Ремонт и техническое обслуживание транспортных средств и оборудования и сопутствующие услуги (Грузия - Тендер #69154504)

სსიპ - დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს ბალანსზე რიცხული 45 (ორმოცდახუთი) ავტოსატრანსპორტო საშუალების შეკეთებისა და ტექნიკური მომსახურების სახელმწიფო შესყიდვა ტექნიკური დავალებით განსაზღვრული პირობების შესაბამისად.

1.2.1. სსიპ - დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს ბალანსზე რიცხული სხვადასხვა სახის ავტოსატრანსპორტო საშუალების შეკეთება და ტექნიკური მომსახურება უნდა განხორციელდეს სატენდერო დოკუმენტაციით გათვალისწინებულ დანართი N1-ში მოცემულ კონკრეტულ ავტოსატრანსპორტო საშუალებებზე (კონკრეტული მარკის, მოდელის, საიდენტიფიკაციო ნომრის, გამოშვების წლის შესაბამისად);
1.2.2. მომსახურების გაწევის პირობები:
- მომსახურების გაწევა უნდა განხორციელდეს: ქ. თბილისში, ქ, ქუთაისში, ქ. ფოთი, ქ. ბათუმში, ქ. ზუგდიდში, ქ. გორში, ქ. თელავში, ქ. ახალციხეში.
- პრეტენდენტს საკუთრებაში ან/და სარგებლობაში უნდა გააჩნდეს არანაკლებ 1 (ერთი) სერვის-ცენტრი შემდეგ ქალაქებში: ქ. თბილისში, ქ, ქუთაისში, ქ. ფოთი, ქ. ბათუმში, ქ. ზუგდიდში, ქ. გორში, ქ. თელავსა და ქ. ახალციხეში.
- სერვისცენტრის ადგილმდებარეობა და რეკვიზიტები მითითებული უნდა იქნას სატენდერო დოკუმენტაციის N3 დანართში.
- პრეტენდენტმა თავისი ტექნიკური შესაძლებლობებით უნდა უზრუნველყოს N1 დანართში მოცემული ავტოსატრანსპორტო საშუალებების გამართული ფუნქციონირება, რაც თავისმხრივ გულისხმობს - საწარმოო ფართს, საწარმოო და სასაწყობო სათავსოებს, დაცულ ავტოსადგომს, სამუშაოს შესრულებისათვის საჭირო ძირითად და სათადარიგო მანქანა-დანადგარებს, საწარმოო სიმძლავრეებს, ავტონომიურ ელექტრო კვებასა და უსაფრთხოების უზრუნველყოფას.
- ტენდერში გამარჯვებულმა კომპანიამ ყოველ კონკრეტულ შემთხვევაზე უნდა მიანიჭოს პრიორიტეტული უფლება სსიპ - დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს ავტოსატრანსპორტო საშუალებებს, რაც გულისხმობს მათ რიგგარეშე და დაუყოვნებლივ მომსახურეობას.
- ტენდერში გამარჯვებულმა პრეტენდენტმა ოპერატიულად უნდა უზრუნველყოს სატენდერო დოკუმენტაციით გათვალისწინებულ N1 დანართში მითითებული ავტოსატრანსპორტო საშუალებების შეკეთება და ტექნიკური მომსახურება სერვისცენტრში, ხოლო საჭიროების შემთხვევაში უზრუნველყოს ევაკუატორის დაქირავება და ავტომანქანის გადაყვანა სერვისცენტრში შესაკეთებლად ან საკუთარი მობილური ჯგუფის მეშვეობით ადგილზე ან სერვისცენტრში გადაყვანის შემდგომ მოახდინოს ავტომანქანის შეკეთება და ტექმომსახურების გაწევა. ავტოსატრანსპორტო საშუალებები შეკეთება გულისხმობს ყველა სახის სამუშაოებს ავტოსატრანსპორტო საშუალებების შეუფერხებელი ფუნქციონირების უზრუნველყოფის მიზნით, მათ შორის მიმდინარე და კაპიტალურ რემონტს, პროფილაქტიკური და დიაგნოსტიკური სამუშაოების ჩატარებას, უწესრიგობების აღმოფხვრას, სათადარიგო ნაწილების მოხსნა-დაყენებას, შეკეთებას ან/და გამოცვლას, საცხებ - საპოხი მასალების გამოცვლას, სათუნუქე და სამღებრო სამუშაოებს, ელექტროგაყვანილობების რემონტს და სხვა ძირითად კვანძებსა და მომსახურებას, რომლებიც მთლიანობაში ასახულია სატენდერო დოკუმენტაციით გათვალისწინებულ N1 დანართში (პრეისკურანტი).
1.2.3.სხვადასხვა სახის ავტოსატრანსპორტო საშუალებების ტექნიკური მომსახურება უნდა განხორციელდეს მიმწოდებლისა და შემსყიდველის მიერ გამოყოფილი უფლებამოსილი პირების მიერ შედგენილი დეფექტური აქტის საფუძველზე;
1.2.4. შემსყიდველის წარმომადგენლის მიერ ავტომანქანის მიმწოდებლის სერვისცენტრში შეყვანიდან მაქსიმუმ 1 (ერთი) საათის განმავლობაში მიმწოდებელი ვალდებულია შეადგინოს დეფექტური აქტი, რომლის ელექტრონული ვერსია დაუყოვნებლივ უნდა გაუგზავნოს შემსყიდველის მიერ გამოყოფილ კოორდინატორს ელ. ფოსტის მისამართზე შემდგომი შეთანხმებისთვის და შემსყიდველის თანხმობის (შესაძლებელია შემსყიდველის მიერ განხორციელდეს დეფექტურ აქტში მითითებული მომსახურების ან საქონლის რაოდენობის კორექტირება) შემთხვევაში მისი ხელმოწერის (ორივე მხარის მიერ ხელმოწერის შემდეგ დეფექტურ აქტში აუცილებლად უნდა დაფიქსირდეს თარიღი და დრო) შემდეგ მიმწოდებელმა დაიწყოს მომსახურების განხორციელება, ხოლო თუ მიმწოდებელი არ მოაწერს დეფექტურ აქტს ხელს შემსყიდველს უფლება აქვს ცალმხრივად გაწყვიტოს ხელშეკრულება. დეფექტურ აქტში მითითებულ უნდა იქნას დაზიანებული ავტოსატრანსპორტო საშუალების ფირმა, მოდელი, გამოშვების წელი, საიდენტიფიკაციო ნომერი და გარბენი (კილომეტრაჟი). აღმოჩენილი ხარვეზი, აღნიშნული ხარვეზის აღმოფხვრისათვის საჭირო გასაწევი მომსახურებების ჩამონათვალი (საჭიროების შემთხვევაში შესაცვლელი სათადარიგო ნაწილების გათვალისწინებით), ხელშეკრულების პრეისკურანტში (დანართი N1) მითითებული ღირებულებების შესაბამისად;
1.2.5. პრეტენდენტი ვალდებულია მოახდინოს ავტომობილის შეკეთება შემდეგ ვადებში:
- ძრავის ზეთის, ფილტრებისა და სამუხრუჭე ხუნდის შეცვლა არაუმეტეს 1 სამუშაო დღე.
- სავალი ნაწილების შეცვლა/აღდგენა მოთხოვნიდან არაუმეტეს 1 სამუშაო დღე.
- ძრავის, გადაცემათა კოლოფის და ხიდების ძირეული შეკეთება მოთხოვნიდან არაუმეტეს 5 სამუშაო დღე.
- ელექტრული დეტალების შეცვლა/აღდგენა მოთხოვნიდან 1 სამუშაო დღე.
- თუ ავტომობილს დასჭირდა ისეთი დეტალი, რომლებიც არ აღმოაჩნდა მიმწოდებელს და არ არის გაყიდვაში ადგილობრივ ბაზარზე, მომწოდებელს მიეცემა შეძენა/შეკეთებისთვის გონივრული ვადა არაუმეტეს 40 დღის ოდენობით.
1.2.6. თუ გასაწევი მომსახურება არ არის გათვალისწინებული პრეისკურანტში მაშინ მხარეები შეთანხმების საფუძველზე აღნიშნულ გასაწევ მომსახურებას ან/და შესაცვლელი სათადარიგო ნაწილს ღირებულებების გათვალისწინებით უთითებენ დეფექტურ და მიღება-ჩაბარების აქტებში, ხელშეკრულებაში დამატებითი ცვლილებების შეტანის შემდგომ, სახელშეკრულებო ღირებულების შეუცვლელად.
1.2.7. გაწეულ მომსახურებაზე ყოველ კონკრეტულ შემთხვევაში მხარეები ადგენენ მიღება-ჩაბარების აქტს, რომელშიც მითითებული უნდა იყოს გაწეული მომსახურების დეტალური აღწერა (საჭიროების შემთხვევაში სათადარიგო ნაწილ(ებ)ის გათვალისწინებით), რაოდენობა ან/და მოცულობა, ფასი და საერთო ღირებულება (მომსახურებების ფასები გათვალისწინებული იქნება პრეისკურანტში მოცემული ფასების შესაბამისად, ხოლო პრეისკურანტით გაუთვალისწინებელი მომსახურების ან/და შესაცვლელი სათადარიგო ნაწილის შემთხვევაში ფასი დადგინდება შემსყიდველთან წინასწარ შეთანხმების საფუძველზე მიმდინარე დროისთვის ბაზარზე არსებული ღირებულებების შესაბამისად).
1.2.8. პრეტენდენტის მიერ ერთიანი ელექტრონული სისტემის მეშვეობით წარდგენილი წინადადების ფასი არ უნდა აღემატებოდეს პრეისკურანტის სავარაუდო ღირებულებას და ფასის კლება შესაძლებელია განხორციელდეს მხოლოდ პრეისკურანტის სავარაუდო ღირებულებასთან მიმართებაში.
1.2.9. გასაწევი მომსახურებების და სათადარიგო ნაწილების ერთეულის ღირებულებები პოზიციების შესაბამისად პრეტენდენტის მიერ მითითებული უნდა იქნას პრეისკურანტში (დანართი N1) და არ უნდა აღემატებოდეს პრეისკურანტში ამავე პოზიციებზე დაფიქსირებულ ფასებს.
1.2.10.შემსყიდველის მიერ წარმოდგენილი პრეისკურანტის სავარაუდო ღირებულებასა და პრეტენდენტის მიერ დაფიქსირებულ ფასს შორის სხვაობის არსებობის შემთხვევაში, სხვაობა უნდა გამოანგარიშდეს პროცენტულად, რომლის მიხედვითაც ფასთა კლება პრეტენდენტმა პროცენტულად და პროპორციულად უნდა ასახოს №1 დანართიში მოცემულ ყველა პოზიციაზე.

ავტოსატრანსპორტო საშუალებების შეკეთება და ტექნიკური მომსახურება უნდა განხორციელდეს 2026 წლის 01 იანვრიდან, ეტაპობრივად, 2026 წლის 31 დეკემბრის ჩათვლით.

1.5.1 მომსახურების გაწევა უნდა განხორციელდეს მიმწოდებლის მიერ, მისივე ხარჯებით, დაუყოვნებლივ და რიგგარეშე.
1.5.2 მომსახურების გაწევა უნდა განხორციელდეს: ქ. თბილისში, ქ, ქუთაისში, ქ. ფოთი, ქ. ბათუმში, ქ. ზუგდიდში, ქ. გორში, ქ. თელავში, ქ. ახალციხეში, მომწოდებლის საკუთრებაში ან/და სარგებლობაში არსებულ სერვის ცენტრებში (დანართი N3).

1.7.1.1. ავტომანქანების ტექნიკური მომსახურება უნდა განხორციელდეს მაღალხარისხოვნად, აღნიშნულ მომსახურებაზე არსებული სტანდარტების სრული დაცვით. ყველა გამოცვლილი დეტალი უნდა იყოს ახალი (გამონაკლისის შემთხვევაში, შემსყიდველთან შეთანხმებით დასაშვებია მეორადი), ხარისხიანი და ქარხნული წარმოების, წინააღმდეგ შემთხვევაში იგი ვალდებულია საკუთარი სახსრებით თავად უზრუნველყოს, როგორც მომსახურეობის მიმდინარეობის პერიოდში, ასევე საგარანტიო პერიოდში აღმოჩენილი ნებისმიერი ხარვეზის აღმოფხვრა, ასევე აღნიშნული მომსახურების პროცესში და საგარანტიო პერიოდში არახარისხოვნად გაწეული მომსახურების შედეგად გამოვლენილი ნებისმიერი სხვა ზიანის აღმოფხვრა შემსყიდველის მხრიდან დამატებითი ხარჯების გაწევის გარეშე.
1.7.1.2. მიმწოდებლის მიერ გაწეულ მომსახურებას და გამოყენებულ სათადარიგო ნაწილებზე უნდა გავრცელდეს გარანტია. როგორც ძრავზე, გადაცემათა კოლოფზე და ხიდზე, ასევე სხვა დანარჩენზე არანაკლებ 6 (ექვსი) თვე, გარდა იმ შემთხვევისა, როდესაც დაზიანება გამოწვეულია არასწორი ექსპლუატაციითა და გარეგანი ზემოქმედების შედეგად.
1.7.1.3.საცხებ-საპოხი მასალებზე, საგარანტიო ვადა განისაზღვრება კილომეტრაჟით:
- ძრავის ზეთებზე გარანტია - არანაკლებ 8 000 კმ;
- ავტომატური და მექანიკური გადაცემათა კოლოფის ზეთებზე გარანტია - არანაკლებ 30 000 კმ;

ინფორმაცია საგარანტიო ვადასთან დაკავშირებით პრეტენდენტმა უნდა წარმოადგინოს ტექნიკური დოკუმენტაციის სახით N2 დანართის შესაბამისად, სადაც "არანაკლებ" და სხვა მსგავსი ტერმინის გარეშე უნდა მიუთითოს ზუსტი მონაცემები.

2.2.1.1.პრეტენდენტს, უნდა გააჩნდეს ანალოგიური მომსახურების არანაკლებ 3 წლიანი გამოცდილება. პრეტენდენტს 2023, 2024 და 2025 წლებში, ყოველ წელიწადს, გაფორმებული უნდა ჰქონდეს მინიმუმ 1 ხელშეკრულება ანალოგიურ მომსახურებაზე (ავტოსატრანსპორტო საშუალების შეკეთება და ტექნიკური მომსახურება), რომელთა ფარგლებში ფაქტობრივად გაწეული მომსახურების ჯამური ღირებულება არ უნდა იყოს 1 000 000.00 (ერთი მილიონი) ლარზე ნაკლები (სამივე წლის ხელშეკრულებებით გაწეული მომსახურებების ჯამი).
ზემოაღნიშნული ინფორმაციის დასადასტურებლად პრეტენდენტმა უნდა წარმოადგინოს (სისტემაში ატვირთოს) ტენდერით გათვალისწინებულ ანალოგიურ მომსახურებაზე (ავტოსატრანსპორტო საშუალების შეკეთება და ტექნიკური მომსახურება) გაფორმებული ხელშეკრულებებისა და მიღება-ჩაბარების აქტის ასლები, საგადახდო და საგადასახადო დოკუმნეტები ან ინფორმაცია სატენდერო განცხადების SPA, NAT, CMR და ა.შ ნომრების შესახებ (ამ შემთხვევაში დამატებითი დოკუმენტაციის, ხელშეკრულება და მიღება-ჩაბარების აქტი, წარმოდგენა სავალდებულო არ არის), რითაც პრეტენდენტი დაადასტურებს ანალოგიური მომსახურების შესახებ თავის გამოცდილებას.
ინფორმაცია გამოცდილებასთან დაკავშირებით პრეტენდენტმა უნდა წარმოადგინოს ტექნიკური დოკუმენტაციის სახით.
2.2.1.2.პრეტენდეტმა უნდა წარმოადგინოს 3 (სამი) სარეკომენდაციო წერილი, 100 000 (ასი ათასი) ლარის და მეტი ღირებულების ანალოგიური (ავტოსატრანსპორტო საშუალების შეკეთება და ტექნიკური მომსახურება) მომსახურების გაწევაზე.
სარეკომენდაციო წერილები უნდა მოიცავდეს შემდეგ ინფორმაციას:
მითითებას ხელშეკრულებაზე, რომლის ფარგლებშიც გაიცემა დადებით რეკომენდაცია; შესაბამისად წარმოდგენილი უნდა იყოს ეს ხელშეკრულებები და მათი შესრულების დამადასტურებელი დოკუმენტაცია (ს/დ 2.2.1.1 პუნქტის მიხედვით).

2.3.1.1.პრეტენდენტს საკუთრებაში ან/და სარგებლობაში უნდა გააჩნდეს მინიმუმ 1 (ერთი) სერვის-ცენტრი შემდეგ ქალაქებში: ქ. თბილისში, ქ, ქუთაისში, ქ. ფოთი, ქ. ბათუმში, ქ. ზუგდიდში, ქ. გორში, ქ. თელავსა და ქ. ახალციხეში.
2.3.1.2. თითოეულ სერვის-ცენტრს საწარმოო ფართის მიმდებარედ უნდა გააჩნდეს სასაწყობე ფართი და დაცული ავტოსადგომი.
2.3.1.3. პრეტენდენტის მიერ წარმოდგენილი ავტოსერვისცენტრები უნდა იყოს აღჭურვილი შემდეგი მატერიალურ-ტექნიკური აღჭურვილობით:
1. ელექტრო მომარაგების ალტერნატიული წყარო (გენერატორი) ყველა ზემოთხსენებულ რეგიონებში არსებულ სერვისცენტრში.
2. ელექტრო სისტემის კომპიუტერული დიაგნოსტიკა ყველა ზემოთხსენებულ რეგიონებში არსებულ სერვისცენტრში.
3. ამწე მექანიზმი არანაკლებ 3 ერთეული ყველა ზემოთხსენებულ რეგიონებში არსებულ სერვისცენტრში.
4. საყრდენი დისკის გასაჩარხი აპარატი ყველა ზემოთხსენებულ რეგიონებში არსებულ სერვისცენტრში.
5. ვულკანიზაციის, ბალანსირების და დისკების გასწორების აპარატი ყველა ზემოთხსენებულ რეგიონებში არსებულ სერვისცენტრში.
6. თვლების შეყრის კომპიუტერული დიაგნოსტიკის აპარატი ყველა ზემოთხსენებულ რეგიონებში არსებულ სერვისცენტრში.
7. ძრავის დიაგნოსტირება და კაპიტალური შეკეთება არანაკლებ თბილისის სერვისცენტრში.
8. გადაცემათა კოლოფის და ხიდების კაპიტალური შეკეთება არანაკლებ თბილისის სერვისცენტრში.
9. დიზელის სისტემის დიაგნოსტირება და შეკეთება არანაკლებ თბილისის სერვისცენტრში.
10. ძრავისა ზეთის შეცვლა ყველა ზემოთხსენებულ რეგიონებში არსებულ სერვისცენტრში.
11. ავტომატური კოლოფის ზეთის შეცვლა აპარატით ყველა ზემოთხსენებულ რეგიონებში არსებულ სერვისცენტრში.
12. პირველადი მოთხოვნის მარაგი ადგილზე: ზეთი, ფილტრები და ხუნდები ყველა ზემოთხსენებულ რეგიონებში არსებულ სერვისცენტრში.

პრეტენდენტმა მატერიალურ-ტექნიკურ ბაზასთან დაკავშირებული მოთხოვნილი ინფორმაცია უნდა წარმოადგინოს ტექნიკური დოკუმენტაციის სახით N3 დანართის შესაბამისად;

ტექნიკური დოკუმენტაციის სახით წარმოდგენილი უნდა იქნას სერვის ცენტრების საკუთრება/სარგებლობის დამადასტურებელი დოკუმენტები.

პრეტენდენტის მიერ სისტემაში სავალდებულოდ ასატვირთი დოკუმენტები:
1. დანართი N1 (განფასებული პრეისკურანტი), რომელიც სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების თანახმად, არ საჭიროებს ხელმოწერას ან/და ბეჭედს (მათ შორის ელექტრონულ ხელმოწერას ან/და ელექტრონულ შტამპს);
2. დანართი N2 (მომსახურებისა და სათადარიგო ნაწილების საგარანტიო პირობები და ვადები);
3. დანართი N3 (სერვის - ცენტრების ტექნიკური შესაძლებლობები);
4.პრეტენდენტის გამოცდილების დამადასტურებელი დოკუმენტები და რეკომენდაციები, სატენდერო დოკუმენტაციის 2.2.1 პუნქტის შესაბამისად;
5. სერვის ცენტრის საკუთრება/სარგებლობის დამადასტურებელი დოკუმენტები;
6. დანართი N4 (პრეტენდენტის რეკვიზიტები) იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ინფორმაცია რეკვიზიტების შესახებ.

პრეტენდენტს სავარაუდო ღირებულებასთან შედარებით საბოლოო ფასის 20 %-ით ან მეტით კლების შემთხვევაში მოეთხოვება ფასწარმოქმნის ადეკვატურობა.
ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ ხელშეკრულებით ნაკისრი ვალდებულებების შესრულების შესაძლებლობას, როგორც მის მიერ დაფიქსირებულ წინადადების ფასთან (პრეისკურანტის ჯამურ ღირებულებასთან), ასევე პრეისკურანტის ერთეულებთან მიმართებაში.

7.2.1.ანგარიშსწორება განხორციელდება ეტაპობრივად უნაღდო ანგარიშსწორებით ეროვნულ ვალუტაში – ლარში, ვალდებულების შესრულების დამადასტურებელი დოკუმენტების, მხარეთა შორის გაფორმებული მიღება-ჩაბარების აქტის და შემსყიდველის მიერ საქართველოს საგადასახადო კანონმდებლობით გათვალისწინებული შესაბამისი საგადასახადო დოკუმენტაციის დადასტურების საფუძველზე.
7.2.2.მიღება-ჩაბარების აქტი მხარეთა შორის გაფორმდება ფაქტობრივად გაწეული მომსახურების შესაბამისად, ინსპექტირების განმახორციელებელი პირის მიერ შედგენილი დადებითი ინსპექტირების დასკვნის საფუძველზე.

ანგარიშსწორება განხორციელდება, სატენდერო დოკუმენტაციის 7.2 პუნქტით განსაზღვრული პირობების შესაბამისად შედგენილი დოკუმენტაციის წარმოდგენიდან/დადასტურებიდან, არაუგვიანეს 10 სამუშაო დღეში.

ინგა გულორდავა, 595015004, ingulordava@prevention.gov.ge

10.1 დამატებითი ინფორმაცია/დოკუმენტები:
10.1.1 ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე. დოკუმენტებთან დაკავშირებული სადავო საკითხების გადაწყვეტისას, უცხოურენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.2 სახელმწიფო შესყიდვების ერთიან ელექტრონულ სისტემაში (შემდგომში – სისტემა), ატვირთული ყველა დოკუმენტი (მათ შორის დანართები) ან/და ინფორმაცია, უფლებამოსილი პირის მიერ (საჭიროების შემთხვევაში ატვირთულ უნდა იქნას უფლებამოსილი პირის მინდობილობა ან რწმუნებულება) დამოწმებული უნდა იყოს ელექტრონული ხელმოწერით ან/და კვალიფიციური ელექტრონული შტამპით, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების გათვალისწინებით.
10.1.3 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად.
10.1.4 პრეტენდენტის მიერ წარმოდგენილ პრეისკურანტში დაფიქსირებული მომსახურების ერთეულის ღირებულება არ უნდა აღემატებოდეს სატენდერო დოკუმენტაციის სახით განსაზღვრული პრეისკურანტის შესაბამის პოზიციაზე დაფიქსირებულ ერთეულის სავარაუდო ღირებულებას.
10.1.5 შემსყიდველის მიერ წარმოდგენილი პრეისკურანტის სავარაუდო ღირებულებასა და პრეტენდენტის მიერ დაფიქსირებულ ფასს შორის სხვაობის არსებობის შემთხვევაში, სხვაობა უნდა გამოანგარიშდეს პროცენტულად, რომლის მიხედვითაც ფასთა კლება პრეტენდენტმა პროცენტულად და პროპორციულად უნდა ასახოს დანართი №1‐ში მოცემულ ყველა პოზიციაზე.
10.1.7 ტექნიკური დოკუმენტაცია დაზუსტებას არ დაექვემდებარება, თუ ხარჯთაღრიცხვა (პრეისკურანტი) არ იქნება წარმოდგენილი, ან იქნება წარმოდგენილი განუფასებლად, ან თუ განუფასებელი პოზიცი(ებ)ის რაოდენობა აღემატება განფასებულის - 1 %, ან იქნება არსებითად შეუსაბამო (ერთეულის ფას(ებ)ი აღემატება შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის სავარაუდო ფას(ებ)ს), აღნიშნულ შემთხვევაში მოხდება პრეტენდენტის დისკვალიფიკაცია შესყიდვის პროცედურიდან.
10.1.8 სატენდერო წინადადების წარდგენა გულისხმობს, რომ პრეტენდენტი ეთანხმება სატენდერო პირობებს.
10.1.9 სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი.
10.1.10 სატენდერო დოკუმენტაცია, ავტოსატრანსპორტო საშუალებების ტექნიკური მომსახურების გაწევას ქვეკონტრაქტორის საშუალებით არ ითვალისწინებს, პრეტენდენტი უშუალოდ უნდა აკმაყოფილებდეს სატენდერო დოკუმენტაციით განსაზღვრულ მოთხოვნებს.
10.1.11 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.12 სატენდერო დოკუმენტაციის ველებსა და ატვირთულ დოკუმენტებს შორის წინააღმდეგობის არსებობის შემთხვევაში უპირატესობა ენიჭება სატენდერო დოკუმენტაციის ველებს.
10.1.13.პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს.