Ремонт и техническое обслуживание транспортных средств и оборудования и сопутствующие услуги (Грузия - Тендер #69252714)

2026 კალენდარული წლის განმავლობაში - სსიპ “საქართველოს კულტურული მემკვიდრეობის დაცვის ეროვნული სააგენტო“-ს ბალანსზე რიცხული მანქანების შეკეთების და ტექნიკური მომსახურება

 პრეტენდენტმა უნდა განახორციელოს მანქანების შეკეთება და ტექნიკური მომსახურება (საჭიროების შემთხვევაში სათადარიგო დეტალის მიწოდება შეცვლა) წარმოდგენილი საპრეისკურანტო ფასების შესაბამისად (მომსახურების პრეისკურანტი თან ერთვის სატენდერო დოკუმენტაციას დანართის სახით).
 მანქანების შეკეთება და ტექნიკური მომსახურება (სერვის-სათადარიგო ნაწილები) გულისხმობს ავტოსატრანსპორტო საშუალებების დროულ და სრულყოფილ შეკეთებას; პროფილაქტიკური და დიაგნოსტიკური სამუშაოების ჩატარებას. ავტომობილის ნაწილების შეკეთებას და/ან გამოცვლას.
 პრეტენდენტმა შემსყიდველის მოთხოვნისთანავე (წერილი, ელ. ფოსტა ან/და სხვა ელექტრონული საშუალებები) უნდა ჩაატაროს შესაკეთებელი ავტომანქანის დათვალიერება, რის შემდგომაც, მხარეები ადგენენ დეფექტურ აქტს, რომელშიც მითითებული იქნება გასაწევი მომსახურების/სათადარიგო ნაწილის სახეობა, რაოდენობა/მოცულობა, მათი ღირებულებები, მომსახურების გაწევის/საქონლის მოწოდების კონკრეტული ვადა.
 ავტომანქანის დაზიანებული სათადარიგო ნაწილი უნდა შეიცვალოს ახალი სათადარიგო ნაწილით. ავტომანქანის შეკეთებისა და მომსახურებისთვის გამოყენებული სათადარიგო ნაწილები უნდა იყოს ახალი ან/და შემსყიდველთან შეთანხმებით მეორადი (შესაბამისად ქარხნული, მაღალი ხარისხის და არ ავლენდეს დეფექტებს. ნაწილებს (შეფუთვაზე ან თავად ნაწილს) უნდა გააჩნდეს მწარმოებლის მარკირება და დეტალის ნომერი (Part Number). შეცვლილ ნაწილებზე მიმწოდებელმა უნდა გაავრცელოს არანაკლებ 12 (თორმეტი) თვიანი გარანტია, გარდა ცვეთადი ნაწილებისა, როგორიცაა: ზეთის, ჰაერის, კონდიციონერისა და საწვავის ფილტრები, ხოლო ძირითად აგრეგატულ ნაწილებზე (ძრავი, გადაცემათა კოლოფი, ხიდები), ელექტრონულ მოწყობილობებზე (ელექტრო მცველებისა და ნათურების გარდა), სათუნუქე და სამღებრო სამუშაოებზე - არანაკლებ 12 (თორმეტი) თვე. მიმწოდებელი პასუხისმგებელია წუნდებული საქონლის (ასეთის არსებობის შემთხვევაში) გამოცვლაზე და შესაბამისი მომსახურების გაწევის განხორციელებაზე, შემსყიდველის მხრიდან რაიმე დამატებითი ხარჯების გაწევის გარეშე; გადაბმულობის კომპლექტზე, სამუხრუჭე ხუნდებზე, დაკიდების დისკზე, მორგვის საკისრებზე და ყუმბარებზე უნდა ვრცელდებოს საგარანტიო ვადა არანაკლებ 10000 კმ. ნაწილები უნდა შეესაბამებოდეს პრეტენდენტის მიერ წარმოდგენილ ფასების ცხრილში მითითებულ შესაბამისი საქონლის დასახელებას და ფასს.
 მომსახურება გაწეული უნდა იქნას დაუყოვნებლივ, რიგგარეშე, ამასთან მომსახურების ვადა დაზიენებ(ებ)ის შესაბამისად არ უნდა აღემატებოდეს: სავალი ნაწილებისათვის - 2 დღეს, ელეექტრობისათვის - 2 დღეს, სათუნუქე-სამღებრო სამუშაოებისთვის - 7 დღეს, ძრავის სარემონტო სამუშაოები -10 დღეს გარდა იმ შემთხვევისა იმ შემთხვევისა თუ საჭიროა ძრავის კაპიტალური რემონტის ჩატარება ან დეფიციტური ნაწილის მიწოდება, შესაძლებელია მომსახურების ვადა განისაზღვროს შემსყიდველთან შეთანხმებით. აღნიშნული ვადების დარღვევის შემთხვევაში პრეტენდენტს დაეკისრება პირგასამტეხლო, ყოველ ვადგადაცილებულ დღეზე ხელშეკრულების ღირებულების 0,02%-ის ოდენობით.
 მომსახურების გაწევის პროცესში შესაკეთებელი ავტოსატრანსპორტო საშუალებების სხვა სერვისცენტრში სავალდებულო გადაადგილების ხარჯებს უზრუნველყოფს მიმწოდებელი ორგანიზაცია ( საწვავი,ევაკუატორის მომსახურება და ა.შ.)
 მომსახურების გაწევის პროცესში განფასების ცხრილში ავტოსატრანსპორტო საშუალების ტექნიკური მომსახურების რომელიმე ერთეულის არარსებობისას, აღნიშნულზე ერთეულის ფასი, მისი შესყიდვის აუცილებლობისას, დგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში მიმწოდებელსა და შემსყიდველს შორის ფორმდება შეთანხმების აქტი. განფასების ცხრილში (პრეისკურანტი) ავტოსატრანსპორტო საშუალების ტექნიკური მომსახურების რომელიმე ერთეულის არარსებობით გამოწვეული შესყიდვის ჯამური ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.
 მიმწოდებელი ვალდებულია გამოყოს: საკონტაქტო პირი, (მენეჯერი), რომელიც უზრუნველყოფს შემსყიდველსა და გამარჯვებულ კომპანიას შორის ნებისმიერი საკითხის ოპერატიულად მოგვარებას.
 შემსყიდველის მოთხოვნის შემთხვევაში, ქ. თბილისის სერვისცენტრში პრეტენდენტმა უნდა უზრუნველყოს შემსყიდველი ორგანიზაციის ერთი წარმომადგენლისათვის სამუშაო პირობების შექმნა, (გამოყოს სივრცე რომელიც უზრუნველყოფილი იქნება სამუშა მაგიდით, სკამით, გათბობა - გაგრილებით, ინტერნეტ კავშირით (wifi)).
 სერვისცენტრში სამუშაო ფართობი დაფარული უნდა იყოს ბეტონის ან მსგავსი ზედაპირით; დაცული უნდა იყოს ჰიგიენური, სახანძრო და უსაფრთხოების ნორმები. ამასთან, სერვისცენტრებში უნდა არსებობდეს საჭირო დაცული ფართი, ვიდეოსამეთვალყურე სისტემით აღჭურვილი, საჭიროების შემთხვევაში შემსყიდველის ავტომანქანების აღნიშნულ ტერიტორიაზე განთავსებისათვის.
 პრეტენდენტმა უნდა უზრუნველყოს ევაკუატორით მომსახურება 24/7-ზე, საქართველოს მთელ ტერიტორიაზე.

ეტაპობრივად, ტექნიკურ დავალებაში მითითებული პირობებით ხელშეკრულების გაფორმების თარიღიდან, მაგრამ არაუადრეს 2026 წლის 01 იანვრისა 2026 წლის 20 დეკემბრის ჩათვლით

მომსახურება უნდა განხორციელდეს საქართველოს მასშტაბით ტექნიკურ დავალებაში მითითებული პირობების შესაბამისად შემდეგ ქალაქებში: ქ. თბილისი, ქუთაისის მუნიციპალიტეტში - სასურველია ქ. ქუთაისში, ახალციხის მუნიციპალიტეტში - სასურველია ქ. ახალციხეში, სამეგრელო - ზემო სვანეთის მუნიციპალიტეტში სასურველია ქ. ფოთში, თელავის მუნიციპალიტეტში - სასურველია ქ. თელავში.

 გაწეული მომსახურების და დეტალების საგარანტიო ვადა უნდა შეადგენდეს არანაკლებ 6 თვეს.
 პრეტენდენტმა უნდა წარმოადგინოს ინფორმაცია წერილობითი ფორმით მომსახურებასა და დეტალებზე საგარანტიო ვადების შესახებ.

 პრეტენდენტს 2023, 2024, 2025 წლებში ტენდერის გამოცხადების დღემდე პერიოდში, უნდა გააჩნდეს ავტოსატრანსპორტო საშუალებების შეკეთებისა და ტექნიკური მომსახურების გაწევის გამოცდილება თითოეულ წელზე ცალ-ცალკე არანაკლებ 70,000.00 ლარისა.
 ინფორმაცია წარმოდგენილი უნდა იყოს წინამდებარე პუნქტის დანართის შესაბამისად.
 იმ შემთხვევაში, თუ წინამდებარე მუხლით მოთხოვნილი გამოცდილების შესახებ ინფორმაციის დამადასტურებელი დოკუმენტაცია ატვირთულია სახელმწიფო შესყიდვების ერთიან ელექტრონულ სისტემაში, პრეტენდენტმა აღნიშნული ინფორმაცია უნდა წარმოადგინოს დანართი ფორმით და მიუთითოს შესაბამისი CON ან/და SPA ან/და NAT ან/და CMR საშუალების ნომრები და არ წარმოადგინოს სხვა დოკუმენტაცია.
 იმ გამოცდილების დასადასტურებლად, რომლებშიც დამკვეთს წარმოადგენს კერძო სამართლის სუბიექტი (არა შემსყიდველი ორგანიზაციები), პრეტენდენტი ვალდებულია წარმოადგინოს წინამდებარე პუნქტით მოთხოვნილი დანართი (პრეტენდენტის სამუშაო გამოცდილების შესახებ) და ორმხრივად ხელმოწერილი ხელშეკრულება. ასევე, წარმოდგენილ უნდა იქნას პრეტენდენტის მიერ გაწეული მომსახურების შესრულების დამადასტურებელი დოკუმენტი (მიღება-ჩაბარების აქტი და დადასტურებული ანგარიშფაქტურა (ასეთის არსებობის შემთხვევაში) ან/და გადახდის დამადასტურებელი დოკუმენტი)
 პრეტენდენტის მიერ იმ გამოცდილების შესახებ ინფორმაციაში, რომელიც შესრულებულია ერთობლივად, ამხანაგობის (ან სხვა მსგავსი გაერთიანების - ერთობლივი საწარმო, კონსორციუმი და სხვა) მიერ, პრეტენდენტმა ასევე უნდა წარმოადგინოს ამხანაგობის (ან სხვა მსგავსი გაერთიანების - ერთობლივი საწარმო, კონსორციუმი და სხვა) მონაწილეთა უფლებამოსილი პირების მიერ დამოწმებული დოკუმენტი, სადაც მითითებული იქნება, თუ რა ღირებულების მომსახურება შეასრულეს ამხანაგობის (ან სხვა მსგავსი გაერთიანების - ერთობლივი საწარმო, კონსორციუმი და სხვა) მონაწილეებმა ცალ-ცალკე, აღნიშნული ხელშეკრულების ფარგლებში.
 პრეტენდენტი ვალდებულია მომსახურების ღირებულება მიუთითოს ლარებში. ამასთან, უცხოურ ვალუტაში შესრულებული მომსახურების შემთხვევაში, აღნიშნული ინფორმაცია მითითებული უნდა იყოს ლარებში, მომსახურების შესრულების დამადასტურებელი დოკუმენტების გაფორმების თარიღისთვის, შესაბამისი ვალუტის მიმართ საქართველოს ეროვნული ბანკის მიერ დადგენილი, ლარის ოფიციალური გაცვლითი კურსის მიხედვით.
 იმ შემთხვევაში, თუ პრეტენდენტი არის უცხოური საწარმო ან მისი წარმომადგენლობა/ფილიალი საქართველოში:
- სათაო კომპანიის მიერ გაცემული ნებისმიერი სახის ცნობა ან/და ინფორმაცია დამოწმებული უნდა იყოს სათაო კომპანიის ხელმძღვანელობაზე უფლებამოსილი პირის მიერ (წარმოდგენილი უნდა იყოს ხელისმომწერი პირის უფლებამოსილების დამადასტურებელი დოკუმენტი).
- სათაო კომპანიიდან ან/და უცხო ქვეყნიდან მოთხოვნილი ინფორმაციის დამადასტურებელი დოკუმენტაციის ასლების წარმოდგენის შემთხვევაში, მათი ორიგინალთან (დედანთან) შესაბამისობა დამოწმებული უნდა იყოს ნოტარიულად.
 ტენდერში ამხანაგობის მონაწილეობა
- იმ შემთხვევაში თუ პრეტენდენტი არის ამხანაგობა, მაშინ მისმა მონაწილეებმა ტექნიკურ დოკუმენტაციაში მკაფიოდ უნდა განსაზღვრონ (შინაარსობრივად), თუ თითოეული მონაწილე კონკრეტულად რომელ ვალდებულებას შეასრულებს სახელმწიფო შესყიდვის შესახებ ხელშეკრულების ფარგლებში. ინფორმაცია წარმოდგენილი უნდა იყოს სატენდერო დოკუმენტაციის დანართი N6 -ის შესაბამისად.
- ამხანაგობის მონაწილეთა ტექნიკური დოკუმენტაციის სატენდერო პირობებთან შესაბამისობა დგინდება მონაწილის მიერ შესასრულებელი ვალდებულებისადმი დადგენილ მოთხოვნასთან მიმართებით, ამ მუხლის მოთხოვნათა გათვალისწინებით. ამასთან, დასაშვებია ამხანაგობის მონაწილეთა ფინანსური და მატერიალურ-ტექნიკური შესაძლებლობების დაჯამება, ხოლო არ დაიშვება გამოცდილების შეკრება.

 პრეტენდენტს საკუთრება/სარგებლობაში უნდა გააჩნდეს ქ. თბილისში მოქმედი არანაკლებ 2 სერვის-ცენტრისა და თითოეულ სერვის-ცენტრში არანაკლებ 5 ბოქსისა, ასევე პრეტენდენტების მითითებულ ყველა მისამართზე ადგილზე აღჭურვილი უნდა იყოს თანამედროვე თვლების გაშლისა და შეყრის კუთხის გასწორების დანადგარებით და ერთ რომელიმე თბილისის სერვისცენტრში ამორტიზატორების შემოწმების დანადგარი.
 ასევე, ქუთაისის მუნიციპალიტეტში სასურველია ქ. ქუთაისში არანაკლებ 1, ახალციხის მუნიციპალიტეტში სასურველია ქ. ახალციხეში არანაკლებ 1, სამეგრელო-ზემო სვანეთის მუნიციპალიტეტში სასურველია ქ. ფოთში არანაკლებ 1 და თელავის მუნიციპალიტეტში სასურველია ქ. თელავში არანაკლებ 1 სერვის-ცენტრებისა მისამართების მითითებით.
 პრეტენდენტის სერვის-ცენტრები დაკომპლექტებული უნდა იყოს მაღალკვალიფიციური სპეციალისტებით და აღჭურვილი თანამედროვე აპარატურითა და დანადგარებით.
 პრეტენდენტს უნდა გააჩნდეს შემდეგი ტექნიკური შესაძლებლობები: საწარმოო ფართი, საწარმოო და სასაწყობო სათავსოები, სამუშაოს შერულებისთვის საჭირო ძირითადი და სათადარიგო მანქანა დანადგარების საწარმოო სიმძლავრეები, ავტონომიური ელექტრო კვების და უსაფრთხოების უზრუნველყოფა.
 პრეტენდენტმა უნდა წარმოდგინოს ინფორმაცია არსებული მოქმედი სერვისცენტრების (ზუსტი მისამართის მითითებით) და ტექნიკური შესაძლებლობების შესახებ ზემოთ მითითებული მოთხოვნების შესაბამისად ჩამონათვალის სახით თითოეული პუნქტის მიხედვით.
 შემსყიდველი იტოვებს უფლებას ტენდერში მონაწილე პრეტენდენტს (გამარჯვებულად გამოვლენამდე) გადაუმოწმოს მის მიერ წამოდგენილი ინფორმაცია და სერვისცენტრი/მატერიალურ-ტექნიკური ბაზა.

იმ შემთხვევაში, თუ პრეტენდენტის მიერ ტენდერით განსაზღვრული მომსახურების გასაწევად გამოყენებული იქნება ქვეკონტრაქტორ(ებ)ი, პრეტენდენტი ვალდებულია წარმოადგინოს მხარეთა შორის გაფორმებული შესაბამისი ხელშეკრულების ასლ(ებ)ი (სანოტარო წესით დამოწმებული), რომელიც ძალაში უნდა იყოს მინიმუმ 2026 წლის 31 დეკემბრის ჩათვლით, ხელშეკრულებ(ები)ა უნდა მოიცავდეს ინფორმაციას ქვეკონტრაქტორ(ებ)ის სერვისცენტრის ტექნიკური შესაძლებლობებისა და მდებარეობის შესახებ, რომელიც უნდა აკმაყოფილებდეს სატენდერო დოკუმენტაციის მოთხოვნებს აპარატურითა და დანადგარებით აღჭურვილობისა და ტექნიკური შესაძლებლობების შესახებ.

ქვეკონტრაქტორ(ებ)ი ანგარიშვალდებულნი არიან მიმწოდებლის წინაშე. ქვეკონტრაქორ(ებ)ის მიერ ნაკისრი ვალდებულებების შეუსრულებლობით, ან არაჯეროვანი შესრულებით დამდგარ შედეგზე შემსყიდველის წინაშე პასუხისმგებელია მხოლოდ მიმწოდებელი.

თუ მიმწოდებელი ტექნიკურ პირობას აკმაყოფილებს ქვეკონტრაქტორის მეშვეობით და ხელშეკრულების მოქმედების პერიოდში მოხდა მათ შორის გაფორმებული ხელშეკრულების შეწყვეტა, მიმწოდებელი ვალდებულია დაუყოვნებლივ აცნობოს აღნიშნულის შესახებ შემსყიდველს და მოახდინოს სხვა ქვეკონტრაქტორის შერჩევა უწყვეტი მომსახურების უზრუნველყოფის მიზნით. სატენდერო პირობების გაუარესების შემთხვევაში შემსყიდველს უფლება აქვს ცალმხრივად შეწყვიტოს ხელშეკრულება.

 პრეტენდენტის მიერ წარმოდგენილ პრეისკურანტში შემოთავაზებული ერთეულის ღირებულება არ უნდა აღემატებოდეს სატენდერო დოკუმენტაციის პრეისკურანტის შესაბამის პოზიციაზე დაფიქსირებულ ერთეულის ზღვრულ ღირებულებას;
 სატენდერო წინადადებაში საერთო და ერთეულის ფასი გამოსახული უნდა იყოს მხოლოდ ლარში, საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
 პრეტენდენტის მიერ ელექტრონული ვაჭრობის შედეგად პრეისკურანტის საერთო ფასის შემცირების/კლების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტით განსაზღვრულ ყოველ კონკრეტულ პოზიციაზე.
 პრეტენდენტი ვალდებულია საქონლის ერთეულის ფას(ებ)ი დააფიქსიროს (დაამრგვალოს) მეასედის სიზუსტით.
 პრეისკურანტის დაზუსტების შეთხვევაში, დაუშვებელია რომელიმე პოზიციაზე თავდაპირველად წარმოდგენილი ერთეულის ფასის გაზრდილი ღირებულებით წარმოდგენა;
 დაზუსტებას არ ექვემდებარება პრეისკურანტი, თუ იგი არ არის წარდგენილი ან განუფასებელი პოზიციების რაოდენობა აღემატება განსაფასებელი პოზიციების 5%-ს;
 თუ პრეტენდეტი რომელიმე პოზიციის შესრულებას გვთავაზობს უფასოდ, შესაბამის გრაფაში უნდა დააფიქსიროს „0“, წინააღმდეგ შემთხვევაში აღნიშნული პოზიცია ჩაითვლება განუფასებლად.

იმ შემთხვევაში, თუ ტენდერში მონაწილე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა. ფასწარმოქმნის ადეკვატურობა შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

 ანგარიშსწორება მოხდება ეტაპობრივად, შესყიდვის ობიექტის მიწოდებისა და აღნიშნულის თაობაზე მიღება–ჩაბარების აქტ(ებ)ის გაფორმებისა და ანგარიშფაქტურის წარმოდგენის (ასეთის არსებობის შემთხვევაში) საფუძველზე.
 ანგარიშსწორება მოხდება მიღება-ჩაბარების აქტის და ანგარიშფაქტურის (ასეთის არსებობის შემთხვევაში) წარდგენის შემდეგ 10 (ათი) სამუშაო დღის ვადაში.

ანგარიშსწორება მოხდება მიღება-ჩაბარების აქტის და შესაბამისი დოკუმენტაციის წარდგენის შემდეგ 10 (ათი) სამუშაო დღის ვადაში.

ქრისტინე ჩილინგარაშვილი, 577318148, KRISTICHILINGARASHVILI1@GMAIL.COM

10.1.1. ტენდერში მონაწილეობის მიღებით პრეტენდენტი ავტომატურად გამოხატავს თანხმობას სატენდერო დოკუმენტაციით განსაზღვრულ მოთხოვნებზე.

10.1.2. მიმწოდებელი ვალდებულია, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით.

10.1.3. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს სანოტარო წესით დამოწმებული ქართული თარგმანი.

10.1.4. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.

10.1.5. სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია ხელმოწერილი ან/და ბეჭედდასმული (ბეჭდის არსებობის შემთხვევაში) უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება).

10.1.6. იმ შემთხვევაში, თუ სატენდერო პირობებზე ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა უნდა წარმოადგინოს ხელის მოწერისათვის გაცემული მინდობილობა.

10.1.7. პრედენდენტს არა აქვს უფლება წარმოადგინოს ალტერნატიული სატენდერო წინადადება.

10.1.8. სატენდერო წინადადებაში ერთეული ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებულ ყველა ხარჯი (დღგ-ს ჩათვლით).

10.1.9. პრეტენდენტის მიერ სისტემის მეშვეობით წარდგენილი წინადადების ფასი არ უნდა აღემატებოდეს პრეისკურანტის სავარაუდო ღირებულებას და წინადადების ფასის კლება შესაძლებელია განხორციელდეს მხოლოდ პრეისკურანტის სავარაუდო ღირებულებასთან მიმართებაში თანაბარი პროცენტული კლებით.

10.1.10. პრეტენდენტის მიერ ერთიანი ელექტრონული სისტემის მეშვეობით მომსახურების პრეისკურანტის ცხრილის წარმოუდგენლობა გამოიწვევს მის დისკვალიფიკაციას დაზუსტების გარეშე.

10.1.11. პრეტენდენტის მიერ სავალდებულოდ წარმოსადგენი დოკუმენტებია:
სატენდერო დოკუმენტაციის 1.3. პუნქტით მოთხოვნილი ხარჯთაღრიცხვა;
სატენდერო დოკუმენტაციის 1.7.1. პუნქტის თანახმად - მოთხოვნა საგარანტიო ვადის შესახებ;
სატენდერო დოკუმენტაციის 2.2.1. პუნქტის თანახმად - ინფორმაცია პრეტენდენტის გამოცდილების შესახებ;
სატენდერო დოკუმენტაციის 2.3.1. პუნქტის თანახმად - მოთხოვნა პრეტენდენტის მატერიალურ-ტექნიკური ბაზის შესახებ;
სატენდერო დოკუმენტაციის 2.8.1. პუნქტის თანახმად - ქვეკონტრაქტორთან დაკავშირებული მოთხოვნები (ქვეკონტრაქტორის არსებობის შემთხვევაში).