Ремонт и техническое обслуживание транспортных средств и оборудования и сопутствующие услуги (Грузия - Тендер #69312154)

მანქანების შეკეთება და ტექნიკური მომსახურება

ტექნიკური დავალება 6 ერთეული მსუდბუქი ავტომობილის (ჩამონათვალი ატვირთულია წინამდებარე პირობების 10.1. პუნქტში დანართის სახით) შეკეთებისა და ტექნიკური მომსახურების შესყიდვის თაობაზე

შესყიდვის ობიექტის მიწოდების საერთო ვადა განსაზღვრულია ხელშეკრულების დადებიდან 2026 წლის 31 დეკემბრის ჩათვლით,კონკრეტულ შემთხვევაში, მომსახურების გაწევა იწყება ,,შემსყიდველის“ მიერ განხორციელებული გაფრთხილებიდან არაუგვიანეს მე-2 დღისა და მთავრდება არაუგვიანეს 2 დღის განმავლობაში, სამღებრო-სათუნუქე სამუშაოების შემთხვევაში-არაუგვიანეს 20 დღისა.

მომსახურება განხორციელდება, შესაკეთებელი ავტომანქანის ავტოსერვისის ცენტრში/სალონში/სახელოსნოში მიყვანის შემდეგ, დეფექტური აქტის საფუძველზე, ქვეყნის ტერიტორიაზე, სადაც ,,მიმწოდებელს" გააჩნია სერვის ცენტრი/სახელოსნო.

პრეტენდენტს თბილისში, საკუთრებაში ან/და სარგებლობის უფლებით ან ქვეკონტრაქტორის მეშვეობით (იჯარა და სხვა), უნდა გააჩნდეს სერვისცენტრი/სახელოსნო, სადაც მოქმედებაშია ავტომანქანის ამწევი არანაკლებ 4 (ოთხი) ლიფტი და სადაც, სხვა პროფილის ხელოსნების გარდა, უნდა მსახურებდეს ავტომანქანის სავალი ნაწილის არანაკლებ 2 (ორი) ხელოსანი/შემკეთებელი. ასევე, აჭარისა და იმერეთის რეგიონებში, საკუთრებაში ან სარგებლობის უფლებით ან ქვეკონტრაქტორის მეშვეობით - თითო სერვის-ცენტრი (სახელოსნო) მაინც, სადაც, სხვა პროფილის ხელოსნების გარდა, უნდა მსახურებდეს ა/მ სავალი ნაწილის ხელოსანი/შემკეთებელი.

პრეტენდენტის ქვეკონტრაქტორის მატერიალურ ტექნიკური აღჭურვილობისა და
მის მიერ გაწეული მომსახურების მიმართაც მოქმედებს იგივე კრიტერიუმები და მოთხოვნები, რაც
განსაზღვრულია პრეტენდენტისთვის. ანუ თუ მომსახურეობა შესრულდება ქვეკონტრაქტორის მეშვეობით, ასეთ შემთხვევაში წარმოდგენილი უნდა იქნას მატერიალურ ტექნიკური ბაზის შესახებ იგივე მონაცემები რაც მითითებულია პრეტენდენტის მიმართ.

პრეტენდენტი პრეისკურანტს (ფასების ცხრილი) წარმოადგენს Excel -ს სახით. მომსახურება უნდა განხორციელდეს მაღალი ხარისხითა და შესაბამისი პირობებით (მათ შორის დეფექტური აქტების შედგენა, მომსახურების განხორციელების ვადები, მომსახურებისა და ნაწილების/აგრეგატების გარანტიები, ასეთის არსებობის შემთხვევაში, და ა.შ.), რომელიც განისაზღვრება ხელშეკრულებით. თუ ,,მიმწოდებლის“ მიერ გაწეული მომსახურება იქნება არასრულყოფილი (უხარისხო) და/ან სამღებრო-სათუნუქე მასალები (საღებავი, ე.წ. ,,შპაკლი“ და სხვა), შეცვლილი ნაწილი და ა.შ. აღმოჩნდება წუნდებული, ,,მიმწოდებელი“ ვალდებულია ხარვეზის გამოსწორება დაიწყოს ,,შემსყიდველის“ შეტყობინებიდან არაუგვიანეს მე-2 სამუშაო დღისა და აღმოფხვრას საკუთარი ხარჯებით, შეცვალოს ისინი იგივე ტიპისა და ღირებულების მაღალხარისხიანი საქონლით, მათი გამოვლენიდან 2 დღის განმავლობაში. სათადაროგო ნაწილები, სამღებრო-სათუნუქე მასალები და საცხებ-საპოხი მასალები უნდა იყოს ახალი, მაღალი ხარისხის.
ინფორმაცია ზემოაღნიშნული მასალებისა და სათადარიგო ნაწილების შესახებ, წინასწარ უნდა შეთანხმდეს შემსყიდველის წარმომადგენელთან და მომსახურება დაიწყოს მხოლოდ მისი თანხმობის შემდეგ. გაწეულ მომსახურებაზე, მასალებსა და სათადარიგო ნაწილებზე (დეტალებზე) უნდა ვრცელდებოდეს არანაკლებ 6 (ექვსი) თვიანი საგარანტიო ვადა, ხოლო ძირითად აგრეგატებზე (ძრავი, ხიდი, გადაცემათა კოლოფი)-არანაკლებ 1 (ერთი) წლიანი საგარანტიო ვადა.
სატენდერო წინადადების წარდგენა ნიშნავს მიმწოდებლის თანხმობას სატენდერო დოკუმენტაციით დადგენილ პირობებთან/მოთხოვნებთან;
ტენდერის შედეგად დაფიქსირებული საბოლოო ფასიდან გამომდინარე, წინამდებარე სატენდერო დოკუმენტაციის/პირობების პრეისკურანტში მოცემული შესყიდვის ობიექტის ცალკეული შემადგენელი ნაწილის სავარაუდო ღირებულებები ჩამოყალიბდება (შემცირდება) მხარეთა შეთანხმებით. შეთანხმების მიუღწევლობის შემთხვევაში, იგი შეიცვლება (შემცირდება) ვაჭრობის შედეგად დაფიქსირებული შესყიდვის ობიექტის საბოლოო (შემცირებული) ღირებულების პროპორციულად (პროცენტულად).

ფასწარმოქმნის ადეკვატურობა შესაძლებელია დასაბუთდეს ექსპერტიზის/აუდიტის დასკვნით ან შესყიდვის ობიექტის მიწოდებასთან დაკავშირებით გაფორმებული ხელშეკრულებით, რომელთა შინაარსი დაადასტურებს, პრეტენდენტის მიერ დაფიქსირებულ ფასად, ხელშეკრულებით ნაკისრი ვალდებულებების შესრულების შესაძლებლობას. დასადასტურებლად საკმარისია, ზემოთ ჩამოთვლილი საბუთებიდან, ერთ-ერთის წარმოდგენაც.

ანგარიშსწორება განხორციელდება უნაღდო ანგარიშსწორების ფორმით, ,,მიმწოდებლის“ მიერ ფაქტიურად მიწოდებული შესყიდვის ობიექტის ღირებულების შესაბამისად, მიღება-ჩაბარების დამადასტურებელი შესაბამისი დოკუმენტის საფუძველზე, ,,მიმწოდებლის“ მიერ წარმოდგენილი საგადასახადო/საანგარიშსწორებო დოკუმენტაციის შესაბამისად.

ანგარიშსწორება გახოციელდება ,,მიმწოდებლის" მიერ საგადასახადო/საანგარიშსწორებო დოკუმენტაციის წარმოდგენიდან 5 (ხუთი) სამუშაო დღის განმავლობაში.

თემური ყურაშვილი, 599536004, tkurashvili@esco.ge სატენდერო კომისიის აპარატის წევრი ბორის გაბიძაშვილი. ტელ: 599 549970, ელექტრონული მისამართი: bgabidzashvili@esco.ge
დაკავშირება უნდა მოხდეს ტელეფონზე და ელექტრონულ მისამართზე ყოველ სამუშაო დღეს 10:00 საათიდან 18:00 საათამდე.

სახელმწიფო შესყიდვების სააგენტოს 2017 წლის 14 ივნისის #12 ბრძანებით დამტკიცებული ,,ელექტრონული ტენდერის ჩატარების წესის” (შემდგომში - ,,წესი“) მე-18 მუხლის მე-8 პუნქტის გათვალისწინებით, აღნიშნული დოკუმენტაციის წარმოდგენა პრეტენდენტს არ მოეთხოვება, გარდა განსაკუთრებული შემთხვევისა, კერძოდ:
წინამდებარე ტენდერის მიზნებისთვის, განსაკუთრებულ შემთხვევად ჩაითვლება, თუ სსიპ ,,საჯარო რეესტრის ეროვნული სააგენტოს” ვებ-გვერდის მეშვეობით, ,,შემსყიდველის“ მიერ, შეუძლებელი იქნება პრეტენდენტის შესახებ შესაბამისი ინფორმაციის სრულყოფილად მოპოვება. მხოლოდ ასეთ შემთხვევაში, შესაძლებელია ეთხოვოს პრეტენდენტს, სახელმწიფო შესყიდვების სააგენტოს ზემოაღნიშნული ,,წესის” 30-ე მუხლის მოთხოვნათა დაცვით გაცემული/მომზადებული დოკუმენტაციის წარმოდგენა.
მსგავსი/ანალოგიური განსაკუთრებული შემთხვევების დროს, ზემოაღნიშნული ,,წესის” მე-18 მუხლის მე-8 პუნქტით გათვალისწინებული, დოკუმენტაციის მოთხოვნის დასაბუთებისათვის, მოთხოვნის მიზანია პირის იდენტიფიკაცია, ხოლო ინდივიდულური მეწარმისა და იურიდიული პირის შემთხვევაში, ასევე სახელმწიფო შესყიდვების პროცესში მესამე პირებთან საწარმოს წარმომადგენლობაზე უფლებამოსილი პირების დადგენა.
განხილულ შემთხვევაში, პრეტენდენტს შესაძლებელია ეთხოვოს შესაბამისი დოკუმენტაციის წარმოდგენა, კერძოდ:
ა) იურიდიული პირის, ამხანაგობის, არარეზიდენტი პირის, წარმომადგენლობისა და ინდივიდუალური მეწარმისათვის:
- ამონაწერი მეწარმეთა და არასამეწარმეო (არაკომერციული) იურიდიულ პირთა რეესტრიდან.
ბ) ფიზიკური პირებისათვის:
- პირადობის მოწმობის ან პასპორტის ასლი.