Полные или частичные строительные работы и публичные работы (Грузия - Тендер #69067489)

ქუჩების მოასფალტების, ქვაფენილისა და ბორდიურის და ბეტონის საფარის მოწყობის სამუშაოების შესყიდვა

ასფალტის საფარის მოწყობა (ქალაქის ქუჩებში ორმოების შეკეთება) - 5000 კვ.მ
- ტერიტორიის მომზადება ასფალტის საფარის დასაგებად, 10 სმ სისქის ღორღის ჩატკეპვნით;
- 5 სმ სისქის ცხელი ასფალტბეტონის საფარის მოწყობა;
- ასფალტის ტემპერატურა ტკეპნის დასაწყისში, არანაკლებ - 120 °C;
- ტერიტორიის დასუფთავება და ნარჩენების გატანა

ასფალტის საფარის მოწყობა (ქალაქის ქუჩებში ორმოების შეკეთება) - 5900 კვ.მ
- ტერიტორიის მომზადება ასფალტის საფარის დასაგებად, 10 სმ სისქის ღორღის ჩატკეპვნით
- 10 სმ სისქის (ორი ფენა ) ცხელი ასფალტბეტონის საფარის მოწყობა
- ასფალტის ტემპერატურა ტკეპნის დასაწყისში, არანაკლებ - 120 °C
- ტერიტორიის დასუფთავება და ნარჩენების გატანა

გრუნტის შეცვლა - 4100 კუბ.მ
- საჭიროების შემთხვევაში, ქუჩებსა და გზებზე უვარგისი გრუნტის ამოღება და ბუნებრივი ქვიშა - ხრეშოვანი ნარევით შეცვლა(დატკეპნვით)
- ნარჩენი გრუნტის დატვირთვა და ავტოთვითმცლელით გატანა 10 კმ-ის ფარგლებში."

ქვაფენილის მოწყობა - 3300 კვ.მ
- არსებული ქვაფენილის დემონტაჟი
- მიწისქვეშა სამუშაოების შესრულება
- გრუნტის დატკეპნვა
- საჭიროებისამებრ დამტვრეული ქვის წვრილი ფრაქციის ან ქვიშის საფენის შევსება
- ქვაფენილის მოწყობა, საჭიროებისამებრ დაზიანებული ფილების შეცვლა
- ტერიტორიის დასუფთავება და ნარჩენების გატანა.

ბეტონის საფარის მოწყობა: B-20 მარკის ბეტონით - 1200 კუბ.მ
- არსებული ბეტონის საფარის დემონტაჟი
- მიწისქვეშა სამუშაოების შესრულება
- საჭიროებისამებრ დამტვრეული ქვის წვრილი ფრაქციის ან ქვიშის საფენის შევსება
- დაზიანებული ტერიტორიის მომზადება საფარის დატკეპვნა
- ბეტონის საფარის დაგება არანაკლებ 20 სმ
- ტერიტორიის დასუფთავება და ნარჩენების გატანა

ბორდიურის მოწყობა - 1000 გრძ. მ
- არსებული ბორდიურის დემონტაჟი
- მიწისქვეშა სამუშაოების შესრულება
- საჭიროებისამებრ დამტვრეული ქვის წვრილი ფრაქციის ან ქვიშის საფენის შევსება
- ბორდიურის მოწყობა, საჭიროებისამებრ დაზიანებული ბორდიურის შეცვლა
- ტერიტორიის დასუფთავება და ნარჩენების გატანა.


შენიშვნა: შესყიდვის სავარაუდო ღირებულების კლების შემთხვევაში, თითოეული პოზიციის ერთეულის ფასის კლება უნდა განხორციელდეს პროპორციულად სატენდერო დოკუმენტაციის ფასების ცხრილით განსაზღვრული ზღვრული ერთეულის ფასებიდან, არანაკლებ, სატენდერო განცხადებაში მოცემულ შესყიდვის სავარაუდო ღირებულებასა და პრეტენდენტის მიერ სისტემაში დაფიქსირებულ ბოლო შეთავაზების თანხას შორის არსებული პროცენტული სხვაობით.

1.4.1 მიმწოდებელმა სამუშაოს შესრულება უნდა განახორციელოს ეტაპობრივად, შემსყიდველის მოთხოვნის შესაბამისად. ასფალტობეტონის, ქვაფენილისა, ბორდიურის და ბეტონის მოწყობის სამუშაოები მოთხოვნიდან 10 (ათი) კალენდარული დღის ვადაში. სამუშაოების შესრულების საბოლოო ვადა განისაზღვრება 2026 წლის 25 დეკემბრის ჩათვლით პერიოდით.
1.4.2. შემსყიდველი უფლებას იტოვებს ვადების მართვის მიზნით მოსთხოვოს მიმწოდებელს წერილობითი დავალების მიცემით სამუშაოების დაწყების და დასრულების კონკრეტულ ვადების შესახებ ინფორმაციის წარმოდგენა;

1.5.1. სამუშაოს შესრულების ადგილად განისაზღვრება: ქ. ბათუმისა და ხელვაჩაურის ადმინისტრაციული საზღვრები და ქობულეთის მუნიციპალიტეტის დაბა ჩაქვის ტერიტორია, შემსყიდველის მოთხოვნის შესაბამისად.
1.5.2. მოწოდებული ასფალტის ტემპერატურული რეჟიმის დარღვევის შემთხვევაში მომწოდებელი ვალდებული იქნება არსებული ასფალტი ჩაანაცვლოს ახალი ასფალტით.
1.5.3. დაზიანებული ასფალტის დამუშავების დროს ამოჭრილ ლოკაციას უნდა ჰქონდეს გეომეტრიული ფიგურის ფორმა.
1.5.4. მიმწოდებელმა უნდა დაიცვას კანონმდებლობით გათვალისწინებული შრომის უსაფრთხოების ყველა ნორმა;
1.5.5. იმ შემთხვევაში, თუ მიმწოდებელი სამუშაოების შესრულების პროცესში, დააზიანებს შემსყიდველის ქონებას, იგი ვალდებული იქნება უზრუნველყოს შემსყიდველის ქონებისათვის პირვანდელი სახის აღდგენა საკუთარი ხარჯებით;
1.5.6. მიმწოდებელმა უნდა უზრუნველყოს სამუშაო ადგილის ფარგლებში გარემოზე ეკოლოგიური ზემოქმედების, მუშაოებით გამოწვეული ხმაურის, ვიბრაციის და მტვრის გავლენის მინიმუმადე დაყვანა;
1.5.7. ბეტონის საფარის მოწყობა: B-20 - შემსყიდველის მხრიდან ერთჯერადად მოთხოვნის მოცულობა იქნება არანაკლებ 6მ³.

1.6.1. შესრულებული სამუშაოს საგარანტიო პერიოდი შეადგენს არანაკლებ 1 (ერთი) წელს, სამუშაოს შესრულების მიღება - ჩაბარების აქტის გაფორმების დღიდან.
1.6.2. საგარანტიო პერიოდში დეფექტის გამოვლენის შემთხვევაში მიმწოდებელი უზრუნველყოფს წუნდებული სამუშაოს ხელახლა შესრულებას და განახორციელებს სამუშაოსთან დაკავშირებულ ყველა მოქმედებას საკუთარი ძალებით და საშუალებებით, შემსყიდველის მხრიდან ყოველგვარი დამატებითი დანახარჯების გაწევის გარეშე, შეტყობინების მიღებიდან 10 კალენდარული დღის განმავლობაში

2.2.1.1. პრეტენდენტს 2022 წლის 1-ელი იანვრიდან ტენდერის გამოცხადებამდე შესრულებული უნდა ჰქონდეს ანალოგიური ხასიათის, სირთულისა და შინაარსის სამუშაოები (ასფალტბეტონის საფარის მოწყობა) არანაკლებ 1 500 000 (ერთი მილიონ ხუთასი ათასი) ლარის ოდენობით.
2.2.1.2. ინფორმაცია წარმოდგენილ უნდა იქნეს დანართის შესაბამისად.
2.2.1.3. 2.2.1.1. პუნქტის მოთხოვნის დასაკმაყოფილებლად პრეტენდენტმა უნდა წარმოადგინოს: ხელშეკრულება(ები) და მისი/მათი შესაბამისი მიღება-ჩაბარების აქტ(ებ)ი და დადასტურებული საგადასახადო ანგარიშ-ფაქტურ(ებ)ი.
2.2.1.4. სახელმწიფო შესყიდვის შემთხვევაში, თუ პრეტენდენტის მიერ მითითებული იქნება NAT/SPA/CMR ან სხვა ნომრ(ებ)ი და სისტემაში ატვირთული დოკუმენტაციებით შესაძლებელი იქნება შესრულებული მომსახურების შინაარსისა და ღირებულებების იდენტიფიცირება 2.2.1.3. პუნქტით გათვალისწინებული დოკუმენტაციის წარმოდგენის საჭიროება არ არსებობს.

1. ტენდერში მონაწილე პრეტენდენტს ტენდერით გათვალისწინებული სამუშაოების შესასრულებლად უნდა გააჩნდეს საკუთარი ან საქართველოს სამოქალაქო კოდექსით ნებადართული ან აუკრძალავი ნებისმიერი ფორმით (ქირა, იჯარა, თხოვება და ა.შ.) თანამედროვე ტექნიკური მოთხოვნების შესაბამისი მინიმუმ შემდეგი მანქანა-მექანიზმები:
ა) ავტოთვითმცლელი - 1 ერთეული;
ბ) საგზაო სატკეპნი - 1 ერთეული;
გ) ასფალტის ზოლსაჭრელი - 1 ცალი;
დ) ავტობეტონსარევი - 1 ცალი;
ე) ხელის ვიბრაციული სატკეპნი მანქანა - 1 ცალი.
2. საკუთრების შემთხვევაში წარმოდგენილი უნდა იქნას საკუთრების დამადასტურებელი დოკუმენტების ასლები, სხვა შემთხვევაში – შესაბამისი დამადასტურებელი დოკუმენტების ასლები (მართლზომიერი მფლობელობის დასადასტურებლად ხელშეკრულების ასლები, რომლის მოქმედების ვადა არანაკლებ ერთი თვით უნდა აღემატებოდეს სამუშაოების დასრულების ვადას და თანდართული უნდა ჰქონდეს საკუთრების დამადასტურებელი დოკუმენტების ასლები). აუდიტის დასკვნის წარმოდგენის შემთხვევაში, დასკვნა გაცემული უნდა იყოს ტენდერის გამოცხადების შემდეგი თარიღით. აუდიტის დასკვნა უნდა ადასტურებდეს მანქანა-მექანიზმების საკუთრების ან/და სარგებლობის უფლებას. აღნიშნული მოთხოვნა სავალდებულოდ არ ვრცელდება არარეგისტრირებულ მანქანა-მექანიზმებზე - არარეგისტრირებულ მანქანა-მექანიზმებთან დაკავშირებით პრეტენდენტმა უნდა წარმოადგინოს ინფორმაცია ცნობის სახით.
3. პრეტენდენტს საკუთრებაში უნდა გააჩნდეს ასფალტის მოქმედი ქარხანა, ან/და გაფორმებული უნდა ჰქონდეს შესაბამისი ხელშეკრულება ასფალტბეტონის მიწოდებაზე ან საიჯარო ხელშეკრულება ქარხანასთან. ასფალტობეტონის ქარხნის საკუთრებაში არსებობის შემთხვევაში წარმოდგენილი იქნას საკუთრებაში არსებობის დამადასტურებელი დოკუმენტი (აუდიტის დასკვნის წარმოდგენის შემთხვევაში დოკუმენტი გაცემული უნდა იყოს ტენდერის გამოცხადების შემდეგი თარიღით) ან/და ასფალტის მიწოდების ან საიჯარო ხელშეკრულების შემთხვევაში წარმოდგენილი იქნას ხელშეკრულების ასლი, რომლის მოქმედების ვადა განისაზღვროს არანაკლებ 2026 წლის 25 დეკემბრისა.

იმ შემთხვევაში, თუ პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას სსიპ „ლევან სამხარაულის სახელობის ექსპერტიზის ეროვნული ბიუროს" ან სხვა აკრედიტირებული პირის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი), რომელშიც ტექსტობრივად მკაფიოდ უნდა იკვეთებოდეს, 2017 წლის 26 სექტემბრის საქართველოს მთავრობის N439 დადგენილებით განსაზღვრული ტექნიკური რეგლამენტის - „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ მოთხოვნებთან დასკვნის შესაბამისობა. წარმოდგენილი დასკვნით უნდა დასტურდებოდეს პრეტენდენტის მიერ ატვირთულ სატენდერო ხარჯთაღრიცხვაში (სატენდერო წინადადების საბოლოო ფასის შესაბამისი ხარჯთაღრიცხვა (შესაბამისი ტენდერის უნიკალური ნომრის მითითებით)) დაფიქსირებული ერთეულის ფასებით (თითოეულ ერთეულთან მიმართებით) და აგრეთვე ჯამური ღირებულებით ამავე ხარჯთაღრიცხვით განსაზღვრული სამუშაოების შესრულების შესაძლებლობა. ექსპერტიზის დასკვნას თან უნდა ერთვოდეს სატენდერო ხარჯთაღრიცხვა.
ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული პირობები.

5 Процентов

10 Процентов

ხელშეკრულების შესრულების უზრუნველყოფის გარანტიის მოქმედების ვადა 60 კალენდარული დღით უნდა აღემატებოდეს სამუშაოს საბოლოო შესრულების ვადას

6.4.1. გამარჯვებულმა პრეტენდენტმა ხელშეკრულების დადებამდე უნდა წარმოადგინოს უპირობო, გამოუთხოვადი ხელშეკრულების შესრულების უზრუნველყოფის გარანტია;
6.4.2. ხელშეკრულების შესრულების უზრუნველყოფის გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში;

7.2.1. მიმწოდებელთან ანგარიშსწორება შემსყიდველის მიერ განხორციელდება ეტაპობრივად, უნაღდო ანგარიშსწორების ფორმით, ეროვნულ ვალუტაში, ხელშეკრულებით გათვალისწინებული ფაქტიურად შესრულებული სამუშაოს შესაბამისად გაფორმებული მიღება-ჩაბარების აქტის, გადახდის სერთიფიკატის გაფორმებისა და შესაბამისი საანგარიშსწორებო დოკუმენტის საფუძველზე;
7.2.2. თუ ხელშეკრულებით განსაზღვრული შესრულებული სამუშაოს მოცულობების ღირებულებამ არ შეადგინა აღნიშნული ხელშეკრულებით გათვალისწინებული მთლიანი თანხა, ასეთ შემთხვევაში შემსყიდველი გადაუხდის მიმწოდებელს ფაქტიურად შესრულებული სამუშაოს მოცულობების ღირებულებას. აღნიშნულიდან გამომდინარე მიმწოდებელს პრეტენზია არ უნდა გააჩნდეს შეუსრულებელი სამუშაოს მოცულობების ანაზღაურებაზე.

ანგარიშსწორება განხორციელდება მიმწოდებლის მიერ ანგარიშსწოებისათვის საჭირო გაფორმებული დოკუმენტაციის წარდგენიდან 10 (ათი) სამუშაო დღის ვადაში, მიმწოდებლის მიერ მითითებული რეკვიზიტების მიხედვით.

ინგა კახელიშვილი, 593748728, inga_ka@yahoo.com

1. პრეტენდენტის მიერ წარმოდგენილ სატენდერო წინადადებაში საერთო ფასი წარმოდგენილი უნდა იყოს მომსახურებასთან დაკავშირებული ყველა ხარჯისა და საქართველოს კანონმდებლობით გათვალისწინებულ გადასახადების გათვალისწინებით.
2. სატენდერო დოკუმენტაციის იმ ნაწილში (ტექნიკური პირობები, ხარჯთაღრიცხვა, დანართი და სხვა), სადაც მითითებული იქნება სასაქონლო ნიშანი, მოდელი, წარმოშობის წყარო ან მწარმოებელი, იგულისხმება "მსგავსი" ან "ეკვივალენტური".
3. პრეტენდენტის მიერ სატენდერო წინადადების ან მისი შემადგენელი დოკუმენტის წარდგენა შესაძლებელია როგორც ქართულ, ასევე უცხო ენებზე. დოკუმენტის უცხო ენაზე წარდგენის შემთხვევაში, მას უნდა დაერთოს ნოტარიულად დამოწმებული თარგმანი ქართულ ენაზე. დოკუმენტთან დაკავშირებული სადავო საკითხ(ებ)ის გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
4. სატენდერო პირობების შესახებ დამატებითი ინფორმაციისა და განმარტებების მიღების საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის #12 ბრძანებით დამტკიცებული "ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად.
5. წინამდებარე შესყიდვა ხორციელდება ,,სახელმწიფო შესყიდვის შესახებ" საქართველოს კანონისა და "ელექტრონული ტენდერის ჩატარების შესახებ წესის" სახელმწიფო შესყიდვების სააგენტოს თავმჯდომარის 2017 წლის 14 ივნისის #12 ბრძანების შესაბამისად.