Ремонт и техническое обслуживание транспортных средств и оборудования и сопутствующие услуги (Грузия - Тендер #69067556)

საქართველოს საკონსტიტუციო სასამართლოს ბალანსზე რიცხული 11 (თერთმეტი) ერთეული ავტოსატრანსპორტო საშუალების შეკეთება და ტექნიკური მომსახურება (სათადარიგო ნაწილებისა და საცხებ-საპოხი საშუალებების გათვალისწინებით).

იხილეთ მიმაგრებული ფაილი - ტექნიკური დავალება

1.4.1. საქართველოს საკონსტიტუციო სასამართლოს ბალანსზე რიცხული ავტოსატრანსპორტო საშუალებების შეკეთებისა და ტექნიკური მომსახურების გაწევა უნდა განხორციელდეს 2026 წლის 01 იანვრიდან (თუ მხარეთა შორის ხელშეკრულება დაიდება 2026 წლის 01 იანვრის შემდეგ, მაშინ ხელშეკრულების დადების დღიდან) - 2026 წლის 31 დეკემბრის ჩათვლით, პრეისკურანტისა და ტექნიკური დავალების შესაბამისად.
1.4.2. მიმწოდებლის მიერ მომსახურება გაწეულ უნდა იქნას დაუყოვნებლივ, რიგგარეშედ. მიმწოდებელმა ყოველ კონკრეტულ შემთხვევაში უნდა უზრუნველყოს მომსახურების გაწევა შემდეგ ვადებში:
• სავალი ნაწილის (მათ შორის სასაწყობე სათავსოში არსებული სახარჯი მასალების) შეცვლა/აღდგენა/შეკეთება - მოთხოვნიდან არაუმეტეს 1 (ერთი) სამუშაო დღე;
• ელექტრო ნაწილების/დეტალების შეცვლა/აღდგენა/შეკეთება - მოთხოვნიდან არაუმეტეს 1 (ერთი) სამუშაო დღე;
• ძრავის, გადაცემათა კოლოფისა და ხიდების შეკეთება - მოთხოვნიდან არაუმეტეს 5 (ხუთი) სამუშაო დღე;
• ხოლო თუ მომსახურებისათვის საჭიროა დეფიციტური (ადგილობრივ ბაზარზე არარსებული) სათადარიგო ნაწილ(ებ)ი - მოთხოვნიდან არაუმეტეს 30 (ოცდაათი) სამუშაო დღე.

მომსახურება გაწეულ უნდა იქნას დაუყოვნებლივ, რიგგარეშე, ქ. თბილისის და ქ. ბათუმის ტერიტორიაზე, მიმწოდებლის სერვისცენტრებში.

1.7.1.1. მიმწოდებლის მიერ გაწეულ მომსახურებას და გამოყენებულ სათადარიგო ნაწილებს უნდა გააჩნდეს გარანტია არანაკლებ 6 (ექვსი) თვე, გარდა სწრაფცვეთადი დეტალებისა (ნათურები (მათ შორის გახურების ნათურები), ანთების სანთლები, გახურების სანთლები, დამცველები, გადაბმულობის ამყოლი და მიმყოლი რგოლები (ფრიქციონები), კონდიციონერის, ჰაერისა და საწვავის ფილტრები, მინის მწმენდები, ანთების საკონტაქტო ერთეულები და მტვერდამცავები (პილნიკები), ასევე, გარდა იმ შემთხვევისა, როდესაც დაზიანება გამოწვეულია არასწორი ექსპლუატაციითა და გარეგანი ზემოქმედების შედეგად.
1.7.1.2. წინა და უკანა სამუხრუჭე ხუნდებზე სწორი ექსპლუატაციის პირობებში გარანტია განისაზღვრება კილომეტრაჟით - არანაკლებ 5000 კმ; ამასთან, შეცვლილი (ახალი) წინა და უკანა სამუხრუჭე ხუნდები ექსპლუატაციისას საგარანტიო პერიოდში არ უნდა გამოსცემდნენ ახალი (ხარისხიანი) ხუნდებისათვის უჩვეულო და არადამახასიათებელ ხმებს.
1.7.1.3. ავტოსატრასპორტო საშუალებების შეკეთებულ ძრავზე, გადაცემათა კოლოფზე და ხიდებზე გარანტია უნდა იყოს არანაკლებ 1 (ერთი) წელი ან 25000 კმ გარბენი (რომელიც უფრო ადრე დადგება).
1.7.1.4. თუ მიმწოდებლის მიერ შეცვლილი სათადარიგო ნაწილი ან გაწეული მომსახურება საგარანტიო პერიოდის განმავლობაში აღმოჩნდება დეფექტური, მიმწოდებელი ვალდებულია შემსყიდველის მიერ აღნიშნულის თაობაზე ზეპირი ან ელექტრონული ფოსტის მეშვეობით დაფიქსირებული (გაგზავნილი) შეტყობინებიდან არაუგვიანეს 3 (სამი) დღეში (დეფიციტური სათადარიგო ნაწილის შემთხვევაში 30 (ოცდაათი) დღის განმავლობაში), დამატებითი ანაზღაურების გარეშე, გამოასწოროს დეფექტი ან შეცვალოს დეფექტური ნაწილი.
1.7.1.5. პრეტენდენტმა უნდა წარმოადგინოს ინფორმაცია საგარანტიო ვადებისა და პირობების შესახებ.

2.3.1.1. პრეტენდენტის მიერ მითითებული სერვისცენტრები (1 (ერთი) ქ. ბათუმში და 2 (ორი) ქ. თბილისში) აღჭურვილ უნდა იყოს მომსახურების გაწევისათვის საჭირო თანამედროვე აპარატურითა და დანადგარით (არანაკლებ 10 (ათი) ამწე-მოწყობილობით (ათივე ამწე-მოწყობილობა აღჭურვილი უნდა იყოს ავტომანქანის ძრავიდან გამონაბოლქვის გამწოვი სისტემით); საბურავის დაშლა-აწყობის (ვულკანიზაციის, საბურავის გასაბერი აზოტის გენერატორი არანაკლებ ერთ სერვისცენტრში), ბალანსირებისა და დისკების გასწორების დანადგარით/აპარატით; თვლების შეყრის კომპიუტერული (რაზვალი) დანადგარით; კონდიციონერის დასატუმბი/ამოსატუმბი ელექტრო აპარატურით; ელექტრო სისტემის კომპიუტერული დიაგნოსტიკის მოწყობილობით; საყრდენი დისკის გასაჩარხი მოწყობილობით; ავტომატურ გადაცემათა კოლოფში ზეთის შეცვლის აპარატით; ელექტრო მომარაგების სარეზერვო წყაროთი (გენერატორით); სერვისცენტრებში შესაძლებელი უნდა ავტოსატრანსპორტო საშუალების ძრავზე წარმოქმნილი პრობლემისა და საწვავის სისტემის დიაგნოსტირება/შეკეთება. სერვისცენტრებში სამუშაო ფართობი დაფარული უნდა იყოს ბეტონის ან მსგავსი მყარი ზედაპირით; სერვისცენტრებს უნდა გააჩნდეს დაცული ავტოსადგომი, სადაც შესაძლებელი იქნება დღე-ღამის ნებისმიერ მონაკვეთში მწყობრიდან გამოსული ავტოსანტრანსპორტო საშუალების მიყვანა და გონივრული ვადით (მწყობრში მოყვანამდე) განთავსება; სერვისცენტრებში დაცული უნდა იყოს ჰიგიენური, სახანძრო და უსაფრთხოების ნორმები).
2.3.1.2. პრეტენდენტმა უნდა წარმოადგინოს ინფორმაცია ტექნიკური შესაძლებლობის, სერვის ცენტრების, სასაწყობო სათავსოებისა და ტექნიკური აღჭურვილობის შესახებ.
2.3.1.3. პრეტენდენტმა ასევე უნდა წარმოადგინოს ინფორმაცია ქ. თბილისში და ქ. ბათუმში მის სარგებლობაში არსებული სერვისცენტრების (ფილიალების) სტატუსის შესახებ. სარგებლობის დამადასტურებელი დოკუმენტის მოქმედების ვადა არ უნდა იყოს ტენდერით განსაზღვრული მომსახურების ვადაზე ნაკლები (2026 წლის 31 დეკემბრის ჩათვლით). ქვეკონტრაქტორების მეშვეობით წარმოდგენილი სერვისცენტრების საკითხი განხილვას არ დაექვემდებარება.

2.9.1. ელექტრონული ვაჭრობა წარიმართება პრეისკურანტის ფასის მიხედვით. პრეისკურანტში მოცემული თითოეული მომსახურების/სათადარიგო ნაწილის/საცხებ-საპოხი მასალის ღირებულება შეიცვლება სატენდერო წინადადების ფასის კლებასთან ერთად, მის პროპორციულად (კერძოდ, თითოეული მომსახურების/სათადარიგო ნაწილის/საცხებ-საპოხი მასალის ღირებულება გამოითვლება შემდეგი წესით: პრეისკურანტის საბოლოო ღირებულება გაყოფილი პრეისკურანტის სავარაუდო ღირებულებაზე და გამრავლებული თითოეული მომსახურების/სათადარიგო ნაწილის/საცხებ-საპოხი მასალის ღირებულებაზე). საბოლოო პრეისკურანტი დაერთვება სახელმწიფო შესყიდვების შესახებ ხელშეკრულებას ფასების ცხრილის სახით და მის საფუძველზე განისაზღვრება მიმწოდებლის მიერ გასაწევი თითოეული მომსახურების ფასი.
2.9.2. პრეისკურანტში მომსახურების, სათადარიგო ნაწილის ან/და საცხებ-საპოხი მასალის რომელიმე ერთეულის არარსებობისას, აღნიშნული ერთეულის ფასი მისი შესყიდვის აუცილებლობისას, დგინდება შემსყიდველი ორგანიზაციისა და მიმწოდებლის შეთანხმებით, საბაზრო ფასის გათვალისწინებით. ასეთ შემთხვევაში პრეისკურანტში მომსახურების რომელიმე ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებელის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.
2.9.3. პრეისკურანტი წარმოდგენილი უნდა იქნას ექსელის (Excel)-ის ფაილის სახით.
2.9.4. დაზუსტებას არ ექვემდებარება ტექნიკური დოკუმენტაცია და პრეტენდენტი დაექვემდებარება დისკვალიფიკაციას, თუ პრეტენდენტის მიერ არ არის წარმოდგენილი პრეისკურანტი ან წარდგენილ პრეისკურანტში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს.
2.9.5. პრეტენდენტის მიერ შესყიდვების ერთიანი ელექტრონული სისტემის მეშვეობით წარმოდგენილ, ასევე საბოლოო ფასის შესაბამის მომსახურების პრეისკურანტში მითითებული მომსახურების ერთეულის ფასები არ უნდა აღემატებოდეს შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის მაქსიმალურ ზღვრულ ღირებულებას;
2.9.6. თუ სატენდერო წინადადების პრეისკურანტის საბოლოო ღირებულებიდან გამომდინარე ერთეულის ღირებულება დაფიქსირდება მრავალნიშნა ათწილადად, პრეტენდენტი ვალდებულია ერთეულის ღირებულებები შეამციროს და დაამრგვალოს მეასედამდე, შესაბამისად შეამციროს საერთო ღირებულებაც.

იმ შემთხვევაში, თუ პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია პრეისკურანტის სავარაუდო ღირებულებაზე, მიმწოდებელი, სატენდერო კომისიის მოთხოვნის საფუძველზე, ვალდებულია დაასაბუთოს ფასწარმოქმნის ადეკვატურობა. ფასწარმოქმნის ადეკვატურობა შესაძლებელია დასაბუთდეს შესყიდვის ობიექტის მიწოდებასთან დაკავშირებით პრეტენდენტის მიერ გაფორმებული ხელშეკრულების, მიღება-ჩაბარების აქტის, ანგარიშფაქტურის ან სასაქონლო ზედნადების ასლებით, რომელიც ადასტურებს პრეტენდენტის მიერ ატვირთულ საბოლოო პრეისკურანტში დაფიქსირებული ერთეულის ფასებით და აგრეთვე ჯამური ღირებულებით ამავე პრეისკურანტით განსაზღვრული მომსახურების შესრულების შესაძლებლობას.

7.2.1. სატენდერო წინადადებაში საერთო ფასი უნდა შეიცავდეს როგორც გასაწევი მომსახურების (სათადარიგო ნაწილებისა და საცხებ-საპოხი მასალების გათვალისწინებით) ღირებულებას, ისე მის მიწოდებასთან დაკავშირებულ ყველა ხარჯსა და საქართველოს კანონმდებლობით დადგენილ გადასახადებს.
7.2.2. მიმწოდებელთან ანგარიშსწორება განხორციელდება ეტაპობრივად, უნაღდო ანგარიშსწორების ფორმით, ეროვნულ ვალუტაში, მხარეთა შორის მიღება-ჩაბარების აქტის გაფორმებისა და გაწეული მომსახურების ღირებულების შესახებ სათანადო საგადასახადო დოკუმენტების წარმოდგენის საფუძველზე.

მიმწოდებელთან ანგარიშსწორება განხორციელდება მხარეთა შორის მიღება-ჩაბარების აქტის გაფორმებიდან და გაწეული მომსახურების ღირებულების შესახებ სათანადო საგადასახადო დოკუმენტების წარმოდგენიდან 10 (ათი) სამუშაო დღის ვადაში. თუ ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.

თამარ პაპუნაიშვილი, 595220225, t.papunaishvili@yahoo.com e–mail: t.papunaishvili@constcourt.ge

10.1. სატენდერო წინადადების ღირებულება მოიცავს ტენდერის პირობებით გათვალისწინებული მომსახურების გაწევასთან დაკავშირებულ ნებისმიერ ხარჯსა და კანონმდებლობით გათვალისწინებულ ყველა გადასახადს, მათ შორის დღგ–ს და შესყიდვის ობიექტის მიწოდებასთან დაკავშირებულ ყველა ხარჯს.
10.2. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.3. ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების გათვალისწინებით, სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია დამოწმებული უნდა იყოს ელექტრონული ხელმოწერით ან/და კვალიფიციური ელექტრონული შტამპით.
10.4. სატენდერო წინადადება და თანმხლები დოკუმენტები შედგენილი უნდა იქნას ქართულ ენაზე. დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე;
10.5. ხელშეკრულების ფორმა და პირობები მოცემულია 8.1 პუნქტში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
10.6. სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია ერთიანი ელექტრონული სისტემის შესაბამისი მოდულის მეშვეობით.
10.7. პრეტენდენტმა ტექნიკური დოკუმენტაციის სახით ერთიან ელექტრონულ სისტემაში უნდა ატვირთოს:
ა) წერილობითი თანხმობა სატენდერო დოკუმენტაციის 1.2. პუნქტით (ტექნიკური დავალება) გათვალისწინებული ყველა მოთხოვნის შესრულებაზე;
ბ) სატენდერო დოკუმენტაციის 1.3. პუნქტით გათვალისწინებული და 2.9. პუნქტის მოთხოვნათა დაცვით განფასებული პრეისკურანტი;
გ) სატენდერო დოკუმენტაციით (1.4; 1.5; 1.7.1; 2.3.1. პუნქტები) მოთხოვნილი ინფორმაცია ტექნიკური შესაძლებლობის, სერვისცენტრების, სასაწყობე სათავსოების, სერვისცენტრების ტექნიკური აღჭურვილობის, ტექმომსახურების განსახორციელებლად საჭირო საქონლის მიწოდების/მომსახურების გაწევის ვადების, ადგილის, ფორმისა და საგარანტიო პერიოდის/პირობების შესახებ.