Инженерные услуги (Грузия - Тендер #69067552)

ქალაქ თბილისში, დავით აღმაშენებლის გამზირზე №150-ში არსებული სსიპ გარემოს ეროვნული სააგენტოს კუთვნილ „ტერასის სართულზე’’ მდებარე ფართის (497,63 კვ.მ) სარემონტო-სარეაბილიტაციო სამუშაოების სრული საპროექტო-სახარჯთაღრიცხვო დოკუმენტაციის მომზადება.

ტექნიკური დავალება:

ტექნიკური დავალება მიზნად ისახავს შემსყიდველი ორგანიზაციის მოთხოვნების შესაბამისი საპროექტო–სახარჯთაღრიცხვო დოკუმენტაციის მომზადებას, რომლის საფუძველზეც შესაძლებელი იქნება:

• -სამშენებლო-სარემონტო სამუშაოების სახელმწიფო შესყიდვაზე ტენდერის გამოცხადება;
• -ტენდერში გამარჯვებული ორგანიზაციების მიერ სამშენებლო-სარემონტო სამუშაოების წარმოება;
• -სამშენებლო-სარემონტო სამუშაოების მიმდინარეობის მონიტორინგის განხორციელება.

მომსახურების ხარისხი უნდა შეესაბამებოდეს საქართველოში დადგენილ სტანდარტებს და ნორმებს.

შესყიდვის ობიექტის მიწოდების პირობები

დანართის სახით მოცემულია სსიპ გარემოს ეროვნული სააგენტოს არსებული და საპროექტო ფართების სქემატური ნახაზი. მიმწოდებელმა პროექტირებისას უნდა იხელმძღვანელოს წარმოდგენილი საპროექტო ნახაზებით, ცვლილებების შემთხვევაში დაპროექტების პროცესში შემსყიდველთან ეტაპობრივად უნდა აწარმოოს ყველა ასპექტის შეთანხმება პროექტის საბოლოო სახით მიღებამდე. პროექტირების ეტაპზე მიმწოდებელმა საპროექტო დოკუმენტაცია უნდა დაამუშაოს შემსყიდველის მოთხოვნების გათვალისწინებით. მიმწოდებლის მიერ წარმოდგენილი დასაბუთებული გადაწყვეტის შემთხვევაში, უშუალოდ საპროექტო დოკუმენტაციის შემუშავების პროცესში, შესაძლოა, ზემოაღნიშნული მოთხოვნები ჩამოყალიბდეს განსხვავებული სახით, მისაღწევი მიზნისა და შედეგის შეუცვლელად.

მიმწოდებელმა საპროექტო-სახარჯთაღრიცხვო დოკუმენტაცია უნდა წარმოადგინოს სსიპ ლევან სამხარაულის სახელობის სასამართლო ექსპერტიზის ეროვნული ბიუროს ან შესაბამისი აკრედიტაციის მქონე ორგანოს (ასეთის შემთხვევაში მიმწოდებელი ვალდებულია წარმოადგინოს ორგანოს აკრედიტაციის მოწმობა) მიერ გაცემული დადებითი ექსპერტიზის დასკვნით. აღნიშნული ექსპერტიზის ხარჯებს აანაზღაურებს მიმწოდებელი;

საპროექტო-სახარჯთაღრიცხვო დოკუმენტაცია დამზადებული უნდა იყოს საქართველოში მოქმედი სამშენებლო ნორმებით და სტანდარტებით. აქვე ტენდერში გამარჯვებულმა პრედენდეტმა საპროექტო დოკუმენტაციის დამუშავების დროს უნდა გაითვალისწინოს ყველა ტექნიკური დოკუმენტაციის შესაბამისობა შემდგომში რეაბილიტირებული ფართის უსაფრთხო ექსპლუატაციისთვის. ხარვეზისა და წუნის გამოვლენის შემთხვევაში მიმწოდებელი ვალდებული იქნება გაითვალისწინოს აღნიშნული და უსასყიდლოდ წარმოუდგინოს შემსყიდველს სრულყოფილი დოკუმენტაცია.

ა) მიღება-ჩაბარების აქტის გაფორმებამდე მიმწოდებელი ვალდებულია წარმოადგინოს შემდეგი სახის დოკუმენტაცია:
ალბომის სახით ნაბეჭდი ვერსია A3 ფორმატზე 3-ეგზემპლარად.
ბ) CD - ვერსია (ელექტრონული) PDF, PLA (ARCHICAD), DWG (AUTOCAD) - ფაილის სახით 3- ეგზემპლარად.

გასაწევი მომსახურეობის აღწერა-ჩამონათვალი:
1. საპროექტო-სახარჯთაღრიცხვო დოკუმენტაციის მომზადება.
2. საავტორო ზედამხედველობის გაწევა მშენებლობის პერიოდში.

მიმწოდებელი ვალდებული იქნება ადგილზე მოახდინოს შემსყიდველისგან მიღებული მონაცემების: არსებული გეგმა–აზომვითი ნახაზის დაზუსტება.
საპროექტო დოკუმენტაციაში გამოსაყენებელი სამშენებლო მასალები და ტექნოლოგიები საშუალებას უნდა იძლეოდეს მინიმუმამდე იქნას დაყვანილი მათი მიმდინარე და კაპიტალური შეკეთების (რემონტის) ხარჯები;
ძირითადი მოსაპირკეთებელი მასალების და ნაკეთობების შერჩევა უნდა განხორციელდეს დამკვეთთან შეთანხმების საფუძველზე;
პროექტირების დროს ყველა დეტალი შეთანხმებული უნდა იყოს დამკვეთთან;

მიმწოდებლის მიერ მომზადებული, ტერასის სართულის რეაბილიტაციის სრული საპროექტო-სახარჯთაღრიცხვო დოკუმენტაცია უნდა მოიცავდეს:

1) არქიტექტურული პროექტი;
- არქიტექტურული ნაწილის საერთო განმარტებითი ბარათი, რომელიც უნდა მოიცავდეს ინფორმაციას ჩასატარებელი არქიტექტურული სამუშაოების შესახებ.
- საპროექტო ფართის არსებული შიდა აზომვითი გეგმა მსხვილ მასშტაბში (1:100 )
- საპროექტო ფართის გრძივი და განივი ჭრილები, მასშტაბი (1:50 ან 1:100).
- საპროექტო ფართის კედლებისა და ტიხრების მარკირების გეგმები მათი ტიპების ჩვენებით; წარმოდგენილ იქნას შეთავსების გეგმა სადემონტაჟო და საპროექტო სამუშაოების ჩვენებით. მასშტაბი (1:50 ან 1:100);
- საპროექტო ფართის იატაკებისა და ჭერების მოპირკეთების გეგმები მოპირკეთების ტიპების ჩვენებით, მასშტაბი (1:50 ან 1:100);
- საპროექტო ფართის ღიობების მარკირების გეგმები და კარ-ფანჯრების ტიპები მასშტაბი (1:50 ან 1:100); ნახაზებში ნაჩვენები უნდა იყოს ცალ-ცალკე კარის, ფანჯრის და ვიტრაჟის კვანძები, დეტალური ნახაზები და სპეციფიკაციები;
- საპროექტო ფართის არქიტექტურული დეტალებისა და კვანძების ნახაზები - მასშტაბი (1:5, 1:10 ან 1:20);
- საპროექტო ფართის სარეაბილიტაციო სამუშაოების დეტალური სპეციფიკაციები.
ავეჯის ტექნოლოგიური ნაწილის საერთო განმარტებითი ბარათი; სართულის გეგმა ავეჯის, ინვენტარის, აპარატურის, მოწყობილობა-დანადგარების ზუსტი განლაგების ჩვენებით;
საპროექტო სივრცის იერსახე და დიზაინი – ესკიზები, ფოტორენდერები; 3D საპროექტო ფოტომონტაჟი მასალების, ზომების და სიმაღლის ნიშნულების ჩვენებით;

2) სარეაბილიტაციო სამუშაოების წარმოების ორგანიზაციის პროექტი, რომელშიც დამუშავდება მინიმუმ შემდეგი დოკუმენტაცია:

- სარეაბილიტაციო სამუშაოების წარმოების ორგანიზაციის პროექტის განმარტებით ბარათს, რომელიც უნდა მოიცავდეს ინფორმაციას, პროექტში მოცემული ობიექტის სამუშაოების წარმოების ხანგრძლივობის, ენერგო-მატერიალურ-შრომით რესურსებზე მშენებლობის მოთხოვნილების, სასაწყობო და საყოფაცხოვრებო ფართზე მშენებლობის მოთხოვნილების შესახებ. განმარტებით ბარათში ასევე უნდა მიეთითოს საჭირო უსაფრთხოების, სახანძრო და გარემოსდაცვითი ღონისძიებები. ორგანიზაციის პროექტი უნდა მოიცავდეს მშენებლობის კალენდალურ გეგმა-გრაფიკს, სამშენებლო სამუშაოთა პროცესების ტექნოლოგიური თანმიმდევრობით დეტალურ აღწერას.
მშენებლობის ორგანიზაციის პროექტში აგრეთვე უნდა აისახოს სამუშაოების განხორციელების ოპტიმალური ვადა და დრო; დაფარული სამუშაოების დათვალიერებისა და გამოცდის აქტების ჩამონათვალი, რაც მშენებლობის პროცესის დროს უნდა შედგეს.

3) ელექტრობის პროექტი, რომელშიც დამუშავდება მინიმუმ შემდეგი დოკუმენტაცია:

- საერთო განმარტებით ბარათი; რომელშიც დეტალურად იქნება აღწერილი არსებული ელ. მომარაგების ქსელის და სარეაბილიტაციო ფართში განთავსებული ცენტრალური აგრეგატების/დანადგარების ქსელის მუშაობის პრინციპი და საპროექტო მოთხოვნებით მათი რეაბილიტაციის პირობები.

- სართულის საპროექტო ძალოვანი ქსელების ნახაზები, წარმოდგენილი უნდა იყოს ცენტრალური ძალოვანი კაბელის მონტაჟის სქემები შენობაში ან შენობის გარეთ მდებარე სატრანსფორმატორო სადგურიდან;

- სართულის საპროექტო ელ-ფარ(ებ)ის სქემებს.

- სართულის საპროექტო ფართის ელმომარაგების ქსელის სქემას.
- არსებობის შემთხვევაში ალტერნატიული ენერგიის მიმღების ქსელის სქემას.
- ტექნიკური დავალების დანართში მოცემული ხელსაწყოების/დანადგარების ტექნოლოგიურ მოწყობის/დაერთების სქემებს, საერთო სიმძლავრის მოთხოვნილ მახასიათებლებს და ა.შ.
წარმოდგენილ უნდა იქნეს აკრედიტირებული ორგანიზაციის მიერ გაცემული შესაბამისი დადებითი საექსპერტო დასკვნა (შეფასება);

4) სუსტი დენების ნაწილი, რომელშიც დამუშავდება მინიმუმ შემდეგი დოკუმენტაცია:
- საერთო განმარტებითი ბარათი,
- სახანძრო სიგნალიზაციის და კვამლის დეტექტორების განთავსების გეგმა და სქემები;
- ინტერნეტისა და მონიტორინგის ვიდეო კამერების (შესაბამისი მოწყობილობით) ქსელის ნახაზებს;
- სამუშაოთა ჩამონათვალი და სპეციფიკაციები.

5) გათბობა, გაგრილება, ვენტილაციის ნაწილი, რომელშიც დამუშავდება მინიმუმ შემდეგი დოკუმენტაცია:
- საერთო განმარტებითი ბარათი, რომელიც უნდა მოიცავდეს ინფორმაციას განსათავსებელი დანადგარების და არჩეული სისტემების შესახებ.
- გათბობის სისტემის სქემებს და დანადგარების განთავსების გეგმებს.
- ვენტილაციის სისტემის სქემებს და დანადგარების განთავსების გეგმებს.
- გაგრილების სისტემის სქემებს და დანადგარების განთავსების გეგმებს.
- გაგრილების სისტემის შიდა და გარე ბლოკების გეგმას.
- სპეციფიკაციებს და სამუშაოთა ჩამონათვალს.

6) წყალსადენ-კანალიზაციის ნაწილი (საჭიროების შემთხვევაში), რომელშიც დამუშავდება მინიმუმ შემდეგი დოკუმენტაცია:
- საერთო განმარტებითი ბარათი.
- წყალგაყვანილობის და საკანალიზაციო დანადგარების განთავსების გეგმებს.
- წყალგაყვანილობის და საკანალიზაციო მილსადენების სქემას, საპროექტო ქსელის დაერთების სქემებს შენობაში არსებულ ქსელთან.
- სამუშაოთა ჩამონათვალს და სპეციფიკაციებს;

* საინჟინრო ქსელი უნდა მოეწყოს შენობაში/სართულზე არსებულ ცენტრალურ დგარებზე.

7) სახარჯთაღრიცხვო ნაწილი, რომელშიც დამუშავდება მინიმუმ შემდეგი დოკუმენტაცია:
- სახარჯთაღრიცხვო ნაწილის საერთო განმარტებითი ბარათი, რომელიც უნდა მოიცავდეს სატიტულო სიას და ინფორმაციას დანარიცხების გაანგარიშების წესის შესახებ (გაუთვალისწინებელი ხარჯები, ზედნადები ხარჯები, გეგმიური დაგროვება და სხვა).
- ლოკალური ხარჯთაღრიცხვები შესრულებული რესურსული მეთოდით.
- როგორც ლოკალურ, ასევე კრებსით და საობიექტო ხარჯთაღრიცხვებში ცალ-ცალკე გამოყოფილი უნდა იყოს სამშენებლო მასალების ღირებულება, მუშათა ხელფასი, მანქანა მექანიზმების ხარჯები, ზედნადები ხარჯები და გეგმიური დაგროვება.
- ხარჯთაღრიცხვა შედგენილი უნდა იყოს საქართველოს ეკონომიკისა და მდგრადი განვითარების მინისტრის 2012 წლის 12 ივლისის #1-1/1463 ბრძანებისა და საქართველოს მთავრობის 2014 წლის 14 იანვრის #55 დადგენილების გათვალისწინებით.
სამუშაოთა ხარჯთაღრიცხვები და სატენდერო სამუშაოთა მოცულობების ცხრილები შედგენილი უნდა იყოს დამკვეთთან შეთანხმებული ფორმით (რესურსული მეთოდით). წარმოდგენილ უნდა იქნეს აკრედიტირებული ორგანიზაციის მიერ გაცემული შესაბამისი დადებითი საექსპერტო დასკვნა (შეფასება); ხარჯთაღრიცხვა უნდა შეესაბამებოდეს ექსპერტიზა გავლილ დადებითად შეფასებულ პროექტს. ამის დასადასტურებლად უნდა განხორციელდეს, პროექტისა და ხარჯთაღრიცხვის ერთმანეთთან შესაბამისობის ექსპერტიზა.

საავტორო ზედამხედველობის გაწევა მშენებლობის პერიოდში მოიცავს:
- სამშენებლო პროცესების გეგმიურ და არაგეგმიურ ინსპექტირებას. გეგმიური ინსპექტირების ჩატარების პერიოდულობა უნდა განისაზღვროს პროექტის ავტორის მიერ, ხოლო არაგეგმიური ინსპექტირება ტარდება შემსყიდველის მოთხოვნით.
- საავტორო ზედამხედველობის განხორციელებისას, საავტორო ზედამხედველი ვალდებულია სამშენებლო პროცესების საპროექტო დოკუმენტაციასთან ყველა შეუსაბამობა დაუყოვნებლივ აცნობოს დამკვეთს.
- სარეაბილიტაციო პროცესის დროს წარმოშობილი პრობლემების, რეკომენდაციების და სპეციალური ტექნიკური დახმარების გაწევა, ასევე ანალოგიურად სამშენებლო სამუშაოების მიღება-ჩაბარების პროცესში.
- წარმოდგენილი საპროექტო დოკუმენტაციის საფუძველზე ჩასატარებელი სამუშაოების შესრულების პროცესში აღმოჩენილი საპროექტო-სახარჯთაღრიცხვო ხარვეზების გამოსწორებას, დამატებითი ანაზღაურების გარეშე უზრუნველყოფს მიმწოდებელი.

ხელშეკრულების გაფორმებიდან არაუგვიანეს 60 (სამოცი) კალენდარული დღის ვადაში (ექსპერტიზის მომსახურების ჩათვლით).

1. გასაწევი მომსახურების შესახებ დეტალური ინფორმაცია მოცემულია ტექნიკურ დავალებაში (დანართი N1) და თანდართულ დოკუმენტაციაში (დანართი N3).

2. გასაწევი მომსახურების ადგილი: ქ. თბილისი, დავით აღმაშენებლის გამზ. N150, სსიპ „გარემოს ეროვნული სააგენტოს“ ადმინისტრაციული შენობა, მე-10 სართ. (გასაწევი მომსახურების ადგილში იგულისხმება საპროექტო-სახარჯთაღრიცხვო დოკუმენტაციის წარმოდგენის ადგილი).

1. შემსყიდველის მიერ საბოლოო მიღება-ჩაბარების აქტით გათვალისწინებული მომსახურების დასრულების თარიღიდან შესაბამისი სამშენებლო სამუშაოების დასრულებამდე დაკავებული იქნება მიწოდებული მომსახურების ღირებულების 2.5 %-ის ოდენობა.
2. თუ საგარანტიო პერიოდში სამუშაოების განხორციელების პროცესში საპროექტო-სახარჯთაღრიცხვო დოკუმენტაციაში აღმოჩნდება რაიმე სახის დეფექტ(ებ)ი, მიმწოდებელი ვალდებულია საკუთარი ხარჯებით აღმოფხვრას ისინი. თუ მიმწოდებელი არ აღმოფხვრის აღნიშნულ დეფექტ(ებ)ს, შემსყიდველი უფლებამოსილია გამოიყენოს დაკავებული თანხა გამოვლენილი ხარვეზის აღმოსაფხვრელად. ამასთან, თუ აღმოჩნდება რომ ხარისხის დაცვის მიზნით დაკავებული თანხა არ არის საკმარისი, შემსყიდველი უფლებამოსილია მიმართოს ხელშეკრულებითა და საქართველოს კანონმდებლობით გათვალისწინებულ ღონისძიებებს.
3. თუ მიმწოდებლის ბრალეულობით, შედგენილი საპროექტო-სახარჯთაღრიცხვო დოკუმენტაციით გათვალისწინებული სამუშაოების განხორციელების პროცესში გამოვლენილი საპროექტო დეფექტ(ებ)ის არსებობამ გადააჭარბა სამუშაოების სახელშეკრულებო ღირებულებაში განსაზღვრული გაუთვალისწინებელი სამუშაოების ღირებულებას იგი საჭიროების შემთხვევაში შესაძლებელია ანაზღაურდეს ხარისხის უზრუნველსაყოფად ხელშეკრულების ფარგლებში დაკავებული თანხიდან.

პრეტენდენტს 2023 წლის 01 იანვრიდან წინამდებარე ელექტრონული ტენდერის გამოცხადებამდე ჯამურად უნდა გააჩნდეს არანაკლებ 100,000.00 (ასი ათასი) ლარის ღირებულების საპროექტო-სახარჯთაღრიცხვო დოკუმენტაციის შედგენის მომსახურების გამოცდილება, რომლითაც უნდა დასტურდებოდეს სამოქალაქო და საზოგადოებრივი დანიშნულების საოფისე, ადმინისტრაციული ან/და სამრეწველო შენობა-ნაგებობების (არა ხაზოვანი ნაგებობების) მშენებლობის ან/და სარესტავრაციო-სარეაბილიტაციო სამუშაოების აღნიშნული მომსახურება. დასადასტურებლად პრეტენდენტმა შესყიდვების ერთიან ელექტრონულ სისტემაში, სატენდერო წინადადებასთან ერთად უნდა ატვირთოს შესაბამისი ხელშეკრულებები და ამ ხელშეკრულების ფარგლებში მომსახურების მიწოდების დამადასტურებელი დოკუმენტ(ებ)ი (მომსახურების (საბოლოო) მიღება-ჩაბარების აქტ(ებ)ი), ხოლო თუ პრეტენდენტს ხელშეკრულებ(ები)ა გაფორმებული აქვს სახელმწიფო შემსყიდველ ორგანიზაციასთან, საკმარისია მითითებულ იქნას შესაბამისი SPA, NAT, CNT, CMR ან სხვა ნომრები.

შენიშვნა: იმ შემთხვევაში, თუ ზემოაღნიშნული დოკუმენტებით/ინფორმაციით არ დასტურდება რა სახის/სპეციფიკის საპროექტო-სახარჯთაღრიცხვო დოკუმენტაცია აქვს მიწოდებული პრეტენდენტს, წარმოდგენილ უნდა იქნას პრეტენდენტის მიერ, შესაბამისი ხელშეკრულების ფარგლებში მიწოდებული საპროექტო-სახარჯთაღრიცხვო დოკუმენტაცია, რომლის მეშვეობითაც დადასტურდება პრეტენდენტის გამოცდილება.

1. პრეტენდენტს, ტენდერით გათვალისწინებული მომსახურების ხარისხიანად გაწევის უზრუნველსაყოფად უნდა ჰყავდეს სატენდერო დოკუმენტაციის დანართი N4-ში მითითებული დასახელების, რაოდენობის, განათლებისა და გამოცდილების პერსონალი.
2. პრეტენდენტმა, უნდა წარმოადგინოს მის მიერ შემოთავაზებული თითოეული სპეციალისტის საანკეტო მონაცემები სატენდერო დოკუმენტაციის დანართი N5-ის შესაბამისად.
3. პრეტენდენტმა უნდა წარმოადგინოს მის მიერ შემოთავაზებული თითოეული სპეციალისტის პირადობის დამადასტურებელი დოკუმენტის ან/და პასპორტის და შესაბამისი განათლების დამადასტურებელი დოკუმენტაციის ასლები.
4. პრეტენდენტმა უნდა წარმოადგინოს შესაბამის სპეციალისტებთან გაფორმებული წინარე შეთანხმებები (თითოეულ სპეციალისტთან ცალ-ცალკე) სატენდერო დოკუმენტაციის დანართი N6-ის შესაბამისად, რომლის მიხედვითაც, პრეტენდენტის გამარჯვების შემთხვევაში, სპეციალისტი იღებს ვალდებულებას, რომ კომპეტენციის შესაბამისად, პირადად განახორციელებს წინამდებარე ტენდერით გათვალისწინებული მომსახურების გაწევას.
5. ხელშეკრულების გაფორმების შემდეგ, მიმწოდებლის მიერ სპეციალისტ(ებ)ის შეცვლის, ან დამატების შესახებ საკითხი, წინასწარ უნდა შეთანხმდეს შემსყიდველთან (მიმწოდებელი ვალდებულია, წერილობით წარმოადგინოს შესაბამისი დასაბუთებული ინფორმაცია აღნიშნულ ცვლილებასთან დაკავშირებით). აღნიშნულ შემთხვევაში, ახალი სპეციალისტ(ებ)ის კვალიფიკაცია, განათლება და სამუშაო გამოცდილება უნდა აკმაყოფილებდეს სატენდერო დოკუმენტაციით დადგენილ მოთხოვნებს.

მიღება-ჩაბარების აქტი გაფორმდება სრული საპროექტო-სახარჯთაღრიცხვო დოკუმენტაციის ექსპერტიზ(ებ)ის დადებითი დასკვნის წარმოდგენის შემდეგ, რომელიც გაცემულ უნდა იქნას სსიპ ,,ლევან სამხარაულის სახელობის ექსპერტიზის ეროვნული ბიურო“-ს ან საქართველოს კანონმდებლობით განსაზღვრული სხვა აკრედიტირებული ორგანოს მიერ (ასეთის შემთხვევაში მიმწოდებელი ვალდებულია წარმოადგინოს ორგანოს აკრედიტაციის მოწმობა).

საავტორო ზედამხედველობის თანხის ანაზღაურება განხორციელდება შესაბამისი საავტორო ზედამხედველობის სრულად გაწევის შემდეგ.

შესყიდვის ობიექტის სპეციფიკიდან გამომდინარე, ვინაიდან აღნიშნული წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი ფასის დაფიქსირების შემთხვევაში არ მოითხოვება ფასწარმოქმნის ადეკვატურობის დასაბუთების ვალდებულება.

მიმწოდებელთან ანგარიშსწორება განხორციელდება მხარეებს შორის გაფორმებული საბოლოო მიღება-ჩაბარების აქტისა და მიმწოდებლის მიერ შესაბამისი საგადასახადო დოკუმენტაციის საფუძველზე ეროვნულ ვალუტაში.

მიმწოდებელთან ანგარიშსწორება განხორციელდება მხარეებს შორის გაფორმებული საბოლოო მიღება-ჩაბარების აქტისა და მიმწოდებლის მიერ შესაბამისი საგადასახადო დოკუმენტაციის წარმოდგენიდან 10 (ათი) სამუშაო დღის ვადაში.

შენიშვნა:

ა) საავტორო ზედამხედველობის თანხის ანაზღაურება განხორციელდება შესაბამისი საავტორო ზედამხედველობის სრულად გაწევის შემდეგ;
ბ) სატენდერო დოკუმენტაციის 1.7.1 მუხლის პირველი პუნქტით გათვალისწინებული თანხის ანაზღაურება განხორციელდება შესაბამისი სამშენებლო სამუშაოების დასრულების შემდგომ.

პავლე ანთელავა, 555333415, Pavle.Antelava@nea.gov.ge ტექნიკურ საკითხებზე ინფორმაციის მისაღებად შეგიძლიათ დარეკოთ ნომერზე 591088177 - გელა ბოხაშვილი.

1. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;
2. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე, ვალდებულია სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
3. პრეტენდენტს არა აქვს უფლება წარმოადგინოს ალტერნატიული წინადადება;
4. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით;
5. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარებში;
6. ანგარიშსწორება მოხდება უნაღდო ანგარიშსწორებით ლარებში.
7. სახელმწიფო შესყიდვის დაფინანსების წყარო: 2026 წლის - სახელმწიფო მიზნობრივი ქვეპროგრამა "სააგენტოს მართვა და ადმინისტრირება".

8. პრეტენდენტის მიერ შესყიდვების ერთიან ელექტრონულ სისტემაში ასატვირთი ინფორმაცია/დოკუმენტაცია:

ა) ფასების ცხრილი - დანართი N2 (PDF ფორმატის ფაილი დამოწმებული კანონმდებლობით დადგენილი წესით);

ბ) სატენდერო დოკუმენტაციის 2.2.1 მუხლით გათვალისწინებული ინფორმაცია/დოკუმენტაცია;

გ) სატენდერო დოკუმენტაციის 2.4.1 მუხლით გათვალისწინებული ინფორმაცია/დოკუმენტაცია.