Услуги в области лесного хозяйства (Грузия - Тендер #69096430)

ნაძალადევის რაიონში არსებული ხეების სხვლა-ფორმირების, დამუშავებისა და გატანის, ავარიული, ხმელი და ზეხმელი ხეების მოჭრის, დამუშავებისა და გატანის, ხეების კუნძების ამოძირკვა-გატანისა და მოთხრილი და მოტეხილი ხეების დამუშავება-გატანის მომსახურების შესყიდვა.

1.2.1. ქ. თბილისის ნაძალადევის რაიონის ტერიტორიაზე I, II, III, IV კატეგორიის ხეების სხვლა-ფორმირების, დამუშავების და გატანის, ავარიული, ხმელი და ზეხმელი ხეების მოჭრის, დამუშავების და გატანის, ხეების კუნძების ამოძირკვა-გატანისა და მოთხრილი და მოტეხილი ხეების დამუშავება-გატანის მომსახურება (დანართი N1-ის მიხედვით)

1.2.2.დანართ N1-ში მოცემული რაოდენობები არის სავარაუდო, ხელშეკრულების მოქმედების პერიოდში შესაძლებელია, შეიცვალოს მოთხოვნის შესაბამისად და დაზუსტდეს ფაქტიური შესრულების მიხედვით, ერთეულის ფასის და ხელშეკრულების საერთო ღირებულების შეუცვლელად.

1.2.3 მომსახურების გაწევამდე (ფორს-მაჟორული შემთხვევების გარდა) შემსყიდველის მიერ შესწავლილ იქნება თითოეული ხის მდგომარეობა. მომსახურება განხორციელდება შესაბამისი თანხმობის საფუძველზე.

1.2.4 მომსახურების დროს არ უნდა მოხდეს მცენარეების, შენობა-ნაგებობების ან სხვა საგნების დაზიანება; დაზიანების შემთხვევაში მიმწოდებელი ვალდებულია დაუყოვნებლივ აცნობოს აღნიშნულის შესახებ ტექ. ზედამხედველს და შესაბამის ორგანოებს. ზარალი ანაზღაურდება მიმწოდებლის მიერ.

1.2.5 ყოველ კონკრეტულ ობიექტზე სამუშაო ადგილი უნდა შემოიფარგლოს თვალსაჩინო ნიშნებით (ზოლიანი ბაბთა ან ზონარი), მომსახურების დასრულების შემდეგ მიმწოდებელი ვალდებულია საკუთარი სახსრებით ერთი დღის ვადაში განათავისუფლოს სამუშაო ადგილი მომსახურების შედეგად წარმოქმნილი ნარჩენებისაგან.

1.2.6 მიმწოდებელმა უნდა უზრუნველყოს მოჭრილი (მოტეხილი/მოთხრილი) ხეების დაჭრა კოტრებად
(ზომით არაუმეტეს 40-50სმ), რომელიც უნდა მიიტანოს შესაბამისი საუბნო განყოფილების თანამშრომლის მიერ მითითებულ მოქალაქეთა მისამართზე საკუთარი ხარჯით. ასევე, მოჭრილი მერქნის რაოდენობის აღრიცხვა, რომლის შეშად გამოყენებაც შესაძლებელი იქნება, უნდა მოხდეს კონტრაქტორსა და შემსყიდველს შორის შედგენილი აქტით. ზემოაღნიშნული მერქნის რაოდენობა დასაწყობდება კონტრაქტორის საქმიან ეზოში. შედგენილი აქტები წარმოდგენილ უნდა იქნას მიღება-ჩაბარების აქტთან ერთად.

1.2.7 დაუშვებელია მომსახურების გაწევა შემსყიდველის მიერ გაცემული დავალების გარეშე, ამ შემთხვევაში მიმწოდებელს გაწეული ხარჯი არ აუნაზღაურდება.

1.2.8 მიმწოდებელი ვალდებულია, შემსყიდველის მოთხოვნის შემთხვევაში ერთდროულად იმუშაოს მინიმუმ 3(სამი) მუშა-ბრიგადით (ფორს–მაჟორის შემთხვევაში 24 საათიანი სამუშაო გრაფიკით), თითოეული მინიმუმ 5 კაციანი შემადგენლობით, რომელიც აღჭურვილი იქნება მინიმალური მატერიალურ- ტექნიკური ბაზით.

1.2.9 შემსყიდველი ორგანიზაცია უფლებას იტოვებს, სრულად არ აითვისოს დანართი N1-ით განსაზღვრული შესყიდვის ობიექტის რაოდენობა.

ხის კატეგორიები განისაზღვრება შემდეგნაირად:
I კატეგორიის ხე – 10 მეტრამდე ხე–მცენარე;
I I კატეგორიის ხე – 10–დან 20 მეტრამდე ხე–მცენარე;
I I I კატეგორიის ხე – 21 მეტრი და მასზე ზევით ხე–მცენარე;
IV კატეგორიის ხე – 10 მეტრი და მასზე ზევით ხე–მცენარე, ტექნიკისათვის მიუდგომელ პირობებში.


შენიშვნა:

1. ავტოტრანსპორტის მოძრაობის შეუფერხებლად გადაადგილებისა და საცობის თავიდან აცილების მიზნით მომსახურება შესაძლებელია განხორციელდეს ღამის საათებშიც, კერძოდ 00:00 საათიდან 06:00 საათამდე;
2. მიმწოდებელი ვალდებულია, ავარიულ შემთხვევებში (ხის მოტეხვა, ტოტის მოტეხვა და სხვა) მომსახურების გაწევა უზრუნველყოს ნაძალადევის რაიონის გამგეობის თანამშრომლის შეტყობინების (მოკლეტექსტური, სატელეფონო ზარი, ელექტრონული ფოსტა) საფუძველზე;
3. მიმწოდებელმა მოჭრილი ხეები შეშის სახით უნდა მიიტანოს შესაბამისი საუბნო განყოფილების თანამშრომლის მიერ მითითებულ მოქალაქეთა მისამართზე.

ხელშეკრულების გაფორმების შემდგომ ეტაპობრივად, წერილობითი დავალებით განსაზღვრული ვადის მიხედვით, მაგრამ არაუგვიანეს 2026 წლის 20 დეკემბრისა.

ქ. თბილისი, ნაძალადევის რაიონის ტერიტორია

პრეტენდენტს 2023 წლის 1 იანვრიდან ტენდერის გამოცხადებამდე უნდა გააჩნდეს არანაკლებ შესყიდვის სავარაუდო ღირებულების 150%-ის ოდენობით ანალოგიური (ქალაქში ან/და ქალაქის ტიპის დასახლებაში ხეების მოჭრა-ფორმირება-დამუშავება ან/და ხის კუნძების ამოძირკვა) მომსახურების მიწოდების გამოცდილება. ინფორმაცია გამოცდილების შესახებ წარმოდგენილი უნდა იქნას დანართი #2-ის შესაბამისად.
შენიშვნა: იმ შემთხვევაში, თუ დანართი #2-ში მითითებული მომსახურების შესყიდვა არ განხორციელებულა სახელმწიფო შესყიდვების ერთიანი ელექტრონული სისტემის გამოყენებით ან სისტემაში არ არის/არასრულყოფილად არის შესრულების შესახებ ინფორმაცია წარმოდგენილი, პრეტენდენტმა უნდა წარმოადგინოს მხარეთა მიერ ხელმოწერილი ხელშეკრულებები, ამ მომსახურების შესრულების დამადასტურებელი მიღება-ჩაბარების აქტები და შესაბამისი ანგარიშფაქტურები ან/და გადახდის დამადასტურებელი დოკუმენტი. დოკუმენტაცია უნდა აიტვირთოს სატენდერო წინადადებასთან ერთად.

1. პრეტენდენტს მომსახურების გაწევის ადგილზე საჭიროების მიხედვით უნდა ჰყავდეს არანაკლებ 3 მუშა ბრიგადა (თითოეული 5 კაცის ოდენობით) აღჭურვილი მოცემული სახეობისა და მინიმალური რაოდენობის მატერიალურ–ტექნიკური ბაზით, რომელიც გამოყენებული იქნება მომსახურების გაწევის პროცესში ყოველი კონკრეტული დავალების შესაბამისად, დავალების მოცულობიდან გამომდინარე.

2. დანართი N3-ში მითითებული მუშა ბრიგადის და მანქანა–მექანიზმების შესახებ ინფორმაცია (თანხმობა) პრეტენდენტის მიერ ხელმოწერილი ან/და ბეჭედდასმული ატვირთული უნდა იქნას ერთიან ელექტრონულ სისტემაში ტექნიკურ დოკუმენტაციასთან ერთად.

3. სატენდერო დოკუმენტაციის დანართი N3 წარმოდგენილი უნდა იქნას ჩამონათვალში მოცემული ტექნიკის სახეობების უცვლელად და მინიმალური რაოდენობის გათვალისწინებით.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას სსიპ „ლევან სამხარაულის სახელობის ექსპერტიზის ეროვნული ბიუროს" ან სხვა აკრედიტირებული პირის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი), რომელშიც ტექსტობრივად მკაფიოდ უნდა იკვეთებოდეს და დასტურდებოდეს პრეტენდენტის მიერ ატვირთულ სატენდერო ხარჯთაღრიცხვაში (სატენდერო წინადადების საბოლოო ფასის შესაბამისი ხარჯთაღრიცხვა (შესაბამისი ტენდერის უნიკალური ნომრის მითითებით)) დაფიქსირებული ერთეულის ფასებით (თითოეულ ერთეულთან მიმართებით) და აგრეთვე ჯამური ღირებულებით ამავე ხარჯთაღრიცხვით განსაზღვრული სამუშაოების შესრულების შესაძლებლობა. ექსპერტიზის დასკვნას თან უნდა ერთვოდეს სატენდერო ხარჯთაღრიცხვა.
ექსპერტიზის დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული პირობები.

5 Процентов

10 Процентов

ხელშეკრულების უზრუნველყოფის საბანკო გარანტიის მოქმედების ვადა 30 კალენდარული დღით უნდა აღემატებოდეს ხელშეკრულებით გათვალისწინებული შესყიდვის ობიექტის მიწოდების ვადას.

6.4.1 ტენდერში გამოყენებულ იქნება ხელშეკრულების უზრუნველყოფის საბანკო გარანტია, ხელშეკრულების საერთო ღირებულების 5% ან 10% ოდენობით, დანართი N4-ის მიხედვით. (იმ შემთხვევაში თუ სახელშეკრულებო ღირებულება შეადეგენს 200000 ლარზე ნაკლებს, გამარჯვებულ პრეტენდენტს არ წარმოეშვება ხელშეკრულების შესრულების უზრუნველყოფის გარანტიის წარმოდგენის ვალდებულება)
6.4.2 უპირობო, გამოუთხოვადი ხელშეკრულების შესრულების გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.

ანგარიშსწორება მოხდება 2026 წლის ადგილობრივი ბიუჯეტის სახსრებით, უნაღდო ანგარიშსწორებით ლარში.

ეტაპობრივად, მიღება– ჩაბარების აქტის გაფორმებიდან 10 (ათი) სამუშაო დღის განმავლობაში

მარი გლოველი, 551344141, m.gloveli@tbilisi.gov.ge

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი დამოწმებული უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება). პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, ინფორმაცია საკუთარი გამოცდილების შესახებ - დანართი N2,საგარანტიო პირობები და ა.შ.) დაამოწმოს/დაადასტუროს კვალიფიციური ხელმოწერით/კვალიფიციური შტამპით.
10.1.4 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.5 პრეტენდენტს არ აქვს უფლება წარმოადგინოს ალტერნატიული სატენდერო წინადადება.

10.2. პრეტენდენტის მიერ ერთიან ელექტრონულ სისტემაში ასატვირთი მონაცემები:
10.2.1 მომსახურების ხარჯთაღრიცხვა (დანართი N1)
10.2.2 ინფორმაცია გამოცდილების შესახებ (დანართი #2) სატენდერო დოკუმენტაციის 2.2.1 ქვეპუნქტის მოთხოვნის შესაბამისად.
10.2.3 თანხმობა პრეტენდენტის მატერიალურ-ტექნიკური ბაზის შესახებ (დანართი N3), სატენდერო დოკუმენტაციის 2.3.1 ქვეპუნქტის მოთხოვნის შესაბამისად.