Ремонт и техническое обслуживание транспортных средств и оборудования и сопутствующие услуги (Грузия - Тендер #69214290)

სსიპ - დევნილთა, ეკომიგრანტთა და საარსებო წყაროებით უზრუნველყოფის სააგენტოს ბალანსზე რიცხული 38 (ოცდათვრამეტი) ერთეული ავტოსატრანსპორტო საშუალების შეკეთება და ტექნიკური მომსახურება.

1. შესყიდვის ობიექტია სააგენტოს ბალანსზე არსებული 38 (ოცდათვრამეტი) ერთეული ავტოსატრანსპორტო საშუალების შეკეთება და ტექნიკური მომსახურება დანართი N1 -ის (პრეისკურანტი) შესაბამისად.
2. პრეტენდენტი ვალდებულია „შემსყიდველის“ მიმართვისთანავე განახორციელოს ავტოსატრანსპორტო საშუალებების დათვალიერება და წარუდგინოს „შემსყიდველს“ დეფექტური აქტი.
3. დეფექტური აქტის მიღების შემდეგ, „მიმწოდებლის“ მიერ „შემსყიდველის“ შეტყობინების მიღებისთანავე ან ასეთი შეტყობინების მიღებიდან არაუგვიანეს 12 საათის განმავლობაში (შეტყობინება შეიძლება განხორციელდეს წერილობითი სახით, ელექტრონული ან სატელეფონო საშუალებით) დაიწყოს პრეისკურანტით განსაზღვრული მომსახურების გაწევა „შემსყიდველის“ მხრიდან რაიმე დამატებითი დანახარჯის გაწევის გარეშე.
4. მიმწოდებელი ვალდებულია მომსახურება განახორციელოს მოთხოვნისთანავე, რიგგარეშე, ოპერატიულად და შეუფერხებლად.
5. მომსახურების ჩატარების შემდეგ დაუყოვნებლივ გადასცეს „შემსყიდველს” უფლებრივად და ნივთობრივად უნაკლო ავტოსატრანსპორტო საშუალება.
6. იმ შემთხვევაში, თუ აღმოჩნდება, რომ მიმწოდებლის მიერ არ არის სრულყოფილად შესრულებული მომსახურება და/ან შეცვლილი ნაწილი აღმოჩნდა წუნდებული, მიმწოდებელი ვალდებულია აღმოჩენილი ხარვეზი აღმოფხვრას საკუთარი სახსრებით.
7. იმ შემთხვევაში თუ, რომელიმე სერვის-ცენტრში „მიმწოდებელი“ ვერ უზრუნველყოფს ავტოსატრანსპორტო საშუალებების შეკეთებას და ავტოსატრანსპორტო საშუალება საჭიროებს სხვა სერვის-ცენტრში გადაყვანას, „მომწოდებელი“ ვალდებულია სერვის-ცენტრებს შორის ავტოსატრანსპორტო საშუალების გადაადგილება უზრუნველყოს საკუთარი ხარჯებით.
8. ავტოსატრანსპორტო საშუალებების მომსახურების გაწევა უნდა განხორციელდეს ქ.თბილისში, ქ.გორში, ქ. ქუთაისში და ქ. ზუგდიდში. აღნიშნული ქალაქებიდან 30 კმ-ის რადიუსში, საჭიროების შემთხვევაში, „მიმწოდებლის“ ხარჯებით, მომსახურება უნდა განხორციელდეს ევაკუატორით.

1.4.1 ავტოსატრანსპორტო საშუალებების შეკეთება და ტექნიკური მომსახურება უნდა განხორციელდეს ხელშეკრულების გაფორმებიდან (არაუადრეს 2026 წლის 1 იანვრიდან) - 2026 წლის 31 დეკემბრის ჩათვლით, შემსყიდველის მოთხოვნისთანავე.

მომსახურების ვადა თითოეულ შემთხვევაზე არ უნდა აღემატებოდეს:
1.4.2 სავალი ნაწილისა და ელექტროობის შემთხვევაში - 1(ერთი) დღეს;
1.4.3 რთული აგრეგატისათვის 3(სამი) დღეს;
1.4.4 დეფიციტური ნაწილის შემთხვევაში შესაძლებელია მომსახურების ვადა განისაზღვროს შემსყიდველთან შეთანხმებით არაუმეტეს 15(თხუთმეტი) სამუშაო დღით;
1.4.5 იმ შემთხვევაში, თუ გამოსაცვლელი ნაწილი საქართველოში არ მოიპოვება და საჭიროა მისი შეკვეთა, მომსახურების გაწევა მოხდება "შემსყიდველთან" შეთანხმებით, გონივრულ ვადაში.

1.5.1. 1.3. პუნქტში მითითებული ავტოსატრანსპორტო საშუალებების მომსახურების გაწევა უნდა განხორციელდეს ქ.თბილისში, ქ.გორში, ქ. ქუთაისში, ქ. ზუგდიდში ხელშეკრულების გაფორმებიდან (არაუადრეს 2026 წლის 1 იანვრიდან) - 2026 წლის 31 დეკემბრის ჩათვლით.

1.5.1.1. პრეტენდენტის სერვისცენტრების თაობაზე პრეტენდენტმა უნდა წარმოადგინოს დეტალური ინფორმაცია და შესაბამისი დოკუმენტაცია, კერძოდ:
სერვის ცენტრების საკუთრებაში, ან სარგებლობაში არსებობის შემთხვევაში, პრეტენდენტმა უნდა წარმოადგინოს ინფორმაცია მის სარგებლობაში ან საკუთრებაში არსებული სერვის ცენტრების ადგილმდებარეობების შესახებ შესაბამისი მისამართების მითითებით. ამასთან, საკუთრების შემთხვევაში წარმოდგენილი უნდა იქნას ამონაწერი საჯარო რეესტრიდან, ხოლო სარგებლობის (ქირავნობა, იჯარა, ლიზინგი, უზუფრუქტი და/ან სხვა) შემთხვევაში წარმოდგენილი უნდა იქნას გაფორმებული ხელშეკრულებ(ებ)ი, რომელიც ძალაში უნდა იყოს მინიმუმ 2026 წლის 31 დეკემბრის ჩათვლით.
ზემოხსენებული სერვისცენტრები უნდა მდებარეობდეს შემდეგ ქალაქებში: თბილისში, გორში, ზუგდიდში და ქუთაისში.

ავტოსატრანსპორტო საშუალების დაზიანებული ნაწილი უნდა შეიცვალოს ახალი ან საჭიროების შემთხვევაში "შემსყიდველთან" შეთანხმებით, მეორადი სათადარიგო ნაწილით. მიმწოდებლის მიერ, როგორც შეცვლილ, ასევე, შეკეთებულ სათადარიგო ნაწილზე გარანტია უნდა ვრცელდებოდეს მინიმუმ 6(ექვსი) თვის განმავლობაში, გარდა სწრაფცვეთადი დეტალებისა (კერძოდ: გახურების ნათურები, ანთების სანთლები, გახურების სანთლები, დამცველები, სამუხრუჭე ხუნდები, გადაბმულობის ამყოლი და მიმყოლი რგოლები (ფრიქციონები), ზეთის, კონდიციონერის, ჰაერისა და საწვავის ფილტრები, მინის მრეცხავები, ანთების საკონტაქტო ერთეულები და მტვერდამცავები (პილნიკები)) და იმ შემთხვევისა, როდესაც დაზიანება გამოწვეულია არასწორი ექსპლუატაციის შედეგად, კერძოდ: გარეგანი მექანიკური ზემოქმედებით გამოწვეულ დაზიანებებზე. საგარანტიო პერიოდის ათვლა დაიწყება შესაბამისი „მიღება–ჩაბარების“ აქტის გაფორმებიდან.

მოითხოვება ინფორმაცია, არანაკლებ 3 წლიანი გამოცდილების შესახებ. კერძოდ: პრეტენდენტს 2023, 2024 და 2025 წლებში, ყოველ წელიწადს, გაფორმებული უნდა ჰქონდეს მინიმუმ 1 ხელშეკრულება ანალოგიურ მომსახურებაზე (ავტოსატრანსპორტო საშუალების შეკეთება და ტექნიკური მომსახურება), რომელთა ფარგლებში ფაქტობრივად გაწეული მომსახურების ჯამური ღირებულება არ უნდა იყოს 170 000 (ას სამოცდაათი ათასი) ლარზე ნაკლები.

იმ შემთხვევაში თუ პრეტენდენტის მიერ გაწეული მომსახურების შესახებ ინფორმაცია იძებნება სახელმწიფო შესყიდვების ერთიან ელექტორნულ სისტემაში, პრეტენდენტმა უნდა წარმოადგინოს ინფორმაცია CON, SPA, NAT ან CMR ნომრების მითითებით (დანართი N2-ში).

იმ შემთხვევაში თუ შესყიდვის ხელშეკრულება და შესრულების დამადასტურებელი დოკუმენტაცია არ იძებნება სახელმწიფო შესყიდვების ერთიან ელექტრონულ სისტემაში, გამოცდილების დადასტურების მიზნით, პრეტენდენტმა უნდა წარმოადგინოს ანალოგიური გამოცდილების შესახებ ინფორმაცია (დანართი N2-ის შესაბამისად CON, SPA, NAT ან CMR ნომრების მითითების გარეშე), მიმწოდებლისა და შემსყიდველის მიერ ორმხრივად ხელმოწერილი, რომელიც უნდა იყოს დამოწმებული კვალიფიციური ხელმოწერით ან კვალიფიციური შტამპით.

პრეტენდენტის სერვისცენტრები აღჭურვილი უნდა იყოს თანამედროვე აპარატურითა და დანადგარებით, რომლებიც განთავსებული უნდა იყოს ერთ სერვისცენტრში, კერძოდ:

1. ავტომანქანის ამწე-დანადგარით;
2. კომპიუტერული დიაგნოსტიკის აპარატით;
3. ზეთის შემცვლელი ვაკუუმური ბალონით;
4. საბურავების განშლადობის გასასწორებელი დანადგარით;
5. ვულკანიზაციის დანადგარით;
6. კონდიციონერის დასატუმბი აპარატით;
7. ძრავის ამოსაღები ამწეებით;
8. პრეისკურანტით გათვალისწინებული მომსახურებების გაწევისათვის საჭირო სხვა თანამედროვე აპარატურით და დანადგარებით.

ქალაქ თბილისში ავტოსერვისის ტერიტორიაზე უნდა იყოს:
1. არანაკლებ 8 (რვა) ერთეული ამწე არანაკლებ 1 ტექნიკური ორმოთი;
2. პირველადი საჭირო სათადარიგო ნაწილების მარაგი საწყობი (სამუხრუჭე ხუნდი, ძრავის საჰაერო ფილტრი, ნათურები და ა.შ.);
3. სააგენტოს თანამშრომლების მოსაცდელი ოთახი;
4. ვულკანიზაცია;
5. თვლების განშლისა და შეყრის კუთხის გასწორების დანადგარი;
6. ძრავის ხელოსანი და ამოსაღები ამწეები;
7. ხარატი („ტოკარი“);
8. ბენზინის კომპიუტერული დიაგნოსტიკის აპარატი;
9. დიზელის სადიაგნოსტიკო აპარატი;
10. კონდიციონერის დასატუმბი აპარატი;
11. დაცული ავტოსადგომი.

1. პრეტენდენტი ვალდებულია ქვეკონტრაქტორის არსებობის ან არარსებობის შემთხვევაში წარმოადგინოს შესაბამისი ინფორმაცია.
2. ქვეკონტრაქტორის არსებობის შემთხვევაში პრეტენდენტ(ებ)მა აღნიშნული ინფორმაცია უნდა დაადასტუროს სათანადო დოკუმენტების (კონკრეტული ხელშეკრულებ(ებ)ი, მემორანდუმი და ა. შ.) წარმოდგენით (სისტემაში ატვირთვით). აღნიშნული დოკუმენტები ძალაში უნდა იყოს მინიმუმ 2026 წლის 31 დეკემბრის ჩათვლით. გარდა ამისა, პრეტენდენტი ვალდებულია ქვეკონტრაქტორთან მიმართებით წარმოადგინოს ინფორმაცია მომსახურების გაწევის კონკრეტული მისამართების შესახებ. (ქ. თბილისი, ქ. გორი, ქ. ზუგდიდი, ქ. ქუთაისი)
3. ქვეკონტრაქტორი არ უნდა იყოს სახელმწიფო შესყიდვების სააგენტოს შავ სიაში რეგისტირებული.
4. იმ შემთხვევაში თუ პრეტენდენტს, ტენდერისათვის „წინადადებების მიღება დასრულებულია“ სტატუსის მინიჭების შემდეგ, წარმოეშობა ქვეკონტრაქტორი, ამის შესახებ წერილობით უნდა აცნობოს „შემსყიდველს“.
5. სატენდერო დოკუმენტაციის 2.3.1 პუნქტში მითითებული მოთხოვნა მატერიალურ-ტექნიკური ბაზის შესახებ, ვრცელდება თითოეულ ქვეკონტრაქტორზე.

პრეტენდენტის მიერ ტექნიკური დოკუმენტაციის სახით სახელმწიფო შესყიდვების ერთიანი ელექტრონული სისტემის მეშვეობით წარმოსადგენი დოკუმენტაციის ჩამონათვალი:
1. განფასების ცხრილი-პრეისკურანტი(PDF-ფაილში ელექტრონულად ხელმოწერილი, აგრეთვე ექსელის ფორმატში) 1.3 პუნქტის შესაბამისად.
2. ინფორმაცია საგარანტიო ვადის შესახებ სატენდერო დოკუმენტაციის 1.7.1. პუნქტის შესაბამისად.
3. ინფორმაცია პრეტენდენტის გამოცდილების შესახებ სატენდერო დოკუმენტაციის 2.2.1. პუნქტის შესაბამისად.
4. პრეტენდენტს სერვის ცენტრები უნდა გააჩნდეს საკუთრებაში, ან/და სარგებლობაში, ან/და უნდა წარმოადგინოს ინფორმაცია ქვეკონტრაქტორის შესახებ.
სერვის ცენტრების სარგებლობაში ან/და საკუთრებაში არსებობის შემთხვევაში, დამადასტურებელი შესაბამისი დოკუმენტები, ასევე ინფორმაცია მომსახურების გაწევის კონკრეტული მისამართების შესახებ და ქვეკონტრაქტორის არსებობის შემთხვევაში, სატენდერო დოკუმენტაციის 2.8.1. პუნქტით გათვალისწინებული დოკუმენტაცია.
5. ინფორმაცია პრეტენდენტის სერვისცენტრების მატერიალურ-ტექნიკურ ბაზასთან დაკავშირებით სატენდერო დოკუმენტაციის 2.3.1. ქვეპუნქტის შესაბამისად;
6. ინფორმაცია მომსახურების გაწევის ვადებთან დაკავშირებით სატენდერო დოკუმენტაციის 1.4. პუნქტის შესაბამისად.

1. იმ შემთხვევაში, თუ ტენდერში ელექტრონული ვაჭრობის შედეგად გამარჯვებული მიმწოდებლის მიერ სისტემაში დაფიქსირებული საბოლოო ფასი 20%-ით და მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა ან/და ამ ფასად ტენდერით გათვალისწინებული ვალდებულების შესრულების შესაძლებლობა.
2. ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული შესაბამისი დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი.
3. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.
4. პრეტენდენტის მიერ წარმოდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

1. ანგარიშსწორების ფორმაა – უნაღდო ანგარიშსწორება.
2. ანგარიშსწორება განხორციელდება ეტაპობრივად, წარმოდგენილი სასაქონლო ზედნადების (საჭიროების შემთხვევაში), ანგარიშ-ფაქტურისა და მხარეთა შორის გაფორმებული „მიღება-ჩაბარების“ აქტის საფუძველზე.

ანგარიშსწორება განხორციელდება 7.2. პუნქტით განსაზღვრული ყველა დოკუმენტის წარმოდგენიდან არა უგვიანეს 10 (ათი) სამუშაო დღის განმავლობაში.

სალომე ზაუტაშვილი, 593225565, s.zautashvili@idp.gov.ge

1. განფასების ცხრილი პრეისკურანტი, რომელშიც მითითებული ფასები არ უნდა აღემატებოდეს შემსყიდველის მიერ განსაფასებელ ცხრილში (პრეისკურანტებში) თითოეულ პოზიციაზე მითითებულ სავარაუდო მაქსიმალურ ერთეულის ფასებს;

2. თუ ხელშეკრულების დადების შემდეგ, ხელშეკრულების მოქმედების პერიოდში აღმოჩნდება, რომ პრეისკურანტ(ებ)ში არ არსებობს რომელიმე სახის მომსახურება, აღნიშნული მომსახურების ერთეულის ფასი მისი შესყიდვის აუცილებლობისას, დადგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტ(ებ)ში შესაბამისი მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტ(ებ)ის საბოლოო ჯამური ღირებულების 10%-ს.

3. პრეტენდენტ(ებ)ი ელექტრონული ვაჭრობისას წინადადების ფასის კლებას ახორციელებს პრეისკურანტ(ებ)ის სავარაუდო ღირებულებასთან მიმართებაში. პრეისკურანტის სავარაუდო ღირებულება შეადგენს 2332181.91 ლარს.

4. ტენდერში გამარჯვებულ პრეტენდენტთან სახელმწიფო შესყიდვის შესახებ ხელშეკრულება გაფორმდება 170 000 (ასი სამოცდაათი ათასი) ლარზე.

5. პრეტენდენტის სატენდერო წინადადება, რომელშიც პოზიციების ფასი გადააჭარბებს შემსყიდველის მიერ განფასების ცხრილ(ებ)ში დაფიქსირებულ პოზიციების სავარაუდო ფასს, არ ჩაითვლება მისაღებად, ასევე პრეტენდენტის მიერ სატენდერო წინადადებაში (განფასების ცხრილ(ებ)ში) დაფიქსირებული პოზიციის ფასს არ უნდა აღემატებოდეს ვაჭრობის შემდეგ დაფიქსირებული პოზიციის ფასი.

პრეტენდენტ(ებ)ის მიერ ელექტრონული ვაჭრობის შედეგად პრეისკურანტ(ებ)ის საერთო ფასის შემცირების შემთხვევაში:

ა) ფასთა კლება პროცენტულად და პროპორციულად უნდა აისახოს პრეისკურანტ(ებ)ში მოცემული ჩამონათვალის ერთეულის ფასებზე;
ბ) თუ ერთეულის ფასები დაჯდება მრავალნიშნა ათწილადად, პრეტენდენტ(ებ)ი ვალდებულია აღნიშნული ფასები დაამრგვალოს მეასედამდე.

6. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე. უცხო ენაზე შედგენილი დოკუმენტები უნდა იყოს თარგმნილი ქართულ ენაზე და დამოწმებული სანოტარო წესით.

7.სახელმწიფო შესყიდვების ერთიან ელექტრონულ სისტემაში ატვირთული ელექტრონული დოკუმენტი უნდა შეესაბამებოდეს ,,ელექტრონული დოკუმენტისა და ელექტრონული სანდო მომსახურების შესახებ" საქართველოს კანონით მე-3 მუხლის მე-3 პუნქტით დადგენილ მოთხოვნებს.

8. პრეტენდენტ(ებ)ს არა აქვს უფლება წარმოადგინოს ალტერნატიული სატენდერო წინადადება.

9. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული ყველა გადასახადის/მოსაკრებელის/სახდელის გათვალისწინებით, რომელთა გადახდა ეკისრება მიმწოდებელს. ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას.

10. სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი.

11. სატენდერო წინადადების წარდგენით პრეტენდენტი ავტომატურად გამოხატავს თანხმობას ტექნიკური პირობებით განსაზღვრულ მოთხოვნებზე.