Услуги по очистке и санации (Грузия - Тендер #69252716)

სსიპ განათლების მართვის საინფორმაციო სისტემის მთელი ტერიტორიის ყოველდღიური დასუფთავების მომსახურების შესყიდვა.

სსიპ განათლების მართვის საინფორმაციო სისტემის მთელი ტერიტორიის ყოველდღიური დასუფთავების მომსახურების შესყიდვის სრული აღწერა იხილეთ მიბმული ფაილის სახით - „ტექნიკური დავალება - დანართი N2“.


მომსახურების გაწევისას მიმწოდებელი უნდა გაუფრთხილდეს შემსყიდველის ქონებას. დასასუფთავებელი სივრცე უზრუნველყოფილი უნდა იყოს საჭირო რაოდენობის (არანაკლებ ოთხი პერსონა) დამლაგებლებით (დასასუფთავებელი სივრცე დასუფთავებული უნდა იყოს დილის 9:00 საათამდე), ხოლო, მორიგე დამლაგებელი (არანაკლებ ორი პერსონა) ობიექტზე უნდა იყოს დილის 9:00 სათიდან საღამოს 18:00 საათამდე. დამლაგებლებს ობიექტზე ყოფნისას უნდა ეცვათ უნიფორმა. მიმწოდებელი ვალდებულია ჰყავდეს პასუხისმგებელი პირი მომსახურების გაწევის პერიოდში, რომელიც ვალდებული იქნება შემსყიდველის მოთხოვნისთანავე, გონივრულ ვადაში, მაგრამ არაუგვიანეს 3 (სამი) საათისა, გამოცხადდეს ობიექტზე, უზრუნველყოს ხარვეზის აღმოფხვრა (ასეთის არსებობის შემთხვევაში), გამოასწოროს მომსახურების ხარისხი და განახორციელოს ხელშეკრულებით გათვალისწინებული ვალდებულების შესრულება. მითითებული პირობის შეუსრულებლობის შემთხვევაში მიმწოდებელს დაეკისრება მხარეთა შორის გაფორმებული ხელშეკრულებით გათვალისწინებული პირგასამტეხლო. მიმწოდებელი ვალდებულია, ობიექტზე შრომის უსაფრთხოების უზრუნველყოფის მიზნით დაიცვას საქართველოს კანონმდებლობითა და შესაბამისი სამართლებრივი აქტებით დადგენილი მოთხოვნები/სტანდარტები.

შენიშვნა: შესაბამისი შეტყობინების გაცნობა მოხდება ან ელ. ფოსტის საშუალებით ან მობილურ ტელეფონზე დაკავშირებით.

მიმწოდებლის მიერ მომსახურების გასაწევად შემოტანილი ყველა საჭირო მასალა და დასუფთავების საშუალება უნდა იყოს უნივერსალური, ეფექტურად უნდა აცილებდეს ყველა სახის ლაქას, ნადებს და სხვა. მიმწოდებელმა მომსახურება უნდა გაწიოს დასუფთავებისათვის საჭირო ინვენტარით: საწმენდი ჯაგრისები, აქანდაზი, ცოცხი, სათლი, მოპი, შუშის საწმენდი ინვენტარი, სასაპნეები, ერთჯერადი ნაგვის პოლიეთილენის პარკები, ეზოს ცოცხი, მტვერსასრუტი, ქიმიური წმენდისა და იატაკის სარეცხი დანადგარი. ტუალეტის და ხელსახოცი ქაღალდი უნდა იყოს მაღალი ხარისხის, თეთრი ფერის არანაკლებ 2 (ორი) ფენიანი, საპონი უნდა იყოს თხევადი, ანტიბაქტერიული, ადვილად აქაფებადი, სასიამოვნო, ნეიტრალური არომატის მქონე გლიცერინით, არ უნდა იწვევდეს ხელის კანის გამოშრობას. ჰაერის გამწმენდი აეროზოლი უნდა იყოს ნეიტრალური არომატის მქონე, მაღალი ხარისხის (აეროზოლის არომატი უნდა შეთანხმდეს შემსყიდველთან).

ხელშეკრულების გაფორმებიდან, მაგრამ არაუადრეს 2026 წლის 1 იანვრიდან ყოველდღიურად, 2026 წლის 31 დეკემბრის ჩათვლით.

ქ. თბილისი, გურამ ფანჯიკიძის ქუჩა N1ა. და ქ. თბილისი, მერაბ ალექსიძის II შესახვევი, N2.

პრეტენდენტს 2023 წლის პირველი იანვრიდან წინამდებარე ელექტრონული ტენდერის გამოცხადების დღემდე უნდა გააჩნდეს შენობა-ნაგებობის მოვლა-დასუფთავების მომსახურების გაწევის არანაკლებ 100 000.00 (ასი ათასი ლარი და 00 თეთრი) ლარის ღირებულების გამოცდილება. გამოცდილების დამადასტურებელ დოკუმენტად წარმოდგენილი უნდა იქნას ხელშეკრულებ(ები)ა და შესაბამისი მიღება-ჩაბარების აქტ(ებ)ი ან/და სხვა დამადასტურებელი დოკუმენტი. იმ შემთხვევაში, თუ მოთხოვნილი დოკუმენტაცია ატვირთულია შესყიდვების ერთიან ელექტრონულ სისტემაში, პრეტენდენტს შეუძლია გამოცდილების შესახებ დანართ N3-ში მიუთითოს შესაბამისი CMR ან/და SPA ან/და NAT ნომერი და არ წარმოადგინოს მოთხოვნილი დოკუმენტაცია.

ფასწარმოქმნის ადეკვატურობა შესაძლებელია დასაბუთდეს ექსპერტიზის ან/და აუდიტის (საშემფასებლო) დასკვნით (დასკვნასთან ერთად წარმოდგენილ უნდა იქნას შესაბამისი უფლებამოსილების დამადასტურებელი დოკუმენტი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.

ანგარიშსწორება განხორციელდება ეტაპობრივად, მიღება-ჩაბარების აქტისა და კანონმდებლობით გათვალისწინებული დოკუმენტაციის წარმოდგენის საფუძველზე.

მიღება-ჩაბარების აქტის გაფორმებიდან 10 (ათი) სამუშაო დღე.

გიორგი თათარაშვილი, 595553733, gtatarashvili@emis.ge

1. სატენდერო დოკუმენტაციის მოთხოვნის შესაბამისად, პრეტენდენტმა ერთიანი ელექტრონული სისტემის მეშვეობით უნდა წარმოადგინოს ინფორმაცია/დოკუმენტაცია:
• სატენდერო დოკუმენტაციის 1.3 პუნქტის მოთხოვნის შესაბამისად;
• სატენდერო დოკუმენტაციის 2.2.1 ქვეპუნქტის მოთხოვნის შესაბამისად.



2. შეგახსენებთ, რომ 2019 წლის 1 იანვრიდან ძალაში შევიდა კვალიფიციური ელ. ხელმოწერის ან კვალიფიციური ელ. შტამპის გამოყენების ვალდებულება. პრეტენდენტებს მოვუწოდებთ სათანადო ფორმით წარადგინონ დოკუმენტაცია ელ. სისტემის მეშვეობით (http://www.procurement.gov.ge/Files/ShowFiles?id=ba135530-dc4a-4f31-be6c-509fd6402174).
3. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
4. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
5. თუ სატენდერო დოკუმენტაციაში მითითებულია სასაქონლო ნიშანი ან/და წარმოშობის წყარო (მწარმოებელი ქვეყანა) ან/და მწარმოებელი ან/და მოდელი, იგულისხმება „მსგავსი“ ან „ექვივალენტური“ (გარდა თავსებადისა).
6. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით (დღგ-ს გარეშე). იმ შემთხვევაში თუ გამარჯვებული პრეტენდენტი იქნება დღგ-ს გადამხდელი, ხელშეკრულების დადებისას ხელშეკრულების ღირებულებაში გათვალისწინებული იქნება დღგ-ს ოდენობა.