Ремонт и техническое обслуживание транспортных средств и оборудования и сопутствующие услуги (Грузия - Тендер #69761573)

ონის მუნიციპალიტეტის მერიის სახელზე არსებული ავტოსატრანსპორტო საშუალებების ტექნიკური მომსახურება

ონის მუნიციპალიტეტის მერიის ბალანსზე არსებული 6 ერთეული ავტოსატრანსპორტო საშუალებისათვის სათადარიგო ნაწილების და ტექნიკური მომსახურების შესყიდვა:
ა) მომსახურება მიმწოდებელმა უნდა გაწიოს ეტაპობრივად, ყოველ კონკრეტულ შემთხვევაში (საჭიროებიდან გამომდინარე) ავტოსატრანსპორტო საშუალებ(ებ)ის დათვალიერების შემდეგ შედგენილი აქტის საფუძველზე, რომელი აქტიც გაფორმდება შემსყიდველსა და მიმწოდებლის უფლებამოსილ წარმომადგენლებს შორის, სადაც დეტალურად იქნება გაწერილი როგორც მომსახურების, ასევე მასთან დაკავშირებული საქონლის დასახელება, მიწოდების ადგილი და ვადა.
ბ ) ავტომანქანის დაზიანებული ნაწილები უნდა შეიცვალოს ახლით და უნდა შეესაბამებოდეს პრედენდენტის წარმოდგენილ ფასების ცხრილში მითითებულ საქონელს, მომსახურებას და ფასს;
გ) ტექნიკური მომსახურების სახელშეკრულებო ღირებულება შეადგენს 56 000 (ორმოცდათექვსმეტი ათასი) ლარს, ხოლო პრეისკურანტის სავარაუდო ღირებულება კი - 502 660,15 ლარს.
დ) პრეტენტენტის მიერ წარმოდგენილ პრეისკურანტში შემოთავაზებული ღირებულებები არ უნდა აღემატებოდეს მომსახურების პრეისკურანტში შესაბამის პოზიციებზე მოცემულ ერთეულის ზღვრულ ღირებულებებს, თუ რომელიმე პოზიციაზე პრეტენდენტი საქონელსა და მომსახურებას გვთავაზობს უფასოდ, ერთეულის ფასის შესაბამის გრაფაში უნდა ჩაიწეროს „0“, ხოლო იმ პოზიციებზე, სადაც მითითებულია აღნიშვნა „* “ იგულისხმება, რომ აღნიშნულ პოზიციაზე შემსყიდველის მიერ საქონელი და/ან მომსახურება არ მოითხოვება. პრეისკურანტში მითითებული მომსახურების ან/და საქონლის ფასი უნდა იყოს საბოლოო და საჭიროების შემთხვევაში მოიცავდეს კონკრეტული საქონლის მიწოდებასთან დაკავშირებული თანმდევი მომსახურების ღირებულებასაც;
ე) პრეტენდენტის ერთიან ელექტრონულ სისტემაში დაფიქსირებული საბოლოო ფასი რამდენი პროცენტითაც იქნება ნაკლები (ასეთის არსებობის შემთხვევაში) შესყიდვის ობიექტის სავარაუდო ღირებულებაზე, იმდენივე პროცენტით, პროპორციულად უნდა დააკლდეს თანხა პრეისკურანტში (ფასების ცხრილში) შემსყიდველისაგან შესაბამის გრაფებში მითითებული ერთეულის ფასებს.
ვ) პრეისკურანტში მომსახურების/საქონლის რომელიმე ერთეულის არარსებობისას, აღნიშნული ერთეულის ფასი მისი შესყიდვის აუცილებლობისას დგინდება შემსყიდველი ორგანიზაციისა და მიმწოდებლის შეთანხმებით, საბაზრო ფასის გათვალისწინებით, ხოლო ასეთ შემთხვევაში პრეისკურანტში შესაბამისი ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს პრეისკურანტის საბოლოო ჯამური ღირებულების 10%–ს;
ზ) ავტომანქანის მიღება უნდა განხორციელდეს ურიგოდ;
თ) მომსახურების გაწევის პროცესში მიმწოდებლის ბრალეულობით ავტოსატრანსპორტო საშუალების დაზიანების შემთხვევაში, ზიანის აღმოფხვრის ხარჯებს სრულად ანაზღაურებს მიმწოდებელი;
ი) წინამდებარე ტენდერში - „წინადადების მიღება დასრულებულია“ ეტაპზე, პრეისკურანტის (ფასების ცხრილის) წარმოუდგენლობა ან არსებითად შეუსაბამო პრეისკურანტის წარმოდგენა (თუ ერთეულის ფას(ებ)ი აღემატება შემსყიდველისგან შესაბამის გრაფაში მითითებულ ერთეულის სავარაუდო ფას(ებ)ს), გამოიწვევს პრეტენდენტის დისკვალიფიკაციას აღნიშნულ ტენდერში;
კ) ავტომანქანების მარკა, მოდელი და რაოდენობა მითითებულია ფასების ცხრილში.
ლ) პრეტენდეტმა ტექნიკური მომსახურება უნდა გაწიოს ქალაქ თბილისში, ქალაქ ქუთაისში, ან/და ქალაქ ონში, ან/და ქალაქ ონთან არსებულ უახლოეს არსებულ იმ სერვის ცენტრებში, რომლის ფლობის ან/და სარგებლობის დამადასტურებელ დოკუმენტაციასაც წარმოადგენს წინამდებარე ტენდერის ტეკნიკური მოთხოვნების შესაბამისად;
მ) შესყიდველს უფლება აქვს სატენდერო წინადადებების მიღების ვადის დასრულების შემდგომ ადგილზე შეამოწმოს პრეტენდენტის მატერიალურ-ტექნიკური ბაზა;
ნ) პრეტენდენტის მიერ განფასებული საქონლის და მომსახურების პრეისკურანტი ატვირთული უნდა იყოს Excel-ის ფორმატის ფაილის სახით, რომელიც არ საჭიროებს ხელმოწერას ან/და ბეჭედს (მ. შ. ელექტრონულ ხელმოწერას ან/და ელექტრონულ შტამპს) (1.3 პუნქტში მითითებული დოკუმენტი).

ხელშეკრულების ხელისმოწერის დღიდან 2027 წლის 1 იანვრამდე

ქალაქი თბილისი და ქალაქი ქუთაისი, ან/და ქალაქი ონი, ან/და ქალაქ ონთან არსებულ უახლოესი სერვის ცენტრი, მიმწოდებელმა წინამდებარე ტენდერით გათვალისწინებული მომსახურება უნდა გაწიოს შემსყიდველი ორგანიზაციის მოთხოვნის საფუძველზე, რიგგარეშე, მოთხოვნის თარიღიდან არაუგვიანეს 10(ათი) დღისა. აღნიშნული ვადის ცვლილება შესაძლებელია მხარეთა ურთიეშეთანხმებით კონკრეტული სიტუაციიდან გამომდინარე.

მიმწოდებლის მიერ შეცვლილ/შეკეთებულ სათადარიგო ნაწილებზე (გარდა ძირითადი აგრეგატების (ძრავი, ხიდი, გადაცემათა კოლოფი) ნაწილებისა) გარანტია უნდა შეადგენდეს მიღება-ჩაბარების აქტის გაფორმებიდან არანაკლებ 6 (ექვსი) თვეს.
ძირითად აგრეგატებზე (ძრავი, ხიდი, გადაცემათა კოლოფი) გაწეული მომსახურების შემთხვევაში, შეცვლილ სათადარიგო ნაწილებზე და აკუმულატორებზე გარანტია უნდა შეადგენდეს მიღება-ჩაბარების აქტის გაფორმებიდან არანაკლებ 1 (ერთი) წელს.
ელექტრონულ მოწყობილობებზე (გარდა ელ. მცველებისა და ნათურებისა) არანაკლებ ერთი წელი.
სათუნუქე და სამღებრო სამუშაოებზე არანაკლებ ერთი წელი.
იმ შემთხვევაში, თუ აღმოჩნდება, რომ სრულყოფილად არ არის გაწეული მომსახურება ან/და შეცვლილი ნაწილი აღმოჩნდა წუნდებული მიმწოდებელი ვალდებულია აღნიშნული ხარვეზი აღმოფხვრას საკუთარი ხარჯებით, მოთხოვნიდან არაუგვიანეს 10 სამუშაო დღეში, აღნიშნული ვადის ცვლილება შესაძლებელია მხარეთა ურთიერთშეთანხმებით, კონკრეტული სიტუაციიდან გამომდინარე.

1. პრეტენდენტს უნდა ჰქონდეს ანალოგიური მომსახურების შესრულების გამოცდილება:
1.1 2022 წლის 1 იანვრიდან მოცემული ტენდერის გამოცხადების დღემდე, პრეტენდენტის მიერ ფაქტობრივად შესრულებული ანალოგიური მომსახურების ღირებულებების ჯამი უნდა იყოს არანაკლებ 200 000 ლარისა;
2. ინფორმაცია გამოცდილების შესახებ წარმოდგენილი უნდა იყოს დანართი N3–ის შესაბამისად:
2.1 პრეტენდენტი ვალდებულია წარმოადგინოს, საანგარიშო პერიოდში ანალოგიური მომსახურების გამოცდილების დამადასტურებელი, მხარეთა მიერ ხელმოწერილი დოკუმენტები: ხელშეკრულებები და მათი შესრულების დამადასტურებელი დოკუმენტები: მიღება-ჩაბარების აქტები ან/და დეფექტური აქტები; სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (SPA, NAT, DAP, CMR) წარმოდგენა;
3. პრეტენდეტმა უნდა წარმოადგინოს მინიმუმ 3 სარეკომენდაციო წერილი, გაცემული იმ სახელმწიფო ორგანიზაციების მიერ, რომლებსაც 2022 წლის 01 იანვრიდან გაუწია ავტომანქანების ტექნიკური მომსახურება. სარეკომენდაციო წერილში მითითებული უნდა იყოს მომსახურების გაწევის პერიოდი და ხელშეკრულების ნომერი.

პრეტენდენტს საკუთრებაში ან/და სარგებლობაში უნდა ჰქონდეს ქალაქ თბილისში და ქალაქ ქუთაისში, ან/და ქალაქი ონი, ან/და ქალაქ ონთან არსებულ უახლოესი, არანაკლებ ერთი სერვის ცენტრი, სადაც შემსყიდველს უნდა გაუწიოს წინამდებარე ტენდერით გათვალისწინებული მომსახურება და აღჭურვილი უნდა იყოს თანამედროვე აპარატურითა და დანადგარებით. ზემოთ ხსენებულ სერვისცენტრებში პრეტენდენტს უნდა გააჩნდეს: 1) ავტოამწე; 2) ვულკანიზაციის, ბალანსირების და დისკების გასწორების აპარატი; 3) თვლების შეყრის კომპიუტერული დიაგნოსტიკის აპარატი; 4) ავტომატური კოლოფის ზეთის შეცვლის აპარატი; 5) საყრდენი დისკების გასაჩარხი აპარატი; 6) ელექტრონული სისტემის კომპიუტერული დიაგნოსტიკა; 7) გადაცემათა კოლოფის და ხიდების კაპიტალური შეკეთება არანაკლებ ერთ-ერთ ქალაქში; 8) ძრავის დიაგნოსტირება და კაპიტალური შეკეთება არანაკლებ ერთ-ერთ ქალაქში.
პრეტენდეტმა ერთიან ელექტრონულ სისტემაში უნდა ატვირთოს სერვის-ცენტრების საკუთრებაში ფლობის შემთხვევაში საკუთრების დამადასტურებელი დოკუმენტები, ხოლო სარგებლობის უფლებით ფლობის შემთხვევაში - სარგებლობის უფლების დამადასტურებელი დოკუმენტები, რომელთა მოქმედების ვადა ტოლი უნდა იყოს ან აღემატებოდეს ხელშეკრულებით გათვალისწინებული მომსახურების ვადას, ასევე ატვირთული უნდა იყოს ზემოაღნიშნული სერვის-ცენტრის მესაკუთრის საკუთრების დამადასტურებელი დოკუმენტაცია.

1. მიმწოდებელმა წერილობით უნდა აცნობოს შემსყიდველს მოცემული ხელშეკრულების ფარგლებში, ყველა ქვეკონტრაქტორთან დადებული ხელშეკრულებების შესახებ და მიიღოს მისგან წერილობითი თანხმობა;
2. ქვეკონტრაქტორი კომპანია ან კომპანიები არ უნდა იყვნენ რეგისტრირებული სახელმწიფო შესყიდვებში მონაწილე არაკეთილსინდისიერ პირთა რეესტრში – „შავი სია“; წინააღმდეგ შემთხვევაში მოხდება პრეტენდენტის დისკვალიფიკაცია წინამდებარე ტენდერიდან დაზუსტების გარეშე.
3. ქვეკონტრაქტორი უნდა აკმამაყოფილებდეს სატენდერო დოკუმენტაციის ტექნიკურ დავალების ყველა (მ. შ. მატერიალურ ბაზას) მოთხოვნებს;
4. ხელშეკრულების ფარგლებში ყველა ქვეკონტრაქტორთან დადებული ხელშეკრულების ასლი უნდა წარედგინოს შემსყიდველს.

სავარაუდო ღირებულებასთან შედარებით საბოლოო ფასის 20%-ით ან მეტით კლების შემთხვევაში ფასწარმოქმნის ადეკვატურობა, შესაძლებელია დასაბუთდეს საექსპერტო, აუდიტორული ან/და საშემფასებლო დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. ექსპერტიზის, აუდიტორული ან/და საშემფასებლო დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

მომსახურების ანაზღაურება მოხდება ლარებში, ეტაპობრივად, ყოველი კონკრეტული მომსახურების გაწევის შემდეგ, მიღება-ჩაბარების აქტის გაფორმებისა და კანონმდებლობით დაგენილი საჭირო დოკუმენტების წარმოდგენის შემდგომ.

სახელშეკრულებო ვალდებულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე.

მარინე მაისურაძე, 591010383, marinemaisuradze@yahoo.com ტექნიკურ საკითხებზე რამაზ ტოგონიძე, ტელ.: 591 260727

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.
3. საქონლისა და მომსახურების ფასების ცხრილი (პრეისკურანტი) ერთიან ელექტრონულ სისტემაში უნდა წარმოადგინოს Excell ფორმატით.
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
7. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
8. იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი იმ შემთხვევაში თუ შესყიდვის ობიექტის მახასიათებლების აღწერისას გამოყენებული იქნება სასაქონლო ნიშანი,მოდელი, პატენტი ან მწაროებელი კომპანია, ასეთ შემთხვევაში აღნიშნული ტერმინები გამოყენებული არის ,,მსგავსისა’’ და ,,ექვივალენტურის’’ მნიშვნელობით და პრედენტენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება.