Услуги по очистке и санации (Грузия - Тендер #69096431)

სადეზინფექციო, სადეზინსექციო, სადერატიზაციო, გველებთან და მორიელებთან ბრძოლის ღონისძიებების გატარების და სეზონური და სხვა ვირუსების პრევენციის მიზნით საქართველოს მასშტაბით ეროვნული არქივის ბალანსზე რიცხული საოფისე ფართების დეზინფექციის მომსახურების სახელმწიფო შესყიდვა.

შესყიდვის ობიექტის დასახელება, რაოდენობა, მიწოდების ვადები და ადგილი მოცემულია ტექნიკური დავალებაში. იხილეთ ტექნიკური დავალება.
1.2.1 მომსახურების გაწევისას მიმწოდებელმა უნდა დაიცვას უსაფრთხოების წესები;
1.2.2 მიმწოდებელი პასუხისმგებელია მომსახურების ხარისხზე, რაც გულისხმობს არსებულ სფეროში უახლესი სადეზინფექციო, სადეზინსექციო,სადერატიზაციო, გველებთან და მორიელებთან ბრძოლის ეფექტური საშუალებებით, მასალებით (ქიმიკატებით) გაწეულ მომსახურებას;
1.2.3. მომსახურება გაწეულ უნდა იქნას უსაფრთხო და სპეციფიკური სუნის გარეშე სადეზინფექციო საშუალებებით, რაც უნდა იყოს მდგრადი და უნდა მოქმედებდეს მინიმუმ 45 (ორმოცდახუთი) დღის განმავლობაში. იმ შემთხვევაში, თუ მომსახურების პროცესში გამოსაყენებელი საშუალება (შხამქიმიკატი) ჯანმრთელობისთვის საშიშია, წინასწარ უნდა ეცნობოს შემსყიდველს და მიეცეს შესაბამისი რეკომენდაცია. ასეთ შემთხვევაში სამუშაო უნდა ჩატარდეს კვირის ბოლო სამუშაო დღეს.

1.4.1. შესასყიდი მომსახურების გაწევის ვადა შეადგენს: 2026 წლის 01 იანვრიდან 2026 წლის 31 დეკემბრის ჩათვლით პერიოდს, კვარტალში ორჯერ. შესყიდვის ობიექტის მიწოდება შესაძლებელია მოთხოვნილი იქნას კვარტალში სამჯერ, შემსყიდველის წერილობითი მოთხოვნიდან 3 (სამი ) სამუშაო დღეში, ხოლო გადაუდებელი საჭიროების შემთხვევაში, შემსყიდველის წერილობითი მოთხოვნიდან დაუყოვნებლივ, მაგრამ არაუგვიანეს 1 (ერთი) სამუშაო დღეში.
1.4.2. ტექნიკური დავალების მე-17 პოზიციით განსაზღვრული მომსახურების გაწევის ვადა შეადგენს - შემსყიდველის წერილობითი მოთხოვნის შესაბამისად, მოთხოვნიდან დაუყოვნებლივ, მაგრამ არაუგვიანეს 1 (ერთი) სამუშაო დღეს.

ტექნიკურ დავალებასა და ფასთა ცხრილში განსაზღვრული ფორმისა და ადგილის შესაბამისად. იხილეთ ტექნიკური დავალება (სატენდერო დოკუმენტაციის 1.2 პუნქტი).

2.2.1.1. პრეტენდენტს, 2023, 2024 და 2025 ცალ-ცალკე წლების განმავლობაში უნდა გააჩნდეს სადეზინფექციო, სადეზინსექციო, სადერატიზაციო ღონისძიებების გატარების მომსახურების გაწევის გამოცდილება.
2.2.1.2. იმ შემთხვევაში თუ მოთხოვნილი გამოცდილების არსებობის დასტურად, ტექნიკური დოკუმენტაციის სახით წარმოდგენილი იქნება, იურიდიულ პირთან ან/და ფიზიკურ პირთან დადებული ხელშეკრულებები, მათი შესრულების დამადასტურებელი დოკუმენტის სახით ხელშეკრულებებისა და მიღება-ჩაბარების აქტებთან ერთად წარმოდგენილი უნდა იქნას, საქართველოს საგადასახადო კანონმდებლობით გათვალისწინებული შესაბამისი დოკუმენტები ანგარიშფაქტურები, დღგ-ს გადამხდელად რეგისტრაციის შემთხვევაში.
2.2.1.3. თუ ანალოგიური გამოცდილება რეგისტრირებულია სახელმწიფო შესყიდვების სააგენტოს ერთიან ელექტრონულ სისტემაში, (ხელშეკრულებების, მიღება-ჩაბარებებისა და საქართველოს საგადასახადო კანონმდებლობით გათვალისწინებული შესაბამისი დოკუმენტების (ანგარიშფაქტურები) წარმოდგენა არ არის სავალდებულო, მითითებული უნდა იქნას სისტემის მიერ მინიჭებული SPA/CMR/NAT/GEO ნომერი.
2.2.1.4. გამოცდილების დამადასტურებელი დოკუმენტებით უნდა დადგინდეს, რომ პრეტენდენტმა, წარმოდგენილი ხელშეკრულებებით განსაზღვრულ ვადებში ჯეროვნად შეასრულა აღებული ვალდებულებები.

პრეტენდენტის მიერ ერთიან ელექტრონულ სისტემაში სატვირთი ინფორმაცია:
1. იმ შემთხვევაში, თუ პრეტენდენტს ერთიან ელექტრონულ სისტემაში მითითებული/განახლებული არ აქვს ხელმძღვანელის სახელი, გვარი და სრული საბანკო რეკვიზიტები, პრეტენდენტი ვალდებულია წარმოადგინოს აღნიშნული ინფორმაცია თანდართული ფაილის სახით;
2. ფასების ცხრილი (1.3 პუნქტის შესაბამისად) დღგ-ს გარეშე;
3. გამოცდილების შესახებ ინფორმაცია (2.2.1 პუნქტის შესაბამისად).
4. ქვემოთ მოცემული პირობის შესრულებაზე, შერჩევა-შეფასების ეტაპტზე, პრეტენდენტმა ტექნიკური დოკუმენტაციის სახით უნდა წარმოადგინოს წერილობითი თანხმობა:
გამარჯვებულ პრეტენდენთან ხელშეკრულების დადების შემდეგ, შესასყიდი მომსახურების გაწევისას ტექნიკური დავალების 1.2.1, 1.2.2 და 1.2.3 პუნქტებით დადგენილი პირობის უზრუნველყოფის მიზნით, შემსყიდველს შეუძლია,მიმწოდებელს მოთხოვოს მომსახურების გაწევის პროცესში (გამოსაყენებელი, გამოყენებული) ყველა სადეზინფექციო საშუალების ნიმუში. ასეთი მოთხოვნის შემთხვევაში, მიმწოდებელი ვალდებულია შემსყიდველის წერილობითი მოთხოვნიდან არაუგვიანეს 1 (ერთი) სამუშაო დღეში შემსყიდველ ორგანიზაციაში (სსიპ-საქართველოს ეროვნული არქივის ადმინისტრაციულ შენობაში, მისამართზე ქ.თბილისი, ვაჟა-ფშაველას გამზ.№1), წარმოადგინოს მომსახურების პროცესში (გამოყენებული, გამოსაყენებლი) მოთხოვნილი სადეზინფექციო საშუალების თითო ნიმუში.

„ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6 და მე-7 პუნქტების საფუძველზე, იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა შემსყიდველი ორგანიზაციის წერილობითი მოთხოვნის შემდეგ, უნდა წარმოადგინოს/ატვირთოს ფასწარმოქმნის ადეკვატურობის დასაბუთება. ფასწარმოქმნის ადეკვატურობა, შესაძლებელია დასაბუთდეს სსიპ-ლევან სამხარაულის სასამართლო ექსპერტიზის ეროვნული ბიუროს ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული ან/და საშემფასებლო დასკვნით. დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი. დასკვნა ცალსახად უნდა ადასტურებდეს დაფიქსირებულ ფასად, მიმწოდებლის მხრიდან, ხელშეკრულებით ნაკისრი ვალდებულებების შესარულების შესაძლებლობას. პრეტენდენტმა უნდა გაითვალისწინოს, რომ „ ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლის მე-5 პუნქტის თანახმად, ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულებთან მიმართებით.

7.2.1 სატენდერო განცხადებით გათვალისწინებულია სატენდერო წინადადების დღგ-ის გარეშე წარმოდგენა, პრეტენდენტი სატენდერო წინადადებას წარადგენს დღგ-ის გარეშე, მიუხედავად იმისა, არის თუ არა იგი დღგ-ის გადამხდელი. ასეთ შემთხვევაში, თუ გამარჯვებული პრეტენდენტი ხელშეკრულების დადების მომენტისთვის, საქართველოს კანონმდებლობის შესაბამისად, არის დღგ-ის გადამხდელი, შემსყიდველი ორგანიზაცია ვალდებულია, ხელშეკრულების ღირებულებაში გაითვალისწინოს წინადადების ფასის შესაბამისი დღგ-ის ოდენობა. პრეტენდენტის დღგ-ის გადამხდელად რეგისტრაციის შესახებ ინფორმაცია ავტომატურად გენერირდება სისტემის მეშვეობით.
7.2.2. სატენდერო წინადადების საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯის გათვალისწინებით. ანგარიშსწორება განხორციელდება უნაღდო ანგარიშსწორებით ეროვნულ ვალუტაში – ლარში, ვალდებულების შესრულების დამადასტურებელი დოკუმენტების, მხარეთა შორის გაფორმებული მიღება-ჩაბარების აქტის (მათ შორის შუალედური) და შემსყიდველის მხრიდან საქართველოს საგადასახადო კანონმდებლობით გათვალისწინებული შესაბამისი საგადასახადო დოკუმენტაციის ანგარიშფაქტურის (არსებობის შემთხვევაში) დადასტურების საფუძველზე.
7.2.3.მიღება-ჩაბარების აქტი (მათ შორის შუალედური) მხარეთა შორის გაფორმდება ფაქტობრივად გაწეული მომსახურების შესაბამისად, ინსპექტირების განმახორციელებელი პირის მიერ შედგენილი დადებითი ინსპექტირების დასკვნის საფუძველზე.

ანგარიშსწორება განხორციელდება სატენდერო დოკუმენტაციის 7.2 პუნქტით განსაზღვრული პირობის შესაბამისად შედგენილი დოკუმენტაციის წარმოდგენიდან/დადასტურებიდან არაუგვიანეს 10 სამუშაო დღეში.

ლევან აკიშბაია, 599855009, lakishbaia@archives.gov.ge

10.1.1. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
ამავდროულად, „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების თანახმად, პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).
10.1.2. სატენდერო წინადადების ან მისი შემადგენელი დოკუმენტის წარდგენა შესაძლებელია როგორც ქართულ, ასევე უცხოურ ენებზე. დოკუმენტის უცხოურ ენაზე წარდგენის შემთხვევაში, მას უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე.
10.1.3. ალტერნატიული სატენდერო წინადადება არ განიხილება;
10.1.4. აღნიშნულ ელექტრონულ ტენდერში მონაწილეობით პრეტენდენტი ადასტურებს, რომ სრულად ეთანხმება ამ კონკრეტული ელექტრონული ტენდერის სატენდერო განცხადებითა და სატენდერო დოკუმენტაციით მოთხოვნილ პირობებს.