Услуги в области бухгалтерского учета, аудита и налогообложения (Грузия - Тендер #69187460)

შპს ,,აქტივების მართვისა და განვითარების კომპანიის“ 2026 წლის საჭიროებისთვის საშემფასებლო-აუდიტორული მომსახურების სახელმწიფო შესყიდვა.

1.2 საქონლის ტექნიკური პარამეტრები/მომსახურების/სამუშაოს აღწერა (ტექნიკური დავალება), შესყიდვის ობიექტის რაოდენობა/მოცულობა

პრეტენდენტის მიერ მომსახურების გაწევა უნდა განხორციელდეს ქვემოთ მითითებული პირობების შესაბამისად:
1.2.1 საზოგადოების კაპიტალის ცვლილებაზე დასკვნა.
1.2.2. საზოგადოების კაპიტალში შესატანი/ამოსაღები უძრავი ქონების შეფასების საფუძველზე (საქართველოს მასშტაბით), მათ შორის:
• ხაზოვანი ნაგებობები;
• შენობა-ნაგებობები;
• მიწის ნაკვეთები (სასოფლო და არასასოფლო-სამეურნეო დანიშნულების).
1.2.3 მოძრავი ქონების (საქართველოს მასშტაბით) შეფასება სხვადასხვა მიზნით (მათ შორის, კაპიტალში შეტანის, კაპიტალიდან ამოღების, სარეალიზაციო და სხვა);
1.2.4 ფასიანი ქაღალდების, დოკუმენტაციის, სხვადასხვა არამატერიალური აქტივის შეფასება.
1.2.5 საზოგადოებისათვის მიყენებული ზიანის (ზარალის) დადგენა (საქართველოს მასშტაბით);
1.2.6 მარაგების შეფასება (საქართველოს მასშტაბით);
1.2.7 უძრავი ქონების დროებით სასყიდლიან სარგებლობაში (იჯარა, სერვიტუტი, უზურფრუქტი) გადაცემის ღირებულების დადგენა (საქართველოს მასშტაბით).
1.2.8 მოძრავი ქონების დროებით სასყიდლიან სარგებლობაში გადაცემის ღირებულების დადგენა (საქართველოს მასშტაბით).
1.2.9 ქონების (უძრავი, მოძრავი და სხვა) ჩამოსაწერი ან სარეალიზაციო ღირებულების დადგენა;
1.2.10 კომპანიის წილობრივი მონაწილეობით დაფუძნებული იურიდიული პირ(ებ)ის (შვილობილი საწარმოს) კაპიტალში შესატანი/ამოსაღები ქონების შეფასება ან/და კაპიტალის დადგენის/კორექტირების შესახებ დასკვნის მომზადება.
1.2.11 შვილობილი საწარმოს ბალანსზე რიცხული, ან ბალანსიდან ჩამოწერილი/ჩამოსაწერი უძრავ-მოძრავი ქონების, მათ საკუთრებაში არსებული გასაყიდი ან/და სარგებლობის უფლებით გასაცემი უძრავ-მოძრავი ქონების საბაზრო გასაყიდი და სარგებლობის უფლების ღირებულების შეფასება, ასევე მიყენებული ზიანის (მესამე პირის მიერ მიყენებული ზიანის ჩათვლით) ოდენობის დადგენა.
1.2.12 საჭიროების შემთხვევაში: შვილობილი საწარმოს დაფუძნების, შერწყმის, დაყოფის ან ლიკვიდაციის პროცესისთვის საჭირო აუდიტორული დასკვნების მომზადება
1.2.13 შესასრულებელი და შესრულებული სამუშაოების შესახებ შედგენილი სახარჯთაღრიცხვო გაანგარიშებების არსებულ ნორმატივებთან შესაბამისობის დადგენა/დადასტურება.
1.2.14 სხვა აუდიტორული, საშემფასებლო და საკონსულტაციო მომსახურეობა (საქართველოს მასშტაბით).
1.2.15 ქონების შეფასება:
ა) შეფასება უნდა განხორციელდეს შეფასების საერთაშორისო სტადარტებზე დაყრდნობით და უნდა ითვალისწინებდეს იმ მეთოდოლოგიასა და მიდგომებს რომლებიც ცალსახად არის დაფიქსირებული შეფასების მოქმედ საერთაშორისო სტანდარტებში, რომელიც შესაძლებლობის შემთხვევაში ითვალისწინებს სამი მიდგომის გამოყენებას (შედარებითი, დანახარჯებითი და შემოსავლებითი მიდგომა).
ბ) შემოთავაზებულ მეთოდოლოგიაში დეტალურად უნდა იყოს აღწერილი სტანდარტების შესაბამისად შემოთავაზებული მიდგომა და
ჩასატარებელ სამუშაოთა აღწერა თითოეული ტიპის შესაფასებელ საგანზე.
გ) შემოთავაზებული მეთოდოლოგია უნდა ეყრდნობოდეს შესაფასებელი ქონების საუკეთესო და ეფექტური გამოყენების პრინციპს
(ეკონომიკური დანიშნულება). ასევე, აუცილებლობის შემთხვევაში, შეფასების საერთაშორისო სტანდარტებით განსაზღვრულ
„საბაზრო ღირებულებისაგან განსხვავებულ ღირებულების საფუძველს“ ან/და სხვა არსებულ ანალიტიკურ მეთოდებს, ავტორისა და ლიტერატურის მითითებით.
დ) შეფასება უნდა განხორციელდეს უძრავი და მოძრავი ქონების, ასევე არამატერიალური ქონებრივი სიკეთის შემდგომი სავარაუდო გამოყენებისა და მიზნობრიობის გათვალისწინებით, რის შესახებაც ინფორმაციას ორგანიზაცია მიაწვდის შემფასებელს.
1.2.16 აუდიტორული მომსახურების პირობები:
ა) მომსახურება უნდა განხორციელდეს საქართველოში მოქმედი საერთაშორისო აუდიტორული სტანდარტების,
შემფასებლის/აუდიტორის ეთიკის კოდექსის მოთხოვნების, დებულებისა და ნორმატიული აქტების შესაბამისად.
ბ) მიმწოდებლის მიერ გაცემულ დასკვნას უნდა ახლდეს დეტალური ანგარიში, რომელიც შეიცავს ნაკლოვანების თუ დადებითი თვისებების აღწერას, ასევე არგუმენტირებულ მსჯელობას საგნის ღირებულებისა და გამოყენებულ მიდგომებისა და მეთოდოლოგიის შესახებ (ანალოგიის მეთოდის გამოყენების შემთხვევაში, საჭიროების შემთხვევაში მიმწოდებლის მიერ უნდა იქნას წარმოდგენილი მინიმუმ 2 ანალოგიით გამყარებული მსჯელობა). ქონების შეფასების დასკვნას დამკვეთის მოთხოვნის შემთხვევაში, უნდა ახლდეს ფოტომასალა, ასევე დამკვეთს უნდა მიეწოდოს დასკვნის და ფოტოების ელ. ვერსია.
გ) იმ შემთხვევაში თუ, შემსყიდველმა მიმწოდებლის მიერ გაცემული დასკვნის შესაბამისად მოქმედების ან/და მიმწოდებლის მიერ
საკუთარი მოვალეობების არასათანადოთ შესრულების შედეგად მიიღო ზიანი, ფინანსური, ქონებრივი ან სხვა სახის პასუხისმგებლობა ეკისრება მიმწოდებელს საქართველოში მოქმედი კანონმდებლობისა და დამკვეთან დადებული ხელშეკრულების შესაბამისად.
1.2.17 ქონების შეფასება და შესაბამისი დასკვნის მომზადება უნდა განხორციელდეს შემდეგი პირობებით:
ა) მომსახურების გაწევის ადგილი - შემსყიდველის მოთხოვნის შესაბამისად, საქართველოს მასშტაბით;
ბ) ქონების შეფასება და შესაბამისი დასკვნის მომზადება: მომსახურება უნდა განხორციელდეს ხელშეკრულებით განსაზღვრული მიწოდების ვადის დასრულებემდე მოთხოვნისამებრ ეტაპობრივად, ამასთან, კონკრეტული შეფასების ან/და კაპიტალის კორექტირებასთან დაკავშირებული აუდიტორული დასკვნა “მიმწოდებელმა” უნდა წარმოადგინოს - “შემსყიდველის” მოთხოვნიდან არაუმეტეს 10 (ათი) სამუშაო დღის ვადაში. გამონაკლისის შემთხვევაში დაკვეთის სირთულიდან გამომდინარე შესაძლებელია დადგინდეს გონივრული ვადა.
გ)სამუშაოს შესრულების ადგილამდე მისვლას მიმწოდებელი უზრუნველყოფს საკუთარი ხარჯებით.


აუცილებელი პირობა:
კომპანიის დაკვეთებზე მომსახურება უნდა გაწიოს არანაკლებ ორმა შემფასებელმა, რომელთაგან ერთი შემფასებელი მოამზადებს დასკვნებს კაპიტალის ცვლილებასთან დაკავშირებით (ასეთი დაკვეთის არ ქონის პერიოდში ჩართული იქნება უძრავ/მოძრავი ქონების საიჯარო ან სარეალიზაციო ღირებულების დადგენის პროცესში), რომელიც დამკვეთს უნდა წარედგინოს, ასეთი მოთხოვნის მიღებიდან არაუგვიანეს ერთი სამუშაო დღის ვადაში, ხოლო მეორე შემფასებელი მოამზადებს დასკვნას უძრავ/მოძრავი ქონების საიჯარო ან სარეალიზაციო ღირებულების შესახებ, რომელიც დამკვეთისთვის წარდგენილი უნდა იყოს არაუგვიანეს ხუთი სამუშაო დღისა (მაქსიმუმის, ანუ ხუთი სამუშაო დღის გამოყენება, უნდა წარმოადგენდეს გამონაკლისს, რაც დამოკიდებული იქნება დაკვეთის რაოდენობასა და შესაფასებელი ქონების ადგილ-მდებარეობაზე) წინააღმდეგ შემთხვევაში დასკვნა დამკვეთს უნდა წარედგინოს ერთი-ორი სამუშაო დღის განმავლობაში. დასკვნის მოსამზადებლად დამატებითი დროის საჭიროების შემთხვევაში შემსრულებელი დასაბუთებული წერილით, მათ შორის ელექტრონული ფოსტის საშუალებით მიმართავს დამკვეთს. ხოლო ეს უკანასკნელი ასევე ხსენებული არხებით ეთანხმება ან არა არგუმენტირებულად მიიჩნევს ვადის გაჭიანურებას, რაც აუდიტორული დასკვნის დადგენილი ვადების დარღვევით მიწოდება შესაძლებელია საფუძველი გახდეს დასკვნის ღირებულების 20%-ის არ გადახდის ან/და მომსახურების ხელშეკრულების ცალმხრივად მოშლის).

2026 წლის მანძილზე ჯამში მოსამზადებელი იქნება დაახლოებით 200 ერთეული დასკვნა.

2026 წლის 01 იანვრიდან 2026 წლის 31 დეკემბრის ჩათვლით

საქართველოს მასშტაბით - შემსყიდველის მოთხოვნის შესაბამისად.

ა) პრეტენდენტს ბოლო 3 (სამი) წლის განმავლობაში განხორციელებული უნდა ჰქონდეს შესაბამისი ან მსგავსი მომსახურება, რომლის ღირებულება ჯამში უნდა შეადგენდეს არანაკლებ - 100 000 (ასიათასი) ლარს (მიმდინარე ან/და დაუსრულებელი პროექტები გამოცდილებაში არ ჩაითვლება).
პრეტენდენტმა, გამოცდილების დასადასტურებლად, უნდა წარმოადგინოს (სისტემაში ატვირთოს, გაფორებული ხელშეკრულებ(ებ)ის ასლ(ებ)ი, ასევე შესრულებული სამუშაოების დასრულების დამადასტურებელი დოკუმენტის ასლ(ებ)ი შესრულებული სამუშაოს მიღება-ჩაბარების აქტი, ან/და სხვა შესაბამისი დოკუმენტი, რომელიც დაადასტურებს სამუშაოს შესრულებას/ჩაბარებას) - იმ შემთხვევაში თუ პრეტენდენტის მიერ სამუშაოების დამადასტურებელი დოკუმენტაცია განთავსებულია შესყიდვების ერთიან ელექტრონულ სისტემაში (https://tenders.procurement.gov.ge/) მაშინ პრეტენდენტის მიერ შესაძლებელია წარმოდგენილი იქნას შესაბამისი SPA, NAT და/ან CMR ნომრები. - გამოცდილების არ ქონა გამოიწვევს პრეტენდენტის დისკვალიფიკაციას.
ბ) პრეტენდენტმა უნდა წარმოადგინოს არანაკლებ ერთი დადებითი რეკომენდაცია უკანასკნელი 3 წლის განმავლობაში შესაბამისი ან მსგავსი მომსახურების გაწევის დადასტურებასთან დაკავშირებით.

პრეტენდენტს უნდა ჰყავდეს აუდიტორული და საშემფასებლო მომსახურების განხორციელების სფეროში არანაკლებ სამწლიანი გამოცდილების მქონე მინიმუმ სამი თანამშრომელი, რომლებიც უნდა შედიოდნენ წინამდებარე ტენდერით განსაზღვრული მომსახურების გასაწევად გამოყოფილ სამუშაო ჯგუფში და რომელთაგან მინიმუმ ორი იქნება შემფასებელი. ამასთან, აუდიტორები დარეგისტრირებულნი უნდა იყვნენ აუდიტორების სახელმწიფო რეესტრში (ვებ-გვერდზე saras.gov.ge), ხოლო შემფასებელი სერტიფიცირებული (უძრავი ქონება, მოძრავი ქონება, ბიზნესი) უნდა იყვნენ საქართველოს აკრედიტაციის ერთიანი ეროვნული ორგანოს - აკრედიტაციის ცენტრის მიერ აკრედიტებული პირის მიერ. პრეტენდენტმა უნდა წარმოადგინოს ასეთი თანამშრომლების შესაბამისი სერტიფიკატები და შრომითი ხელშეკრულებები ან ცნობა სამუშაო ადგილის შესახებ.
შემფასებლების სერტიფიკატები მოქმედი უნდა იყოს ხელშეკრულების მოქმედების ვადის განმავლობაში, ხოლო ხელშეკრულების მოქმედების პერიოდში სერტიფიკატ(ებ)ის მოქმედების ვადის გასვლის შემთხვევაში, მიმწოდებელი ვალდებულია წარმოადგინოს პერსონალის ახალი სერტიფიკატ(ებ)ი, ან შემსყიდველთან შეთანხმებით ჩაანაცვლოს არსებული პერსონალი სხვა იმავე ან უკეთესი კვალიფიკაციის და გამოცდილების მქონე სერტიფიცირებული შემფასებლ(ებ)ით.

პრეტენდენტი კომპანია რეგისტრირებული უნდა იყოს საქართველოს ფინანსთა სამინისტროს სისტემაში შემავალი სახელმწიფო საქვეუწყებო დაწესებულების - ბუღალტრული აღრიცხვის, ანგარიშგებისა და აუდიტის ზედამხედველობის სამსახურის აუდიტორული ფირმების სახელმწიფო რეესტრში, ვებგვერზე www.saras.gov.ge. და გავლილი ჰქონდეს სავალდებულო მონიტორინგი.

2.9.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში, მათ უნდა დაერთოს ქართულ ენაზე შესრულებული თარგმანი, ნოტარიული წესით დამოწმებული;
2.9.2 სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისი უფლებამოსილი პირის მიერ ან/და დამოწმებული კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემის საშუალებით უნდა წარმოადგინოს შესაბამისი მინდობილობა.
2.9.3 პრეტენდენტს უფლება აქვს წარმოადგინოს მხოლოდ ერთი სატენდერო წინადადება
2.9.4 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და ყველა ხარჯის გათვალისწინებით.
2.9.5 სატენდერო წინადადების საერთო ფასის წარმოდგენა დასაშვებია მხოლოდ ეროვნულ ვალუტაში - ლარში;
2.9.6 სატენდერო წინადადების წარდგენით პრეტენდენტი ავტომატურად გამოხატავს თანხმობას ტექნიკური პირობებით განსაზღვრულ მოთხოვნებზე.

ინაიდან აღნიშნული ტენდერით განსაზღვრული შესყიდვის ობიექტი (აუდიტორული მომსახურება) არის ინტელექტუალური მომსახურება, რომლის შეფასების კრიტერიუმები და ფასწარმოქმნის დასაბუთების სტანდარტი ობიექტურად რთული დასადგენია, სატენდერო კომისიამ მიზანშეწონილად მიიჩნია, არ მოითხოვოს ფასწარმოქმნის ადეკვატურობის დასაბუთების დოკუმენტი, თუ ყველაზე დაბალი წინადადების ფასის მქონე პრეტენდენტის მიერ სისტემაში დაფიქსირებული საბოლოო ფასი 20%-ით, ან მეტით დაბალი იქნება შესყიდვის ობიექტის სავარაუდო ღირებულებაზე.

ანგარიშსწორება განხორციელდება ყოველთვიურად, ფაქტობრივად გაწეული მომსახურების შესაბამისად, უნაღდო ანგარიშსწორებით, ეროვნულ ვალუტაში - ლარში.

ანგარიშსწორება განხორციელდება ყოველთვიურად, ფაქტობრივად გაწეულ მომსახურებაზე მიღება–ჩაბარების აქტის გაფორმებიდან და სათანადო დოკუმენტაციის (თუ ,,მიმწოდებელი“ არის დღგ–ს გადამხდელი საგადასახდო ანფარიშფაქტურის) წარმოდგენიდან 10 (ათი) სამუშაო დღის განმავლობაში.

თამარ ჯაფიაშვილი, 595034566, info@amadco.ge ზურა ელოშვილი, მონიტორინგისა და აქტივების მართვის სამსახურის უფროსი, 511248101, z.eloshvili@amadco.ge

1. ელექტრონულად ხელმოწერილი ტექნიკური დავალება (დანართი N1);
2. ფასების ცხრილი დანართი N2-ის შესაბამისად (პუნქტი 1.3);
3. გამოცდილების დამადასტურებელი დოკუმენტები (პუნქტი 2.2.1) დანართი N3-ის შესაბამისად;
4. არანაკლებ ერთი ორგანიზაციიდან დადებითი სარეკომენდაციო წერილი გამოცდილების დადასტურების მიზნით წარმოდგენილი ხელშეკრულებებით (2.2.1) გათვალისწინებული მომსახურებების ხარისხის შეფასების შესახებ;
5. პერსონალის გამოცდილების დამადასტურებელი დოკუმენტაცია (პუნქტი 2.4.1).