Ремонт и техническое обслуживание транспортных средств и оборудования и сопутствующие услуги (Грузия - Тендер #69252760)

ავტოსატრანსპორტო საშუალებების გასაფორმებლად თვითწებვადი ფერადი და შუქამრეკლი ფირების (არაკალი) შესყიდვა თანმდევი მომსახურებით (ავტომანქანაზე არაკალის გაკვრა, არსებული ფირის აძრობა).

შესყიდვის ობიექტის ტექნიკური დავალება იხილეთ 1.3 პუნქტში ატვირთულ ფაილში (პრეისკურანტი).

გასაწევი მომსახურების აუცილებელი და სავალდებულო პირობები:

- მიმწოდებელმა ავტოსატრანსპორტო საშუალებაზე არსებული ფირის (არაკალი) გაკვრა და აძრობა უნდა უზრუნველყოს ხარისხიანად, ისე რომ არ მოხდეს ავტომანქანაზე დატანილი საღებავის დაზიანება.

- მომსახურების გაწევის პერიოდში, მიმწოდებლის ბრალეულობით ავტოსატრანსპორტო საშუალების დაზიანების შემთხვევაში, მიყენებული ზიანის აღმოფხვრის ხარჯების სრულად ანაზღაურება ეკისრება მიმწოდებელს;

შესყიდვის ობიექტის მიწოდება უნდა განხორციელდეს ეტაპობრივად, 2026 წლის 01 აპრილიდან 2027 წლის 31 მარტის ჩათვლით, შემსყიდველის მოთხოვნის შესაბამისად - მოთხოვნიდან არაუგვიანეს 3 კალენდარული დღის ვადაში.

შემსყიდველის მხრიდან მოთხოვნა/შეტყობინება შესაბამისი მომსახურების გაწევის თაობაზე შესაძლებელია განხორციელდეს ელ-ფოსტაზე გაგზავნილი შეტყობინებით ან ოფიციალური წერილის სახით.

ერთ ჯერზე (ყოველ 3 დღიან შუალედში) შესაძლებელია განხორციელდეს არაუმეტეს ერთ ლოკაციაზე არაუმეტეს 5 ავტოსატრანსპორტო საშუალების არაკალით გაწყობის მომსახურების მოთხოვნა, გარდა იმ შემთხვევებისა, როცა თვითონ მიმწოდებელი გამოთქვამს მზაობას გაწიოს მომსახურება უფრო მოკლე ვადაში.

მომსახურების გაწევის ადგილი: ქ. თბილისი - კონკრეტული ლოკაცია განისაზღვრება შემსყიდველის მოთხოვნის შესაბამისად.

მიწოდებულ შესყიდვის ობიექტზე (თვითწებვადი არაკალი თანმდევი მომსახურებით) საგარანტიო პერიოდი უნდა შეადგენდეს მიღება-ჩაბარების აქტის შედგენის თარიღიდან არანაკლებ 1 (ერთი) წელს, გარდა მექანიკური ზემოქმედებით გამოწვეული დაზიანებისა. ამასთან, მიმწოდებელი ვალდებულია საგარანტიო პერიოდის განმავლობაში უზრუნველყოს მიწოდებულ შესყიდვის ობიექტზე გამოვლენილი ხარვეზის ან/და ნაკლის აღმოფხვრა (ავტომანქანაზე გაკრული არაკალის ახლით შეცვლის საჭიროების შემთხვევის ჩათვლით) აღნიშნულის თაობაზე შემსყიდველის მხრიდან შეტყობინების (ელ-ფოსტაზე გაგზავნილი შეტყობინებით ან ოფიციალური წერილის სახით) მიღებიდან არაუგვიანეს 3 (სამი) კალენდარული დღის ვადაში, - შემსყიდველის მხრიდან დამატებითი დანახარჯების გაწევის გარეშე (შენიშვნა: საგარანტიო ვადების შესახებ ინფორმაციის წარმოდგენისას პრეტენდენტი ვალდებულია დააკონკრეტოს საგარანტიო პერიოდი).

მიმწოდებელი ვალდებულია "ფასების ცხრილი"-ს პირველ და მეორე პოზიციაზე, შესაბამის გრაფაში მიუთითოს ინფორმაცია ფირის (არაკალი) წარმოშობის ქვეყნის და მწარმოებლის/ბრენდის შესახებ (აღნიშნული ინფორმაციის წარმოუდგენლობა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).

ტენდერში მონაწილე პრეტენდენტს 2023 წლის 01 იანვრიდან უნდა გააჩნდეს არანაკლებ 25000 (ოცდახუთი ათასი) ლარის ღირებულების ანალოგიური (ავტოსატრანსპორტო საშუალებების თვითწებვადი არაკალის მიწოდების თანმდევი მომსახურებით (მონტაჟი, დემონტაჟი)) შესყიდვის ობიექტის მიწოდების გამოცდილება, რომლის დამადასტურებლად პრეტენდენტმა ელექტრონულ სისტემაში უნდა ატვირთოს შემდეგი დოკუმენტები: ხელშეკრულებ(ები)ა და ამ ხელშეკრულების საფუძველზე გაფორმებული შესყიდვის ობიექტის მიწოდების ამსახველი მიღება-ჩაბარების აქტ(ებ)ი. ან/და შესყიდვის ობიექტის მიწოდების დამადასტურებელი სხვა დოკუმენტაცია.

სერვისის გამწევი ქვეკონტრაქტორის არსებობის შემთხვევაში პრეტენდენტი ვალდებულია წარმოადგინოს:

- ქვეკონტრაქტორთან გაფორმებული მოქმედი ხელშეკრულება (წარმოდგენილ ხელშეკრულებაში, ხელშეკრულების საგანში გარკვევით უნდა იკითხებოდეს (ტექსტის შინაარსიდან ირვეოდეს) ინფორმაცია წინამდებარე ტენდერით განსაზღვრული ანალოგიური მომსახურების გაწევის თაობაზე). ასევე, სავალდებულოა რომ აღნიშნულ ხელშეკრულებაში მომსახურების გაწევის ვადები განსაზღვრული იყოს არაუადრეს 2027 წლის 31 მარტისა. ხოლო ქვეკონტრაქტორის გამოუყენებლობის შემთხვევაში, პრეტენდენტი ვალდებულია წარმოადგინოს ინფორმაცია აღნიშნულის თაობაზე.

2.9.1. პრეტენდენტის მიერ, შესყიდვების ერთიანი ელექტრონული სისტემის მეშვეობით, წარმოდგენილ მომსახურების პრეისკურანტში (დანართი N1) მითითებული ერთეულის ფასები არ უნდა აღემატებოდეს შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის სავარაუდო მაქსიმალურ ფასებს, წინააღმდეგ შემთხვევაში პრეტენდენტი დაექვემდებარება დისკვალიფიკაციას.
2.9.2. პრეტენდენტის მიერ ელექტრონული ვაჭრობის შედეგად თუ ერთეულის ფასები დაჯდება მრავალნიშნა ათწილადად, პრეტენდენტი ვალდებულია აღნიშნული ფასები შეამციროს და კლებადობით დაამრგვალოს მეასედამდე, შესაბამისად შეამციროს პრეისკურანტის ჯამური ღირებულებაც (როგორც სატენდერო წინადადების წარდგენის ეტაპზე ასევე დაზუსტების არსებობის შემთხვევაში).
2.9.3 პრეტენდენტის მიერ შერჩევა-შეფასების ეტაპზე წარმოდგენილ დაზუსტებულ პრეისკურანტში რომელიმე პოზიციის ერთეულის ფასების გაზრდა გამოიწვევს პრეტენდენტის დისკვალიფიკაციას.
2.9.4 პრეტენდენტის მიერ, „წინადადების მიღება დასრულებულია“ ეტაპზე, სატენდერო დოკუმენტაციის დანართი N1-ის (პრეისკურანტის) წარმოუდგენლობა ან არსებითად შეუსაბამო დანართი N1-ის (პრეისკურანტის) წარმოდგენა გამოიწვევს პრეტენდენტის დისკვალიფიკაციას აღნიშნულ ტენდერში.
2.9.5. პრეტენდენტის მიერ სატენდერო წინადადებით წარმოდგენილი საერთო და ერთეულის ფასი გამოსახული უნდა იყოს საქართველოს მოქმედი კანონმდებლობით გათვალისწინებული ყველა ხარჯებისა და გადასახადების გათვალისწინებით. სატენდერო წინადადების საერთო და ერთეული ფასი წარმოდგენილი უნდა იქნას მხოლოდ ლარებში.
2.9.6 პრეტენდენტი ვალდებულია სატენდერო წინადადების წარდგენისას პრეისკურანტით განსაზღვრულ პოზიციებზე ფასების კლება განახორციელოს პროპორციულად (უცვლელი პროცენტული მნიშვნელობით). საბოლოო ფასები უნდა დაფიქსირდეს (დამრგვალდეს) მეასედის სიზუსტით.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის პრეისკურანტის სავარაუდო ღირებულებაზე, პრეტენდენტს მოეთხოვება ფასწარმოქმნის ადეკვატურობის დასაბუთება, რისთვისაც შემსყიდველის მიერ განესაზღვრება არაუმეტეს 3 (სამი) სამუშაო დღე. ფასწარმოქმნის ადეკვატურობის დასასაბუთებლად პრეტენდენტის მიერ წარმოდგენილი უნდა იქნას სსიპ "ლევან სამხარაულის ექსპერტიზის ეროვნული ბიუროს" ან/და სხვა აკრედიტირებული პირის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო პრეისკურანტში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით წინამდებარე ტენდერით განსაზღვრული შესყიდვის ობიექტის მიწოდების შესაძლებლობა.

ექსპერტიზის დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას.

ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება მოხდება უნაღდო ანგარიშსწორებით ლარში.

წინამდებარე ტენდერით გაფორმებული ხელშეკრულების ფარგლებში გაწეული მომსახურების ანაზღაურება განხორციელდება 2026-2027 წლების სახსრებით, მათ შორის:

ა) 2026-2027 წლების სახელმწიფო ბიუჯეტი - 40000 ლარი, მათ შორის: 2026 წლის სახელმწიფო ბიუჯეტი - არაუმეტეს 30000 ლარი, 2027 წლის სახელმწიფო ბიუჯეტი - არაუმეტეს 10000 ლარი;
ბ) BP-სგან მიღებული გრანტი - 5000 ლარი;

ანგარიშსწორება შემსყიდველის მიერ მოხდება ფაქტობრივად მოწოდებული შესყიდვის ობიექტის მიხედვით. შს სამინისტროს შესაბამისი სამსახურის მიერ მიღება–ჩაბარების აქტის ხელმოწერის და ანგარიშსწორებისათვის საჭირო დოკუმენტაციის შსს ეკონომიკურ დეპარტამენტში წარმოდგენის შემდეგ არაუგვიანეს 15 კალენდარული დღის ვადაში. თუ ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.

ავთანდილი ბუხრაშვილი, 595016533, a.bukhrashvili@mia.gov.ge

10.1.1. სახელმწიფო შესყიდვების ერთიან ელექტრონულ სისტემაში პრეტენდენტის მიერ ატვირთული ტექნიკური დოკუმენტაცია უნდა იყოს წარმოდგენილი PDF ფაილის ფორმატში და მათზე უფლებამოსილი პირის მიერ შესრულებული უნდა იყოს კვალიფიციური ელექტრონული ხელმოწერა ან/და დამოწმებული უნდა იყოს კვალიფიციური ელექტრონული შტანმპით (გარდა სატენდერო დოკუმენტაციის 2.2.1 და 4.1.1 პუნქტებით მოთხოვნილი დოკუმენტებისა, ამასთან, აღნიშნული გამონაკლისი 2.2.1 პუნქტით წარმოსადგენ დოკუმენტებზე ვრცელდება მხოლოდ იმ დოკუმენტების წარმოდგენის შემთხვევაში, რომელზეც არ ვრცელდება „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონით განსაზღვრული მოთხოვნები (მაგ. საგადასახადო ანგარიშ-ფაქტურა). ტექნიკური დოკუმენტაციის უცხოურ ენაზე წარმოდგენის შემთხვევაში, მათ უნდა დაერთოს ნოტარიალურად დამოწმებული შესაბამისი ქართულენოვანი თარგმანები.

10.1.2. პრეტენდენტს არა აქვს უფლება წარმოადგინოს ალტერნატიული სატენდერო წინადადება.

10.1.3. პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შინაგან საქმეთა სამინისტროს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.

10.1.4. პრეტენდენტის მიერ ერთიან ელექტრონულ სისტემაში ასატვირთი დოკუმენტები:

ა) პრეისკურანტი - სატენდერო დოკუმენტაციის 2.1.1. პუნქტის მოთხოვნებით განსაზღვრული ინფორმაციის მითითებით (აღნიშნული დოკუმენტის წარმოუდგენლობა, ან განუფასებლად წარმოდგენა, ან სატენდერო დოკუმენტაციის 2.1.1 პუნქტის მოთხოვნებით განსაზღვრული ინფორმაციის წარმოუდგენლობა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას.

ბ) სატენდერო დოკუმენტაციის 1.7.1, 2.2.1 და 2.8.1 პუნქტებით გათვალისწინებული ინფორმაცია/დოკუმენტაცია.

გ) 4.1.1 პუნქტით გათვალისწინებული დოკუმენტაცია - შემსყიდველის მოთხოვნის საფუძველზე, პრეისკურანტის სავარაუდო ღირებულებასთან მიმართებით 20%-ით ან მეტით ფასის კლების განხორციელების შემთხვევაში.