Ремонт и техническое обслуживание транспортных средств и оборудования и сопутствующие услуги (Грузия - Тендер #69312128)

სსიპ „ნავთობისა და გაზის სახელმწიფო სააგენტოს“ ბალანსზე რიცხული 7 (შვიდი) ერთეული ავტოსატრანსპორტო საშუალების შეკეთება და ტექნიკურ მომსახურება.

1.2.1.პრეტენდენტის მიერ წარმოდგენილ პრეისკურანტში დაფიქსირებული მომსახურების, სათადარიგო ნაწილის ან/და საცხებ-საპოხი მასალის ერთეულის ღირებულება არ უნდა აღემატებოდეს სატენდერო დოკუმენტაციის პრეისკურანტის შესაბამის პოზიციაზე დაფიქსირებულ ერთეულის სავარაუდო ღირებულებას, აღნიშნული შეუსაბამობა გამოიწვევს პრეტენდენტის დისკვალიფიკაციას აღნიშნულ ტენდერში.

1.2.2. პრეტენდენტის მიერ წარმოდგენილ პრეისკურანტში მოცემული საქონლისა და მომსახურების ერთეულის ფასების კლება უნდა განხორციელდეს სატენდერო დოკუმენტაციაში მოცემული პრეისკურანტის ზღვრული ერთეულის ფასებიდან, არანაკლებ სატენდერო დოკუმენტაციასა და სატენდერო განცხადებაში მოცემული პრეისკურანტის ჯამურ სავარაუდო ღირებულებასა და პრეტენდენტის მიერ სისტემაში დაფიქსირებულ საბოლოო ფასს შორის არსებული პროცენტული სხვაობით, რომელიც დამრგვალებული უნდა იყოს მეასედის სიზუსტით.

1.2.3. პრეტენტენტის მიერ წარმოდგენილ პრეისკურანტში შემოთავაზებული ღირებულებები არ უნდა აღემატებოდეს მომსახურების პრეისკურანტში შესაბამის პოზიციებზე მოცემულ ერთეულის ზღვრულ ღირებულებებს, თუ რომელიმე პოზიციაზე პრეტენდენტი საქონელსა და მომსახურებას გვთავაზობს უფასოდ, ერთეულის ფასის შესაბამის გრაფაში უნდა ჩაიწეროს „0“. პრეისკურანტში მითითებული მომსახურების ან/და საქონლის ფასი უნდა იყოს საბოლოო და საჭიროების შემთხვევაში მოიცავდეს კონკრეტული საქონლის მიწოდებასთან დაკავშირებული თანმდევი მომსახურების ღირებულებასაც.

1.2.4. მიმწოდებელთან ხელშეკრულების გაფორმების შემდეგ, პრეისკურანტში მომსახურების/საქონლის რომელიმე პოზიციის არარსებობისას (მისი შესყიდვის აუცილებლობისას), ერთეულის ფასი დადგინდება შემსყიდველი ორგანიზაციის და მიმწოდებლის ერთობლივი შეთანხმებით, საბაზრო ფასის გათვალისწინებით. ასეთ შემთხვევაში, პრეისკურანტში ავტოსტრანსპორტო საშუალების ტექნიკური მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

1.2.5. პრეტენდენტის მიერ განფასებული საქონლისა და მომსახურების პრეისკურანტი ატვირთული უნდა იქნას MS Excel-ის ფორმატის ფაილის სახით (დანართი N2), რომელიც არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).

1.2.6. საქონლისა და მომსახურების პრეისკურანტი (დანართი N2) MS Excel-ის ფორმატის ფაილის სახით ატვირთულია სატენდერო დოკუმენტაციის 1.3 პუნქტში.

1.2.7. პრეისკურანტის ჯამური სავარაუდო ღირებულება შეადგენს 686 020.15 (ექვსას ოთხმოცდაექვსი ათას ოცი ლარი და თხუთმეტი თეთრი ) ლარს, ხოლო ხელშეკრულება გაფორმდება 35 000.00 (ოცდათხუთმეტი ათასი ლარი და 00 თეთრი) ლარზე.

1.4.1. მომსახურება უნდა განხორციელდეს ხელშეკრულების ძალაში შესვლიდან - 2026 წლის 31 დეკემბრის ჩათვლით.

1.5.1. ეტაპობრივად,(ფაქტიურად გაწეული მომსახურების შესაბამისად) მიმწოდებლის სერვის ცენტრ(ებ)ი.

1.7.1.1. მიმწოდებლის მიერ შეცვლილ/შეკეთებულ სათადარიგო ნაწილებზე (გარდა ძირითადი აგრეგატების (ძრავი, ხიდი, გადაცემათა კოლოფი) ნაწილებისა) გარანტია შეადგენს მიღება-ჩაბარების აქტის გაფორმებიდან 6 (ექვსი) თვეს.

1.7.1.2. ძირითად აგრეგატებზე (ძრავი, ხიდი, გადაცემათა კოლოფი) გაწეული მომსახურების შემთხვევაში, შეცვლილ სათადარიგო ნაწილებზე და აკუმულატორებზე გარანტია შეადგენს მიღება-ჩაბარების აქტის გაფორმებიდან 12 (თორმეტი) თვეს.

1.7.1.3. იმ შემთხვევაში, თუ აღმოჩნდება რომ მიმწოდებლის მიერ არ არის სრულყოფილად შესრულებული მომსახურება და/ან შეცვლილი ნაწილი აღმოჩნდა წუნდებული, მიმწოდებელი ვალდებულია აღმოჩენილი ხარვეზი აღმოფხვრას საკუთარი ხარჯებით.

1.7.1.4. საგარანტიო ვადის განმავლობაში შესყიდვის ობიექტის მიერ დეფექტის/წუნის გამოვლენის შემთხვევაში იგი უნდა შეკეთდეს ან შეიცვალოს ახლით შემსყიდველის მიერ განსაზღვრულ გონივრულ ვადაში.

2.3.1.1. მიმწოდებელს უნდა გააჩნდეს მოქმედი სერვისცენტრი ქ. თბილისში, (სასურველია ასევე გააჩნდეს დამატებით სერვისცენტრები საქართველოს მასშტაბით). სერვისცენტრი უნდა იყოს პრეტენდენტის მფლობელობაში ან სარგებლობაში (ქირა, იჯარა ან სხვა, რომელიც ატვირთული უნდა იყოს სატენდერო წინადადებასთან ერთად). სარგებლობის უფლების დამადასტურებელი დოკუმენტის მოქმედების ვადა ტოლი უნდა იყოს ან უნდა აღემატებოდეს ხელშეკრულებით გათვალისწინებული მომსახურების ვადას,

2.3.1.2. მიმწოდებლის სერვისცენტრი აღჭურვილი უნდა იყოს შემდეგი აპარატურითა და დანადგარებით:
1. საბურავის დაშლა-აწყობის და ბალანსირების დანადგარი;
2. თვლების შეყრის კომპიუტერული (რაზვალი) დანადგარი;
3. კომპიუტერული დიაგნოსტიკის მოწყობილობა;
4. საყრდენი დისკოს (დისკოს მოუხსნელად, ადგილზე) გასაჩარხი მოწყობილობა;
5. ავტომატურ გადაცემათა კოლოფში ზეთის შეცვლის აპარატი;
6. ელექტრომომარაგების სარეზერვო წყარო (გენერატორი);

2.3.1.3. სერვისცენტრში სამუშაო ფართობში დაცული უნდა იყოს ჰიგიენური , სახანძრო და ტექნიკური უსაფრთხოების ნორმები.

2.3.1.4. მიმწოდებელმა უნდა უზრუნველყოს სერვისცეტრში ავტოსატრანსპორტო საშუალების დაუყოვნებლივ მიღება და მომსახურების გაწევა.

2.5.1.1. მიმწოდებელმა უნდა უზრუნველყოს სერვისცეტრ(ებ)ში ავტოსატრანსპორტო საშუალების დაუყოვნებლივ მიღება და მომსახურების გაწევა:
1. მექანიკური დაზიანების შემთხვევაში 1 (ერთი) სამუშაო დღეში
2. საშუალო სირთულის რემონტი 5 (ხუთი) სამუშაო დღეში
3. აგრეგატულ ნაწილებზე 10 (ათი) სამუშაო დღეში
4. დეფიციტური სათადარიგო ნაწილებით უზრუნველყოფა - არაუმეტეს 20 კალენდარულ დღეში
5. ხოლო განსაკუთრებულ (გამონაკლის) შემთხვევებში შემსყიდველთან შეთანხმებით.

2.9.1. მიმწოდებლის სერვისცენტრები უნდა ფუნქციონირებდეს ყოველდღიურად (გარდა კვირა დღისა).

2.9.2. ავტომანქანის დაზიანებული ნაწილები უნდა შეიცვალოს ახალი ან/და შემსყიდველთან შეთანხმებით მეორადი სათადარიგო ნაწილებით და უნდა შეესაბამებოდეს პრეტენდენტის მიერ წარმოდგენილ მომსახურების პრეისკურანტში მითითებულ შესაბამისი საქონლის დასახელებას, მდგომარეობას და ფასს. მოთხოვნის შემთხვევაში მიმწოდებელმა დაუყოვნებლივ უნდა წარმოადგინოს ახალი სათადარიგო ნაწილის გაუხსნელი შეფუთვა სსიპ-ნავთობისა და გაზის სახელმწიფო სააგენტოს ადგილზე მისულ წარმომადგენლთან.

2.9.3. ავტოსატრანსპორტო საშუალების მომსახურება უნდა განხორციელდეს მიმწოდებელსა და შემსყიდველს შორის თითოეულ კონკრეტულ შემთხვევაში დეფექტური აქტის შედგენის შემდეგ (დეფექტური აქტი ხელმოწერილი და ბეჭედდასმული უნდა იყოს მიმწოდებლის მხირად, და მას ასევე ხელს უნდა აწერდეს შემსყიდველი ორგანიზაციის წარმომადგენელი), გარდა ამისა, დეფექტური აქტი უნდა გადმოიგზავნოს ელექტრონული სახით E-mail-ზე (r.shanava@saog.gov.ge) ან/და (i.ninoshvili@saog.gov.ge), რომელშიც მითითებული უნდა იყოს გასაწევი მომსახურების ან/და ასეთი მომსახურებისთვის საჭირო საქონლის (სათადარიგო ნაწილების) დეტალური აღწერა, მხოლოდ ელექტრონული სახით გადმოგზავნილ დეფექტურ აქტზე გაცემული თანხმობის/დასტურის შემდეგ შეუძლია მიმწოდებელს დაიწყოს მომსახურების გაწევა, წინააღმდეგ შემთხვევაში შემსყიდველი იხსნის პასუხისმგებლობას გაწეული მომსახურების ანაზღაურებაზე.

2.9.4. მიმწოდებელმა საჭიროების შემთხვევაში უნდა უზრუნველყოს ავტოსატრანსპორტო საშუალების ევაკუატორით მომსახურება საქართველოს მასშტაბით.

2.9.5. იმ შემთხვევაში თუკი მოხდება მიმწოდებლის მხრიდან დამატებით რაიმე სახის ზიანის მიყენება ავტოსატრანსპორტო საშუალებაზე, მიმწოდებელი თავად უზრუნველყოფს მის შეკეთებას ახალი დეტალით უსასყიდლოთ.

2.9.6. იმ შემთხვევაში, თუ აღმოჩნდება, რომ მიმწოდებლის მიერ არ არის სრულყოფილად შესრულებული მომსახურება და/ან შეცვლილი ნაწილი აღმოჩნდა წუნდებული, მიმწოდებელი ვალდებულია აღმოჩენილი ხარვეზი აღმოფხვრას საკუთარი ხარჯებით.

2.9.7. სატენდერო დოკუმენტაცია ავტოსატრანსპორტო საშუალებების ტექნიკური მომსახურების გაწევას ქვეკონტრაქტორის საშუალებით არ ითვალისწინებს, პრეტენდენტი უშუალოდ უნდა აკმაყოფილებდეს ტექნიკური დავალებით განსაზღვრულ მოთხოვნებს.

4.1.1.1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია პრეისკურანტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომლებშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო პრეისკურანტში (მომსახურების ხარჯთაღრიცხვაში) (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე პრეისკურანტით (მომსახურების ხარჯთაღრიცხვით) განსაზღვრული შესყიდვის ობიექტის (საქონლის ან/და მომსახურების გაწევის) მიწოდების შესაძლებლობა.

4.1.1.2. დასკვნის წარმოუდგენლობა ან უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.

4.1.1.3. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

7.2.1. ანგარიშსწორება განხორციელდება ეტაპობრივად,უნაღდო ანგარიშსწორებით ლარში, ფაქტიურად გაწეული მომსახურების შესაბამისად, მიღება-ჩაბარების აქტის საფუძველზე.

7.3.1. ეტაპობრივად, ფაქტიურად გაწეული მომსახურების შემდეგ, მიღება–ჩაბარების აქტის გაფორმებიდან 10 სამუშაო დღის განმავლობაში.

რევაზ შანავა, 599319295, r.shanava@saog.gov.ge ირაკლი ნინოშვილი, 596706600, i.ninoshvili@saog.gov.ge

10.1.1. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.

10.1.2. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.

10.1.3. პრეტენდენტი ვალდებულია სახელმწიფო შესყიდვების ერთიან ელექტრონულ სისტემაში წარმოსადგენ მის მიერ შექმნილ დოკუმენტებზე ან/და ინფორმაციაზე (გარდა excel-ის ფორმატის ფაილისა) შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის გათვალისწინებით.

10.1.4. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.

10.1.5. პრეტენდენტს არ აქვს უფლება წარმოადგინოს ალტერნატიული სატენდერო წინადადება.

10.1.6. დაფინანსების წყარო - 2026 წლის სახელმწიფო ბიუჯეტი.

10.1.7. პრეტენდენტის მიერ ერთიან ელექტრონულ სისტემაში უნდა ატვირთოს შემდეგი მონაცემები:

1) დანართი N2 (პრეისკურანტი)

2) 2.3.1 პუნქტით გათვალისწინებული ინფორმაცია მატერიალურ - ტექნიკური ბაზის შესახებ.