Телекоммуникационные услуги (Грузия - Тендер #69312126)

ქ. ბათუმის მუნიციპალიტეტის სისტემაში ვირტუალური ქოლცენტრის მომსახურება

ტექნიკური პირობები

1. მიმწოდებელი უზრუნველყოფს სატელეფონო მომსახურებას VoIP ტექნოლოგიით.
2. მიმწოდებელი უზრუნველყოფს სატელეფონო მომსახურებას ფიქსირებული და მობილური სატელეფონო ოპერატორების აბონენტებისათვის, მიმწოდებლის მიერ გამოყოფილ სატელეფონო ნომერზე 0 800 000 810 შემავალი ზარების განხორციელებით ქალაქ ბათუმის მუნიციპალიტეტის მერიასთან.
3. მიმწოდებელი უზრუნველყოფს შეუზღუდავი რაოდენობის შემომავალ არხებს.
4. მიმწოდებელი უზრუნველყოფს ნომრის 0 800 000 810 შენარჩუნებას.
5. კომუნიკაციების ეროვნული კომისიის მიერ განსაზღვრული პარამეტრებით ხარისხიანი სატელეფონო კავშირი.
6. სატელეფონო მომსახურების დამრგვალება ნებისმიერი მიმართულებით 1 წმ სიზუსტით.
7. სატელეფონო მომსახურებას მიმწოდებელი უზრუნველყოფს ვირტუალური PBX-ის გამოყენებით.
8. მომსახურების გაწევისათვის საჭირო საინსტალაციო სამუშაოების განხორციელება შემსყიდველის მხრიდან ყოველგვარი დამატებითი ხარჯების გაწევის გარეშე.
9. საუბრის სმენადობა მაღალი ხარისხით და ხმოვანი ინფორმაციის დაყოვნების, ექოსა და ფონური ხმაურის გარეშე.
10. ჩანაწერების მოძიების შესაძლებლობა დამრეკი/ ნომრის,თარიღის და საათის მიხედვით.
11. პერსონალური მენეჯერის კონსულტაცია და ტექნიკური სპეციალისტების დახმარება 24 საათიან (24/7) რეჟიმში.
12. მიმწოდებელი ასევე უზრუნველყოფს:
ა) გამოტოვებული ზარების შესახებ ინფორმაციის მიწოდების და დამუშავების შესაძლებლობას.
ბ) ინფორმაციის მიწოდებას გამოტოვებული ზარების მოლოდინის საშუალო დროის შესახებ.
გ) ინფორმაციის მიწოდებას ნაპასუხები ზარების მოლოდინის საშუალო დროის შესახებ.
დ) ინფორმაციის მიწოდებას გამოტოვებული ზარების რიგში პოზიციონირების შესახებ.
ე) ოპერატორის მიერ მომსახურებული თითოეული ზარის დეტალური ისტორიის მიწოდებას.
ვ) შემოსული ზარების საათობრივი, დღიური, პროცენტული და გრაფიკული მაჩვენებლების მიღებას.
13. მიმწოდებელი უზრუნველყოფს შემსყიდველის მიერ მიწოდებულ ხმოვანი ჩანაწერის დაყენებას ნომერზე 0 800 000 810.
14. მიმწოდებელი უზრუნველყოფს რიგის, რიგში პოზიციონირებისა და მოლოდინის ფუნქციის ჩართვას.
15. მიმწოდებელი შემსყიდველის მოთხოვნის შესაბამისად უზრუნველყოფს ზარების გადანაწილება სხვადასხვა ტიპის კონფიგურაციით.
16. მიმწოდებელი უზრუნველყოფს ხმოვანი ფოსტის რეჟიმის ჩართვას.
17. მიმწოდებელი უზრუნველყოფს 100-მდე შიდა ნომერით მომსახურების შესაძლებლობას.
18. კანონით განსაზღვრულ უფასო ინფორმაციის მიწოდება შემსყიდველის სატელეფონო ნომერზე მიღებული ზარების შესახებ, რომელიც ინახება მიმწოდებლის ბაზაში.
19. ყოველთვიურად გაწეული მომსახურების შესახებ ანგარიშის წარდგენა. ბილინგის ფორმატი Microsoft Excel.
20. დავალიანების შესახებ ინფორმაციის მიწოდება.
21. სახელმწიფო შესყიდვის შესახებ ხელშეკრულების ფარგლებში ნებისმიერი ხარვეზის დროულად იდენტიფიკაცია და მის უმოკლეს ვადებში აღმოფხვრა, არაუმეტეს 3 საათისა.
22. საიმედოობის დონე (UPTIME) არანაკლებ 99,9%.
23. მიმწოდებელი უზრუნველყოფს ვირტუალური სისტემის და სატელეფონო შეერთების სტატუსის მონიტორინგს 24/7-ის განმავლობაში.


პრეტენდენტის ხელმოწერა ------------------------

მომსახურება უნდა განხორციელდეს 2026 წლის 1 იანვრიდან 2026 წლის 31 დეკემბრამდე.

მომსახურების ფორმა მოცემულია ტექნიკურ დავალებაში, განხორციელების ადგილი - ქ. ბათუმი ლუკა ასათიანის ქ. N25.

ინფორმაცია პრეტენდენტის გამოცდილების შესახებ
ა) ტენდერში მონაწილე პრეტენდენტს უწყვეტად უკანასკნელი 3 წლის განმავლობაში (2023 წლის 1 იანვრიდან 2025 წლის 1 დეკემბრამდე) შესრულებული უნდა ჰქონდეს ტენდერით გათვალისწინებული ანალოგიური ხასიათის, სირთულისა და შინაარსის (ქოლ-ცენტრის) მომსახურება.
ბ) ინფორმაცია წარმოდგენილ უნდა იქნეს დანართის N1-ის შესაბამისად;
გ) პრეტენდენტმა უნდა წარმოადგინოს ტენდერით გათვალისწინებული ანალოგიური ხასიათის, სირთულისა და შინაარსის მომსახურების შესრულების დამადასტურებელი დოკუმენტების ასლები (ხელშეკრულების ასლები, მიღება-ჩაბარების აქტების ასლები).
დ) იმ შემთხვევაში თუ პრეტენდენტი გამოცდილების სახით წარმოადგენს არასახელმწიფო შესყიდვის ხელშეკრულებებსა და მათი შესრულების დოკუმენტაციას, გარდა გ) ქვეპუნქტით მოთხოვნილი დოკუმენტაციისა პრეტენდენტი ვალდებულია დამატებით წარმოადგინოს აღნიშნულ მომსახურებაზე დადასტურებული საგადასახადო ანგარიშ-ფაქტურების ქსეროასლები.

თუ ერთიან ელექტრონულ სისტემაში დაფიქსირებული საბოლოო ფასიდან გამომდინარე, ერთეულის ფასები წარმოდგება მრავალნიშნა ათწილადის სახით, პრეტენდენტი ვალდებულია შეამციროს ერთეულის ფასი და დაამრგვალოს მეასედებამდე. შესაბამისად, შეამციროს საერთო ფასიც.

სავარაუდო ღირებულებასთან შედარებით საბოლოო ფასის 20%-ით ან მეტით კლების შემთხვევაში ფასწარმოქმნის ადეკვატურობა, შესაძლებელია დასაბუთდეს აუდიტის დასკვნით, შესყიდვის ობიექტის მიწოდებასთან დაკავშირებით პრეტენდენტის მიერ გაფორმებული ხელშეკრულებით, ანგარიშ-ფაქტურით (ინვოისით) ან/და სხვა ისეთი დოკუმენტაციით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

ანგარიშსწორება მიმწოდებელთან განხორციელდება ეტაპობრივად, მიღება-ჩაბარების აქტის გაფორმებისა და დღგ-ს ანგარიშ-ფაქტურის წარმოდგენის შემდეგ.

10 (ათი) სამუშაო დღის განმავლობაში

თენგიზ აბუსერიძე, 555309046, tengo0404@gmail.com

პრეტენდენტმა უნდა უზრუნველყოს:
ა) სატენდერო დოკუმენტაციით განსაზღვრული დოკუმენტების ატვირთვა სახელმწიფო შესყიდვების ერთიან ელექტრონულ სისტემაში, შემდეგი თანმიმდევრობით:
-ტექნიკური პირობები;
-ფასების ცხრილი;
- ინფორმაცია პრეტენდენტის გამოცდილების შესახებ;
ბ) ყველა დოკუმენტი (გარდა EXCEL-ის ფორმატით წარმოდგენილი ფასების ცხრილისა) ხელმოწერილი (კვალიფიციური ელექტრონული ხელმოწერითა და კვალიფიციური ელექტრონული შტამპით) უნდა იყოს უფლებამოსილი პირის მიერ. დოკუმენტაციის უცხო ენაზე წარმოდგენის შემთხვევაში თან უნდა დაერთოს ნოტარიულად დამოწმებული თარგმანი ქართულ ენაზე.

* შენიშვნა: სატენდერო დოკუმენტაციაში, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“.