Обувные изделия (Грузия - Тендер #69187367)

ზამთრის ფეხსაცმელი საშუალოყელიანი (შავი)

- მიბმული ფაილის სახით იხილეთ ტექნიკური დავალება და ესკიზები;

- შემოთავაზებულ საქონელს უნდა ჰქონდეს მწარმოებლის მიერ დატანილი ეტიკეტ(ებ)ი ზომის, მწარმოებელი ფირმის, მწარმოებელი ქვეყნის და მოდელის მითითებით, ასევე არსებობის შემთხვევაში შესაძლებელია მითითებულ იქნეს სხვა დამატებითი ინფორმაცია.

- ფეხსაცმლის ზომები შემსყიდველთან შეთანხმებით.

- თითოეული წყვილი ფეხსაცმელი შეფუთული უნდა იყოს ინდივიდუალურად ცალკე ყუთებში. შეფუთვაზე ასევე დატანილი უნდა იყოს ფეხსაცმლის ზომა.

- პრეტენდენტი ვალდებულია საქონლის თარგი და ფერი ნიმუშის წარმოდგენის ეტაპზე შეათანხმოს შემსყიდველთან და შეიკეროს შემსყიდველის მოთხოვნის შესაბამისად.

შენიშვნა: დასაშვებია პრეტენდენტის მიერ როგორც პირველად, ასევე დაზუსტებულ წინადადებაში არ ჰქონდეს იმ მახასიათებლზე კონკრეტული მნიშვნელობები მითითებული, რომლებიც მოცემული იქნება EN ISO 20347 სერტიფიკატში ან რომლებზეც მოთხოვნილია ექსპერტიზის დასკვნა წარმოდგენა ან რომელთა გადამოწმება შესაძლებელია ნიმუშის ვიზუალური დათვალიერებით. ამასთან, ტექნიკური დავალების "წარმოსადგენი ლაბორატორიული (ექსპერტიზის) დასკვნები"-ს გრაფაში განსაზღვრული მონაცემები არ საჭიროებს დაზუსტებას.

საქონლის მიწოდების ვადა: ხელშეკრულების გაფორმების დღიდან 160 კალენდარული დღის განმავლობაში.

საქონლის მიწოდების ადგილი: ქ. თბილისი, ქიზიყის ქ. N5 - შსს საპატრულო პოლიციის დეპარტამენტის საწყობი.

- მიწოდებულ საქონელზე საგარანტიო ვადის ათვლა იწყება მიღება-ჩაბარების აქტის გაფორმების დღიდან და მიუხედავად ხელშეკრულების მოქმედების ვადისა ექსპლუატაციის ნორმების დაცვის შემთხვევაში მოქმედებს არანაკლებ 2 (ორი) წელი.

- საგარანტიო პირობა: შეცვლა ახლით;

- დეფექტის აღმოფხვრის ოპერატიულობა: შემსყიდველის მხრიდან შეტყობინების მიღებიდან 10 (ათი) სამუშაო დღის განმავლობაში;

- საგარანტიო პერიოდში მოწოდებულ საქონელზე გამოყენებული მეტალის მასალა და დამხმარე აქსესუარები არ უნდა დაიჟანგოს, ჩამკეტი მოწყობილობა, ფიქსატორები ძალის ზემოქმედების შედეგად არ უნდა დაიმსხვრეს და დაზიანდეს. უნდა ინარჩუნებდეს ხარისხსა და თვისობრივ მახასიათებლებს.

- მოწოდებული საქონელი რეცხვის დროს უნდა ინარჩუნებდეს ზომას და ფორმას. ყველგან გამოყენებული გვირისტი შესრულებულია სამკერვალო ძაფით, რომელიც ხელის ძლიერი ზემოქმედებით არ წყდება, გვირისტის შესრულება სწორი და პროპორციული. გამძლე.

- შეტყობინება შესაძლებელია განხროციელდეს როგორც წერილობითი და სატელეფონო ზარის, ისე ელექტრონული ფოსტის საშუალებით ერთიან ელექტრონულ სისტემაში მიმწოდებლის პროფილში მითითებულ ელექტრონულ ფოსტაზე, ან მიმწოდებლის მიერვე შემსყიდველისთვის მითითებულ სხვა ელექტრონულ ფოსტაზე.

2.1.1.1 პრეტენდენტი ვალდებულია ფასების ცხრილში (დანართი N1) მიუთითოს შესყიდვის ობიექტის წარმოშობის ქვეყანა, მწარმოებელი (ან ბრენდი) და მოდელი.

2.1.1.2 პრეტენდენტის მიერ 2.1.1.1 პუნქტით გათვალისწინებული ინფორმაციის წარმოუდგენლობა დაზუსტებას არ დაექვემდებარება და გამოიწვევს მის დისკვალიფიკაციას.

პრეტენდენტს, 2023 წლის 01 იანვრიდან უნდა გააჩნდეს არანაკლებ 120 000.00 ლარის ღირებულების ანალოგიური საქონლის (ტანსაცმლის ან/და სპეც. ტანსაცმლის და/ან ფეხსაცმლის ან/და უნიფორმის ან/და ტანსაცმლის აქსესუარების) მიწოდების გამოცდილება. აღნიშნულის დასტურად, პრეტენდენტმა ელექტრონულ სისტემაში უნდა ატვირთოს პროდუქციის მიწოდების დამადასტურებელი დოკუმენტები:
1) ხელშეკრულება/ხელშეკრულებები
2) და ამ ხელშეკრულების საფუძველზე გაფორმებული მიღება-ჩაბარების აქტ(ებ)ი ან/და აღნიშნული პროდუქციის მიწოდების დამადასტურებელი სხვა დოკუმენტაცია.

შემოთავაზებული ფეხსაცმლის მოდელს უნდა გააჩნდეს მოქმედი EN ISO 20347 სერტიფიკატი ან/და ნიმუშთან ერთად პრეტენდენტმა უნდა წარმოადგინოს ექსპერტიზის დასკვნა, რომ ფეხსაცმელმა გაიარა ტესტი შემდეგ კომპონენტებზე. კონკრეტული მოთხოვნები იხილეთ 3.1.1 პუნქტში.

დამატებითი მოთხოვნები:

1. შემოთავაზებული საქონლის ფასი უნდა შეიცავდეს მიმწოდებლის ყველა ხარჯს, მათ შორის ტრანსპორტირების ხარჯსა და საქართველოს კანონმდებლობით დადგენილ ყველა გადასახადს, დაკავშირებულს საქონლის მიწოდებასთან და შემსყიდველის საკუთრებაში გადაცემასთან.

2. შემოთავაზებული საქონლის საერთო და ერთეულის ფასების წარმოდგენა დასაშვებია მხოლოდ ლარში.

3. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია ერთეულის ღირებულება შეამციროს და დაამრგვალოს მეასედებამდე, შესაბამისად შეამციროს საერთო ღირებულებაც.

4.პრეტენდენტის მიერ შემოთავაზებული საქონლის კონკრეტული დასახელება, წარმოშობის ქვეყანა, მწარმოებელი (ან ბრენდი), მოდელი, ერთეულის ფასი და საერთო ფასი, ინფორმაცია შემოთავაზებული საქონლის მიწოდების ვადისა და პირობების შესახებ, ასევე ინფორმაცია შემოთავაზებული საქონლის საგარანტიო ვადის შესახებ მითითებულ უნდა იქნეს სატენდერო პირობების 1.3 პუნქტით გათვალისწინებულ დანართ N1-ში ამავე დანართით გათვალისწინებული პირობების შესაბამისად (დანართი N1 ატვირთულ უნდა იქნეს ერთიან ელექტრონულ სისტემაში). საქონლის ტექნიკური მახასიათებლები მითითებულ უნდა იქნეს ფასების ცხრილის მე-3 გრაფაში ან ატვირთულ უნდა იქნეს ცალკე ფაილად.

5. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე პრეტენდენტები ვალდებულები არიან სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე (გარდა სატენდერო დოკუმენტაციის 2.2.1, 2.7.1 და 4.1.1 პუნქტებით მოთხოვნილი დოკუმენტებისა) შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით (იხ. ინსტრუქცია შემდეგ ბმულზე: (http://procurement.gov.ge/getattachment/News/news-(50)/eSignature_25-Dec-18.pdf.aspx ).
თუ აღნიშნული ვალდებულება დროებით/მუდმივად შეჩერებულ/გაუქმებულ იქნა სხვა ნორმატიული აქტით, პრეტენდენტი თავისუფლდება მოცემული პირობისგან. ასეთ შემთხვევაში დოკუმენტზე შესრულებულ უნდა იქნეს ხელმძღვანელის ან სხვა უფლებამოსილი პირის მიერ სველი ხელმოწერა (ერთიან ელექტრონულ სისტემაში უფლებამოსილი პირის მიერ ხელმოწერილი დოკუმენტების ატვირთვის შემთხვევაში, ასევე ატვირთულ უნდა იქნეს მისი უფლებამოსილების დამადასტურებელი შესაბამისი დოკუმენტ(ებ)ი).

6. შემსყიდველის მიერ მოთხოვნილი ყველა დოკუმენტი ან/და ინფორმაცია პრეტენდენტის მიერ ატვირთულ უნდა იქნეს ერთიან ელექტრონულ სისტემაში; დოკუმენტის უცხოურ ენაზე წარდგენის შემთხვევაში, მას უნდა დაერთოს საქართველოს მოქმედი კანონმდებლობის შესაბამისად დამოწმებული თარგმანი ქართულ ენაზე.

7. შემსყიდველის მოთხოვნის შემთხვევაში, მოთხოვნის შესაბამისად პრეტენდენტმა უნდა წარმოადგინოს იმ მოთხოვნილი დოკუმენტების დედანი ან/და საქართველოს მოქმედი კანონმდებლობის შესაბამისად დამოწმებული ასლ(ებ)ი, რომელიც იყო ატვირთული ერთიან ელექტრონულ სისტემაში;

8. შემსყიდველი უფლებამოსილია ხელშეკრულების ძალაში შესვლის დღიდან, საქონლის მოწოდების სრულად განხორციელებამდე, მოთხოვოს მიმწოდებელს შესყიდვის ობიექტის/მისი შემადგენელი ნაწილის მიწოდებასთან ან/და დამზადებასთან დაკავშირებული ინფორმაცია.

9. პრეტენდენტს არ აქვს უფლება წარმოადგინოს ალტერნატიული წინადადება.

10. ხელშეკრულების გაფორმების შემდეგ, საქონლის მიწოდებისას, თუ კონტროლის განმახორციელებელი პირი ვიზუალური დათვალიერების შედეგად ჩათვლის, რომ შესყიდვის ობიექტი განსხვავდება ტექნიკური აღწერილობისგან ან/და ელექტრონულ ტენდერზე წარმოდგენილი ნიმუშისგან, შემსყდველი უფლებამოსილია მიმწოდებელს მოსთხოვოს, (მოთხოვნა შესაძლებელია განხროციელდეს როგორც წერილობით, ისე ელექტრონული ფოსტის საშულებით ერთიან ელექტრონულ სისტემაში მიმწოდებლის პროფილში მითითებულ ელექტრონულ ფოსტაზე, ან მიმწოდებლის მიერვე შემსყიდველისთვის მითითებულ სხვა ელექტრონულ ფოსტაზე. შეტყობინება ასევე შესაძლებელია განხორციელდეს მხარეთა მიერ შეთანხმებული სხვა ნებისმიერი ფორმით) 15 (თხუთმეტი) სამუშაო დღის განმავლობაში წარმოადგინოს ექსპერტიზის დასკვნა საქონლის ტექნიკურ მოთხოვნებთან შესაბამისობის დადგენის მიზნით. მიმწოდებელმა უნდა წარმოადგინოს სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“, SGS, INTERTEK, EKOTEKS ან სხვა აკრედიტირებული პირის (ასეთ შემთხვევაში, დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი) მიერ გაცემული დასკვნა.

- პრეტენდენტის მიერ წარმოდგენილ უნდა იქნეს შემოთავაზებული საქონლის ნიმუში;

- შემოთავაზებული საქონლის ნიმუში უნდა შეესაბამებოდეს ერთიან ელექტრონულ სისტემაში ელექტრონულად შევსებული სატენდერო დოკუმენტაციის ველებში ასახულ მოთხოვნებსა და პრეტენდენტის მიერ ერთიან ელექტრონულ სისტემაში ატვირთულ ფასების ცხრილში განსაზღვრულ მოთხოვნებს;

- პრეტენდენტის მიერ წარდგენილი შესყიდვის ობიექტის ნიმუში/ექსპერტიზის დასკვნები დაზუსტებას არ ექვემდებარება.

შემოთავაზებული ფეხსაცმლის მოდელს უნდა გააჩნდეს მოქმედი EN ISO 20347 სერტიფიკატი ან/და ნიმუშთან ერთად პრეტენდენტმა უნდა წარმოადგინოს ექსპერტიზის დასკვნა, რომ ფეხსაცმელმა გაიარა ტესტი შემდეგ კომპონენტებზე:

1) საზედაპირე ტყავის სისქე 1.8-2.2 მმ თანახმად EN ISO 2589 -სა;
2) ძირისა და ზედაპირის მიერთების სიმტკიცე თანახმად EN ISO 20347-2012 5.3.1.2-სა (ან უფრო ახალი).
3) ძირის ღუნვაზე მედეგობა თანახმად EN ISO 20347-2012 5.8.4 -სა (ან უფრო ახალი);
4) ძირის ცვეთამედეგობა თანახმად EN ISO 20347-2012 5.8.3 -სა (ან უფრო ახალი);
5) გლეჯვამედეგობა (ძირი) თანახმად EN ISO 20347-2012 5.8.2 -სა (ან უფრო ახალი);
6) საზედაპირე მასალების (ტყავი და ქსოვილი) ხევაზე მედეგობა თანახმად EN ISO 20347-2012 5.4.3-სა (ან უფრო ახალი);
7) ჩასაფენი ღაბაშის სითხის შეწოვა და დეზორბაცია თანახმად EN ISO 20347-2012 5.7.3- სა (ან უფრო ახალი);
8) ჩასაფენი ღაბაშის ცვეთამედეგობა თანახმად EN ISO 20347-2012 5.7.4.2 -სა (ან უფრო ახალი);
9) ძირის ანტისტატიკურობის კვლევა თანახმად EN ISO 20347-2012 6.2.2.2 (ან უფრო ახალი);
10) გლეჯვამედეგობა (სარჩული) თანახმად EN ISO 20347-2012 5.5.1 (ან უფრო ახალი);
11) ცვეთამედეგობა (სარჩული) თანახმად EN ISO 20347-2012 5.5.2 (ან უფრო ახალი);

შ ე ნ ი შ ვ ნ ა: ექსპერტიზის დასკვნის წარმოდგენის შემთხვევაში, პრეტენდენტმა უნდა წარმოადგინოს დალუქული ექსპერტიზაგავლილი მასალა. აღნიშნულის შეუძლებლობის შემთხვევაში უნდა იყოს დასაბუთებული საექსპერტო დაწესებულების მიერ;

EN ISO 20347 სერტიფიკატი ან/და ექსპერტიზის დასკვნა (რომელი მათგანიც იქნება წარმოდგენილი) ატვირთულ უნდა იქნეს ერთიან ელექტრონულ სისტემაში და მასში ნათლად უნდა იკითხებოდეს მოდელის შესახებ შემდეგი ინფორმაცია:

ა) არის თუ არა დამზადებული შავი ფერის ნატურალური ტყავის და შავი ფერის ქსოვილის
კომბინაციით;
ბ) არის თუ არა ენაკი ბადექსოვილის ტექსტილი;
გ) გააჩნია თუ არა წყალგაუმტარი მემბრანის შემცველი სარჩული;
დ) არის თუ არა საყაითნეების მასალა პლასტიკის, უჟანგავი მეტალის ან მათი კომბინაცია;
ე) არის თუ არა ძირის მასალა არანაკლებ ორშრიანი - შიდა ძირ(ებ)ი პოლიურეთანის და გარე ძირი რეზინის და არის თუ არა ინჟექტირების მეთოდით დამაგრებული.

ასევე, ფეხსაცმელი უნდა აკმაყოფილებდეს შემდეგ დამატებით დამცავ ფუნქციებს რაც უნდა დადასტურდეს EN ISO 20347 სერტიფიკატით ან/და ექსპერტიზის დასკვნით (ნიმუშთან ერთად):

1. O2+WR ან O6
2. SRC ან SRA+SRB ან SR
3. CI
4. HI
5. FO
6. HRO

ექსპერტიზის დასკვნის წარმოდგენის შემთხვევაში:

- თუ მიმწოდებელი წინამდებარე ტენდერში არსებულ საბოლოო პროდუქტებს ქმნის ერთიდაიმავე (მ. შ. იდენტური ფერის) ქსოვილით/მასალით, შესაძლებელია შესაბამის ქსოვილებზე/მასალებზე წარმოდგენილი იქნას ერთი დასკვნა.

- ექსპერტიზის დასკვნაში მითითებული უნდა იყოს წინამდებარე ტენდერის უნიკალური ნომერი, რომელთან ერთადაც დასაშვებია მხოლოდ შს სამინისტროს სისტემაში შემავალი შემსყიდველი ორგანიზაციების მიერ გამოცხადებული სხვა ტენდერის ნომრების მითითება.

- პრეტენდენტი ვალდებულია შემსყიდველ ორგანიზაციაში წარმოადგინოს შემოთავაზებული საქონლის ნიმუშთან ერთად სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ SGS, INTERTEK, EKOTEKS ან სხვა აკრედიტირებული პირის (ასეთ შემთხვევაში, დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი) მიერ გაცემული შესაბამისი დასკვნის ორიგინალი/დედანი და ექსპერტიზაგავლილი მასალა.

- წარმოდგენილი ნიმუში შემოწმების მიზნით დაზიანდება, შესაბამისად ის დაბრუნებას არ ექვემდებარება.

შენიშვნა: ექსპერტიზაგავლილი ქსოვილი/მასალა არის ქსოვილი/მასალა რომელზეც უშუალოდ ჩატარდა ექსპერტიზა ან/და ე.წ. დარჩენილი ორიგინალი ქსოვილი/მასალა.

შემოთავაზებული საქონლის ნიმუში და ლაბორატორიული (ექსპერტიზის) დასკვნები წარმოდგენილ უნდა იქნეს შემდეგ მისამართზე: თბილისი, ნოე რამიშვილის ქ. N38 - შსს საპატრულო პოლიციის დეპარტამენტის ადმინისტრაციული შენობა, 18:00 საათამდე.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.

4.1.1.2 დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მულის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

5 Процентов

10 Процентов

ხელშეკრულების უზრუნველყოფის საბანკო გარანტიის მოქმედების ვადა არანაკლებ 30 (ოცდაათი) კალენდარული დღით უნდა აღემატებოდეს ხელშეკრულების მოქმედების ვადას.

6.4.1 ხელშეკრულების უზრუნველყოფის გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, ეროვნულ ვალუტაში - ლარში. გარანტია უნდა იყოს უპირობო და გამოუთხოვადი რაც გულისხმობს, გარანტი იღებს ვალდებულებას, ყოველგვარი დამატებითი მტკიცებულებების გარეშე, პირველივე წერილობითი მოთხოვნის წარდგენიდან მომდევნო 5 (ხუთი) სამუშაო დღის ვადაში, გადაუხადოს ბენეფიციარს თანხა თუ პრინციპალმა არ შეასრულა ბენეფიციართან გაფორმებული სახელმწიფო შესყიდვების შესახებ ხელშეკრულებით ნაკისრი ვალდებულებები, ასევე, გარანტიის თანხა არ უნდა მცირდებოდეს შესრულებული სამუშაოების პროპორციულად.

6.4.2 ხელშეკრულების შესრულების უზრუნველყოფის გარანტიაში მითითებულ უნდა იქნეს შესყიდვის კონკრეტული დასახელება, აღნიშნულ შესყიდვასთან დაკავშირებით ერთიან ელექტრონულ სისტემაში განთავსებული განცხადების ნომერი და პრეტენდენტის საიდენტიფიკაციო კოდი.

6.4.3 თეთრ სიაში დარეგისტრირებული მიმწოდებელისათვის ხელშეკრულების შესრულების უზრუნველყოფის გარანტიის თანხის ოდენობა ნახევრდება.

7.1.1.1 წინასწარი ანგარიშსწორების (ავანსი) გამოყენება შესაძლებელია, ხელშეკრულების საერთო ღირებულების არაუმეტეს 50%-ის ოდენობით, საავანსო თანხის იდენტური ოდენობის უპირობო გამოუთხოვადი გარანტიის წარმოდგენის საფუძველზე, რომლის მოქმედების ვადა 60 (სამოცი) კალენდარული დღით უნდა აღემატებოდეს მოწოდების ვადას) რაც გულისხმობს, გარანტი იღებს ვალდებულებას, ყოველგვარი დამატებითი მტკიცებულებების გარეშე, პირველივე წერილობითი მოთხოვნის წარდგენიდან მომდევნო 5 (ხუთი) სამუშაო დღის ვადაში, გადაუხადოს ბენეფიციარს თანხა თუ პრინციპალმა არ შეასრულა ბენეფიციართან გაფორმებული სახელმწიფო შესყიდვების შესახებ ხელშეკრულებით ნაკისრი ვალდებულებები.

7.1.1.2 წინასწარი ანგარიშსწორების (საავანსო) გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან/და სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან ეროვნულ ვალუტაში - ლარში.

7.1.1.3 დარჩენილი ღირებულების გადახდა მოხდება ავანსად მიღებული თანხის სრულად გამოქვითვის შემდეგ.

7.1.1.4 წინასწარი ანგარიშსწორება განხორციელდება 2026 წლის 01 იანვრის შემდგომ მიმწოდებლის მიერ წარმოდგენილი შესაბამისი ოდენობის საავანსო თანხის საბანკო გარანტიის (საბანკო გარანტიის გაცემის თარიღი არ უნდა იყოს არაუადრეს 2026 წლის 01 იანვრისა) წარმოდგენიდან 10 (ათი) სამუშაო დღის განმავლობაში.

- ანგარიშსწორება განხორციელდება ფაქტობრივად მიწოდებული საქონლის მიხედვით, შესაბამისი "მიღება-ჩაბარების" აქტ(ებ)ის გაფორმებისა და საქართველოს კანონმდებლობით დადგენილი შესაბამისი დოკუმენტების წარმოდგენის შემდეგ.

- ანგარიშსწორების ვალუტა - ლარი.

- გადახდის ფორმა იქნება უნაღდო, გადარიცხვა მოხდება მიმწოდებლის საბანკო ანგარიშზე.

ანგარიშსწორება განხორციელდება ფაქტობრივად მიწოდებული საქონლის მიხედვით, შესაბამისი „მიღება-ჩაბარების“ აქტ(ებ)ის გაფორმებისა და საქართველოს კანონმდებლობით დადგენილი შესაბამისი დოკუმენტების წარმოდგენიდან 10 (ათი) სამუშაო დღის განმავლობაში.

დავით გუმბერიძე, 577773045, gumberidze@mia.gov.ge სატენდერო პირობებთან დაკავშირებით: თამარ ციხისელი 577 77 46 65

დამატებითი ინფორმაცია:

• ერთიან ელექტრონულ სისტემაში ელექტრონულად შევსებული სატენდერო დოკუმენტაციის ველებში მოცემული პირობების შესახებ დამატებითი ინფორმაციისა და განმარტებების მოთხოვნა შესაძლებელია სისტემის შესაბამისი მოდულის მეშვეობით ან/და სატენდერო კომისიის აპარატის იმ წევრისგან, რომლის საკონტაქტო ინფორმაციაც მითითებულია სატენდერო დოკუმენტაციის 9.1 პუნქტის ველში;

• შემსყიდველ ორგანიზაციასა და პრეტენდენტს შორის ნებისმიერი მიმოწერა მიმდინარეობს სისტემის შესაბამისი მოდულის მეშვეობით და სისტემის გამოყენების გარეშე მიმოწერა სავალდებულო არ არის. შეტყობინება ოფიციალურად მიღებულად ჩაითვლება მისი სისტემაში ატვირთვის მომენტიდან;

• ელექტრონულად შევსებული სატენდერო დოკუმენტაციის პირობების ველებსა და ატვირთულ დოკუმენტებს შორის წინააღმდეგობის არსებობის შემთხვევაში უპირატესობა ენიჭება სატენდერო დოკუმენტაციის ველებს;

• პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შსს საპატრულო პოლიციის დეპარტამენტის მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.