Почтовая и курьерская службы (Грузия - Тендер #69067575)

საფოსტო და საკურიერო მომსახურების შესყიდვა.

საფოსტო-საკურიერო მომსახურება უნდა განხორციელდეს ტექნიკური დავალებისა და ფასების ცხრილის შესაბამისად:
1. მიმწოდებლის წარმომადგენლის/კურიერის უფასო გამოძახება და შემსყიდველის მიერ კურიერისთვის გზავნილების გადაცემა უნდა განხორციელდეს სამუშაო დღეებში 09:00-დან 17:00 საათამდე (საჭიროების შემთხვევაში დღეში ორჯერ), საჭიროების შემთხვევაში შაბათს 09:00-დან 14:00 საათამდე.
2. საფოსტო გზავნილების გადაცემა მიმწოდებლის წარმომადგენელისთვის/კურიერისთვის უნდა მოხდეს შემსყიდველის მისამართებზე: ქ. თბილისი, სანაპიროს #4.
3. საქართველოს ტერიტორიაზე (ადგილობრივი) საფოსტო და საკურიერო მომსახურების შემთხვევაში - მიმწოდებლის წარმომადგენლისათვის/კურიერისთვის შემსყიდველის მიერ გზავნილის გადაცემიდან არაუმეტეს 3 (სამი) სამუშაო დღის ვადაში, გზავნილი უნდა ჩაბარდეს ადრესატს, ხოლო მაღალმთიან რეგიონში - არაუმეტეს 5 (ხუთი) სამუშაო დღის ვადაში. გზავნილის ადრესატისთვის ჩაბარება ხორციელდება ადრესატის რეგისტრაციის მისამართზე პირადად ადრესატისთვის ან აღნიშნულ მისამართზე დახვედრილი სრულწლოვანი პირისათვის, ხოლო იურიდიული პირისთვის განკუთვნილი გზავნილი უნდა ჩაბარდეს რეგისტრაციის მისამართზე კანცელარიას/კანცელარიის თანამშრომელს ან ასეთის არყოფნის შემთხვევაში გზავნილის მიღებაზე უფლებამოსილ შესაბამის პირს; გზავნილის ჩაბარება უნდა დადასტურდეს შესაბამის ჩაბარების დოკუმენტაციაში გზავნილის მიმღების ხელმოწერით.
4. შემსყიდველის მოთხოვნის შემთხვევაში, მიმწოდებელმა უნდა უზრუნველყოს კონკრეტული გზავნილის გადაცემა უშაუალოდ ადრესატისთვის; თუ ადრესატი ან სხვა პირი ადგილზე არ იმყოფება, ამ შემთხვევაში, მიმწოდებლის წარმომადგენელმა მას უნდა დაუტოვოს შეტყობინება. შეტყობინებაში აღნიშნული უნდა იყოს შემდეგი ინფორმაცია: გზავნილის ნომერი, საკონტაქტო მონაცემები და სერვისცენტრში გზავნილის დაყოვნების დრო, არაუმეტეს 5 (ხუთი) კალენდარული დღე. იმ შემთხვევაში, თუ ადრესატი არ იმყოფება ადგილზე და გზავნილზე დატანილია საკონტაქტო ინფორმაცია, შეტყობინების დატოვებამდე, მიმწოდებლის წარმომადგენელმა უნდა განახორციელოს სატელეფონო ზარი ადრესატთან. აღნიშნული ინფორმაციის მიწოდება უნდა განხორციელდეს დაუყოვნებლივ. თუ აღნიშნულ ვადაში არ მოხდა ადრესატის მიერ გზავნილის მიღება, მიმწოდებელმა გონივრულ ვადაში უფასოდ უნდა განახორციელოს გზავნილის უკან დაბრუნება. დაბრუნებული წერილები შემსყიდველს უნდა დაუბრუნდეს აღრიცხული რეესტრით, რომლის სავალდებულო რეკვიზიტებია: თარიღი, რეესტრის ნომერი, მიმღები ორგანიზაციის დასახელება/ფიზიკური პირის სახელი და გვარი, უკან დაბრუნებული წერილების რაოდენობა, წერილის ნომერი, ბარკოდი, გამგზავნი ორგანიზაციის დასახელება;
ადგილობრივი გზავნილის ჩაბარების სტატუსი უნდა შეიცავდეს:
•სტატუსი ჩაბარდა;
•ჩაბარების თარიღი;
•ჩამბარებლის სახელი და გვარი;
•ჩამბარებლის სტატუსი (პირადად/ მასთან მცხოვრები ოჯახის სრულწლოვანი წევრი, კანცელარია);
•ჩამბარებლის პირადი ნომერი და ხელმოწერა;
•კურიერის სახელი და გვარი;
•ადგილობრივი გზავნილის ჩაუბარებლობის სტატუსი უნდა შეიცავდეს:
•სტატუსი ჩაუბარებელი;
•ჩაუბარებლობის მიზეზი და თარიღი;
•არასწორი ან არასრული მისამართი;
•უარი განაცხადა ჩაბარებაზე (უნდა მიეთითოს პირის სტატუსი, სახელი და გვარი);
•აღარ ცხოვრობს აღნიშნულ მისამართზე;
•ჩაუბარებლობის კომენტარი;
•კურიერის სახელი და გვარი.
5. საფოსტო გზავნილის ადრესატისათვის ჩაბარების ვადის ათვლა იწყება მომდევნო სამუშაო დღიდან, გარდა 12/12 ექსპრეს მომსახურებისა.
6. ექსპრეს მომსახურება - ჩაბარება 12/12 პრინციპით (გულისხმობს 12:00 სთ - მდე მიმწოდებლის წარმომადგენლისათვის/კურიერისთვის ჩაბარებული გზავნილის მიტანას იმავე დღეს, ხოლო 12:00 სთ-ის შემდეგ მიმწოდებლის წარმომადგენლისათვის/კურიერისთვის ჩაბარებული გზავნილის მიტანას მეორე დღეს) - ხორციელდება მხოლოდ ერთი და იმავე ადმინისტრაციული ერთეულის ფარგლებში, ხოლო საერთაშორისო საფოსტო გზავნილების ადრესატისთვის ჩაბარება განხორცილდეს დანიშნულების ქვეყნის საფოსტო ადმინისტრაციის მიერ დადგენილი წესებისა და სტანდარტების შესაბამისად.
7. გზავნილი შესაძლებელია გაიგზავნოს „მოკითხვამდე“პირობით, რომელიც მიმწოდებლის სერვისცენტრში შესაძლებელია დაყოვნდეს 30 (ოცდაათი) კალენდარული დღის განმავლობაში.
8. მიმწოდებელი ვალდებულია შემსყიდველი უზრუნველყოს წერილების ჩაბარება/არ ჩაბარების დამადასტურებელ ელ. დოკუმენტაციაზე წვდომით. აღნიშნულ ინფორმაციაზე წვდომა შემსყიდველ ორგანიზაციას უნდა ჰქონდეს საფოსტო მომსახურების შეწყვეტის შემდგომაც, არანაკლებ 6 თვის განმავლობაში;
9. შემსყიდველს უნდა შეეძლოს, საჭიროების შემთხვევაში, კონკრეტული გზავნილის თაობაზე მიმწოდებლისაგან ინფორმაციის გამოთხოვა.
10. მიმწოდებელმა უნდა უზრუნველყოს საერთაშორისო (საქართველოს საზღვრებს გარეთ სტანდარტული და სწრაფი მომსახურება ნებისმიერი მიმართულებით) საფოსტო და საკურიერო მომსახურების გაწევა (საერთაშორისო გზავნილების შეფუთვისათვის საჭირო მასალებით უზრუნველყოფის ჩათვლით). მიმწოდებლის წარმომადგენლისათვის/კურიერისთვის შემსყიდველის მიერ სწრაფი საერთაშორისო გზავნილის გადაცემიდან 3-8 სამუშაო დღის, ხოლო სტანდარტული საერთაშორისო გზავნილი 5-20 სამუშაო დღის ვადაში ადრესატისათვის გაგზავნილი გზავნილი უნდა ჩაბარდეს ადრესატს. გზავნილის ჩაბარება უნდა დადასტურდეს შესაბამის ჩაბარების დოკუმენტაციაში გზავნილის მიმღების ხელმოწერით.
11. მიმწოდებელმა უნდა უზრუნველყოს კონტროლისა და ანალიზის მიმართულებით პასუხისმგებელი პირის გამოყოფა, რომელიც განახორციელებს შემსყიდველთან დროულ კომუნიკაციას მომსახურებასთან დაკავშირებულ ნებისმიერ საკითხთან დაკავშირებით და გზავნილების ჩაბარების/ჩაუბარებლობის დაკავშირებული ინფორმაციის მოწოდებას.

ხელშეკრულების გაფორმებიდან 2026 წლის 25 დეკემბრის ჩათვლით.

მომსახურების გაწევის ადგილი და ფორმა განსაზღვრულია 1.2 პუნქტით (ტექნიკური დავალებით).

1. პრეტენდენტს უნდა გააჩნდეს საფოსტო-საკურიერო მომსახურების არანაკლებ 3 (სამი) წლიანი გამოცდილება.
2. ინფორმაცია გამოცდილების შესახებ წარმოდგენილი უნდა იყოს თანდართული ცხრილის შესაბამისად;
3. პრეტენდენტი ვალდებულია წარმოადგინოს საანგარიშო პერიოდში გამოცდილების დამადასტურებელი, მხარეთა მიერ ხელმოწერილი დოკუმენტები: ხელშეკრულებები და მათი შესრულების დამადასტურებელი დოკუმენტები: მიღება-ჩაბარების აქტები და სხვა დამადასტურებელი დოკუმენტები; სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (SPA, NAT, DAP და ა.შ.) მითითება.

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
3. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
4. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
5. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, ინფორმაცია საკუთარი გამოცდილების შესახებ და ა.შ.). დაამოწმოს/დაადასტუროს კვალიფიციური ელექტრონული ხელმოწერით/კვალიფიციური ელექტრონული შტამპით.
6.ფასების ცხრილში მითითებული რაოდენობები (მომსახურების ტიპის მიხედვით) საორიენტაციოა და შემსყიდველი ანგარიშსწორებას განახორციელებს ფაქტობრივად გაწეული მომსახურების შესაბამისად. ასევე, საჭიროების შემთხვევაში, მხარეთა წერილობითი შეთანხმების საფუძველზე, შესაძლებელია ხელშეკრულების ფარგლებში განხორციელდეს ცვლილება მომსახურების რაოდენობებში (მომსახურების ტიპის მიხედვით).

თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადექვატურობა საექსპერტო ან/და აუდიტორული დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც პრეტენდენტის მიერ დაფიქსირებული წინადადების ფასთან (ფასების ცხრილის/ხარჯთაღრიცხვის ჯამურ ღირებულებასთან), ასევე ფასების ცხრილის/ხარჯთაღრიცხვის ერთეულებთან მიმართებით.

დასკვნასთან ერთად დამატებით წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი.

ანგარიშსწორება მოხდება უნაღდო ანგარიშსწორებით ლარში;
ანგარიშსწორება განხორციელდება ეტაპობრივად, საანგარიშო თვის განმავლობაში ფაქტობრივად გაწეული მომსახურების შესაბამისად, მიმწოდებლის მიერ შემსყიდველისათვის მომსახურების გაწევის დამადასტურებელი ყველა შესაბამისი დოკუმენტის (რეესტრების, ოპერაციის განხორციელების დამადასტურებელი თუ სხვა სახის დოკუმენტაცია) წარდგენის, მიღება–ჩაბარების აქტის გაფორმებისა და შესაბამისი საგადასახადო დოკუმენტების წარმოდგენის შემდეგ.

ანგარიშსწორება განხორციელდება ფაქტობრივად გაწეული მომსახურების შესაბამისად, მიმწოდებლის მიერ შემსყიდველისათვის ანგარიშფაქტურის წარდგენისა და მიღება-ჩაბარების აქტის გაფორმების შემდეგ, 10 სამუშაო დღის განმავლობაში.

ნანა დოლაკიძე, 577929777, n.dolakidze@gnta.ge