Фрукты, овощи и сопутствующие продукты (Грузия - Тендер #69034296)

სსიპ „სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს“ სტრუქტურული ერთეულების და ფილიალების ბენეფიციარებისთვის ტომატ-პასტის, კისელის, ჯემის, ხილის ნატურალური წვენების, ბარდის, წიწაკის, ნესვისა და საზამთროს სახელმწიფო შესყიდვა.

1.2.1 შესყიდვის ობიექტის მინიმალური მახასიათებლები:
1.2.1.1 ტომატ–პასტა - თითოეული მოწოდებული პარტია უნდა იყოს მოწითალო ფერის. ფერი, სუნი და გემო დამახასიათებელი გარკვეული ნიმუშისთვის. კონსტიტენცია სქელი. არ უნდა შეიცავდეს სახამებელს და ადამიანის ორგანიზმისთვის საშიშ და აკრძალულ საკვებ დანამატებს, ემულგატორების, კონსერვანტების და საღებავების სახით. ორგანოლეპტიკური, ფიზიკო-ქიმიური, მიკრობიოლოგიური და სანიტარულ–ჰიგიენური მაჩვენებლებით უნდა შეესაბამებოდეს საქართველოში მოქმედი სურსათის უვნებლობისა და უსაფრთხოების მოთხოვნებს. დაფასოებული უნდა იყოს ქარხნულად არანაკლებ 200 გრამიან და არაუმეტეს 3000 გრამიან თუნუქის უჟანგავ ან მინის ქილებში. თუნუქის ქილებში დაფასოებულის შემოთავაზების შემთხვევაში, ქილას არ უნდა აღენიშნებოდეს კოროზიის ნიშნები. მითითებული უნდა იყოს ვარგისიანობის ვადა და შენახვის პირობები. პროდუქტი უნდა შეესაბამებოდეს საქართველოში მოქმედ სტანდარტებს;

1.2.1.2 კისელის კონცენტრატი - თითოეული მოწოდებული პარტია უნდა იყოს სხვადასხვა სახის ხილის შემცველობით. ორგანოლეპტიკური, ფიზიკო - ქიმიური, მიკრობიოლოგიური შედეგებით უნდა შეესაბამებოდეს სურსათის უვნებლობისა და უსაფრთხოების მოთხოვნებს. არ უნდა შეიცავდეს ადამიანის ორგანიზმისთვის საშიშ და აკრძალულ საკვებ დანამატებს კონსერვანტების, ემულგატორებისა და სინთეზური საღებავების სახით. დაფასოებული უნდა იყოს ქარხნული წესით. მოთხოვნის შესაბამისად არანაკლებ 200 გრ და არაუმეტეს 10 კგ შეფუთვაში. შესაბამისი მარკირებით, ეტიკეტზე მითითებული უნდა იყოს მწარმოებლის რეკვიზიტები, შემადგენლობა, ვარგისიანობის ვადა და შენახვის პირობები;

1.2.1.3 ჯემი - დამზადებული 100% ნატურალური ხილისგან, არ უნდა შეიცავდეს კონსერვატებს, საღებავებსა და არომატიზატორებს, საშუალო სისქის, ასაწონი. მიწოდებული საქონლის დარჩენილი ვარგისიანობის ვადა უნდა იყოს საერთო ვადის არანაკლებ 50%. დაფასოებული ქარხნული წესით მინის ქილაში, შესაბამისი მარკირებით. ეტიკეტზე მითითებული უნდა იყოს მწარმოებლის რეკვიზიტები, შემადგენლობა, ვარგისიანობის ვადა და შენახვის პირობები;

1.2.1.4. ხილის ნატურალური წვენები - თითოეული მოწოდებული პარტია უნდა იყოს ნალექის გარეშე. დამზადებული უნდა იყოს ხილის ნატურალურ წვენზე, ან ნატურალური წვენის ექსტრაქტზე. არ უნდა შეიცავდეს ორგანიზმისთვის საშიშ და აკრძალულ ქიმიურ დანამატებს კონსერვანტების, ემულგატორებისა და საღებავების სახით. ორგანოლეპტიკური, ფიზიკო - ქიმიური, მიკრობიოლოგიური და სანიტარულ-ჰიგიენური გამოკვლევების შედეგები უნდა შეესაბამებოდეს საქართველოში მოქმედი სურსათის უვნებლობისა და უსაფრთხოების მოთხოვნებს. დაფასოებული უნდა იყოს ქარხნულად 1 ლიტრიდან 3 ლიტრამდე ქაღალდის, მინის ან პოლიეთილენის შეფუთვაში. შესაბამისი მარკირებით. მითითებული უნდა იყოს ვარგისიანობის ვადა;

1.2.1.5 ბარდა - ქარხნულად დაფასოებული არანაკლებ 350 და არაუმეტეს 1000 გრამიან მინის ან თუნუქის უჟანგავ ქილაში. შესაბამისი მარკირებით. მითითებული უნდა იყოს ვარგისიანობის ვადა;

1.2.1.6 შავი წიწაკა - დაფქული, მშრალი, სინესტისა და ობის სუნის გარეშე, მიკრობიოლოგიური და ფიზიკო-ქიმიური მაჩვენებლებით უნდა აკმაყოფილებდეს საქართველოში მოქმედი სურსათის უვნებლობისა და უსაფრთხოების მოთხოვნებს. არ უნდა შეიცავდეს ორგანიზმისთვის საშიშ საკვებ დანამატებს;

1.2.1.7 წითელი წიწაკა - დაფქული, მშრალი, სინესტისა და ობის სუნის გარეშე, მიკრობიოლოგიური და ფიზიკო-ქიმიური მაჩვენებლებით უნდა აკმაყოფილებდეს საქართველოში მოქმედი სურსათის უვნებლობისა და უსაფრთხოების მოთხოვნებს. არ უნდა შეიცავდეს ორგანიზმისთვის საშიშ საკვებ დანამატებს;

1.2.1.8 მჟავე კიტრი - კონსერვირებული ქარხნული წესით. ორგანოლეპტიკური, ფიზიკო-ქიმიური, მიკრობიოლოგიური და სანიტარულ ჰიგიენური მაჩვენებლებით უნდა შეესაბამებოდეს საქართველოში მოქმედი სურსათის უვნებლობისა და უსაფრთხოების მოთხოვნებს. მოთავსებული უნდა იყოს 500–1000 გრამიან შუშის ქილებში, ქილებზე მითითებული უნდა იყოს ვარგისიანობის ვადა;

1.2.1.9 ნესვი - ნაყოფი უნდა იყოს საღი, მწიფე (გადაუმწიფებელი - საკმარისად ვარგისი, ტრანსპროტირების დროს არ უნდა დაზიანდეს), მექნიკური და ბაქტერიოლოგიური დაზიანების გარეშე, არ უნდა აღენიშნებოდეს სოკოვანი და სხვადასხვა მავნებლებისაგან მიყენებული დაზიანებები. თითოეული ნესვის წონა უნდა იყოს არანაკლებ 800 გრ. პროდუქციის ხარისხი და ტრანსპორტირების პირობები უნდა შეესაბამებოდეს საქართველოში მოქმედი სურსათის უვნებლობისა და უსაფრთხოების მოთხოვნებს.

1.2.1.10. საზამთრო - ნაყოფი უნდა იყოს საღი, მწიფე (გადაუმწიფებელი - საკმარისად ვარგისი, ტრანსპროტირების დროს არ უნდა დაზიანდეს), მექანიკური და ბაქტერიოლოგიური დაზიანების გარეშე. არ უნდა აღენიშნებოდეს სოკოვანი და სხვადასხვა მავნებლებისაგან მიყენებული დაზიანებები. თითოეული საზამთროს წონა უნდა იყოს არანაკლებ 6 კგ. საზამთროს ნაყოფის რბილანას არ უნდა ეტყობოდეს გადამწიფებისაგან გამოწვეული თეთრი ლაქები.

1.2.2 სურსათი უნდა აკმაყოფილებდეს საქართველოს კანონმდებლობით დადგენილ მოთხოვნებს, მათ შორის:
1.2.2.1 სურსათის უვნებლობა, ეტიკეტირება, შეფუთვისა და ტრანსპორტირების პირობები უნდა აკმაყოფილებდეს საქართველოს კანონმდებლობით დადგენილ მოთხოვნებს და მოქმედ სტანდარტებს;
1.2.2.2 „ტექნიკური რეგლამენტის - მომხმარებლისათვის სურსათის შესახებ ინფორმაციის მიწოდების თაობაზე დამტკიცების შესახებ“ საქართველოს მთავრობის 2016 წლის პირველი ივლისის N301 დადგენილებით დამტკიცებული „მომხმარებლისათვის სურსათის შესახებ ინფორმაციის მიწოდების თაობაზე“ ტექნიკური რეგლამენტის შესაბამისად, დაფასოებული უნდა იყოს ქარხნული წესით და სათანადოდ ეტიკეტირებული (დაფასოების სტანდარტი არ ეხება მე-9 და მე-10 პოზიციებს);
1.2.2.3 ორგანოლეპტიკური, მიკრობიოლოგიური, ქიმიური და სანიტარულ-ჰიგიენური მაჩვენებლებით უნდა შეესაბამებოდეს საქართველოში მოქმედი სურსათის უვნებლობისა და სანიტარულ-ჰიგიენურ მოთხოვნებს;
1.2.2.4 „სასურსათო ნედლეულისა და კვების პროდუქტების ხარისხისა და უსაფრთხოების სანიტარიული წესებისა და ნორმების დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2001 წლის 16 აგვისტოს N301/ნ ბრძანებით დამტკიცებული „სასურსათო ნედლეულისა და კვების პროდუქტების ხარისხისა და უსაფრთხოების სანიტარული წესებითა და ნორმებით“ განსაზღვრულ სანიტარულ მოთხოვნებს საკვები პროდუქციის დამუშავების ეტაპებზე და წარმოებაში პროდუქციის ახალი სახეობის ჩაშვების, მისი გადამუშავების, წარმოების, შენახვის, ტრანსპორტირების, შესყიდვის, ქვეყანაში შემოტანისა და რეალიზაციის დროს (შემდგომში – საკვები პროდუქციის მიმოქცევისას);
1.2.2.5 „ტექნიკური რეგლამენტის - სურსათთან დაკავშირებული ტარის სანიტარიულ-ჰიგიენური ნორმების დამტკიცების შესახებ“ საქართველოს მთავრობის 2014 წლის 15 იანვრის N72 დადგენილებით დამტკიცებული „სურსათთან დაკავშირებული ტარის სანიტარულ-ჰიგიენური ნორმების დამტკიცების წესის შესახებ“ ტექნიკური რეგლამენტით განსაზღვრულ მოთხოვნებს სასურსათო პროდუქტის შესაფუთ მასალებსა და ნაკეთობებში ქიმიურ ნივთიერებათა საკონტროლო მაჩვენებლებისა და მიგრაციის დასაშვებ რაოდენობას, რომელიც ზიანს არ აყენებს სურსათს და უვნებელია ადამიანის ჯანმრთელობისათვის;
1.2.2.6 „სურსათში ზოგიერთი დამაბინძურებლის (კონტამინანტის) მაქსიმალურად დასაშვები ზღვრის შესახებ ტექნიკური რეგლამენტის დამტკიცების თაობაზე“ საქართველოს მთავრობის 2015 წლის 9 ნოემბრის N567 დადგენილებით დამტკიცებული „სურსათში ზოგიერთი დამაბინძურებლის (კონტამინანტის) მაქსიმალურად დასაშვები ზღვრის შესახებ ტექნიკური რეგლამენტით“ განსაზღვრულ ნორმებს.

1.2.3 მიმწოდებელი ვალდებულია უზრუნველყოს საქონლის ისეთი შეფუთვა, რომელიც დაიცავს მას დაზიანების ან გაფუჭებისაგან დანიშნულების ადგილამდე ტრანსპორტირების პროცესში.
1.2.4 მიმწოდებელი ვალდებულია შესყიდვის ობიექტის მიწოდებასთან ერთად შემსყიდველს გადასცეს შესაბამისი დოკუმენტაცია.

1.2.5 მიწოდებულ სურსათს უნდა გააჩნდეს ვარგისიანობის ვადა, მიწოდების დღიდან არანაკლებ 15 კალენდარული დღე.

1.4.1 ხელშეკრულების ძალაში შესვლიდან ან 2026 წლის 1 იანვრიდან (რომელიც უფრო გვიან დადგება) 2026 წლის 31 დეკემბრის ჩათვლით, ან ბენეფიციარებისთვის მზა საკვების მიწოდების მომსახურების შესყიდვის მიზნით გადაწყვეტილების მიღების და შესაბამისი ელექტრონული ტენდერის (აუქციონის გარეშე) ფარგლებში გაფორმებული ხელშეკრულების ძალაში შესვლის დღის ჩათვლით (რომელიც უფრო ადრე დადგება), ეტაპობრივად, არაუმეტეს თვეში ორჯერ, შემსყიდველის მოთხოვნის შესაბამისად.
1.4.2 სატენდერო დოკუმენტაციის 1.4.1 პუნქტით გათვალისწინებული საქონლის მიწოდებასთან დაკავშირებულ ყოველ კონკრეტულ ელექტრონულად ხელმოწერილ მოთხოვნის წერილს შემსყიდველი (სტრუქტრული ერთეულის და ფილიალის ხელმძღვანელი) მიმწოდებელს ხელზე გადასცემს ან ელექტრონული ფოსტის მეშვეობით უგზავნის, შესყიდვის ობიექტის მოწოდების თარიღამდე არანაკლებ 3 კალენდარული დღით ადრე, რომელშიც მითითებული იქნება ინფორმაცია მოსაწოდებელი საქონლის სახეობის, რაოდენობის, მოწოდების ადგილის და მოწოდების თარიღის შესახებ.
1.4.3 ბენეფიციარებისთვის მზა საკვების მიწოდების მომსახურების შესყიდვის საფუძვლით ხელშეკრულების შეწყვეტის თაობაზე მიმწოდებელს ეცნობება არანაკლებ 30 დღით ადრე.

1.5.1 შესყიდვის ობიექტის მიწოდების ადგილი:
1.5.1.1 ქ. თბილისი, ქინძმარაულის პირველი შესახვევი N1 (თბილისის ადამიანით ვაჭრობის (ტრეფიკინგის) და ძალადობის მსხვერპლთა მომსახურების დაწესებულება (თავშესაფარი));
1.5.1.2 ქ. ბათუმი, ჯაყელის ქ. N44 (ბათუმის ადამიანით ვაჭრობის (ტრეფიკინგის) მსხვერპლთა მომსახურების დაწესებულება (თავშესაფარი));
1.5.1.3 ქ. გორი, გოგებაშვილის ქ. N40 (გორის ძალადობის მსხვერპლთა მომსახურების დაწესებულება (თავშესაფარი და კრიზისული ცენტრი));
1.5.1.4 ქ. ქუთაისი, განჯის I შესახვევი N2 (ქუთაისის ძალადობის მსხვერპლთა მომსახურების დაწესებულება (თავშესაფარი და კრიზისული ცენტრი));
1.5.1.5 სიღნაღის მუნიციპალიტეტი, სოფ. საქობო (სიღნაღის ძალადობის მსხვერპლთა მომსახურების დაწესებულება (თავშესაფარი));
1.5.1.6 ქ. თბილისი, ბუდაპეშტის N28 (თბილისის ადამიანით ვაჭრობის (ტრეფიკინგის) და ძალადობის მსხვერპლთა მომსახურების დაწესებულება);
1.5.1.7 ქ. თბილისი, ქ. ანაპის 414–ე დივიზია ქ. N55 (თბილისის ხანდაზმულთა პანსიონატი);
1.5.1.8 ქ. ქუთაისი, სოლომონ II-ის ქ. მე-IV ჩიხი (ქუთაისის ხანდაზმულთა პანსიონატი);
1.5.1.9 თერჯოლის მუნიციპალიტეტი, სოფ. ძევრი (ძევრის შეზღუდული შესაძლებლობის მქონე პირთა პანსიონატი (ფილიალი));
1.5.1.10 წალკის მუნიციპალიტეტი, დაბა ბედიანი, (ბედიანის შეზღუდული შესაძლებლობის მქონე პირთა პანსიონატი (ფილიალი));
1.5.1.11 ქ. დუშეთი, ქეთევან წამებულის ქუჩა N28 (დუშეთის შეზღუდული შესაძლებლობის მქონე პირთა პანსიონატი (ფილიალი));
1.5.1.12 ქ. თბილისი, გმირი კურსანტების მე-2 შესახვევი N11 (თბილისის ბავშვთა სახლი (ფილიალი));
1.5.1.13 მცხეთის მუნიციპალიტეტი, სოფ. წილკანი (წილკანის ხანდაზმულთა პანსიონატი (ფილიალი)).

1.7.1.1 შემოთავაზებული საქონელი უნდა იყოს ნივთობრივად და უფლებრივად უნაკლო.
1.7.1.2 შესყიდვის ობიექტის ვარგისიანობის ვადა უნდა შეადგენდეს მიწოდების დღიდან არანაკლებ 15 კალენდარულ დღეს.
1.7.1.3 შესყიდვის ობიექტის მიერ გამოვლენილი წუნის/ხარვეზის/დეფექტის შემთხვევაში, მიმწოდებელი ვალდებულია შემსყიდველის დავალებიდან არაუგვიანეს 2 (ორი) კალენდარული დღის ვადაში, შემსყიდველის მხრიდან რაიმე დამატებითი დანახარჯების გაწევის გარეშე, წუნის/ხარვეზის/დეფექტის მქონე საქონელი შეცვალოს ახლით.
1.7.1.4 წუნის/ხარვეზის/დეფექტის გამო საქონლის შეცვლის საჭიროების შემთხვევაში საქონლის ტრანსპორტირება უნდა უზრუნველყოს მიმწოდებელმა.

2.1.1.1 პრეტენდენტი ვალდებულია ფასების ცხრილში (დანართი N1) მიუთითოს შესყიდვის ობიექტის წარმოშობის წყარო და მწარმოებელი.
2.1.1.2. პრეტენდენტი ვალდებულია ფასების ცხრილში (დანართი N1) წარმოშობის წყაროს და მწარმოებელი მითითებისას დასახელება მიუთითოს სრულად და ზუსტად.
2.1.1.3 პრეტენდენტის მიერ წარმოების ქვეყნისა და მწარმოებლის შესახებ წარდგენილი ინფორმაცია არასრულყოფილია ან შეიცავს უზუსტობებს, თუმცა, მის მიერ სატენდერო წინადადების სახით წარდგენილი დოკუმენტ(ებ)ის/ინფორმაციის ერთობლიობით, მათი შეფასების, ანალიზისა და ურთიერთშეჯერების საფუძველზე შესაძლებელია შესყიდვის ობიექტის წარმოების ქვეყნისა და მწარმოებლის იდენტიფიკაცია, სატენდერო კომისია უფლებამოსილია მიმართოს პრეტენდენტს აღნიშნულის დაზუსტების მოთხოვნით.
2.1.1.4 პრეტენდენტის მიერ 2.1.1.1 პუნქტით გათვალისწინებული ინფორმაციის წარმოუდგენლობა დაზუსტებას არ დაექვემდებარება და გამოიწვევს მის დისკვალიფიკაციას.

შენიშვნა:
ისეთ პოზიციებზე, რომლის წარმოებაც ხდება საქართველოში ფიზიკური პირების მიერ და არ არის იმპორტირებული საქონელი, შესაძლებელია მიეთითოს წარმოშობის ქვეყანა „საქართველო“, ხოლო მწარმოებელი - ფიზიკური პირ(ებ)ის სახელი და გვარი.

2.2.1.1 პრეტენდენტს, 2022 წლის 1 იანვრიდან წინამდებარე ტენდერისთვის „წინადადებების მიღება დასრულებულია“ პერიოდამდე მონაკვეთში, უნდა გააჩნდეს არანაკლებ 60`115.00 ლარის ოდენობის ადამიანისათვის საკვებად ვარგისი პროდუქტ(ებ)ის მიწოდების გამოცდილება. აღნიშნულის დასადასტურებლად პრეტენდენტის მიერ ერთიან ელექტრონულ სისტემაში ატვირთული უნდა იქნას ხელშეკრულებ(ები)ა და ამ ხელშეკრულებ(ებ)ის შესრულების დამადასტურებელი დოკუმენტაცია (მიღება-ჩაბარების აქტ(ებ)ი ან შესრულების დამადასტურებელი სხვა დოკუმენტაცია).

2.2.1.2 იმ შემთხვევაში თუ შესყიდვის ხელშეკრულება და შესრულების დამადასტურებელი დოკუმენტაცია არ იძებნება შესყიდვების ერთიან ელექტრონულ სისტემაში, პრეტენდენტმა უნდა წარმოადგინოს ანალოგიური გამოცდილების შესახებ ინფორმაცია, რომელიც მიმწოდებლისა და შემსყიდველის მიერ უნდა იყოს ელექტრონულად ხელმოწერილი ან/და დამოწმებული კვალიფიციური შტამპით.

2.2.1.3 იმ შემთხვევაში, თუ სატენდერო დოკუმენტაციის 2.2.1 მუხლით მოთხოვნილი დოკუმენტაცია ატვირთულია შესყიდვების ერთიან ელექტრონულ სისტემაში, პრეტენდენტს შეუძლია გამოცდილების შესახებ დანართში N2-ში („ინფორმაცია გამოცდილების შესახებ“) მიუთითოს შესაბამისი CMR ან/და SPA ან/და NAT ან/და სხვა შესყიდვის საშუალების ნომრები და არ წარმოადგინოს მოთხოვნილი დოკუმენტაცია.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის ან/და საშემფასებლო დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომლებშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.
დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

7.2.1 ანგარიშსწორება მოხდება უნაღდო ანგარიშსწორებით ლარში, 2026 წლის სახელმწიფო ბიუჯეტის სახსრებით (ბიუჯეტის კოდი: 270205).
7.2.2 ანგარიშსწორება განხორციელდება ეტაპობრივად, თვეში ერთხელ, თვის განმავლობაში, ფაქტიურად მიწოდებული შესყიდვის ობიექტის შესაბამისად, საბოლოო ინსპექტირების დასკვნის, საბოლოო მიღება-ჩაბარების აქტის და მოქმედი კანონმდებლობით გათვალისწინებული შესაბამისი საგადასახადო დოკუმენტაციის „შემსყიდველისათვის“ წარმოდგენის შემდეგ.

ეტაპობრივად, თვეში ერთხელ, თვის განმავლობაში ფაქტობრივად მიწოდებული შესყიდვის ობიექტის შემდეგ, მიღება–ჩაბარების აქტის გაფორმებიდან და მოქმედი კანონმდებლობით გათვალისწინებული საგადასახადო დოკუმენტაციის „შემსყიდველისათვის“ წარმოდგენის შემდეგ 10 სამუშაო დღის განმავლობაში.

სოფიო ჯაჯანიძე, 593944648, sjajanidze@moh.gov.ge

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება). პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული სატენდერო დოკუმენტაციის დანართ N1-ის (ფასების ცხრილი/მომსახურების ხარჯთაღრიცხვა/პრეისკურანტი) შესაბამისი ინფორმაცია წარმოდგენილ უნდა იქნეს MS Excel-ის ფორმატის ფაილის სახით, რომელიც არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს), ხოლო პრეტენდენტის მიერ ტენდერის ფარგლებში შედგენილ სხვა დოკუმენტაციაზე სავალდებულოა კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა.
10.1.4 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.5 პრეტენდენტს არ აქვს უფლება წარმოადგინოს ალტერნატიული სატენდერო წინადადება.

10.1.6 პრეტენდენტის მიერ ერთიან ელექტრონულ სისტემაში ასატვირთი მონაცემები:
10.1.6.1 ფასების ცხრილი (დანართი N1) MS Excel-ის ფორმატის ფაილის სახით, სატენდერო დოკუმენტაციის 1.7.1 და 2.1.1 პუნქტებით მოთხოვნილი ინფორმაციის გათვალისწინებით;
10.1.6.2 ინფორმაცია/დოკუმენტაცია პრეტენდენტის გამოცდილების შესახებ, სატენდერო დოკუმენტაციის 2.2.1 პუნქტის შესაბამისად.