Услуги по исследованию рынка и экономики, опросы и статистика (Грузия - Тендер #69402422)

შესყიდვის ობიექტია: აჭარის ავტონომიური რესპუბლიკის უცხოელ ვიზიტორთა ბაზრის კვლევა.

აჭარის ავტონომიური რესპუბლიკის უცხოელ ვიზიტორთა ბაზრის კვლევა მოიცავს 15 წლის და უფროსი ასაკის უცხოეთის მოქალაქეების აჭარაში ვიზიტის აღწერას შემსყიდველის მიერ წარდგენილი (მიწოდებული) უცხოელ ვიზიტორთა კვლევის საკონტაქტო და ძირითად კითხვარში გათვალისწინებული საკვლევი ინდიკატორების შესაბამისად, შემსყიდველის მიერ მიწოდებული კითხვარების მიხედვით (კითხვარები თან ერთვის სატენდერო დოკუმენტაციას).
კვლევის არეალი: საქართველოს სასაზღვრო გამშვები პუნქტები მეთოდოლოგიის გათვალისწინებით.
კვლევის პერიოდულობა: ყოველთვიური
მონაცემთა ანალიზი: კვარტალური
კვლევის მეთოდოლოგია: მიმწოდებელს შემსყიდველი ხელშეკრულების გაფორმებისთანავე მიაწოდებს შემუშავებულ კვლევის მეთოდოლოგიურ სახელმძღვანელოს, რომელშიც დეტალურად განსაზღვრულია კონკრეტული კვლევის თითოეული ეტაპი.
მომსახურების ძირითად სახელმძღვანელო დოკუმენტს წარმოადგენს შემსყიდველის მიერ შემუშავებული კვლევის მეთოდოლოგიური სახელმძღვანელო და დეტალურად განსაზღვრავს კონკრეტული კვლევის თითოეულ ეტაპს.
ზემოთ აღწერილი ინფორმაციის მოსაპოვებლად უნდა ჩატარდეს რაოდენობრივი კვლევა. გამოსაკითხი რესპოდენტების რაოდენობის განაწილება საქართველოს სასაზღვრო გამშვებ პუნქტებში მოხდება კვლევის მეთოდოლოგიური სახელმძღვანელოს გათვალისწინებით / თანახმად.
შერჩევის ზომა: მიმწოდებელმა უნდა მოახდინოს შერჩევის აგება კვლევის მეთოდოლოგიური სახელმძღვანელოს თანახმად შემსყიდველთან შეთანხმებით. შერჩევის ჩარჩოს წარმოადგენს შინაგან საქმეთა სამინისტროს საინფორმაციო-ანალიტიკური დეპარტამენტის მიერ 2025 წლის საზღვრის კვეთის მონაცემები. ამასთან, კვლევის ყოველივე ეტაპისთვის შერჩევის ზომა განისაზღვრება არანაკლებ 900 დასრულებული ინტერვიუ (ძირითადი კითხვარის მიხედვით). სავარაუდოდ ჩატარდება 4000 საკონტაქტო ინტერვიუ.
კვლევა ჩატარდება პირისპირ ინტერვიუს მეთოდით საზღვრის კვეთისას საქართველოში ვიზიტის დასრულების შემდეგ. ინტერვიუ განხორციელდება ინგლისურ, რუსულ და თურქულ ენებზე. კითხვარები შემსრულებელს მიეწოდება ქართულ, ინგლისურ, რუსულ და თურქულ ენებზე. გარდა ამისა, აჭარის ა.რ-ის ტურიზმისა და კურორტების დეპარტამენტი საჭიროების შემთხვევაში იტოვებს უფლებას მოახდინოს თავდაპირველი კითხვარის კორექტირება კითხვების ჩანაცვლების, რაოდენობის გაზრდის ან შემცირების გზით.
საკვლევი პერიოდი განისაზღვრება 1 წლით (იანვარ – დეკემბერი 2026 წ.) და იყოფა შემდეგ ეტაპებად:
პირველი ეტაპი: იანვარი - მარტი
მეორე ეტაპი: აპრილი - ივნისი
მესამე ეტაპი: ივლისი - სექტემბერი
მეოთხე ეტაპი: ოქტომბერი - დეკემბერი

მონაცემთა დამუშავება და პროგრამული უზრუნველყოფა: მონაცემთა შეტანის, წმენდისა და კომპიუტერული დამუშავებისათვის გამოყენებული უნდა იყოს სტატისტიკური პაკეტი სოციალური მეცნიერებებისათვის (SPSS). მონაცემთა დამუშავებისათვის გამოიყენება აღწერითი სტატისტიკა. გამოკვლევის შედეგების პოპულაციაზე განზოგადების მიზნით უნდა განხორციელდეს მონაცემების შეწონვა.
მონაცემთა შეგროვება და დამუშავება უნდა მოხდეს აჭარის ა.რ-ის ტურიზმისა და კურორტების დეპარტამენტის მიერ მოწოდებული კითხვარების და უცხოელ ვიზიტორთა ბაზრის კვლევის მეთოდოლოგიის საფუძველზე.
კვლევის მონიტორინგი განხორციელდება მეთოდოლოგიური სახელმძღვანელოს შესაბამისად. კვლევის საწყის ეტაპზე შემსყიდველთან შეთანხმებით გამარჯვებულმა პრეტენდენტმა უნდა წარადგინოს სამუშაო განრიგი. მათ შორის, შემსრულებელმა საგნობრივი შედეგი უნდა წარადგინოს ყოველი საკვლევი პერიოდის დასრულების შემდგომ 8 (რვა) კვირის ვადაში.
შემსყიდველს უფლება აქვს კვლევის ნებისმიერ ეტაპზე და ნებისმიერი ფორმით შემსრულებლისგან მოითხოვოს ნებისმიერი სახის ინფორმაცია / მონაცემი კვლევასთან დაკავშირებით.
გამარჯვებულ პრეტენდენტს მიეწოდება ასევე, მიმდინარე კვლევისთვის შემუშავებული სხვადასხვა ტიპის დოკუმენტი, რომლებიც მოიცავს: კვლევის ანგარიშის საველე მასალებს, ინსტრუმენტს და ინსტრუქციებს, საგნობრივი შედეგის ანგარიშის (Output) რეკომენდებულ სტრუქტურას; კვლევის მონაცემთა ბაზის სტრუქტურას, კვლევის განმახორციელებელი მონიტორინგის მექანიზმით გათვალისწინებულ სხვა დოკუმენტებს და ა.შ.

შემსრულებელი ვალდებულია დასრულებული ფორმით შემსყიდველს მიაწოდოს შეწონილი, რეპრეზენტატული მონაცემთა ბაზა (SPSS), რომლის გამოყენება შესაძლებელი იქნება ანალიზისათვის მისი შემდგომი დამუშავებისა და კორექტირების გარეშე.
მომსახურება მოიცავს თითოეულ კვლევის ეტაპს და საგნობრივ შედეგს (მონაცემთა ანალიზს).

მომსახურების მოწოდების ვადა განისაზღვრა შემდეგნაირად, კერძოდ:

1. მომსახურების პირველი ეტაპის მოწოდების ვადა განისაზღვროს არაუგვიანეს 2026 წლის 27 მაისისა.
2. მომსახურების მეორე ეტაპის მოწოდების ვადა განისაზღვროს არაუგვიანეს 2026 წლის 26 აგვისტო.
3. მომსახურების მესამე ეტაპის მოწოდების ვადა განისაზღვროს არაუგვიანეს 2026 წლის 26 ნოემბერი.
4. მომსახურების მეოთხე ეტაპის მოწოდების ვადა განისაზღვროს არაუგვიანეს 2027 წლის 26 თებერვალი.

მომსახურების მიწოდების ადგილია - ქ. ბათუმის, ფარნავაზ მეფის ქ. №84/86. აჭარის ა.რ. ტურიზმისა და კურორტების დეპარტამენტი.

პრეტენდენტმა უნდა წარმოადგინოს ინფორმაცია, სოციალური და მარკეტინგულ კვლევებში არანაკლებ 3 წლიანი ( 2023, 2024 და 2025 წლებში) გამოცდილების შესახებ. უნდა წარმოადგინოს სოციალური და მარკეტინგული კვლევების არანაკლებ 3 (სამი) შესრულებული პროექტის შესახებ აღნიშნულ წლებში, რომელთაგან ერთი განხორციელებულია ტურიზმის სფეროში. სისტემაში უნდა აიტვირთოს აღნიშნულ 3 (სამი) პროექტზე შემსყიდველ ორგანიზაციებთან გაფორმებული ხელშეკრულებებით გათვალისწინებული ვალდებულებების შესრულების დამადასტურებელი დოკუმენტების ასლები (მიღება-ჩაბარების აქტი ან/და სხვა).

შესაძლებელია სახელმწიფო შესყიდვების ერთიან ელექტრონულ სისტემაში შესრულებული ხელშეკრულების შესახებ SPA და NAT ნომრების მითითება.

ინფორმაცია სამუშაო ჯგუფის წევრების გამოცდილების შესახებ - არანაკლებ 4 წევრი. სამუშაო ჯგუფის თითოეულ წევრს უნდა გააჩნდეს მუშაობის არანაკლებ 3 (სამი) წლიანი გამოცდილება და დაკომპლექტებული უნდა იყოს არანაკლებ შემდეგი წევრებისაგან: ჯგუფის ხელმძღვანელი, რომელსაც უნდა ქონდეს კვლევითი მიმართულების რომელიმე რგოლის მართვის გამოცდილება (სასურველია გააჩნდეს სტატისტიკის მიმართულებით მუშაობის გამოცდილება), არანაკლებ 2 (ორი) მკვლევარი/ანალიტიკოსი, 1 (ერთი) სტატისტიკოსი/შერჩევის სპეციალისტი, წარმოსადგენია, შესაბამისი გამოცდილების და კვალიფიკაციის დამადასტურებელი დოკუმენტი: დიპლომი ან/და სერტიფიკატი, ცნობა განხორციელებული პროექტების შესახებ ან/და ცნობა სამუშაო ადგილიდან, ასევე შესაძლებელია გამოცდილების და კვალიფიკაციის დამადასტურებელი სხვა დოკუმენტების წარმოდგენა).

ქვეკონტრაქტორის დასაშვებობის საკითხს წყვეტს შემსყიდველი ორგანიზაცია.

მოქმედი აუდიტის/ექსპერტიზის დასკვნა.

სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.

ანგარიშსწორება მოხდება უნაღდო ანგარისწორებით ლარში.

ანგარიშსწორება განხორციელდება 4 ეტაპად, მიღება-ჩაბარების აქტის გაფორმების ან/და გაწეული მომსახურების შესაბამისად დოკუმენტების გაფორმებიდან 10 სამუშაო დღის განმავლობაში.

ნინო მიქელაძე, 591090546, mikeladzenino2@gmail.com