაპზე და ასევე, მისი მოქმედების დასრულების შემდგომ მიმწოდებელი ვალდებულია შეტყობინების მიღებისთანავე გონივრულ ვადებში ნაკლის/წუნის გამოსწორების მიზნით შეცვალოს იგი ახალი სათადარიგო ნაწილით, შემსყიდველის მხრიდან დამატებითი დანახარჯების გაწევის გარეშე. ხოლო, საგარანტიო პირობებით ნაკისრი ვალდებულებების შესრულებაზე მიმწოდებლის მხრიდან უარის თქმის შემთხვევაში, მიმწოდებელი ვალდებულია ჩაატაროს ავტოტექნიკური ექსპერტიზა აკრედიტებულ საექსპერტო დაწესებულებაში სათადარიგო ნაწილის/გაწეული მომსახურების ხარისხის/ვარგისიანობის/დაზიანების გამომწვევი მიზეზის დასადგენად, შემსყიდველის მხრიდან დამატებითი დანახარჯების გაწევის გარეშე. აღნიშნულ შემთხვევაში ექსპერტიზის ჩატარების ვადად განისაზღვრება დეფექტური აქტის შედგენიდან/გახსნიდან 15 (თხუთმეტი) სამუშაო დღე. მიმწოდებლის მხრიდან საგარანტიო პირობებით ნაკისრი ვალდებულებების შეუსრულებლობის შემთხვევაში, შემსყიდველი უფლებამოსილია მოსთხოვოს მიმწოდებელს შესაბამისი ხარჯების ანაზღაურება.
3. პრეტენდენტმა ერთიანი ელექტრონული სისტემის მეშვეობით უნდა წარმოადგინოს ინფორმაცია საგარანტიო ვადის შესახებ.

1. პრეტენდენტს უნდა გააჩნდეს ანალოგიური საქმიანობის სფეროში სპეც.ტექნიკის (მათ შორის მუხლუხა ექსკავატორი და ბორბლებიანი დამტვირთველი) შეკეთებისა და ტექ. მომსახურების გაწევის გამოცდილება ბოლო 3 წლის (2023/2024/2025წწ) განმავლობაში, ჯამური ღირებულებით არანაკლებ 300 000.00 (სამასი ათასი) ლარი.
2. გამოცდილების დასადასტურებლად პრეტენდენტმა ერთიან ელექტრონულ სისტემაში, სატენდერო წინადადებასთან ერთად უნდა ატვირთოს შესაბამისი ხელშეკრულებები და მიღება-ჩაბარების აქტები/ანგარიშ-ფაქტურები, ხოლო თუ პრეტენდენტს ხელშეკრულებ(ები)ა გაფორმებული აქვს სახელმწიფო შემსყიდველ ორგანიზაციასთან, საკმარისია მითითებულ იქნას შესაბამისი SPA, NAT, CMR ან/და სხვა განცხადების ნომრ(ებ)ი.

1.მიმწოდებელს უნდა გააჩნდეს სერვის-ცენტრი თბილისში.

2. სახელმწიფო შესყიდვების ერთიანი ელექტრონული სისტემის საშუალებით პრეტენდენტმა უნდა წარმოადგინოს:
ა) სერვის-ცენტრის მისამართი;
ბ) სერვის-ცენტრის საკუთრებაში ან/და სარგებლობის უფლებით ფლობის დამადასტურებელი დოკუმენტები (ამონაწერი საჯარო რეესტრიდან ან ხელშეკრულება ან სხვა სახის დოკუმენტი), რითაც დადასტურდება სერვის ცენტრის საკუთრებაში ან/და სარგებლობის უფლებით ფლობა, ამასთანავე სარგებლობის უფლებით ფლობის შემთხვევაში წარმოდგენილი დოკუმენტი ძალაში უნდა იყოს მინიმუმ 2026 წლის 31 დეკემბრის ჩათვლით;
გ) ინფორმაცია წერილობითი სახით სატენდერო დოკუმენტაციის 3. - 5. პუნქტების დაკმაყოფილების თაობაზე.

3.სერვის-ცენტრები დაკომპლექტებული უნდა იყოს მაღალკვალიფიციური სპეციალისტებით და აღჭურვილი უნდა იყოს თანამედროვე აპარატურით და დანადგარებით. თბილისის სერვისცენტრში უნდა იყოს არანაკლებ 1 (ერთი) დიაგნოსტიკის აპარატი და ძრავის ამომღები ამწე.

4. პრეტენდენტს უნდა გააჩნდეს გამართული სასაწყობე მეურნეობა პრეისკურანტით გათვალისწინებული ტექნიკის პირველადი ხარჯვადი სათადარიგო ნაწილების მინიმალური მარაგით;

5. პრეტენდენტს უნდა გააჩნდეს შესაბამისი სპეციალისტებით დაკომპლექტებული არანაკლებ ერთი მობილური ჯგუფი.

6. შემსყიდველი უფლებამოსილია ტენდერში მონაწილე პრეტენდენტის გამარჯვებულად გამოვლენამდე ფიზიკურად შეამოწმოს მის მიერ წარმოდგენილი ინფორმაცია და სერვისცენტრი/მატერიალურ-ტექნიკური ბაზა.

1. სატენდერო წინადადებაში საერთო და ერთეულის ფასი გამოსახული უნდა იყოს მხოლოდ ლარში, საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
2. პრეტენდენტის მიერ წარმოდგენილ პრეისკურანტში შემოთავაზებული ერთეულის ღირებულება არ უნდა აღემატებოდეს სატენდერო დოკუმენტაციის პრეისკურანტის შესაბამის პოზიციაზე დაფიქსირებულ ერთეულის ზღვრულ ღირებულებას;
3. პრეტენდენტის მიერ ელექტრონული ვაჭრობის შედეგად პრეისკურანტის საერთო ფასის შემცირების/კლების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტით განსაზღვრულ ყოველ კონკრეტულ პოზიციაზე (მაგალითად თუ პრეტენდენტმა სახელმწიფო შესყიდვების ერთიან ელექტრონულ სისტემაში დააფიქსირა პრეისკურანტის საბოლოო ჯამური ღირებულება, რომელიც 12%-ით ნაკლებია პრეისკურანტის სავარაუდო ღირებულებაზე, მაშინ პრეისკურანტის თითოეულ პოზიციაზე შემოთავაზებული ღირებულების გრაფაში უნდა მიეთითოს შესაბამის ზღვრულ ღირებულებაზე არანაკლებ 12%-ით ნაკლები თანხა).
4. პრეტენდენტი ვალდებულია საქონლის ერთეულის ფას(ებ)ი დააფიქსიროს (დაამრგვალოს) მეასედის სიზუსტით.
5. პრეისკურანტის დაზუსტების შეთხვევაში, დაუშვებელია რომელიმე პოზიციაზე თავდაპირველად წარმოდგენილი ერთეულის ფასის გაზრდა;
6. დაზუსტებას არ ექვემდებარება პრეისკურანტი, თუ იგი არ არის წარდგენილი ან განუფასებელი პოზიციების რაოდენობა აღემატება განსაფასებელი პოზიციების 1%-ს;
7. თუ პრეტენდეტი რომელიმე პოზიციის შესრულებას გვთავაზობს უფასოდ, შესაბამის გრაფაში უნდა დააფიქსიროს „0“, წინააღმდეგ შემთხვევაში აღნიშნული პოზიცია ჩაითვლება განუფასებლად.
8. თუ ხელშეკრულების მოქმედების პერიოდში აღმოჩნდება, რომ პრეისკურანტში არ არის გათვალისწინებული საჭირო მომსახურება/საქონელი, ამ შემთხვევაში საბაზრო ფასების გათვალისწინებითა და მხარეთა შეთანხმებით, შესაბამისი ცვლილების განხორციელების გზით მოხდება საჭირო პოზიციის დამატება პრეისკურანტში (ასეთ შემთხვევაში პრეისკურანტში მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს);
9.მიმწოდებელი უფლებამოსილია პრეიკურანტი ერთიან ელექტრონულ სისტემაში ატვირთოს მხოლოდ Excel-ის ფორმატის ცხრილის სახით. პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).

1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტს მოეთხოვება ფასწარმოქმნის ადეკვატურობის დასაბუთება. ფასწარმოქმნის ადეკვატურობის დასასაბუთებლად პრეტენდენტის მიერ წარმოდგენილი უნდა იქნას სსიპ "ლევან სამხარაულის ექსპერტიზის ეროვნული ბიუროს" ან/და სხვა აკრედიტირებული პირის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო პრეისკურანტში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე პრეისკურანტით განსაზღვრული შესყიდვის ობიექტის მიწოდების შესაძლებლობა.

2. ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.

3. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები. დამოუკიდებელი სერთიფიცირებული აუდიტის დასკვნის საფუძველზე

ანგარიშსწორება მოხდება უნაღდო ანგარიშსწორებით ლარში, 2026 წლის დაფინანსების ფარგლებში.
ანგარიშსწორება შემსყიდველის მიერ მოხდება ფაქტობრივად გაწეული მომსახურების მიხედვით. მიღება–ჩაბარების აქტის ხელმოწერის, შესაბამისი საგადასახადო ანგარიშ-ფაქტურის (კანონით დადგენილ შემთხვევაში) გამოწერისა და წარმოდგენის შემდეგ.

მიღება–ჩაბარების აქტის გაფორმებიდან და შესაბამისი საგადასახადო დოკუმენტების წარმოდგენიდან 10 სამუშაო დღე.

ქეთევან ლორია, 551888113, kloria@delta.gov.ge

1. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი წარმოდგენილი უნდა იქნეს მოქმედი კანონმდებლობის შესაბამისად.
2. ტექნიკური დოკუმენტაციის უცხოურ ენაზე წარმოდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.
3. იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით.
4. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
5. პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, სსიპ სსსტც "დელტას" მიერ „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.