Природное водное сырье (Грузия - Тендер #69214332)

თეთრიწყაროს მუნიციპალიტეტის ადმინისტრაციული შენობებისთვის სასმელი წყლის შესყიდვა (ტრანსპორტირებით).

შესყიდვის ობიექტის ტექნიკური დავალება
• შემოთავაზებული სასმელი წყალი უნდა იყოს ჰიდროკარბონატული-კალციუმიანი ტიპის და არაგაზირებული, არანაკლებ 18 ლიტრიანი პოლიკარბონატის ჭურჭლით, რომელიც განკუთვნილი უნდა იყოს წყლის დისპანსერებისათვის
• მიმწოდებელმა საკუთარი ხარჯებით უნდა უზრუნველყოს მიწოდებული სასმელი წყლის დისპენსერების და ბალონების გადმოტვირთვა და შემსყიდველის მიერ მითითებულ ტერიტორიაზე მონტაჟი ან/და დასაწყობება..
• თითოეულ მოწოდებულ წყლის ჭურჭელზე აღნიშნული უნდა იყოს შემადგენლობა, დამზადების და ვარგისიანობის ვადები, ჩამომსხმელი ქვეყანა და მწარმოებელი.
• პროდუქტი უნდა აკმაყოფილებდეს საქართველოს კანონმდებლობით დადგენილ მოთხოვნებს. მათ შორის: მიწოდებული პარტია ორგანოლეპტიკური, ფიზიკო-ქიმიური, მიკრობიოლოგიური და სანიტარულ ჰიგიენური მაჩვენებლებით პარამეტრების მნიშვნელობით უნდა შეესაბამებოდეს პროდუქტის უვნებლობისა და უსაფრთხოების მოთხოვნებს. პროდუქტის უვნებლობა, ეტიკეტირება, შეფუთვისა და ტრანსპორტირების პირობები უნდა აკმაყოფილებდეს საქართველოს კანონმდებლობით დადგენილ მოთხოვნებს და მოქმედ სტანდარტებს.
• მიმწოდებელმა შემსყიდველს ხელშეკრულების მოქმედების ვადით გაფორმების დღიდან არაუგვიანეს 2 (ორი) სამუშაო დღის ვადაში, დროებით სარგებლობაში, უსასყიდლოდ უნდა გადასცეს არანაკლებ 20 (ოცი) ცალი ტექნიკურად და ვიზუალურად გამართული სასმელი წყლის დისპენსერი, მინიმუმ ორ ონკანიანი, რომლებსაც ექნებათ, როგორც წყლის გაციების, ასევე გაცხელების ფუნქცია და რომლებიც თავსებადი უნდა იყოს შემოთავაზებული სასმელი წყლის ბალონებთან. მიმწოდებელმა უნდა უზრუნველყოს ყველა დისპენსერის გაწმენდა სპეციალური ხსნარისა და საშუალებების გამოყენებით დადგენილი სტანდარტების შესაბამისად, პერიოდულად, საჭიროებისამებრ, მაგრამ არანაკლებ შემდეგი პირობით: მიმწოდებელი ვალდებულია უზრუნველყოს, სატენდენდერო დოკუმენტაციის დადგენილ ვადაში, მინიმუმ 2-ჯერ თითოეული დისპენსერის (არანაკლებ ჯამში 20 ცალი) გაწმენდა სპეციალური ხსნარისა და საშუალებების გამოყენებით.
• ნატურალური მინერალური სასმელი წყალი (არაგაზირებული) დაფასოებული უნდა იყოს 0.5 ლიტრიან პლასტმასის ბოთლებში, შესაბამისი მარკირებით, (შემადგენლობა, მახასიათებლები, დამზადების და ვარგისიანობის ვადები, წარმოშობის ქვეყანა, მწარმოებელი). თითოეული მიწოდებული პარტია უნდა იყოს, ქარხნული წარმოების, ჰერმეტული შეფუთვით ბრენდული ეტიკეტით.

1. საქონლის მიწოდება განხორციელდება ეტაპობრივად, ხელშეკრულების ამოქმედებიდან, 2026 წლის 31 დეკემბრის ჩათვლით.
2. წყლის მიწოდება უნდა განხორციელდეს შემსყიდველის მოთხოვნის შესაბამისად, მოთხოვნიდან ყოველ კონკრეტულ ჯერზე (წერილობითი/სატელეფონო/ელ.ფოსტის საშუალებით) არაუმეტეს 3 (სამი) სამუშაო დღის განმავლობაში.
3. შემსყიდველი ვალდებულია მიიღოს და გამოიყენოს გადაცემული დისპენსერები და ბოცები მხოლოდ ხელშეკრულებით განსაზღვრული დანიშნულებით და დაუბრუნოს ისინი მიმწოდებელს შემდგომი გამოყენებისათვის ვარგის მდგომარეობაში;
4. შემსყიდველი ვალდებულია წინამდებარე ხელშეკრულების შეწყვეტის ან ვადის გასვლის შემთხვევაში, დაუყოვნებლივ დაუბრუნოს მიმწოდებელს დისპენსერები და ბოცები, ექსპლუატაციის წესების დაცვით გამოყენების შედეგად გათვალისწინებული ცვეთის შესაბამისად.

შესყიდვის ობიექტის მიწოდება უნდა განხორციელდეს შემდეგ მისამართებზე: ქ. თეთრიწყარო, თამარ მეფის ქუჩა N34 და თამარ მეფის ქუჩა N35, თეთრიწყაროს მუნიციპალიტეტის ადმინისტრაციული შენობები.

1.7.1.1 საქონლის ყოველი პარტიის მოწოდებისას საქონლის ვარგისიანობის ვადა უნდა იყოს არანაკლებ მისი ვარგისიანობის მთლიანი ვადის 70%-ი.
1.7.1.2 - ვარგისიანობის ვადის განმავლობაში, საკუთარი ხარჯებით უნდა აღმოფხვრას ნებისმიერი ხარვეზი/წუნი (ტრანსპორტირების ხარჯების ჩათვლით), საჭიროების შემთხვევაში უნდა უზრუნველყოს წუნდებული შესყიდვის ობიექტის შეცვლა ახლით, ასეთი ნაკლის შესახებ შემსყიდველის მიერ მიმწოდებლისათვის შესაბამისი წერილობითი შეტყობინებიდან (მათ შორის ელექტრონული საკომუნიკაციო საშუალების გამოყენებით) შემსყიდველთან შეთანხმებულ გონივრულ ვადაში, მაგრამ არაუგვიანეს 2 სამუშაო დღის ვადისა, გარდა იმ შემთხვევისა, თუ ასეთი ხარვეზი გამოწვეულია ნივთის მექანიკური დაზიანებით.

2.1.1.1. პრეტენდენტმა უნდა მიუთითოს შესყიდვის ობიექტის წარმოშობის ქვეყანა და მწარმოებელი, შემოთავაზებული წყლის კონკრეტული დასახელება, დანართი N1- ის შესაბამისად.
2.1.1.2. იმ შემთხვევაში, თუ პრეტენდენტი არ მიუთითებს წარმოების ქვეყანასა და მწარმოებლის დასახელებას დანართ N1-ში, პრეტენდენტი დაზუსტების გარეშე დაექვემდებარება დისკვალიფიკაციას. წარმოების ქვეყნისა და მწარმოებლის შესახებ ინფორმაცია არ ექვემდებარება ცვლილებას და უნდა იყოს საბოლოო, წინააღმდეგ შემთხვევაში პრეტენდენტი ასევე დაექვემდებარება დისკვალიფიკაციას. ამასთან, თუ წარმოების ქვეყნისა და მწარმოებლის შესახებ წარდგენილი ინფორმაცია არასრულყოფილია ან შეიცავს უზუსტობებს, თუმცა პრეტენდენტის მიერ სატენდერო წინადადების სახით წარდგენილი დოკუმენტ(ებ)ის/ინფორმაციის ერთობლიობით, მათი შეფასების, ანალიზისა და ურთიერთშეჯერების საფუძველზე შესაძლებელია შესყიდვის ობიექტის წარმოების ქვეყნისა და მწარმოებლის იდენტიფიკაცია, სატენდერო კომისია უფლებამოსილია მიმართოს პრეტენდენტს აღნიშნულის დაზუსტების მოთხოვნით.

2.2.1.1. პრეტენდენტს 2024 და 2025 წლებში უნდა გააჩნდეს სასმელი წყლის (ნატურალური მინერალური წყალი ან/და წყაროს წყალი) მომსახურების გაწევის გამოცდილება.

2.2.1.2. პრეტენდენტმა უნდა წარმოადგინოს ინფორმაცია 2024 და 2025 წლებში სასმელი წყლის (ნატურალური მინერალური წყალი ან/და წყაროს წყალი) მომსახურების გაწევის გამოცდილების შესახებ (სადაც მითითებული უნდა იყოს მომსახურების დასახელება, მიწოდების ვადები და შემსყიდველი/დამკვეთი ორგანიზაციის დასახელება), რის დასადასტურებლად წარმოდგენილი უნდა იქნეს ხელშეკრულებები, ასევე მიღება-ჩაბარების აქტები ან შესრულების დამადასტურებელი სხვა დოკუმენტი (არსებობის შემთხვევაში);

შენიშვნა: იმ შემთხვევაში, თუ სატენდერო დოკუმენტაციის 2.2.1.1. პუნქტით მოთხოვნილი გამოცდილების დამადასტურებელი დოკუმენტაცია ატვირთულია შესყიდვების ერთიან ელექტრონულ სისტემაში, პრეტენდენტს შეუძლია გამოცდილების შესახებ დანართში მიუთითოს შესაბამისი CMR, SPA, NAT ნომრები და არ წარმოადგინოს მოთხოვნილი დოკუმენტაცია.

2.7.1.1 პრეტენდენტმა სახელმწიფო შესყიდვების ერთიანი ელექტრონული სისტემის მეშვეობით, სატენდერო წინადადებასთან ერთად უნდა წარმოადგინოს აკრედიტირებული ორგანოს მიერ გაცემული მოქმედი სერთიფიკატი, რომლითაც დადასტურდება, შესყიდვის ობიექტის საქართველოს მთავრობის 2014 წლის 15 იანვრის №58 დადგენილებით დამტკიცებული „სასმელი წყლის ტექნიკური რეგლამენტით“ დადგენილი ხარისხის მაჩვენებლების და ნორმატიული სიდიდეების, სანიტარული მოთხოვნების შესაბამისობა.
2.7.1.2. პრეტენდენტმა სახელმწიფო შესყიდვების ერთიანი ელექტრონული სისტემის მეშვეობით, სატენდერო წინადადებასთან ერთად უნდა წარმოადგინოს ISO 9001 და ISO 22000 სტანდარტების შესაბამისი (ან მათი განახლებული შესაბამისი (ასეთის არსებობის შემთხვევაში)) მოქმედი სერტიფიკატები.

1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა/ინსპექტირების ანგარიში (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ხართაღრიცხვაში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ხარჯთაღრიცხვით განსაზღვრული მომსახურების (საქონლის) მიწოდების შესაძლებლობა. .
ექსპერტიზის დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.
2. პრეტენდენტის მიერ წარმოდგენილი დოკუმენტაცია დაზუსტებას არ ექვემდებარება.

1. ანგარიშსწორება მოხდება უნაღდო ანგარიშსწორებით ლარში.
2. ანგარიშსწორება განხორციელდება ეტაპობრივად საქონლის მიწოდების შემდეგ, ორმხრივად გაფორმებული მიღება-ჩაბარების აქტისა და საგადასახადო დოკუმენეტაციის საფუძველზე.

10 (ათი) სამუშაო დღის განმავლობაში.

ნატო ხაბულიანი, 558577377, dachi2015nato@gmail.com

1. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
2. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტები და/ან ინფორმაცია ხელმოწერილი და/ან ბეჭედდასმული (ბეჭდის არსებობის შემთხვევაში) უნდა იქნას უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა.
3. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად .
4. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
5. პრეტენდენტი წინადადების ფასში არ ითვალისწინებს დღგ–ს, მიუხედავად იმისა, არის თუ არა იგი დღგ–ს გადამხდელი საქართველოს კანონმდებლობის შესაბამისად. შერჩევა–შეფასება განხორციელდება წარმოდგენილი წინადადების ფასების მიხედვით. შემსყიდველი ორგანიზაცია ხელშეკრულების ღირებულებაში გაითვალისიწინებს სატენდერო წინადადების ფასის შესაბამის დღგ–ს ოდენობას, თუ ხელშეკრულების დადების მომენტისთვის პრეტენდენტი არის დღგ–ს გადამხდელი საქართველოს კანონმდებლობის მოთხოვნათა შესაბამისად.
6. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) .
7. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, ინფორმაცია საკუთარი გამოცდილების შესახებ, საგარანტიო პირობები და ა.შ.). დაამოწმოს/დაადასტუროს კვალიფიციური ხელმოწერით/კვალიფიციური შტამპით.
აღნიშნულისთვის პრეტენდენტს აქვს ორი შესაძლო გზა:
• ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
• გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით.