Ремонт и техническое обслуживание строительных сооружений (Грузия - Тендер #69214275)

საქართველოს გარემოს დაცვისა და სოფლის მეურნეობის სამინისტროს N1, N2 და N3 ადმინისტრაციული შენობებისა და მიმდებარე ტეროტორიის მოწყობილობების შეკეთება და ტექნიკური მომსახურება.

გასაწევი მომსახურების აღწერა (ტექნიკური დავალება):
1.1 ტექნიკური დავალების ფარგლებში, მიმწოდებელი ვალდებულია უზრუნველყოს სამინისტროს N1, N2 და N3 ადმინისტრაციული შენობების და მიმდებარე ტერიტორიის (მისამართი: თბილისი, მარშალ გელოვანის გამზირი #34, (საკადასტრო კოდები: N1 შენობა - 01.10.10.022.283; N2 შენობა - 01.10.10.022.166; N3 შენობა - 01.10.10.022.333)) მოწყობილობების შეკეთება და ტექნიკური მომსახურება პრეისკურანტების საფუძველზე.
1.2 მიმწოდებელი ვალდებულია დანართი N1-ის ცხრილი N1-ის პირველი პოზიციით განსაზღვრული მომსახურების ფარგლებში უზრუნველყოს N1 ადმინისტრაციული შენობისა და მიმდებარე ტერიტორიის ელექტრომომარაგების სისტემისა და გათბობის 24 საათიანი ტექნიკური მომსახურება ). სისტემაში გაზის, წყლის წნევის, სანტექნიკური მოწყობილობების და ტემპერატურის კონტროლი - რეგულირება საჭიროების შემთხვევაში. ელექტრომომარაგების ალტერნატიული წყაროს (გენერატორის) გამართული მუშაობის მომსახურება.
1.3 მიმწოდებელი ვალდებულია დანართი N2-ისა და დანართი N3-ს (პრეისკურანტები) ცხრილი N1-ის პირველი პოზიციით განსაზღვრული მომსახურების ფარგლებში უზრუნველყოს N2 და N3 ადმინისტრაციული შენობებისა და მიმდებარე ტერიტორიის ელექტრომომარაგების სისტემის, ამ შენობებში განთავსებული სამგზავრო ლიფტების (N2 შენობაში ფუნქციონირებს უნარშეზღუდული პირებისთვის განკუთვნილი სამგზავრო ლიფტი), გათბობის 24 საათიანი ტექნიკური მომსახურება. სისტემაში გაზის, წყლის წნევის, სანტექნიკური მოწყობილობების და ტემპერატურის კონტროლი - რეგულირება საჭიროების შემთხვევაში. ელექტრომომარაგების ალტერნატიული წყაროს (3 ერთეული გენერატორი) გამართული მუშაობის მომსახურება.
1.4. მიმწოდებელმა უნდა განახორციელოს N1, N2 და N3 დანართების ცხრილ N1-ში მითითებული საქონლის შეცვლის მომსახურება დამატებითი ანაზღაურების გარეშე (გარდა პრეისკურანტში მითითებული საქონლის ღირებულებისა).
1.5. მიმწოდებელი ვალდებულია შესაბამისი სახელმწიფო შესყიდვის შესახებ ხელშეკრულების ფარგლებში დროულად უზრუნველყოს ნებისმიერი დაზიანების იდენტიფიკაცია და მისი უმოკლეს ვადებში აღმოფხვრა.
1.6. მიმწოდებელი ვალდებულია შემსყიდველის მიერ განსაზღვრულ ინსპექტირების ჯგუფთან ერთად, ყოველ კონკრეტულ შემთხვევაზე, უზრუნველყოს დათვალიერების აქტის შედგენა, სადაც დეტალურად უნდა იყოს აღწერილი გასაწევი მომსახურება და შესრულების ვადა.
1.7. ტექნიკური დავალების ფარგლებში გასაწევი მომსახურების ანაზღაურება განხორციელდება პრეისკურანტში მითითებული ფასების შესაბამისად.
1.8. მიმწოდებელმა მომსახურების გაწევის პროცესში უნდა გამოიყენოს ახალი და არა მეორადი საქონელი.
1.9. მიმწოდებელსა და შემსყიდველის წარმომადგენლის მიერ დათვალიერების აქტის შედგენის შემთხვევაში ფასების ცხრილში არარსებული მომსახურების შესყიდვის საჭიროების შემთხვევაში მომსახურების ფასი დგინდება მხარეთა შორის შეთანხმებით, საბაზრო ფასის გათვალისწინებით, რაზეც გაფორმდება ხელშეკრულების შესაბამისი დანართი. ასეთ შემთხვევაში პრეისკურანტში მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

• ელექტრონული ვაჭრობის შედეგად პრეტენდენტის მიერ წარმოდგენილი პრეისკურანტის საერთო ფასის შემცირების შემთხვევაში, ფასთა კლება პროცენტულად და პროპორციულად უნდა განხორციელდეს ყველა პოზიციაზე.
შენიშვნა: პრეტენდენტმა უნდა გაითვალისწინოს შემდეგი:
ა) დაზუსტებას არ ექვემდებარება ტექნიკური დოკუმენტაცია, თუ წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს.
ბ) ხარჯთაღრიცხვის პოზიციების განფასება გულისხმობს ღირებულების გრაფაში ფასის ციფრებით გამოსახვას, მათ შორის, იმ შემთხვევაშიც, თუ კონკრეტული პოზიციის ფასი ნულოვანია, შესაბამის გრაფაში „0“-ის ჩაწერას.

მომსახურება გაწეულ უნდა იქნეს 2026 წლის 01 იანვრიდან 2026 წლის 31 დეკემბრის ჩათვლით პერიოდში.

ტექნიკური დავალების ფარგლებში მიმწოდებელი ვალდებულია უზრუნველყოს სამინისტროს (მარშალ გელოვანის გამზ. #34) N1, N2, N3 (საკონფერენციო შენობა) ადმინისტრაციული შენობებისა და მიმდებარე ტერიტორიის (საკადასტრო კოდები: N1 შენობა - 01.10.10.022.283; N2 შენობა - 01.10.10.022.166; N3 შენობა - 01.10.10.022.333)) მოწყობილობების შეკეთება და ტექნიკური მომსახურება პრეისკურანტების საფუძველზე.

გაწეული მომსახურების მიღება-ჩაბარების აქტი ფორმდება ყოველთვიურად წერილობითი ფორმით, ორივე მხარის უფლებამოსილი წარმომადგენლების ხელმოწერით, თვის განმავლობაში შედგენილი დათვალიერების აქტების გათვალისწინებით.

მომსახურების დაწყების პერიოდისათვის პრეტენდენტს უნდა გააჩნდეს 2022-2025 წლების განმავლობაში შემსყიდველი ორგანიზაციებისთვის ანალოგიური მომსახურების (შენობების და მოწყობილობების შეკეთება და ტექნიკური მომსახურება) ჯამური სახელშეკრულებო ღირებულებით არანაკლებ 100,000.00 ლარისა და პრეისკურანტის ჯამური ღირებულებით არანაკლებ 150,000.00 ლარისა. 2026 წელს გარდამავალი ხელშეკრულებები არ განიხილება. პრეტენდენტმა ანალოგიური მომსახურების შესახებ ინფორმაცია უნდა წარმოადგინოს დანართი N4-ის შესაბამისად.
იმ შემთხვევაში, თუ პრეტენდენტის მიერ წარმოდგენილ დანართი №4-ში მითითებული მონაცემების შესაბამისობის დადგენის მიზნით შესწავლისას, შემსყიდველის მიერ ვერ იქნება მოძიებული სრულყოფილი ინფორმაცია, პრეტენდენტი ვალდებულია, შემსყიდველის მოთხოვნის შესაბამისად, წარმოადგინოს ხელშეკრულებებისა და მიღება-ჩაბარების აქტების ასლები, ანგარიშ-ფაქტურები, გაწეული მომსახურების დამადასტურებელი სხვა სახის დოკუმენტები.

პრეტენდენტმა ელექტრონული სისტემის მეშვეობით უნდა წარმოადგინოს:
ა) პრეისკურანტი დანართი - N1;
ბ) პრეისკურანტი დანართი - N2;
გ) პრეისკურანტი დანართი - N3;
დ) ინფორმაცია პრეტენდენტის გამოცდილების შესახებ - დანართი N4.

• სახელმწიფო შესყიდვების ერთიან ელექტრონულ სისტემაში ატვირთულ ყველა დოკუმენტზე განხორციელებული უნდა იყოს კვალიფიციური ელექტრონული ხელმოწერა ან/და დამოწმებული უნდა იყოს კვალიფიციური ელექტრონული შტამპით.
ფასწარმოქმნის ადეკვატურობის დამადასტურებელი დოკუმენტ(ებ)ი

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია წარმოადგინოს ფასწარმოქმნის ადეკვატურობის დასაბუთება. ფასწარმოქმნის ადეკვატურობა შესაძლებელია დასაბუთდეს შესაბამისი უფლებამოსილების/აკრედიტაციის მქონე აუდიტის ან/და ექსპერტიზის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების საერთო ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულების ღირებულებებთან მიმართებით. პრეტენდენტმა დასკვნასთან ერთად ასევე უნდა წარმოადგინოს დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტის ასლ(ებ)ი.

ანგარიშსწორება მიმწოდებელთან განხორციელდება ეროვნულ ვალუტაში, ეტაპობრივად, უნაღდო ანგარისწორების ფორმით, შესაბამისი მიღება–ჩაბარების აქტის გაფორმებისა და საგადასახადო ანგარიშ-ფაქტურის (კანონმდებლობით დადგენილ შემთხვევაში) წარმოდგენის შემდგომ.

ანგარიშსწორება განხორციელდება ეტაპობრივად, ფაქტიურად გაწეულ მომსახურებაზე შედგენილი მიღება–ჩაბარების აქტის გაფორმებისა და მიმწოდებლის მიერ საგადასახადო ანგარიშ-ფაქტურის (კანონმდებლობით დადგენილ შემთხვევაში) წარმოდგენის შემდგომ 10 სამუშაო დღის ვადაში.

ეთერ ყიზილაშვილი, 591510051, eter.kizilashvili@mepa.gov.ge