Автотранспортные услуги (Грузия - Тендер #69187369)

საავტომობილო ტრანსპორტით მომსახურების, სამგზავრო სატრანსპორტო საშუალებების დაქირავება მძღოლთან ერთად - სახელმწიფო შესყიდვა ტექნიკური დავალების შესაბამისად (იხ. ტექნიკური დავალება).

საავტომობილო ტრანსპორტით მომსახურების პირობები და მოთხოვნები:

1.2.1. მიმწოდებელმა საავტომობილო ტრანსპორტით მომსახურება უნდა გაწიოს შემდეგი სატრანსპორტო საშუალებებით:

* M3 კატეგორიის არანაკლებ 40 (ორმოცი) ადგილიანი არანაკლებ 5 (ხუთი) ერთეული საავტომობილო ტრანსპორტი.
* M2 კატეგორიის არანაკლებ 15 (თხუთმეტი) ადგილიანი არანაკლებ 7 (შვიდი) ერთეული საავტომობილო ტრანსპორტი, გამოშვებული არაუადრეს 2015 წლისა.
* მცირე ტევადობის 3 (სამი) ერთეული მსუბუქი საავტომობილო ტრანსპორტი, გამოშვებული არაუადრეს 2015 წლისა.

1.2.2. მიმწოდებელს უნდა შეეძლოს ერთდროულად უზრუნველყოს საავტომობილო ტრანსპორტით მომსახურების გაწევა (მგზავრების გადაყვანა) როგორც ქალაქ თბილისში, ასევე, ქალაქგარეთ (საქართველოს რეგიონებში):

* M3 კატეგორიის არანაკლებ 5 ერთეული საავტომობილო ტრანსპორტით.
* M2 კატეგორიის არანაკლებ 7 ერთეული საავტომობილო ტრანსპორტით.
* მცირე ტევადობის არანაკლებ 3 ერთეული მსუბუქი საავტომობილო ტრანსპორტით.

1.2.3. შემსყიდველი მიმწოდებელს საავტომობილო ტრანსპორტის რაოდენობისა და მარშრუტების შესახებ ინფორმაციას აწვდის შემდეგი მოთხოვნის მიხედვით:

მოთხოვნის შემთხვევაში, მიმწოდებელმა, არანაკლებ 5 ერთეული M3, 7 ერთეული M2 და 3 ერთეული მცირე ტევადობის მსუბუქი საავტომობილო ტრანსპორტის ადგილზე მიყვანა, უნდა უზრუნველყოს შემსყიდველისგან შეტყობინების მიღების დღიდან არაუგვიანეს 2 (ორი) დღის ვადაში.

მოთხოვნის დაფიქსირების დროს, შემსყიდველი მიმწოდებელს აძლევს დავალებას გასაწევი მომსახურების სახეობის, რაოდენობის, გასაწევი მომსახურების მიმართულებისა და ვადების შესახებ.

ქალაქ თბილისში, მოძრაობის დაწყების ადგილი წინასწარ განისაზღვრება შემსყიდველის მიერ.

1.2.4. საავტომობილო ტრანსპორტით მომსახურების დროს დაცული უნდა იქნას უსაფრთხოების ყველა ნორმა, რაზეც პასუხისმგებლობა ეკისრება მიმწოდებელს.

1.2.5. მომსახურების გასაწევად გამოყენებული საავტომობილო ტრანსპორტი უნდა აკმაყოფილებდეს შემდეგ პირობებს:

* საავტომობილო ტრანსპორტი უნდა იყოს ტექნიკურად გამართული და კომფორტული, ჰქონდეს როგორც კონდინცირების, ასევე გათბობის სისტემა.
* წვის სისტემა: ქარხნული.
* მომსახურების გაწევისას, საავტომობილო ტრანსპორტს უნდა ჰქონდეს მოქმედი „ავტოსატრანსპორტო საშუალების გზისათვის ვარგისობაზე სავალდებულო პერიოდული ტესტირების ფირნიში“ საქართველოს მოქმედი კანონმდებლობით დადგენილი წესის დაცვით.
* მომსახურების გაწევის პროცესში საავტომობილო ტრანსპორტი უნდა იყოს ტექნიკურად გამართულ და სუფთა მდგომარეობაში.

1.2.6. ფასების ცხრილში (დანართი N1) მითითებული კილომეტრების რაოდენობა სავარაუდოა და ხელშეკრულების მოქმედების პერიოდში შესაძლებელია შეიცვალოს მოთხოვნის შესაბამისად. ამასთან, შემსყიდველი ორგანიზაცია არ არის ვალდებული სრულად აითვისოს ფასების ცხრილში მითითებული შესყიდვის ობიექტის რაოდენობა.

1.2.7. პრეტენდენტის მიერ ფასების ცხრილის (დანართი N1) თითოეულ პოზიციაზე დაფიქსირებული ერთეულის ღირებულება არ უნდა აღემატებოდეს ფასების ცხრილის შესაბამის პოზიციაზე მითითებულ 1 კმ მომსახურების ზღვრული ერთეულის ღირებულებას. აღნიშნულის გაუთვალისწინებლობა გამოიწვევს პრეტენდენტის დისკვალიფიკაციას.

1.2.8. მარშრუტის მანძილის (კმ-ების) დაანგარიშება მოხდება მგზავრთა გადაყვანის საწყისი წერტილიდან საბოლოო წერტილამდე აპლიკაცია „Google maps”-ის მეშვეობით.

საავტომობილო ტრანსპორტით მომსახურების საწყისი და საბოლოო წერტილი არის თბილისი.

1.2.9. მიმწოდებელმა შემსყიდველს მომსახურება უნდა გაუწიოს მაღალკვალიფიციური და გამოცდილი მძღოლებით.

1.2.10. მიმწოდებელი პასუხიმგებელია მომსახურების გაწევის დროს საავტომობილო ტრანსპორტის ტექნიკურ გამართულობაზე და გაუმართაობის ან ხარვეზის შემთხვევაში ვალდებულია ოპერატიულად გადაჭრას შექმნილი პრობლემა, რათა უმოკლეს დროში უზრუნველყოს მგზავრების დანიშნულების ადგილამდე მიყვანა. ამასთან, ტრანსპორტირების დროს მომხდარი უბედური შემთხვევისას, მგზავრების ჯანმრთელობის და/ან სიცოცხლის ზიანის ანაზღაურება სრულად დაეკისრება მიმწოდებელს.

ხელშეკრულების გაფორმების თარიღიდან 2026 წლის 31 დეკემბრის ჩათვლით.

საავტომობილო ტრანსპორტით მომსახურება განხორციელდება შემსყიდველის მოთხოვნის შესაბამისად თბილისის ან/და საქართველოს მასშტაბით.

2.2.1.1. პრეტენდენტს, 2023 წლის 1 იანვრიდან სატენდერო წინადადების მიღების დაწყებამდე, უნდა ჰქონდეს ანალოგიური საავტომობილო ტრანსპორტით მომსახურების (მგზავრთა გადაყვანა) მიწოდების გამოცდილება, ჯამში არანაკლებ 100 000.00 (ასი ათასი) ლარის ოდენობით.

2.2.1.2. პრეტენდენტმა ერთიანი ელექტრონული სისტემის საშუალებით გამოცდილების დასადასტურებლად უნდა წარმოადგინოს ინფორმაცია 2.2.1 პუნქტში არსებული დანართი N2-ის სახით, ასევე გაწეული მომსახურების შესრულების დამადასტურებელი დოკუმენტები, ხელშეკრულებები და ამ ხელშეკრულებ(ებ)ის შესრულების დამადასტურებელი დოკუმენტაცია, მიღება-ჩაბარების აქტ(ებ)ი, საგადასახადო ანგარიშ-ფაქტურები (არსებობის შემთხვევაში), ან მოქმედი კანონმდებლობით გათვალისწინებული დოკუმენტ(ებ)ი, რომლითაც დადასტურდება ანალოგიური მომსახურების შესრულების გამოცდილება.

2.2.1.3. სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში, თუ შემსყიდველის მიერ შესრულების დამადასტურებელი დოკუმენტაცია ატვირთულია ერთიანი ელექტრონულ სისტემის შესაბამის ველში, საკმარისია შესაბამისი განცხადების ნომრ(ებ)ის (SPA, NAT, CMR, MEP, DAP და სხვა ნომრები) წარმოდგენა. აღნიშნულის დასადასტურებლად, პრეტენდენტმა უნდა უზრუნველყოს უფლებამოსილი პირის მიერ ხელმოწერით დამოწმებული ინფორმაციის წარმოდგენა სატენდერო დოკუმენტაციის 2.2.1 პუნქტში არსებული დანართი N2-ის შესაბამისად.

2.2.1.4. თუ სატენდერო დოკუმენტაციის 2.2.1 პუნქტის 2.2.1.1, 2.2.1.2, 2.2.1.3 ქვეპუნქტებით მოთხოვნილი დოკუმენტაციიდან არ იდენტიფიცირდება სატენდერო დოკუმენტაციით მოთხოვნილი გამოცდილების შესაბამისი მომსახურების შინაარსი, შემსყიდველი უფლებამოსილია პრეტენდენტს მოსთხოვოს ხელშეკრულების სრულყოფილი ვერსიის, ან/და ტექნიკური დავალების, ან/და სხვა მსგავსი დოკუმენტის ან/და ინფორმაციის წარმოდგენა, საიდანაც ნათლად უნდა იკვეთებოდეს შესყიდვის ობიექტის შინაარსი და დეტალური აღწერილობა.

2.2.1.5. იმ შემთხვევაში, თუ პრეტენდენტი არის უცხოური საწარმო ან მისი წარმომადგენლობა/ფილიალი საქართველოში:

ა) სათაო კომპანიის მიერ გაცემული ნებისმიერი სახის ცნობა ან/და ინფორმაცია დამოწმებული უნდა იყოს სათაო კომპანიის ხელმძღვანელობაზე უფლებამოსილი პირის მიერ, ასევე, წარმოდგენილი უნდა იყოს ხელისმომწერი პირის უფლებამოსილების დამადასტურებელი დოკუმენტი.

ბ) სათაო კომპანიიდან ან/და უცხო ქვეყნიდან მოთხოვნილი ინფორმაციის დამადასტურებელი დოკუმენტაციის ასლების წარმოდგენის შემთხვევაში, მათი ორიგინალთან (დედანთან) შესაბისობა დამოწმებული უნდა იყოს ნოტარიულად.

2.2.1.6. უცხოურ ვალუტაში გაწეული მომსახურების შემთხვევაში, მათი ღირებულების დაანგარიშება მოხდება ლარებში, სამუშაოების შესრულების დამადასტურებელი დოკუმენტების გაფორმების თარიღისთვის, შესაბამისი ვალუტის მიმართ საქართველოს ეროვნული ბანკის მიერ დადგენილი, ლარის ოფიციალური გაცვლითი კურსის მიხედვით.

2.2.1.7. ტენდერში ამხანაგობის მონაწილეობა.

1. იმ შემთხვევაში, თუ პრეტენდენტი არის ამხანაგობა, მაშინ მისმა მონაწილეებმა ტექნიკურ დოკუმენტაციაში მკაფიოდ უნდა განსაზღვრონ (შინაარსობრივად), თუ თითოეული მონაწილე კონკრეტულად რომელ ვალდებულებას შეასრულებს სახელმწიფო შესყიდვის შესახებ ხელშეკრულების ფარგლებში.

2. ამხანაგობის მონაწილეთა ტექნიკური დოკუმენტაციის სატენდერო პირობებთან შესაბამისობა დგინდება მონაწილის მიერ შესასრულებელი ვალდებულებისადმი დადგენილ მოთხოვნასთან მიმართებით, ამ პუნქტის პირველი ქვეპუნქტის მოთხოვნათა გათვალისწინებით. ამასთან, არ არის დასაშვები ამხანაგობის მონაწილეთა გამოცდილების შეკრება.

2.2.1.8. შემსყიდველი უფლებამოსილია მომსახურების გაწევის იდენტიფიცირების მიზნით მოითხოვოს პრეტენდენტისაგან დამატებითი ინფორმაციის სახით სხვა ნებისმიერი დოკუმენტი, რომლის წარდგენაც კანონმდებლობით არ არის აკრძალული.

პრეტენდენტს საკუთრებაში ან სარგებლობაში უნდა გააჩნდეს სატენდერო დოკუმენტაციის 1.2.1 პუნქტით გათვალისწინებული საავტომობილო ტრანსპორტი:

* M3 კატეგორიის არანაკლებ 40 (ორმოცი) ადგილიანი არანაკლებ 5 (ხუთი) ერთეული საავტომობილო ტრანსპორტი.
* M2 კატეგორიის არანაკლებ 15 (თხუთმეტი) ადგილიანი არანაკლებ 7 (შვიდი) ერთეული საავტომობილო ტრანსპორტი, გამოშვებული არაუადრეს 2015 წლისა.
* მცირე ტევადობის 3 (სამი) ერთეული მსუბუქი საავტომობილო ტრანსპორტი, გამოშვებული არაუადრეს 2015 წლისა.

აღნიშნულის დასადასტურებლად პრეტენდენტმა ერთიან ელექტრონულ სისტემაში უნდა წარმოადგინოს ინფორმაცია პრეტენდენტის მატერიალურ-ტექნიკური ბაზის შესახებ (დანართი N3), ამასთან ერთად – საკუთრების ან/და სარგებლობის უფლების დამადასტურებელი დოკუმენტ(ებ)ი. საკუთრების შემთხვევაში წარმოდგენილ უნდა იქნას საკუთრების დამადასტურებელი დოკუმენტ(ებ)ი, ხოლო სარგებლობის უფლებით ფლობის შემთხვევაში – სარგებლობის უფლების დამადასტურებელი დოკუმენტ(ებ)ი (მესაკუთრის საკუთრების დამადასტურებელ დოკუმენტთან ერთად), რომელთა მოქმედების ვადა ტოლი უნდა იყოს ან აღემატებოდეს 1.4 პუნქტით გათვალისწინებული მომსახურების გაწევის ვადას.

4.1.1.1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.

4.1.1.2. პრეტენდენტმა აღნიშნული დასკვნის ღირებულება უნდა დაფაროს საკუთარი ხარჯებით და უნდა უზრუნველყოს მისი წარმოდგენა ერთიანი ელექტრონული სისტემის მეშვეობით.

4.1.1.3 იმ შემთხვევაში, თუ პრეტენდენტის მიერ არ იქნა წარმოდგენილი, ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია.

პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება განხორციელდება შემდეგი პირობებით:

7.2.1. ანგარიშსწორების ვალუტა - ლარი.
7.2.2. ანგარიშსწორების ფორმა - უნაღდო, მიმწოდებელთან დადებულ ხელშეკრულებაში მითითებული მიმწოდებლის საბანკო რეკვიზიტების შესაბამისად.
7.2.3. შემსყიდველი იღებს ვალდებულებას გადაუხადოს მიმწოდებელს მიღებული მომსახურების ღირებულება მიწოდებული მომსახურების შესაბამისად, საქართველოს კანონმდებლობით დადგენილი შესაბამისი დოკუმენტაციის წარმოდგენიდან და მიღება-ჩაბარების აქტის გაფორმებიდან 10 (ათი) სამუშაო დღის განმავლობაში, გარდა იმ შემთხვევისა როდესაც მიმწოდებელს ხელშეკრულებით გათვალისწინებული პირობების დარღვევისთვის წარმოეშობა პირგასამტეხლო. პირგასამტეხლოს წარმოშობის შემთხვევაში ანგარიშსწორება მოხდება პირგასამტეხლოს დაფარვის საგადახდო დავალების წარმოდგენიდან 10 (ათი) სამუშაო დღის განმავლობაში. თუ კი ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.
7.2.4. მიმწოდებელი პასუხს აგებს საქართველოს კანონმდებლობით დადგენილი გადასახადების, ბეგარის, მოსაკრებლების და სხვა გადასახდელების გადახდაზე.

ეტაპობრივი ან/და საბოლოო ანგარიშსწორება განხორციელდება მიღება-ჩაბარების აქტის გაფორმებიდან არაუგვიანეს 10 (ათი) სამუშაო დღის ვადაში.

ავთანდილ კაკულია, 599253359, procurement.tsyc@gmail.com

10.1.1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის“ შესაბამისად.
10.1.2. პრეტენდენტს არ აქვს უფლება, წარმოადგინოს ალტერნატიული სატენდერო წინადადება.
10.1.3. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით.
10.1.4. სახელმწიფო შესყიდვების ერთიან ელექტრონულ სისტემაში ატვირთული, პრეტენდენტის მიერ შექმნილი დოკუმენტები ან/და ინფორმაცია წარმოდგენილი უნდა იქნას PDF ფორმატით, ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე, ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა.
10.1.5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.6. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი, ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ ხარჯთაღრიცხვაში განუფასებელი პოზიცი(ებ)ის რაოდენობა არ აღემატება განსაფასებელი პოზიციების 5%-ს).
10.1.7. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. პრეტენდენტი ვალდებულია, დანართ N1-ში (ფასების ცხრილი) მითითებული ერთეულის ფასები გამოსახოს და შესაბამისად გაიანგარიშოს ლარის მეასედის – თეთრების სიზუსტით(მძიმის შემდეგ ორი ციფრი).
10.1.8 იმ შემთხვევაში, თუ სატენდერო დოკუმენტაციაში მითითებული იქნება კონკრეტული საქონლის ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში), იგულისხმება „მსგავსი“ ან „ეკვივალენტური“.