Телекоммуникационные услуги (Грузия - Тендер #69252756)

სატელეფონო მომსახურების სახელმწიფო შესყიდვა.

1.2.1 სატელეფონო მომსახურება, რომელიც თავის მხრივ მოიცავს ქალაქ თბილისის მუნიციპალიტეტის მერიის ფიქსირებული ტელეფონებიდან (860 ნომერი) ადგილობრივი, საქალაქთაშორისო, საერთაშორისო და მობილურ ოპერატორებთან დასაკავშირებლად განხორციელებულ სატელეფონო მომსახურებას.
1.2.2 სატელეფონო მომსახურება მიმწოდებელმა უნდა განახორციელოს 2 (ორი) ცალი E1 არხით (EURO ISDNE PRI) ოპტიკურ-ბოჭკოვანი ქსელით, რომელიც უნდა შემოდიოდეს ორი სხვადასხვა სატელეფონო სადგურიდან.
1.2.3 მიწის ზევით გაყვანილობის შემთხვევაში სადენი უნდა შემოდიოდეს შენობის სხვადასხვა მხარიდან.
1.2.4 ადგილობრივ სატელეფონო მომსახურებაში შედის:
1.2.4.1 უფასო ზარები მომსახურე კომპანიის ქსელში არსებულ ნომრებზე (შეუზღუდავი);
1.2.4.2 24 საათიანი მომსახურება და ტექნიკური მხარდაჭერა;
1.2.4.3 შემსყიდველის დავალიანების შესახებ ინფორმაციის დაუყონებლივ მიწოდება;
1.2.4.4 უფასო საინფორმაციო მომსახურება;
1.2.4.5 კომუნიკაციის ეროვნული კომისიის მიერ განსაზღვრული პარამეტრებით ხარისხიანი სატელეფონო კავშირის უზრუნველყოფა;
1.2.4.6 მოთხოვნის შემთხვევაში კანონით განსაზღვრული ინფორმაციის მიწოდება მომსახურების შესახებ. ასევე, შემსყიდველის სატელეფონო ნომრებიდან განხორციელებული ზარების შესახებ ინფორმაცია, რომელიც უნდა ინახებოდეს მიმწოდებლის ბაზაში.
1.2.5 საქალაქთაშორისო, საერთაშორისო და მობილურ ოპერატორებთან სატელეფონო მომსახურება უნდა განხორციელდეს წამობრივი დამრგვალებით.
1.2.6 ტელეფონის ნომრებზე შეზღუდული უნდა იყოს საინფორმაციო ზარები (118 - 08, 118 - 09) და შეკვეთით 07-ის მომსახურება. აღნიშნული სერვისები ჩართული იქნება შემსყიდველის დავალების შესაბამისად.
1.2.7 ბილინგის პერიოდულობა ყოველთვიური, ბილინგის ფორმატი Microsoft Excel ან Adobe Acrobat.
1.2.8 შესყიდვის ობიექტის თავისებურებიდან გამომდინარე, მოცემულია სავარაუდო მოცულობა, რომელიც შეიძლება სრულად არ იქნეს ათვისებული, ასევე თუ მომსახურების გაწევისას აღმოჩნდა, რომ მომსახურების ჩამონათვალიდან რომელიმე პოზიციაზე მომსახურების მოცულობა ამოიწურა და აღნიშნული მომსახურების შესყიდვა დამატებით გახდა აუცილებელი, შემსყიდველის შეხედულებისამებრ, მხარეთა შეთანხმების საფუძველზე შესაძლებელია განხორციელდეს ცვლილება სხვა მომსახურების მოცულობის შემცირებით.
1.2.9 ხელშეკრულების მიმდინარეობის პროცესში შესაძლებელია წარმოიშვას ახალი სატელეფონო ნომრების დამატების აუცილებლობა (50-მდე PRI ნომრის დადგმა უნდა განხორციელდეს უფასოდ), რაზეც უნდა გავრცელდეს შემოთავაზებული ტექნიკური დოკუმენტაციის შესაბამისი პირობები.
1.2.10 გასაწევი მომსახურების სახეობა და რაოდენობა მოცემულია მომსახურების ხარჯთაღრიცხვაში (დანართი N1), რომელიც ატვირთულია სატენდერო დოკუმენტაციის 1.3 პუნქტში.

2026 წლის 01 თებერვლიდან 2027 წლის 31 იანვრის ჩათვლით, ეტაპობრივად, შემსყიდველის დავალების შესაბამისად.

ქ. თბილისის მუნიციპალიტეტის მერიის ადმინისტრაციული შენობები.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის (საშემფასებლო) დასკვნა (დასკვნასთან ერთად წარმოდგენილ უნდა იქნას შესაბამისი უფლებამოსილების დამადასტურებელი დოკუმენტი), რომლებშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო მომსახურების ხარჯთაღრიცხვაში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე მომსახურების ხარჯთაღრიცხვით განსაზღვრული შესყიდვის ობიექტის მიწოდების შესაძლებლობა.
დასკვნის წარმოუდგენლობა ან უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის მე-18 მუხლის მე-6, მე-7 პუნქტებისა და 28-ე მუხლის 1-ელი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება მოხდება უნაღდო ანგარიშსწორებით ლარში, 2026 (90 %) და 2027 (10 %) წლების ადგილობრივი ბიუჯეტის სახსრებით.

ეტაპობრივად, გაწეული მომსახურების შესაბამისად, მიღება–ჩაბარების აქტის გაფორმებიდან 10 (ათი) სამუშაო დღის განმავლობაში.

სოფიკო ცუხიშვილი, 598340929, s.tsukhishvili@tbilisi.gov.ge , ტექნიკურ საკითხთან დაკავშირებით საკონტაქტო პირი - თამარ გოგიაშვილი, მობ:557954914. ელ-ფოსტა:tamuna.gogiashvili@tbilisi.gov.ge.

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება). პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული სატენდერო დოკუმენტაციის დანართ N1-ის (ფასების ცხრილი/მომსახურების ხარჯთაღრიცხვა/პრეისკურანტი) შესაბამისი ინფორმაცია წარმოდგენილ უნდა იქნეს MS Excel-ის ფორმატის ფაილის სახით, რომელიც არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს), ხოლო პრეტენდენტის მიერ ტენდერის ფარგლებში შედგენილ სხვა დოკუმენტაციაზე სავალდებულოა კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა.
10.1.4 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.
10.1.5 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.6 პრეტენდენტს არ აქვს უფლება წარმოადგინოს ალტერნატიული სატენდერო წინადადება.

10.1.7 პრეტენდენტის მიერ ერთიან ელექტრონულ სისტემაში ასატვირთი მონაცემები:
10.1.7.1 მომსახურების ხარჯთაღრიცხვა (დანართი N1), MS Excel-ის ფორმატის ფაილის სახით.