Инженерные услуги (Грузия - Тендер #69626519)

ქ. თბილისში, გლდანის რაიონში, გლდანის მე-3 მ/რ, კ N88-ის მიმდებარედ არსებული ავარიული დემონტირებული პანდუსის ადგილზე, ახალი პანდუსის მოწყობის საპროექტო-სახარჯთაღრიცხვო დოკუმენტაციის შედგენის მომსახურების სახელმწიფო შესყიდვა.

1.2.1 ხარჯთაღრიცხვა წარმოდგენილ უნდა იქნას დანართი N1–ის მიხედვით ფორმატით (ხარჯთაღრიცხვის წარმოუდგენლობა ან განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).

1.2.2. საპროექტო დოკუმენტაცია უნდა მოიცავდეს:
1.2.2.1 საკვლევა–საძიებო სამუშაოები:

1. საპროექტო დოკუმენტაცია უნდა დამუშავდეს საქართველოში მოქმედი წესებისა და ნორმების სრული დაცვით
2. საპროექტო დოკუმენტაციის პირველ ეტაპზე უნდა მოხდეს არსებული საპროექტო ობიექტის საარქივო მასალის კვლევა-ძიება, დამუშავდეს ესკიზური ნახაზები შეთანხმდეს შემსყიდველთან და თანხმობის შემდგომ გაგრძელდეს სამუშაოები.
3. საპროექტო დოკუმენტაცია უნდა მოიცავდეს შემდეგ დოკუმენტაციას:
4. არქიტექტურული ნაწილი: პროექტი უნდა დამუშავდეს შენობის ძველი არსებული ნაგებობის შესწავლის საფუძველზე, სადაც მაქსიმალურად შენარჩუნებული უნდა იყოს ძველი არსებული გეგმარებითი და მოცულობითი სტრუქტურა და საპროექტო გადაწყვეტებით არ უნდა მოხდეს მისი ცვლილება .
5. საინჟინრო - გეოლოგიური კვლევა (ექსპერტიზის დასკვნით): ტექნიკური ანგარიშის, დასკვნებისა და რეკომენდაციების მომზადება (გრუნტების ფიზიკურ-მექანიკური თვისებების შეფასება, სინჯების ლაბორატორიული ანალიზი, ანალიზის შედეგების დამუშავება და დასკვნების მომზადება); სსიპ ლევან სამხარაულის სახელობის სასამართლო ექსპერტიზის ეროვნული ბიუროს ან სხვა აკრედიტირებული ორგანიზაციის მიერ გაცემული დადებითი დასკვნა.
6. კონსტრუქციული პროექტი: ტოპო-გეოდეზიური (UTM კოორდინატთა სისტემაში (GeoCORS) და საინჟინრო-გეოლოგიური კვლევების საფუძველზე უნდა დამუშავდეს ნაგებობის კონსტრუქციული პროექტი შენობის არქიტექტურის გათვალისწინებით, რომელზეც სსიპ ლევან სამხარაულის სახელობის სასამართლო ექსპერტიზის ეროვნული ბიუროს ან სხვა აკრედიტირებული ორგანიზაციის მიერ გაცემული იქნება დადებითი დასკვნა.
7. მშენებლობის ორგანიზების პროექტი.
8. ხარჯთაღრიცხვა: პროექტში არსებული ჩასატარებელი სამუშაოებების მოცულობები განფასებული უნდა იყოს რესურსული მეთოდით რომელზეც სსიპ ლევან სამხარაულის სახელობის სასამართლო ექსპერტიზის ეროვნული ბიუროს ან სხვა აკრედიტირებული ორგანიზაციის მიერ გაცემული იქნება დადებითი დასკვნა.

1.2.2.2 მუშა პროექტის შედგენა საქრთველოში მოქმედი სამშენებლო ნორმების, წესების და სტანდარტების დაცვით;
1. განმარტებითი ბარათი: ობიექტზეს არსებული მდგომარეობის დეტალური აღწერა, ხელოვნური ნაგებობის აღწერა, საპროექტო გადაწყვეტილებები, შესასრულებელ სამუშაოთა აღწერა და სხვა;
2. რკ/ბეტონის კონსტრუქციის ტიპების შერჩევა საანგარიშო დატვირთვების გათვალისწინებით (შეთანხმდეს შემსყიდველთან);
3. სიტუაციური გეგმები (რეპერების კოორდინატების მითითება) არსებული და საპროექტო მიწისქვეშა კომუნიკაციების და ქსელების დატანით;
4. სქემატური ნახაზები (საჭიროების მიხედვით);
5. განივი პროფილები მახასიათებელ წერტილებში (უნდა შეიცავდეს: საპროექტო (წითელ), მიწის (შავ) და მუშა ნიშნულებს, მანძილებს მახასიათებელ წერტილებს შორის, განივი ქანობების გრაფიკულ ასახვას რიცხობრივ მაჩვენებლებთან ერთად, მიმდებარე სიტუაციას. დატანილი უნდა იყოს საპროექტო და არსებული ხელოვნური ნაგებობები პარამეტრებთან ერთად).
6. გრძივი პროფილები პანდუსის ღერძის გასწვრივ, (უნდა შეიცავდეს: საპროექტო (წითელ), მიწის (შავ) და მუშა ნიშნულებს და მანძილებს მახასიათებელ წერტილებს შორის, გრძივი ქანობების, ვერტიკალური და ჰორიზონტალური მრუდების გრაფიკულ ასახვას რიცხობრივ მაჩვენებლებთან ერთად, დატანილი უნდა იყოს საპროექტო და არსებული ხელოვნური ნაგებობები პარამეტრებით).
7. ცხრილები და უწყისები;
8. მოხვევის კუთხეების, სწორებისა და მრუდების უწყისი, რეპერების დამაგრების უწყისი და სხვა;
9. კრებსითი უწყისების მასალების, სამოსის ფართების, საკომუნიკაციო ჭების და სხვა უწყისები, სადაც გარკვევით უნდა იყოს ასახული თითოეული სამუშაოს ზუსტი მოცულობები.
10. მშენებლობის სახარჯთაღრიცხვო დოკუმენტაციის შედგენა რესურსული მეთოდით, სამშენებლო რესურსების ფასთა კრებულის მიხედვით;
11. მშენებლობის ორგანიზაცია (მ.შ. სამუშაოთა შესრულების ტექნოლოგიური სქემები, კალენდარული გრაფიკები, მანქანა–მექანიზმების ჩამონათვალი, შრომის უსაფრთხოების ღონისძიებები და სხვა);
12. საპროექტო დოკუმენტაცია წარმოდგენილი უნდა იქნას ნაბეჭდი (4 ეგზ.) და ელექტრონული ვერსიის სახით, ფონტით - „Sylfaen”, ხოლო ლათინური სიმბოლოები - „Calibri”-ით (პროექტი – „PDF” და „DWG”, ხარჯთაღრიცხვა 2 ეგზ. „EXCEL” ფორმატში);

1.2.2.3. სხვა მოთხოვნები:
1 პანდუსზე სამოსის ტიპის მოწყობის საკითხის შეთანხმება შემსყიდველთან;
2. პანდუსსზე შშმ პირთათვის ადაპტირებული კონსტრუქციული ელემენტების გათვალისწინება პროექტში (შესაძლებლობის შემთხვევაში).
3. მიმწოდებელი ვალდებულია ტექნიკური დავალებით გაუთვალისწინებელი გარემოების აღმოჩენის შემთხვევაში, გაითვალისწინოს მისი შეტანა საპროექტო დოკუმენტაციაში დამატებითი ანაზღაურების გარეშე (შემსყიდველთან შეთანხმებით);
4. მიმწოდებელი ვალდებულია მშენებლობის დროს შემსრულებელს საჭიროების შემთხვევაში პერიოდულად გაუწიოს საავტორო ზედამხედველობა დამატებითი ანაზღაურების გარეშე.
5. მომსახურების გაწევის შედეგად დამუშავებული ყველა დოკუმენტი, მათ შორის ნახაზები, ტექსტობრივი ნაწილი და სატენდერო პროცედურების ჩატარებასთან დაკავშირებული ტექნიკური დოკუმენტები წარმოდგენილი უნდა იქნეს მხოლოდ ქართულ ენაზე.

ხელშეკრულების ძალაში შესვლიდან 60 კალენდარული დღე (ექსპერტიზის მომსახურების ვადის ჩათვლით).

ქ. თბილისი, სარაჯიშვილის №1გ, ქ. თბილისის მუნიციპალიტეტის გლდანის რაიონის გამგეობა.

2.2.1.1. პრეტენდენტს 2023 წლის 1 იანვრიდან უნდა გააჩნდეს არანაკლებ შესყიდვის ობიექტის სავარაუდო ღირებულების 150%-ის ღირებულების ანალოგიური (ხიდების ან/და პანდუსების ან/და გამაგრება-გაძლიერების სამუშაოების საპროექტო დოკუმენტაციის შედგენის მომსახურება) მომსახურების გამოცდილება. წარმოდგენილ იქნას დამადასტურებელი დოკუმენტაცია: ხელშეკრულებ(ები)ა, ამ ხელშეკრულებ(ებ)ის შესრულების დამადასტურებელი: 1. მიღება-ჩაბარების აქტ(ებ)ი, 2. დადასტურებული ანგარიშ-ფაქტურა ან/და გადახდის დამადასტურებელი დოკუმენტი.

2.2.1.2 იმ შემთხვევაში, თუ პრეტენდენტის მიერ შესრულებულ ანალოგიურ სამუშაო(ებ)ზე შესყიდვ(ებ)ა განხორციელებულია სახელმწიფო შესყიდვების ერთიანი ელექტრონული სისტემის გამოყენებით და სისტემაში სრულყოფილად არის ატვირთული შესრულების შესახებ ინფორმაცია/დოკუმენტაცია, პრეტენდენტს არ აქვს 2.2.1.1 პუნქტით მოთხოვნილი გამოცდილების დამადასტურებელი დოკუმენტების წარმოდგენის ვალდებულება. საკმარისია წარმოდგენილ იქნას ინფორმაცია გამოცდილების შესახებ დანართი N2-ის შესაბამისად, რომელშეც მითითებული იქნება სატენდერო განცხადებ(ებ)ის SPA/NAT/CMR.. ნომერი. (დანართი#2).

შენიშვნა:
სატენდერო დოკუმენტაციით გათვალისწინებული გამოცდილების მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

2.7.1.1 მიმწოდებელმა მოწოდებულ საპროექტო დოკუმენტაციას თან უნდა დაურთოს სსიპ „ლევან სამხარაულის სახელობის სასამართლო ექსპერტიზის ეროვნული ბიურო“-ს ან სხვა აკრედიტირებული პირის მიერ გაცემული საექსპერტო დასკვნა (აკრედიტებული პირის შემთხვევაში, დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი) შემდეგი შემადგენლობით:

ა) კონსტრუქციული ნაწილის ექსპერტიზა;
ბ) ხარჯთაღრიცხვის ექსპერტიზა;
გ) საინჟინრო-გეოლოგიური კვლევის ექსპერტიზა

2.7.1.2 მიღება-ჩაბარების აქტი გაფორმდება მხოლოდ სრული საპროექტო-სახარჯთაღრიცხვო დოკუმენტაციის ექსპერტიზის დადებითი დასკვნის წარმოდგენის შემდეგ.

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება.

ანგარიშსწორება მოხდება უნაღდო ანგარიშსწორებით ლარში.

ანგარიშსწორება მოხდება 2026 წლის ქ. თბილისის მუნიციპალიტეტის ადგილობრივი ბიუჯეტის სახსრებით, მიღება–ჩაბარების აქტის გაფორმებიდან 10 (ათი) სამუშაო დღის ვადაში.

სალომე კიკნაველიძე, 577361417, s.kiknavelidze@tbilisi.gov.ge

10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში ატვირთული დოკუმენტები უნდა აკმაყოფილებდეს ელექტრონული დოკუმენტისა და ელექტრონული სანდო მომსახურების შესახებ საქართველოს კანონის. საჭიროების შემთხვევაში ატვირთულ უნდა იქნას მინდობილობა ან რწმუნებულება.
10.1.4 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.
10.1.5 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.6 პრეტენდენტს არ აქვს უფლება წარმოადგინოს ალტერნატიული სატენდერო წინადადება.
10.1.7 სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

10.2 პრეტენდენტის მიერ ერთიან ელექტრონულ სისტემაში ასატვირთი მონაცემები:

1. მომსახურების ხარჯთაღრიცხვა წარმოდგენილ უნდა იქნას დანართი N1–ის მიხედვით (ხარჯთაღრიცხვის წარმოუდგენლობა ან განუფასებელი ხარჯთაღრიცხვბის წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
2. დოკუმენტაცია/ინფორმაცია გამოცდილების შესახებ დანართი N2–ის და სატენდერო დოკუმენტაციის 2.2.1 პუნქტის მოთხოვნების შესაბამისად.