Ремонт и техническое обслуживание транспортных средств и оборудования и сопутствующие услуги (Грузия - Тендер #69214276)

სსიპ „საგანგებო სიტუაციების კოორდინაციისა და გადაუდებელი დახმარების ცენტრის“ სარგებლობაში არსებული ავტოსატრანსპორტო საშუალებებისთვის რეცხვის მომსახურების შესყიდვა, რაც მოიცავს, ექსტერიერისა და ინტერიერის (ძარა, სალონი და საბარგული) სრულად რეცხვას, გასუფთავებასა და გამშრალებას.

1.2.1 მომსახურების მიწოდება უნდა განხორციელდეს „მიმწოდებლის“ თბილისში არსებულ რეცხვის არანაკლებ 4 ობიექტებზე, ავტოსატრანსპორტო საშუალების შესვლისთანავე.

1.2.2 მომსახურების გაწევის დროს „მიმწოდებლის“ ბრალეულობით „შემსყიდველის“ ავტოსატრანსპორტო საშუალებებზე მიყენებული ნებისმიერი ზიანის ხარჯების ანაზღაურება ეკისრება „მიმწოდებელს“.

1.2.3 მომსახურება გაწეული უნდა იყოს ხარისხიანი სარეცხი და საწმენდი სპეციალური საშუალებებისა (ქაფი, გელი, სპეციალური სითხეები, საბურავის საწმენდი საშუალებები და სხვა) და სპეციალური მოწყობილობების გამოყენებით. რეცხვის შემდეგ უნდა მოხდეს სატრანსპორტო საშუალების გაშრობა.

1.2.4 „მიმწოდებელი“ უზრუნველყოფს სატრანსპორტო საშუალებების ექსტერიერის და ინტერიერის (ძარა, სალონი და საბარგული) სრულად რეცხვას, გასუფთავებას და გამშრალებას.

1.2.5 „მიმწოდებელმა“ რეცხვის მომსახურება უნდა განახორციელოს „შემსყიდველის“ უფლებამოსილი წარმომადგენლის მიერ პლასტიკური ბარათის წარდგენის შემდეგ, არაუმეტეს 1 (ერთი) საათისა.

1.2.6 „მიმწოდებელს“ მომსახურების გაწევა უნდა შეეძლოს ყოველდღიურად, 09:00 საათიდან 19:00 საათამდე.

1.2.7 შემოთავაზებული ფასი უნდა მოიცავდეს მომსახურების სრულყოფილად გაწევასთან დაკავშირებულ ყველა ხარჯს და კანონმდებლობით გათვალისწინებულ გადასახადებს, მათ შორის: პლასტიკური ბარათების დამზადების ხარჯებს.

1.2.8 „მიმწოდებელმა“ უნდა უზრუნველყოს პლასტიკური ბარათების უსასყიდლოდ დამზადება და „შემსყიდველისათვის“ მიწოდება მოთხოვნიდან არაუმეტეს 5 (ხუთი) სამუშაო დღის განმავლობაში.

1.2.9 ხელშეკრულების გაფორმებიდან არაუგვიანეს 5 (ხუთი) სამუშაო დღის ვადაში „მიმწოდებელი" ვალდებულია თავის ვებ-გვერდზე გაუხსნას „შემსყიდველს" სპეციალური ანგარიში და უზრუნველყოს რეცხვის მომსახურების ჩარიცხვა აღნიშნულ ანგარიშზე პლასტიკურ ბარათებზე მისი შემდგომი განაწილების მიზნით.

1.2.10 სპეციალურ ანგარიშზე რეცხვის მომსახურების ლიმიტების დასმის შემდეგ იგი წარმოადგენს „შემსყიდველის“ საკუთრებას და „შემსყიდველს" უფლება აქვს ანგარიშზე არსებული ნაშთის ფარგლებში შეუზღუდავად, თავისი შეხედულებისამებრ, გადაანაწილოს მის კუთვნილ ერთ ან რამდენიმე პლასტიკურ ბარათზე ინტერნეტით „მიმწოდებლის" ვებ-გვერდის საშუალებით, „შემსყიდველის" სახელის და საიდენტიფიკაციო პაროლის გამოყენებით. პლასტიკური ბარათის წარდგენის შემთხვევაში, მისი მფლობელი უფლებამოსილია მიიღოს ბარათზე ჩარიცხული რეცხვის მომსახურება „მიმწოდებლის" კუთვნილ ნებისმიერ ავტოსამრეცხაო სადგურში, მომსახურების გაწევის შემდეგ ბარათიდან ელექტრონულად უნდა მოხდეს რეცხვის მომსახურების ჩამოჭრა.

1.2.11 „მიმწოდებელმა„ უნდა უზრუნველყოს პლასტიკური ბარათების უსასყიდლოდ დამზადება. იმ შემთხვევაში, თუ ხელშეკრულების მიმდინარეობის პროცესში, „შემსყიდველს„ დაემატება ახალი ავტოსატრანსპორტო საშუალება, „შემსყიდველის„ მოთხოვნიდან არაუმეტეს 3 (სამი) სამუშაო დღის ვადაში, „მიმწოდებელმა„ უნდა უზრუნველყოს დამატებითი პლასტიკური ბარათის დამზადება უფასოდ.

1.2.12 პლასტიკურ ბარათზე დატანილი უნდა იყოს შემდეგი ინფორმაცია:
1.2.12.1 „მიმწოდებლის“ დასახელება;
1.2.12.2 „შემსყიდველის“ დასახელება;
1.2.12.3 ბარათის ინდენტიფიცირების ნომერი;
1.2.12.4 ავტომობილის სარეგისტრაციო ნომერი.

1.2.13 ბარათის დიზაინის სხვა დეტალების დაზუსტება შესაძლებელია შემსყიდველთან შეთანხმებით ხელშეკრულების გაფორმებისას.

1.2.14 ავტოსატრანსპორტო საშუალებების ჩამონათვალი, რომლებსაც უნდა გაეწიოს მომსახურება მოცემულია დანართ N1-ში.

მომსახურება უნდა განხორცილელდეს ეტაპობრივად, ხელშეკრულების გაფორმებიდან (მაგრამ არაუადრეს 2026 წლის 01 იანვრისა) 2026 წლის 31 დეკემბრის ჩათვლით. მომსახურების მიწოდება უნდა განხორციელდეს შემსყიდველის მოთხოვნისთანავე.

1.5.1 შესყიდვის ობიექტის მიწოდების ადგილად განისაზღვრება პრეტენდენტის სამრეცხაო ადგილები.

1.5.2 პრეტენდენტს მომსახურების მოწოდება უნდა შეეძლოს ქ. თბილისის არანაკლებ 4 (ოთხი) სერვის-ცენტრში.

1.5.3 პრეტენდენტის სერვის-ცენტრების თაობაზე პრეტენდენტმა უნდა წარმოადგინოს დეტალური ინფორმაცია (სერვის-ცენტრების რაოდენობისა და ზუსტი მისამართის მითითებით). ასევე პრეტენდენტმა უნდა წარმოადგინოს შესაბამისი დოკუმენტაცია (დასაშვებია საკუთრების/მფლობელობის დოკუმენტი ან/და იჯარის/ქირავნობის ხელშეკრულება ან/და ამონაწერი), რითიც მოხდება იდენტიფიცირება რომ პრეტედენტი ფლობს/სარგებლობს მითთებული ფართით.

1.5.4 პრეტენდენტის სერვის-ცენტრები უნდა იყოს მის სარგებლობაში და მმართველობაში.

1.5.5 მითითებულ ლოკაციებზე სარგებლობაში ან მმართველობაში სერვის-ცენტრების არარსებობის შემთხვევაში, დასაშვებია ქვეკონტრაქტორ(ებ)ის სერვის-ცენტრ(ებ)ის არსებობა, აღნიშნულის დასადასტურებლად პრეტენდენტმა უნდა წარმოადგინოს ქვეკონტრაქტორის მიერ ფართის საკუთრების/სარგებლობის დოკუმენტი (მაგ. ამონაწერი საჯარო რეესტრიდან) ან იჯარის/ქირავნობის ხელშეკრულება და სხვა. პრეტენდენტმა ასევე უნდა წარმოადგინოს ქვეკონტრაქტორთან გაფორმებული ხელშეკრულება.

2.2.1.1 პრეტენდენტს 2022 წლიდან დღემდე შესრულებული უნდა ჰქონდეს ავტომობილების რეცხვის მომსახურებების, არანაკლებ 20000.00 (ოცი ათასი ლარი და 00 თეთრი) ლარის ღირებულების ერთი ხელშეკრულება.

2.2.1.2 პრეტენდენტმა გამოცდილების დადასტურების მიზნით უნდა წარმოადგინოს გაფორმებული ხელშეკრულებ(ები)ა და ამ ხელშეკრულების შესაბამისი მიღება-ჩაბარების აქტ(ებ)ი ან/და ანგარიშ-ფაქტურ(ები)ა ან/და ზედნადებ(ებ)ი.

2.2.1.3 იმ შემთხვევაში, თუ სატენდერო დოკუმენტაციის 2.2.1 მუხლით მოთხოვნილი დოკუმენტაცია ატვირთულია შესყიდვების ერთიან ელექტრონულ სისტემაში, პრეტენდენტს შეუძლია გამოცდილების შესახებ დანართში N3-ში მიუთითოს შესაბამისი CMR ან/და SPA ან/და NAT ან/და სხვა შესყიდვის საშუალების ნომრები და არ წარმოადგინოს მოთხოვნილი დოკუმენტაცია.

2.3.1.1 პრეტენდენტს ქ. თბილისში არანაკლებ 4 სხვადასხვა მისამართზე უნდა გააჩნდეს ავტოსატრანსპორტო საშუალებების სამრეცხაო, მათ შორის 1 სამრეცხაო უნდა იყოს სსიპ „საგანგებო სიტუაციების კოორდინაციისა და გადაუდებელი დახმარების ცენტრის" შენობიდან (მისამართი: ქ. თბილისი ე. მინდელის ქუჩა N7) არაუმეტეს 4 (ოთხი) კმ საგზაო მანძილზე.

2.3.1.2 თითოეულ სამრეცხაოს უნდა გააჩნდეს არანაკლებ 2 (ორი) სამრეცხაო ბოქსი და მოსაცდელი ოთახი.

2.3.1.3 სამრეცხაო აღჭურვილი უნდა იყოს ხელით რეცხვისათვის საჭირო მაღალი წნევის სარეცხი აპარატურით, მტვერსასრუტით და სხვა საჭირო ინვენტარით, რომელიც არ აზიანებს მანქანის საღებავს და ლაქს.

2.3.1.4 ავტოსამრეცხაოს ბოქსების პერიმეტრი უნდა კონტროლდებოდეს ვიდეო-სამეთვალყურეო კამერებით, რომელიც შეძლებს არანაკლებ 14 დღიანი ჩანაწერის უზრუნველყოფას, რომლის მიწოდება შემსყიდველის მოთხოვნის შემთხვევაში უნდა განხორციელდეს არაუგვიანეს 2 (ორი) სამუშაო დღის ვადაში.

2.3.1.5 აღნიშნული ინფორმაციის დასადასტურებლად პრეტენდენტმა წერილობით უნდა დაადასტუროს მატერიალურ-ტექნიკურ ბაზასთან დაკავშირებული მოთხოვნები.

2.8.1.1 პრეტენდენტი ვალდებულია ქვეკონტრაქტორის არსებობის ან არ არსებობის შემთხვევაში წარმოადგინოს შესაბამისი ინფორმაცია.

2.8.1.2 ქვეკონტრაქტორის არსებობის შემთხვევაში, პრეტენდენტი ვალდებულია წარმოადგინოს ქვეკონტრაქტორის მიერ წერილობითი თანხმობა, სატენდერო დოკუმენტაციით მოთხოვნილი ვალდებულების შესრულების შესახებ.

2.8.1.3 ქვეკონტრაქტორი არ უნდა იყოს სახელმწიფო შესყიდვების სააგენტოს შავ სიაში რეგისტირებული.

2.8.1.4 იმ შემთხვევაში თუ პრეტენდენტს, ტენდერისათვის „წინადადებების მიღება დასრულებულია“ სტატუსის მინიჭების შემდეგ, წარმოეშობა ქვეკონტრაქტორი, ამის შესახებ წერილობით უნდა აცნობოს „შემსყიდველს“.

2.8.1.5 სატენდერო დოკუმენტაციის 2.3.1 პუნქტში მითითებული მოთხოვნა მატერიალურ-ტექნიკური ბაზის შესახებ, ვრცელდება თითოეულ ქვეკონტრაქტორზე.

2.9.1 შესყიდვა ხორციელდება პრეისკურანტის საფუძველზე. პრეტენდენტის მიერ მომსახურების პრეისკურანტი წარმოდგენილი უნდა იქნას დანართი N1-ის (ფასების ცხრილი - პრეისკურანტი) შესაბამისად.

2.9.2 პრეტენდენტის მიერ სისტემის მეშვეობით წარმოდგენილ პრეისკურანტში ერთეულის ღირებულებები არ უნდა აღემატებოდეს დანართ N1-ში (ფასების ცხრილი - პრეისკურანტი) შესაბამის პოზიციებზე მითითებული ერთეულის ზღვრულ ღირებულებებს. წინადადების ფასი არ უნდა აღემატებოდეს პრეისკურანტის სავარაუდო ღირებულებას და ელექტრონული ვაჭრობის შედეგად წინადადების ფასის კლება შესაძლებელია განხორციელდეს მხოლოდ პრეისკურანტის სავარაუდო ღირებულებასთან მიმართებაში.

2.9.3 თუ პრეტენდენტის მიერ სისტემის მეშვეობით წარმოდგენილი პირველადი წინადადების ფასი, ნაკლები იქნება პრეისკურანტის სავარაუდო ღირებულებაზე, მაშინ პრეტენდენტმა ფასების კლება პროცენტულად და პროპორციულად უნდა ასახოს პრეისკურანტის ჩამონათვალის თითოეული პოზიციის ერთეულის ფასებზე. თუ ერთეულის ფასები გამოვიდა მრავალნიშნა ათწილადის სახით, პრეტენდენტი ვალდებულია აღნიშნული ფასები შეამციროს და დაამრგვალოს მეასედამდე, შესაბამისად შეამციროს პრეისკურანტის ჯამური ღირებულებაც.

2.9.4 სატენდერო წინადადება, რომელშიც თითოეული პოზიციის ფასი გადააჭარბებს შემსყიდველის მიერ განფასების ცხრილში დაფიქსირებულ პოზიციების სავარაუდო ფასს, არ ჩაითვლება მისაღებად. ვაჭრობის შედეგად დაფიქსირებული ფასის დაზუსტების შემთხვევაში, დაუშვებელია თავდაპირველ პრეისკურანტში დაფიქსირებული ფასების გაზრდა რომელიმე პოზიციაზე.

2.9.5 პრეტენდენტის მიერ პრეისკურანტი ,,ფასების ცხრილი“ წარმოდგენილი უნდა იქნას Excel-ის ფორმატში.

4.1.1.1 იმ შემთხვევაში, თუ პრეტენდენტის მიერ სისტემაში დაფიქსირებული საბოლოო ფასი 20%- ით ან მეტით არის დაბალი შესყიდვის ობიექტის სავარაუდო ღირებულებაზე, პრეტენდენტმა უნდა დაასაბუთოს ფასწარმოქმნის ადეკვატურობა, რომელიც შესაძლებელია დასაბუთდეს სერთიფიცირებული ექსპერტის/აუდიტორის/საშემფასებლო კომპანიის მიერ გაცემული დასკვნით (დასკვნას თან უნდა ახლდეს დასკვნის გამცემი პირის შესაბამისი უფლებამოსილების/სერთიფიცირების დამადასტურებელი დოკუმენტი), რომელიც დაადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

4.1.1.2 ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

7.2.1 ანგარიშსწორების საფუძველია მხარეების უფლებამოსილი პირების მიერ გაფორმებული მიღება-ჩაბარების აქტ(ებ)ი.

7.2.2 მომსახურების ღირებულების ანაზღაურება განხორციელდება უნაღდო ანგარიშსწორებით, ეროვნულ ვალუტა - ლარში.

ანგარიშსწორება „შემსყიდველის” მიერ განხორციელდება მომსახურების მიწოდების თაობაზე მხარეთა შორის შესაბამისი მიღება-ჩაბარების აქტ(ებ)ის გაფორმებიდან და „მიმწოდებლის“ მიერ საქართველოს კანონმდებლობით გათვალისწინებული შესაბამისი საგადასახადო დოკუმენტაციის წარდგენიდან არაუგვიანეს 10 (ათი) სამუშაო დღის განმავლობაში.

საბა კახიანი, 598725007, skakhiani@moh.gov.ge

10.1.1. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და ინფორმაცია ხელმოწერილი უნდა იყოს პრეტენდენტის შესაბამისად უფლებამოსილი პირის მიერ;

10.1.2.ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;

10.1.3. ალტერნატიული სატენდერო წინადადება არ განიხილება;

10.1.4 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით;

10.1.5 სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.