Специальные одежда и аксессуары (Грузия - Тендер #69761574)

წინამდებარე სატენდერო დოკუმენტაციით განსაზღვრულ შესყიდვის ობიექტს წარმოადგენს საქართველოს შინაგან საქმეთა სამინისტროს მმართველობის სფეროში შემავალი სახელმწიფო საქვეუწყებო დაწესებულება - საგანგებო სიტუაციების მართვის სამსახურის სსიპ - სახელმწიფო რეზერვებისა და სამოქალაქო უსაფრთხოების სერვისების სააგენტოს საჭიროებისთვის სპეციალური სამუშაო ტანსაცმლის (შესაბამისი აქსესუარებითა) და ფეხსაცმლის (CPV 18400000 - სპეციალური ტანსაცმელი და აქსესუარები; CPV 18800000 - ფეხსაცმელი, შემდგომში - „სპეც. ტანსაცმელი აქსესუარებით და ფეხსაცმელი“ ან/და „საქონელი“) სახელმწიფო შესყიდვა.

1. წინამდებარე კონსოლიდირებული ტენდერით გათვალისწინებული შესასყიდი საქონლის ტექნიკური პარამეტრები, მოთხოვნები ექსპერტიზის დასკვნის შესახებ და სხვა დეტალური ინფორმაცია, ასევე, შესასყიდი საქონლის რაოდენობა მოცემულია სატენდერო დოკუმენტაციის 1.2 პუნქტის N1 დანართში.
2. წინამდებარე კონსოლიდირებული ტენდერით გათვალისწინებული შემსყიდველი ორგანიზაცია და მის მიერ მოთხოვნილი შესასყიდი საქონლის რაოდენობა (ზომების მიხედვით), ასევე მიწოდების ადგილის შესახებ დეტალური ინფორმაცია, მოცემულია სატენდერო დოკუმენტაციის 1.2 პუნქტის N2 დანართში.
3. გამარჯვებულმა მიმწოდებელმა უნდა უზრუნველყოს საქონლის შეუფერხებელი მიწოდება, ასევე, ტრანსპორტირებისა და მასთან დაკავშირებული ორგანიზაციულ-ტექნიკური საკითხების უზრუნველყოფა თავისივე ხარჯით.
4. სატენდერო დოკუმენტაციის 1.2 პუნქტის N1 დანართში მოცემულია საქონლის ესკიზები, თუმცა გამარჯვებული მიმწოდებელი ვალდებულია ხელშეკრულების გაფორმების შემდეგ შემსყიდველ ორგანიზაციასთან დამატებით დააზუსტოს სპეც. ტანსაცმლის (შესაბამისი აქსესუარებით) და ფეხსაცმლის თარგი, ფერი, ასევე ბრენდირება (მათ შორის ლოგო, ფერი, ზომები და ა.შ.). ასევე ყველა შესყიდვის ობიექტის შესაბამისი დეტალები და მხოლოდ შემსყიდველი ორგანიზაციის თანხმობის საფუძველზე დაიწყოს საქონლის წარმოება/შეკერვა, სატენდერო დოკუმენტაციის მოთხოვნების გათვალისწინებით.
5. სატენდერო დოკუმენტციის 1.2. პუნქტის N4 დანართში მითითებული RAL-ისა და PANTONE-ის ფერის კოდები დამხმარე ინფორმაციაა და საორიენტაციო ხასიათისაა, პრეტენდენტის მიერ შესაბამისი ფერების იდენტიფიცირების მიზნით.
6. სპეც. ტანსაცმელს უნდა გააჩნდეს შესაბამისი იარლიყი, სადაც გარკვევით იქნება მითითებული შესაბამისი ზომის აღმნიშვნელი. ასევე, ფეხსაცმელს ძირზე მითითებული უნდა ჰქონდეს ზომის აღმნიშვნელი ინფორმაცია.
7. თითოეული სახეობის შესყიდვის ობიექტი უნდა იყოს ინდივიდუალურად შეფუთული (პოლიეთლენის პარკში), (ქურთუკი და შარვალი შესაძლებელია შეფუთული იყოს ერთად როგორც კომპლექტი), ხოლო მეორეული შეფუთვა უნდა იყოს რაოდენობრივად დაფასოებული არაუმეტეს 200 ერთეული შეფუთვაში.
8. სპეც. ტანსაცმელი უნდა ინარჩუნებდეს თავდაპირველ ზომასა და ფორმას შესაბამისი ტემპერატურული მშრალი ან/და სველი რეცხვის შემდეგ.
9. სპეც. ტანსაცმელზე გამოყენებული გვირისტი შესრულებული უნდა იყოს სამკერვალო ძაფით, რომელიც ხელის ძლიერი ზემოქმედებით არ უნდა წყდებოდეს, ამასთანავე, გვირისტის შესრულება უნდა იყოს სწორი და პროპორციული.
10. შესყიდვის ობიექტის ზომები უნდა შეესაბამებოდეს შემდეგი სტანდარტის მოთხოვნებს, კერძოდ:
10.1. სპეც. ტანსაცმლის შემთხვევაში: EN ISO 13688;
10.2. ხელთათმანის შემთხვევაში: EN ISO 21420;
10.3. ჩაფხუტის შემთხვევაში: EN 960.
11. შემსყიდველი უფლებამოსილია, ნებისმიერ დროს განახორციელოს მიმწოდებლის მიერ სატენდერო მოთხოვნებისა და შესაბამისი ხელშეკრულების პირობებისა, აგრეთვე სატენდერო დოკუმენტაციის (მათ შორის, საქონლის ტექნიკურ სპეციფიკაციებთან მიმართებით) მოთხოვნების შესრულების კონტროლი. კონტროლის განხორციელებისას შემსყიდველი უფლებამოსილია, შესყიდვის ობიექტის ჩაბარებისას ან/და ჩაბარების შემდეგ, შერჩევითობის პრინციპით, ნიმუშად აიღოს ნებისმიერი საქონელი შემდგომი ექსპერტიზის ჩასატარებლად, მისი სატენდერო პირობებთან ან/და პრეტენდენტის მიერ წარმოდგენილ სატენდერო წინადადებასთან ან/და შესაბამის ხელშეკრულებასთან შესაბამისობის დასადგენად. ამასთან, შემსყიდველი უფლებამოსილია შერჩევითობის პრინციპით ნიმუშად ამოიღოს იმავე სახეობისა და რაოდენობის საქონელი, რაც საჭირო იქნება პრეტენდენტის მიერ წარმოდგენილ სატენდერო წინადადებასა (მათ შორის, შერჩევა-შეფასების ეტაპზე წარმოდგენილ ექსპერტიზის დასკვნასა და შესაბამის ქსოვილებთან) და მოწოდებულ საქონელს შორის შესაბამისობის დასადგენად.
11.1. ექსპერტიზა შესაძლოა ჩატარდეს პრეტენდენტის მიერ შერჩევა-შეფასების ეტაპზე წარმოდგენილ სატენდერო წინადადებაში დაფიქსირებულ იმავე ლაბორატორიაში ან/და სსიპ “ლევან სამხარაულის სახელობის სასამართლო ექსპერტიზის ეროვნულ ბიუროში” ან/და SGS ან/და INTERTEK ან/და EKOTEKS ან/და სხვა აკრედიტირებულ ორგანოში (ასეთ შემთხვევაში, დასკვნასთან ერთად წარმოდგენილ უნდა იქნას დასკვნის გამცემი ორგანოს აკრედიტაციის დამადასტურებელი დოკუმენტის ასლი).
11.2. ზემოაღნიშნული ექსპერტიზისა და საკონტროლო შესყიდვის შედეგად აღებული სპეციალური სამუშაო ტანსაცმლისა (შესაბამისი აქსესუარებითა) და ფეხსაცმლის ხარჯებს არაუმეტეს ორჯერ სრულად აანაზღაურებს გამარჯვებული მიმწოდებელი, ხოლო, ყოველი შემდგომი, განმეორებითად ჩატარებული ექსპერტიზის ხარჯებს აანაზღაურებს ექსპერტიზის მომთხოვნი მხარე. ამასთან, იმ შემთხვევაში თუ რომელიმე ექსპერტიზის შედეგად დადგინდა მიწოდებული საქონლის სატენდერო პირობებთან, პრეტენდენტის მიერ წარმოდგენილ სატენდერო წინადადებასა და შესაბამის ხელშეკრულებასთან შეუსაბამობა, ექსპერტიზისა და საკონტროლო შესყიდვის შედეგად აღებული საქონლის ხარჯებს სრულად აანაზღაურებს მიმწოდებელი.
12. შემსყიდველი უფლებამოსილია, საქონლის მიწოდებასთან დაკავშირებული შესაბამისი საქმიანობის (მათ შორის ქსოვილის და აქსესუარების შესყიდვა ან/და კერვის პროცედურა), შეთანხმებული გეგმა-გრაფიკის მიხედვით განხორციელებაზე, მონიტორინგი უზრუნველყოს ინსპექტირების ჯგუფის საშუალებით. ინსპექტირების ჯგუფი, უფლებამოსილია გამარჯვებული მიმწოდებლისგან გამოითხოვოს შესაბამისი ინფორმაცია ან/და დოკუმენტაცია მისაწოდებელი საქონლის ან/და მისი შემადგენელი ნაწილ(ებ)ის დამზადებასთან/მიწოდებასთან დაკავშირებით, ასევე, უფლებამოსილია განახორციელოს ინსპექტირება საქონლის მწარმოებელ კომპანიაში/საწარმოში, სატენდერო დოკუმენტაციის პირობების შესაბამისად.
13. პრეტენდენტის მიერ ფასების ცხრილი წარმოდგენილი უნდა იყოს EXCEL-ის ფორმატში.
14. ფასების ცხრილის წარმოუდგენლობის ან განუფასებლად წარმოდგენის შემთხვევაში პრეტენდენტი, დაზუსტების გარეშე, დაექვემდებარება დისკვალიფიკაციას.
15. წინამდებარე კონსოლიდირებული ტენდერის სავარაუდო ჯამური ღირებულების კლება დაუშვებელია სატენდერო დოკუმენტაციის 1.2. პუნქტის N1 დანართში მოცემული რომელიმე პოზიციაზე მითითებული შესასყიდი საქონლის ერთეულის ღირებულების ზრდის ხარჯზე (პრეტენდენტის მიერ ფასების ცხრილში დაფიქსირებული შესასყიდი საქონლის ერთეულის ღირებულება არ უნდა აღემატებოდეს სატენდერო დოკუმენტაციის 1.2. პუნქტის N1 დანართში მოცემულ იმავე პოზიციაზე განსაზღვრულ საქონლის ზღვრულ ერთეულის ღირებულებას).

წინამდებარე კონსოლიდირებული ტენდერით შესასყიდი საქონლის მიწოდება უნდა განხორციელდეს ეტაპობრივად ან ერთიანად, კონსოლიდირებულ ტენდერში გამარჯვებულის გამოვლენიდან არაუგვიანეს 110 კალენდარული დღის განმავლობაში, სატენდერო დოკუმენტაციის მოთხოვნების შესაბამისად.

1. შესყიდვის ობიექტის მიწოდების ადგილებია: ქ. თბილისი, უცნობ გმირთა ქ. N182 (თბილისის ზღვის მიმდებარე ტერიტორია)
(ასევე, მითითებულია სატენდერო დოკუმენტაციის 1.2. პუნქტის N2 დანართში).
2. შესყიდვის ობიექტის მიწოდების ადგილი შესაძლებელია შეიცვალოს ან/და დაემატოს სატენდერო დოკუმენტაციის 1.5. პუნქტის პირველ ქვეპუნქტში არსებულ მისამართ(ებ)ს, შემსყიდველი ორგანიზაციის მოთხოვნის შესაბამისად, მხოლოდ გამარჯვებულ მიმწოდებელთან შეთანხმების საფუძველზე.

1. მიწოდებულ საქონელზე (სპეც. ტანსაცმელი (შესაბამისი აქსესუარებით) და ფეხსაცმელი) საგარანტიო ვადა უნდა განისაზღვრებოდეს შესაბამისი მიღება-ჩაბარების აქტის გაფორმებიდან არანაკლებ 12 (თორმეტი) თვე.
2. გარანტია, ასევე უნდა ითვალისწინებდეს, რომ მიწოდებული შესყიდვის ობიექტი იქნება ახალი, ნივთობრივად და უფლებრივად უნაკლო, არ ექნება მექანიკური ან/და სხვა სახის დაზიანებები.
3. გარანტია უნდა ითვალისწინებდეს, რომ საქონელი იქნება მიწოდებული სათანადო მდგომარეობაში, შეფუთვა არ იქნება დაზიანებული, ხოლო წარწერები საქონელზე/იარლიყზე იქნება კითხვადი.
4. გარანტია უნდა ითვალისწინებდეს, რომ შემოთავაზებული შესყიდვის ობიექტი საგარანტიო ვადის განმავლობაში არ გამოავლენს დეფექტებს/ხარვეზს/წუნს, ხოლო, აღნიშნული დეფექტის/ხარვეზის/წუნის (მათ შორის, საქონლის თავდაპირველი ფორმისა და ფერის დაკარგვის, მათ შორის მშრალი ან/და სველი რეცხვის შემთხვევაში) გამოვლენის შემთხვევაში, გამარჯვებული მიმწოდებელი ვალდებულია, საკუთარი ხარჯებით, შემსყიდველი ორგანიზაციის წერილობითი შეტყობინების გაგზავნიდან, არაუგვიანეს 15 (თხუთმეტი) სამუშაო დღის განმავლობაში შეცვალოს საქონელი ახლით. ამასთანავე, აღნიშნულ შემთხვევაში, მიმწოდებელი ვალდებულია, რომ მიწოდებული შესყიდვის ობიექტის ხარისხი იყოს თავდაპირველად მიწოდებული საქონლის ხარისხის იდენტური და სატენდერო პირობებითა და სახელმწიფო შესყიდვის შესახებ შესაბამისი ხელშეკრულებით გათვალისწინებული მოთხოვნების შესაბამისი.
5. წინამდებარე კონსოლიდირებული ტენდერის ხელშეკრულებ(ებ)ის ფარგლებში, გამოყენებული იქნება საბანკო ან სადაზღვეო კომპანიის მიერ გაცემული ხარისხის უზრუნველყოფის უპირობო (გარანტიით გათვალისწინებული თანხა შემსყიდველმა ორგანიზაციამ უნდა მიიღოს ყოველგვარი დამატებითი განმარტებებისა და მტკიცებულებების წარდგენის გარეშე, პირველი მოთხოვნისთანავე) და გამოუთხოვადი გარანტია, ხელშეკრულების საერთო ღირებულების 5%–ის ოდენობით, რომლის მოქმედების ვადაც განისაზღვრება საქონლის საბოლოო მიწოდების ვადიდან არანაკლებ 12 (თორმეტი) თვის ვადით. ადგილობრივი საბანკო ან სადაზღვევო კომპანიის მიერ გაცემული გარანტია უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ხელშეკრულების ღირებულებით გათვალისიწნებულ ვალუტა - ლარში.
6. სატენდერო დოკუმენტაციის 1.7.1. პუნქტის მე-5 ქვეპუნქტით გათვალისწინებული გარანტია ჩამორთმევას ექვემდებარება იმ შემთხვევაში, თუ მიმწოდებელი არ შეასრულებს საგარანტიო პირობებით გათვალისწინებულ ვალდებულებებს.
7. ზემოაღნიშნულ საგარანტიო მოთხოვნებსა და ვადასთან დაკავშირებულ პირობებზე თანხმობის მიზნით, კონსოლიდირებულ ტენდერში მონაწილე პრეტენდენტმა, სახელმწიფო შესყიდვების ერთიანი ელექტრონული სისტემის მეშვეობით, უნდა წარმოადგინოს მის მიერ გაცემული შესაბამისი წერილობითი დოკუმენტი/დასტური.

1. პრეტენდენტმა ფასების ცხრილში უნდა მიუთითოს შესყიდვის ობიექტის წარმოების ქვეყანა, მწარმოებელი კომპანია და მოდელი (არსებობის შემთხვევაში, ხოლო, თუ არ გააჩნია მოდელი უნდა მიუთითოს: „არ გააჩნია“), სატენდერო დოკუმენტაციის 1.3. პუნქტის ფასების ცხრილის მოთხოვნების შესაბამისად.
2. იმ შემთხვევაში, თუ პრეტენდენტი არ მიუთითებს შესყიდვის ობიექტის მწარმოებელი ქვეყნის, მწარმოებელი კომპანიის ან/და მოდელის (არსებობის შემთხვევაში - კონკრეტული ინფორმაცია, ხოლო, თუ არ გააჩნია მოდელი უნდა მიუთითოს: „არ გააჩნია“) შესახებ შესაბამის ინფორმაციას, ის დაზუსტების გარეშე დაექვემდებარება დისკვალიფიკაციას (ამასთანავე, პრეტენდენტი დაზუსტების გარეშე დაექვემდებარება დისკვალიფიკაციას ფასების ცხრილის წარმოუდგენლობის ან განუფასებლად წარმოდგენის შემთხვევაში).
3. ამასთანავე, თუ შესასყიდი შესყიდვის ობიექტის წარმოების ქვეყნის, მწარმოებლი კომპანიის ან/და მოდელის შესახებ წარმოდგენილი ინფორმაცია არასრულყოფილია ან შეიცავს უზუსტობებს, თუმცა პრეტენდენტის მიერ სატენდერო წინადადების სახით წარდგენილი დოკუმენტ(ებ)ის/ინფორმაციის ერთობლიობით, მათი შეფასების, ანალიზისა და ურთიერთშეჯერების საფუძველზე შესაძლებელია შესასყიდი საქონლის წარმოების ქვეყნის, მწარმოებლი კომპანიის ან/და მოდელის იდენტიფიკაცია, მაშინ სატენდერო კომისია მიმართავს პრეტენდენტს ტექნიკური დოკუმენტაციის დაზუსტების მოთხოვნით.

1. წინამდებარე კონსოლიდირებულ ტენდერში მონაწილე პრეტენდენტს უნდა გააჩნდეს ტანსაცმლის ან/და ფეხსაცმლის მიწოდების არანაკლებ 200,000.00 (ორასი ათასი) ლარის გამოცდილება ჯამურად, 2023 წლის 01 იანვრიდან წინამდებარე კონსოლიდირებული ტენდერის გამოცხადების დღემდე, რომლის დამადასტურებელი შესაბამისი დოკუმენტაცია უნდა დაერთოს პრეტენდენტის სატენდერო წინადადებას.
2. პრეტენდენტმა ზემოაღნიშნული მოთხოვნილი გამოცდილების დადასტურების მიზნით უნდა წარმოადგინოს გაფორმებული ხელშეკრულებ(ები)ა და ამ ხელშეკრულებ(ებ)ის შესაბამისი მიღება-ჩაბარების აქტ(ებ)ი ან/და დადასტურებული ანგარიშ-ფაქტურ(ები)ა.
3. სახელმწიფო შესყიდვ(ებ)ის შესახებ ინფორმაციის წარმოდგენის შემთხვევაში საკმარისია შესყიდვების ერთიანი ელექტრონული სისტემის მონაცემების: SPA, NAT, CON ან/და CMR ნომრების წარმოდგენა. ამასთანავე, ასეთ შემთხვევაში (SPA, NAT, CON ან/და CMR ნომრების წარმოდგენისას) ერთიან ელექტრონულ სისტემაში ატვირთული დოკუმენტაციის საფუძველზე უნდა დასტურდებოდეს პრეტენდენტის შესაბამისი გამოცდილება.
4. წინამდებარე შესყიდვის მიზნებისთვის გამოცდილების მოთხოვნის დასაკმაყოფილებლად არ განიხილება (ჩაითვლება) დოკუმენტი, რომელის ერთი მხარის (სუბიექტის) დირექტორი, ან/და პარტნიორი, (იგულისხმება ნებისმიერი წილის მფლობელი პარტნიორი) ან/და წარმომადგენელი არის მეორე მხარის (სუბიექტის) ან/და დირექტორი, ან/და პარტნიორი, (იგულისხმება ნებისმიერი წილის მფლობელი პარტნიორი) ან/და წარმომადგენელი.“

1. შესყიდვის ობიექტის მიწოდებასთან დაკავშირებული შესაბამისი საქმიანობა უნდა განხორციელდეს სატენდერო დოკუმენტაციის 2.5.1. პუნქტში არსებული გეგმა-გრაფიკის (დანართი N3) გათვალისწინებით.
2. შემსყიდველი ორგანიზაცია და გამარჯვებული მიმწოდებელი უფლებამოსილია დააზუსტოს სატენდერო დოკუმენტაციის 2.5.1. პუნქტში არსებული გეგმა-გრაფიკი (სატენდერო დოკუმენტაციის პირობების გათვალისწინებით), სახელმწიფო შესყიდვის შესახებ შესაბამისი ხელშეკრულებ(ებ)ის გაფორმებისას. ამასთან, გამარჯვებული მიმწოდებელი ვალდებულია იხელმძღვანელოს შესაბამის ხელშეკრულებაში მითითებული გეგმა-გრაფიკის შესაბამისად.
3. შემსყიდველი ორგანიზაცია უფლებამოსილია გეგმა-გრაფიკის შესრულებაზე კონტროლი განახორციელოს ნებისმიერ დროს, შესაბამისი ინსპექტირების ჯგუფის საშუალებით (ინსპექტირების ჯგუფის დაკომპლექტებას უზრუნველყოფს შემსყიდველი ორგანიზაცია). ამასთანავე, ინსპექტირების ჯგუფი უფლებამოსილია საქონლის სრულად ჩაბარებამდე გამარჯვებულ მიმწოდებელს მოსთხოვოს მისაწოდებელი საქონლის ან/და მისი შემადგენელი ნაწილ(ებ)ის დამზადებასთან/მიწოდებასთან დაკავშირებული ინფორმაცია/დოკუმენტაცია.

1. პრეტენდენტის ბრუნვა 2023 წლის 01 იანვრიდან წინამდებარე კონსოლიდირებული ტენდერის გამოცხადების თარიღამდე უნდა შეადგენდეს არანაკლებ 3 000 000 (სამი მილიონი) ლარს.
2. ზემოაღნიშნული ბრუნვის დასადასტურებლად პრეტენდენტმა სატენდერო წინადადებასთან ერთად უნდა წარმოადგინოს:
2.1. სსიპ „შემოსავლების სამსახურის“ ელექტრონული პორტალიდან გაცემული შესაბამისი დოკუმენტი, დღგ-ს ბრუნვის შესახებ (რომელზე მითითებული იქნება პრეტენდენტის მაიდენტიფიცირებელი ინფორმაცია: დასახელება, სამართლებრივი ფორმა, საიდენტიფიკაციო კოდი და შესაბამისი შტრიხკოდი) ან
2.2. აუდიტორული ფირმების ან/და აუდიტორების სახელმწიფო რეესტრში რეგისტრირებული პირის მიერ გაცემული შესაბამისი დასკვნა (დასკვნაში მითითებული უნდა იყოს დასკვნის გამცემი პირის სახელმწიფო რეესტრში რეგისტრაციის ნომერი ან "ბუღალტრული აღრიცხვის, ანგარიშგებისა და აუდიტის ზედამზედველობის სამსახურის ბრძანება აუდიტერების სახელმწიფო რეესტრში რეგისტრაციის თაობაზე. ამასთან, დასკვნის გამცემი პირი უნდა იძებნებოდეს https://www.saras.gov.ge ვებ-გვერდზე შესაბამის რეესტრში) ან
2.3. დიდი ოთხეულის წევრი აუდიტორული კომპანიის (Deloitte Touche Tohmatsu (Deloitte), KPMG International (KPMG), PricewaterhouseCoopers (PwC) და Ernst & Young (EY)) ან მათი შვილობილი კომპანიების/წარმომადგენლობების მიერ გაცემული შესაბამისი დასკვნა.

1. პრეტენდენტი ვალდებულია, წინამდებარე კონსოლიდირებული ტენდერით მოსაწოდებელი, მზა საქონლის დამზადებისას გამოყენებული ამრეკლი (ფლექსის) მასალის სატენდერო პირობებთან შესაბამისობის დადასტურების მიზნით, წარმოადგინოს:
1.1. ამრეკლი (ფლექსის) მასალის მწარმოებელი კომპანიის მიერ გაცემული ოფიციალური წერილი, რომელიც დაადასტურებს მის მიერ წარმოებული ამრეკლი (ფლექსის) მასალის შესაბამისობას ISO 20471 სტანდარტთან და
1.2. ამავდროულად, ზემოაღნიშნული ამრეკლი (ფლექსის) მასალის ISO 20471 სტანდარტთან შესაბამისობის დამადასტურებელი ლაბორატორული დასკვნა ან/და ტესტირების ანგარიში ან/და შესაბამისი სერტიფიკატი/დოკუმენტი.

2. პრეტენდენტი ვალდებულია, წინამდებარე კონსოლიდირებული ტენდერით მოსაწოდებელი, მეხანძრის დამცავი ნიღაბის (ბალაკლავა) სატენდერო პირობებთან შესაბამისობის დადასტურების მიზნით, წარმოადგინოს:
2.1. მწარმოებელი კომპანიის მიერ გაცემული ოფიციალური წერილი, რომელიც დაადასტურებს მის მიერ წარმოებული მეხანძრის დამცავი ნიღაბის (ბალაკლავა) შესაბამისობას EN 13911 სტანდარტთან და
2.2. ამავდროულად, მეხანძრის დამცავ ნიღაბზე (ბალაკლავა) გაცემული EN 13911 სტანდარტთან შესაბამისობის დამადასტურებელი ლაბორატორული დასკვნა ან/და ტესტირების ანგარიში ან/და შესაბამისი სერტიფიკატი/დოკუმენტი.

1. პრეტენდენტი ვალდებულია წარმოადგინოს სატენდერო დოკუმენტაციის 1.2 პუნქტის N1 დანართის თითოეულ პოზიციაზე მითითებული შესასყიდი მზა საქონლის ნიმუშები, ექსპერტიზაგავლილი ქსოვილები და ექსპერტიზის დასკვნა(ები) დედანი/ორიგინალის სახით (ექსპერტიზის დასკვნა(ები) უნდა იყოს წარმოდგენილი ნიმუშ(ებ)ზე ან/და ქსოვილ(ებ)ზე (რომლისგანაც დამზადებული იქნება ნიმუშები)).
2. ექსპერტიზა უნდა ჩატარდეს სატენდერო დოკუმენტაციის 1.2. პუნქტის N1 დანართში მითითებული შესასყიდი საქონლის თითოეულ მახასიათებელზე, რომელიც დეტალურად მითითებულია სვეტში სახელწოდებით: „მოთხოვნები ჩასატარებელი ექსპერტიზის დასკვნის შესახებ“ (სატენდერო დოკუმენტაციის 1.2. პუნქტის N1 დანართი).
3. თუ პრეტენდენტი წინამდებარე კონსოლიდირებულ ტენდერში მოსაწოდებელ სხვადასხვა დასახელების საქონელს ქმნის ერთიდაიგივე ქსოვილით, შესაძლებელია შესაბამის ქსოვილებზე წარმოდგენილი იქნას ერთი ექსპერტიზის დასკვნა (ამასთან, მზა საქონლის ნიმუშები უნდა იყოს წარმოდგენილი სატენდერო დოკუმენტაციის 1.2 პუნქტის N1 დანართის თითოეულ პოზიციაზე).
4. ექსპერტიზის დასკვნის ორიგინალი/დედანი (ექსპერტიზის დასკვნა უნდა იყოს წარმოდგენილი ნიმუშ(ებ)ზე ან/და ქსოვილ(ებ)ზე (რომელისგანაც დამზადებული იქნება ნიმუშ(ებ)ი)), ექსპერტიზაგავლილ ქსოვილ(ებ)თან (ან ექსპერტიზაგავლილ ნიმუშ(ებ)თან) ერთად წარმოდგენილი უნდა იყოს დალუქულ მდგომარეობაში (ერთ პაკეტად).
4.1. ექსპერტიზაგავლილი ქსოვილ(ებ)ის (ან ექსპერტიზაგავლილ ნიმუშ(ებ)ის) და ექსპერტიზის დასკვნის ერთ პაკეტად დალუქვის არ არსებობის შემთხვევაში, პრეტენდენტმა შესაძლებელია ექსპერტიზაგავლილი ქსოვილ(ებ)ი (ან ექსპერტიზაგავლილი ნიმუშ(ებ)ი) და დასკვნა(ები), ექსპერტიზის ორგანოს მიერ ინდივიდუალურად დალუქულ მდგომარეობაში.
4.2. ექსპერტიზაგავლილი ქსოვილ(ებ)ის (ან ექსპერტიზაგავლილი ნიმუშ(ებ)ის) და დასკვნ(ებ)ის, ექსპერტიზის ორგანოს მიერ ინდივიდუალურად დალუქულ მდგომარეობაში წარმოდგენის შემთხვევაში, შესაძლებელი უნდა იყოს დალუქული ექსპერტიზაგავლილი ქსოვილ(ებ)ის (ან ექსპერტიზაგავლილი ნიმუშ(ებ)ის) შესაბამის ექსპერტიზის დასკვნასთან იდენტიფიცირება. მაგალითად, ექსპერტიზის დასკვნის ინდივიდუალური ნომერი/დალუქვის ნომერი უნდა ემთხვეოდეს დალუქული ექსპერტიზაგავლილი ქსოვილ(ებ)ის (ან ექსპერტიზა გავლილი ნიმუშ(ებ)ის) შეფუთვაზე (შეფუთვაში) არსებულ ნომერს.
5. ექსპერტიზის დასკვნა(ები) გაცემული უნდა იყოს სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან/და SGS ან/და INTERTEK ან/და EKOTEKS ან/და სხვა აკრედიტირებული ორგანოს (ასეთ შემთხვევაში, დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი) მიერ.
6. პრეტენდენტის მიერ წარმოსადგენი ექსპერტიზის დასკვნა(ები) გაცემული უნდა იყოს წინამდებარე კონსოლიდირებული ტენდერის გამოცხადების შემდეგ.
7. პრეტენდენტს მზა საქონლის ნიმუშები, ექსპერტიზაგავლილი ქსოვილები (ან ექსპერტიზაგავლილი ნიმუშ(ებ)ი) და ექსპერტიზის დასკვნ(ებ)ი უკან უბრუნდება გონივრულ ვადაში, მაგრამ არანაკლებ სატენდერო წინადადების ვადის ამოწურვამდე. აღნიშნული ვადის გასვლის შემდეგ, შემსყიდველი ორგანიზაცია/სატენდერო კომისია იხსნის ყოველგვარ პასუხისმგებლობას პრეტენდენტ(ებ)ის მიერ წარმოდგენილი ნიმუშების/ექსპერტიზის დასკვნ(ებ)ის დაბრუნებაზე.
8. პრეტენდენტი ვალდებულია ნიმუშების, ექსპერტიზაგავლილი ქსოვილებისა (ან ექსპერტიზაგავლილი ნიმუშ(ებ)ის) და ექსპერტიზის დასკვნ(ებ)ის წარმოდგენისთვის საჭირო ხარჯები სრულად აანაზღაუროს საკუთარი ხარჯით.
9. პრეტენდენტის მიერ წარმოდგენილი ექსპერტიზის დასკვნა უნდა აკმაყოფილებდეს წინამდებარე კონსოლიდირებული ტენდერის სატენდერო მოთხოვნებს და შესაბამისობაში უნდა იყოს პრეტენდენტის მიერ წარმოდგენილ სატენდერო წინადადებასთან.
10. პრეტენდენტის მიერ წარდგენილი შესყიდვის ობიექტის ნიმუშები, ექსპერტიზაგავლილი ქსოვილები (ან ექსპერტიზაგავლილი ნიმუშ(ებ)ი) და ექსპერტიზის დასკვნა(ები) დაზუსტებას არ ექვემდებარება.

საქართველო, ქ. თბილისი, რიჩარდ ჰოლბრუკის ქ. #8 (სსიპ სახელმწიფო შესყიდვების სააგენტო)