Сети (Грузия - Тендер #69402421)

ბრანდმაუერების შესყიდვა

შესყიდვის ობიექტის ტექნიკური დავალება იხილეთ მიბმულ ფაილში.

შენიშვნა:

პრეტენდენტის მიერ შემოთავაზებული ტექნიკა უნდა იყოს ახალი (არა მწარმოებლის მიერ აღდგენილი, არა ე.წ. დემო).

საქონლის მიწოდება (ინსტალაცია/კონფიგურაცია და გამართვა) უნდა განხორციელდეს ხელშეკრულების გაფორმებიდან - 60 (სამოცი) კალენდარული დღის განმავლობაში.

საქონლის მიწოდება (ინსტალაცია/კონფიგურაცია და გამართვა) უნდა განხორციელდეს შემდეგნაირად:

ბრანდმაუერი "A" ტიპის - შსს მომსახურების სააგენტოს რუსთავის ცენტრალური ფილიალში. მის: ქ. რუსთავი, ალექსანდრე ლობჟანიძის ქუჩა N8 (ინსტალაცია/კონფიგურაცია და გამართვა კონფიგურაციის საწყის დონეზე);

ბრანდმაუერი "B" ტიპის (ლიცენზიებით) - შსს მომსახურების სააგენტოს ქ. თბილისის ფილიალში, მის: ქ. თბილისი, ქავთარაძის ქუჩა N21 (ინსტალაცია/კონფიგურაცია და გამართვა კონფიგურაციის საწყის დონეზე);

ბრანდმაუერი "B" ტიპის - შსს მომსახურების სააგენტოს რუსთავის ცენტრალური ფილიალში. მის: ქ. რუსთავი, ალექსანდრე ლობჟანიძის ქუჩა N8.

მწარმოებლის საგარანტიო და მხარდაჭერის ვადა: მიღება-ჩაბარების აქტის გაფორმებიდან არანაკლებ 3 (სამი) წელი.

- მწარმოებლის მხარდაჭერის მოქმედების პერიოდში, შესაძლებელი უნდა იყოს მოწოდებული მოწყობილობების პროგრამული განახლებების გაკეთება;
- მწარმოებლის მხარდაჭერის მომსახურების მიღება შესაძლებელი უნდა იყოს არანაკლებ ორშაბათიდან პარასკევის ჩათვლით, თბილისის დროით 10:00-18:00 დროის გათვალისწინებით;
- მწარმოებლის საგარანტიო მომსახურების მოქმედების ბრანდმაუერების მოწყობილობების დაზიანების შემთხვევაში, დაზიანების მიზეზი უნდა დადგინდეს შეტყობინების მიღებიდან არაუმეტეს 5 (ხუთი) სამუშაო დღეში, ხოლო დაზიანებული უნდა შეკეთდეს ან შეიცვალოს ახლით, დაზიანების მიზეზის დადგენიდან 60 კალენდარულ დღეში.
- საგარანტიო მომსახურების მოქმედების პერიოდში, მომწოდებელმა, საჭიროების შემთხვევაში (ეს იქნება ხარვეზის მიზეზის დადგენა ან/და შეკეთება ან/და ჩანაცვლება) უნდა უზრუნველყოს მწარმოებლისათვის დაზიანებული მოწყობილობის მიწოდება და გაიღოს მასთან დაკავშირებული ყველა ხარჯი.

მოთხოვნა/შეტყობინება შესაძლებელია განხორციელდეს ელ-ფოსტის ან/და საფოსტო გზავნილის საშუალებით.

2.1.1.1 პრეტენდენტი ვალდებულია ფასების ცხრილში (დანართი N1) მიუთითოს შესყიდვის ობიექტის მწარმოებელი/ბრენდი, წარმოშობის ქვეყანა და მოდელი/დასახელება.
2.1.1.2 პრეტენდენტის მიერ 2.1.1.1 პუნქტით გათვალისწინებული ინფორმაციის წარმოუდგენლობა დაზუსტებას არ დაექვემდებარება და გამოიწვევს მის დისკვალიფიკაციას.

პრეტენდენტს/შემდგომში მომწოდებელს უნდა ჰყავდეს არანაკლებ ერთი სერთიფიცირებული ინჟინერი. პრეტენდენტმა უნდა წარმოადგინოს შესყიდვის ობიექტის მწარმოებელი კომპანიის მიერ მასზე გაცემული სერტიფიკატ(ებ)ი და ინჟინერის/ინჟინრების პრეტენდენტთან (შემდგომში-მიმწოდებელი) გაფორმებული შრომითი ხელშეკრულება ან შესაბამისი დოკუმენტი, რომლის მიხედვითაც შესაძლებელი იქნება ზემოაღნიშნულის დადასტურება.
აღნიშნული სერტიფიკატი აქტიური უნდა იყოს ბრანდმაუერების მოწყობილობების მოწოდებისა და ინსტალაციის პერიოდში.
პრეტენდენტის სერთიფიცირებულმა ინჟინრებმა უნდა უზრუნველყონ, მოწოდებული ბრანდმაუერის მოწყობილობების ინსტალაცია და გამართვა კონფიგურაციის საწყის დონეზე შსს მომსახურების სააგენტოს რუსთავის ცენტრალურ ფილიალსა და ქ.თბილისში, ქავთარაძის ქუჩა N21-ში არსებული ფილიალის ლოკაციებზე, სატენდერო დოკუმენტაციის 1.5. პუნქტის შესაბამისად.

პრეტენდენტმა უნდა წარმოადგინოს შემოთავაზებული ბრანდმაუერის მოწყობილობების მწარმოებლის ოფიციალური ტექნიკური დოკუმენტაცია, ან/და მწარმოებლის ოფიციალურ ვებ გვერდზე განთავსებული დოკუმენტაცია/აღწერა ინგლისურ ენაზე, მოცემული შემოთავაზებული პროდუქციის ფუნქციონალის და მახასიათებლების შესაბამისი დეტალიზაციით, რომლის საშუალებითაც მოხდება შემოთავაზებული პროგრამული უზრუნველყოფის ან/და ტექნიკურ აღჭურვილობის ფუნქციონალის და მახასიათებლების, ტენდერში მოცემულ ტექნიკურ დავალებაში თითოეული მუხლით აღწერილ მოთხოვნასთან შესაბამისობის გადამოწმება.

შენიშვნა: იმ შემთხვევაში, თუ პრეტენდენტის მიერ წარმოდგენილ დოკუმენტებში (მათ შორის ინგლისურენოვანი), მწარმოებლის ოფიციალურ ვებ-გვერდზე, ეტიკეტის ფოტოსურათზე ან/და საქონლის ფოტოსურათზე ინფორმაცია იქნება უცხო ენაზე, პრეტენდენტი ვალდებულია მოქმედი კანონმდებლობის შესაბამისად წარმოადგინოს ნოტარიულად დამოწმებული ქართული თარგმანი.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტს მოეთხოვება ფასწარმოქმნის ადეკვატურობის დასაბუთება, რისთვისაც შემსყიდველის მიერ განესაზღვრება არაუმეტეს 3 (სამი) სამუშაო დღე. ფასწარმოქმნის ადეკვატურობის დასასაბუთებლად პრეტენდენტის მიერ წარმოდგენილი უნდა იქნას სსიპ "ლევან სამხარაულის ექსპერტიზის ეროვნული ბიუროს" ან/და სხვა აკრედიტირებული პირის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო "ფასების ცხრილში" (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე პრეისკურანტით განსაზღვრული შესყიდვის ობიექტის მიწოდების შესაძლებლობა.

ექსპერტიზის დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას.

ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
ანგარიშსწორება განხორციელდება უნაღდო ანგარიშსწორებით, ეროვნულ ვალუტაში, ლარში.

ანგარიშსწორება შემსყიდველის მიერ მოხდება საბოლოოდ მიწოდებული შესყიდვის ობიექტის მიხედვით. მიღება–ჩაბარების აქტისა და შესაბამისი საგადასახადო ანგარიშ-ფაქტურის (კანონმდებლობით დადგენილ შემთხვევაში) წარმოდგენის შემდეგ არაუგვიანეს 10 სამუშაო დღის ვადაში.

ეკატერინე თაბუაშვილი, 577943500, tabuashvili.e@sa.gov.ge ტექნიკურ საკითხებთან დაკავშირებით საკონტაქტო პირია: გიორგი ორთავიძე, ტელ: 595 05 64 61. Giorgi.Ortavidze@sa.gov.ge.

10.1.1. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
10.1.3. ალტერნატიული სატენდერო წინადადება არ განიხილება;
10.1.4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით.
10.1.5. პრეტენდენტმა სატენდერო წინადადების ფასში უნდა გაითვალისწინოს დღგ, თუ იგი არის დღგ-ს გადამხდელი საქართველოს კანონმდებლობის შესაბამისად.
10.1.6. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;
10.1.8. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად.
10.1.9 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.
10.1.10 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, სსიპ საქართველოს შსს მომსახურების სააგენტოს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის“.
10.1.11 ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.

10.2 პრეტენდენტის მიერ ერთიან ელექტრონულ სისტემაში ასატვირთი მონაცემები:

10.2.1 ფასების ცხრილი დანართი N1-ის შესაბამისად;

10.2.2 ინფორმაცია პრეტენდენტის პერსონალის გამოცდილებასთან დაკავშირებით, სატენდერო დოკუმენტაციის 2.4.1 პუნქტის შესაბამისად;

10.2.3 ინფორმაცია ლიცენზიასთან, სტანდარტებთან, აკრედიტაციასთან, ხარისხის შესაბამისობასთან და სხვ. დოკუმენტებთან დაკავშირებით სატენდერო დოკუმენტაციის 2.7.1 პუნქტის შესაბამისად.