Ремонт и техническое обслуживание строительных сооружений (Грузия - Тендер #69312157)

ლიფტების ტექნიკური მომსახურება.

ლიფტების ტექნიკური მომსახურება უნდა განხორციელდეს პრეისკურანტში მითითებული საქონლისა და მომსახურების შესაბამისად, დეფექტური აქტის საფუძველზე.

შემსყიდველი უფლებამოსილია გადაამოწმოს მიმწოდებლის მიერ შედგენილ დეფექტურ აქტში მითითებული სამუშაოების სისწორე.

თუ ხელშეკრულების მოქმედების პერიოდში აღმოჩნდება, რომ განფასების ცხრილში (პრეისკურანტში) არ არის გათვალისწინებული იმ მომენტისათვის საჭირო საქონელი და მომსახურება, აღნიშნული ერთეულ(ებ)ის ფასი, მისი შესყიდვის აუცილებლობისას, დგინდება მხარეთა შორის შეთანხმებით, საბაზრო ფასის გათვალისწინებით. ასეთ შემთხვევაში პრეისკურანტში საქონლის რომელიმე ერთეულ(ებ)ის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

შესყიდვის ობიექტის სახელშეკრულებო ღირებულება შედგენს 98 000 ლარს; სატენდერო წინადადების ფასი კი წარმოდგენილი უნდა იყოს სატენდერო დოკუმენტაციის პრეისკურანტში მოცემული საქონლის და მომსახურების ერთეულის ფასების ჯამურ ღირებულების შესაბამისად, მაგრამ არაუმეტეს ტენდერის ჩატარების შესახებ, განცხადებაში მითითებული პრეისკურანტის სავარაუდო ღირებულებისა.

პრეტენდენტის მიერ, შესყიდვების ერთიანი ელექტრონული სისტემის მეშვეობით, წარმოდგენილ საქონლისა და მომსახურების პრეისკურანტში მითითებული ერთეულის ფას(ებ)ი არ უნდა აღემატებოდეს შემსყიდველის მიერ საქონლისა და მომსახურების პრეისკურანტის შესაბამის გრაფაში მითითებულ ერთეულის სავარაუდო ფას(ებ)ს.

პრეტედენტის მიერ, სისტემაში ატვირთული პრეისკურანტის ჯამურ ღირებულებას და ვაჭრობის შედაგად დაფიქსირებულ ფასებს შორის სხვაობის შემთხვევაში, სხვაობა საჭიროა პროპორციულად გადანაწილდეს პრეისკურანტში მოცემულ ყოველ ცალკეულ პოზიციაზე. ამისათვის, პრეისკურანტის ჯამური ღირებულების დაზუსტებისას, პრეტენდენტმა პროპორციულად უნდა შეამციროს თითოეული საქონლის და მომსახურების ღირებულება.

პრეტენდენტის მიერ, „წინადადების მიღება დასრულებულია“ ეტაპზე, სატენდერო დოკუმენტაციის პრეისკურანტის წარმოუდგენლობა ან არსებითად შეუსაბამო პრეისკურანტის წარმოდგენა (ერთეულის ფასი აღემატება შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის მაქსიმალური ზღვრულ ფასს, გამოიწვევს პრეტენდენტის დისკვალიფიკაციას აღნიშნულ ტენდერში;


მიმწოდებლის მხრიდან ხელშეკრულების პირობების შეუსრულებლობის ან/და ხელშეკრულების არაკეთილსინდისიერად შესრულების ფაქტების არაერთგზის გამოვლენის შემთხვევაში, შემსყიდველი იტოვებს უფლებას ხელშეკრულების სრული ან მისი ცალკეული პირობების მოქმედების შეწყვეტის შესახებ.

მომსახურების გაწევა უნდა განხორციელდეს ხელშეკრულების გაფორმებიდან, მაგრამ არაუარეს 2026 წლის 1 იანვრიდან 2026 წლის 31 დეკემბრის ჩათვლით, მოთხოვნიდან 10 (ათი) სამუშაო დღის ვადაში.

ლიფტების ტექნიკური მომსახურება უნდა განხორციელდეს:

თსსუ (ვაჟა-ფშაველას გამზ. N33) - ადმინისტრაციულ და სასწავლო კორპუსებში მგზავრთა გადაყვანის სართულებზე 15 სამგზავრო ლიფტისთვის, ბიბლიოთეკის საცავში წიგნების ტრანსპორტირებისთვის განკუთვნილი 2 ლიფტისა და შეზღუდული შესაძლებლობების მქონე პირებისთვის გამოყოფილი 4 ლიფტისთვის.

თსსუ-ს გივი ჟვანიას სახელობის პედიატრიის საუნივერსიტეტო კლინიკა (გ.ჟვანიას ქ.#11,15) -2 სამგზავრო და 2 სატვირთო ლიფტი.

თსსუ-ს იოველ ქუთათელაძის ფარმაკოქიმიის ინსტიტუტი (პ. სარაჯიშვილის ქუჩა N36) - 1 სამგზავრო ლიფტი.

თსსუ-ს პირველი საუნივერსიტეტო კლინიკა (გუდამაყრის ქ. #4) - 3 სამგზავრო და 3 "სატვირთო" ოპერაციისთვის პაციენტების გადაყვანაზე მომსახურე ლიფტი.

თსსუ-ს ვ.ბახუტაშვილის სახელობის სამედიცინო ბიოტექნოლოგიის ინსტიტუტი, (ქ.თბილისი ბელიაშვილის ქ.N76) -1 სამგზავრო ლიფტი.

მიღება-ჩაბარების აქტის გაფორმებიდან არანაკლებ 1 (ერთი) წელი.

ფასთა ცხრილი (პრეისკურანტი) წარმოდგენილი უნდა ოყოს Excel-ის ფორმატის ცხრილის სახით.

სავარაუდო ღირებულებასთან შედარებით საბოლოო ფასის 20%-ით ან მეტით კლების შემთხვევაში ფასწარმოქმნის ადეკვატურობა, შესაძლებელია დასაბუთდეს:

ექსპერტის ან აუდიტორის ექპერტიზის დასკვნა (დასკვნასათან ერთად წარმოდგენილი უნდა იყოს შესაბამისი უფლებამოსილების დამადასტურებელი დოკუმენტ(ებ)ი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

ანგარიშსწორება განხორციელდება ეტაპობრივად, მიმწოდებლის მიერ ფაქტიურად მიწოდებული შესყიდვის ობიექტის შესახებ გაფორმებული მიღება-ჩაბარების აქტის საფუძველზე, შემსყიდველის მიერ საგადასახადო ანგარიშ-ფაქტურის (იმ შემთხვევაში თუ მიმწოდებელი არის დღგ-ს გადამხდელი) დადასტურების დღიდან - სატენდერო დოკუმენტაციის 7.3 პუნქტით გათვალისწინებულ ვადაში.

ხელშეკრულების საერთო ღირებულებიდან დარჩენილი თანხა რჩება „შემსყიდველთან“ და იგი არ წარმოშობს მხარეებს შორის რაიმე დამატებით ვალდებულებებს.

ანგარიშსწორება განხორციელდება ეტაპობრივად, სატენდერო დოკუმენტაციის 7.2 მუხლში მითითებული პირობების და დოკუმენტების შესაბამისად, არაუგვიანეს 30 სამუშაო დღის ვადაში.

თამარ გოგოლაშვილი, 557151517, samedicino@tsmu.edu

✔ ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.

✔ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისთვის დაზუსტდება სატენდერო წინადადების შესაბამისად.

✔ პრეტენდენტს არ აქვს უფლება წარმოადგინოს ალტერნატიული სატენდერო წინადადება.

✔ პრეტენდენტი, ტენდერში სატენდერო წინადადების წარდგენით, გამოხატავს თანხმობას სატენდერო დოკუმენტაციაში მოცემულ პირობებზე.

✔ თუ სატენდერო დოკუმენტაციაში და ფასების ცხრილში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება კონკრეტული სასაქონლო ნიშანი, მოდელი, პატენტი ან მწარმოებელი, ან სურათი, ასეთ შემთხვევაში აღნიშნული ინფორმაცია გულისხმობს „მსგავსის“ და „ეკვივალენტურის“ მნიშვნელობას, ხოლო პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი.

✔ პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები დაადასტუროს კვალიფიციური ელექტრონული ხელმოწერით ან/და დაამოწმოს კვალიფიციური ელექტრონული შტამპით, მოქმედი კანონმდებლობის შესაბამისად.

✔ შემსყიდველი მხარე დამატებით განმარტავს (სატენდერო წინადადების 7.3. მუხლის მიზნებისთვის, რომ თსსუ პირველი საუნივერსიტეტო კლინიკისა და თსსუ-ს გივი ჟვანიას სახელობის პედიატრიის საუნივერსიტეტო კლინიკის დაფინანსების წყაროს წარმოადგენს საკუთარი შემოსავლები, რომლის ძირითად წილს შეადგენს საყოველთაო ჯანმრთელობის დაცვის სახელმწიფო პროგრამიდან მიღებული თანხები.