Услуги в области бытовых отходов и отходов (Грузия - Тендер #69034222)

სარისკო (სახიფათო) სამედიცინო ნარჩენების და მაღალი რისკის მქონე სახიფათო ნარჩენების გატანა/განადგურება

1. სარისკო (სახიფათო) ნარჩენები-ინფექციური ნარჩენები, მაღალი რისკის ინფექციური ნარჩენები, ბასრი საგნები, პათოლოგიურ-ანატომიური ნარჩენები, ფარმაცევტული ნარჩენები, ციტოტოქსიკური და გენოტოქსიკური ნარჩენები - კგ 70000
2. ვერცხლის წყლის შემცველი თერმომეტრები, ლუმინესცენტური ნათურები - კგ. 5
3. ქიმიკატები, რომელიც შეიცავენ სახიფათო ნივთიერებას (ლაბორატორიული-ქიმიური რეაგენტების ნარჩენები) - ლტ 400
4. ჟანგბადის ქარხნის, აირგენერატორის და დიზელგენერატორის ექსპლუატაციის შედეგად წარმოქმნილი ნახმარი ზეთი - ლტ. 40
5. ჟანგბადის ქარხნის, აირგენერატორის სერვისული მომსახურების დროს აირ გენერატორზე შეცვლილი, გამოყენებული უვარგისი: ხაზური ფილტრები, ჰაერის ფილტრები, კატრიჯული ფილტრები, ზეთის ფილტრები და სეპარატორის ფილტრი - კგ. 12

1.4.1. შესყიდვის ობიექტის/მომსახურების მიწოდება უნდა განხორციელდეს 2026 წლის 01 იანვრიდან 2026 წლის 31 დეკემბრის ჩათვლით:

1. სარისკო (სახიფათო) ნარჩენები-ინფექციური ნარჩენები, მაღალი რისკის ინფექციური ნარჩენები, ბასრი საგნები, პათოლოგიურ-ანატომიური ნარჩენები, ფარმაცევტული ნარჩენები, ციტოტოქსიკური და გენოტოქსიკური ნარჩენები - ორშაბათიდან შაბათის ჩათვლით, დღეში ერთჯერ;
2. ვერცხლის წყლის შემცველი თერმომეტრები, ლუმინესცენტური ნათურები - შემსყიდველის მოთხოვნიდან არაუგვიანეს 3 სამუშაო დღის განმავლობაში (მოთხოვნა განხორციელდება თვეში ერთჯერ);
3. ქიმიკატები, რომელიც შეიცავენ სახიფათო ნივთიერებას (ლაბორატორიული-ქიმიური რეაგენტების ნარჩენები) - შემსყიდველის მოთხოვნიდან არაუგვიანეს 3 სამუშაო დღის განმავლობაში (მოთხოვნა განხორციელდება თვეში ერთჯერ);
4. ჟანგბადის ქარხნის, აირგენერატორის და დიზელგენერატორის ექსპლუატაციის შედეგად წარმოქმნილი ნახმარი ზეთი - შემსყიდველის მოთხოვნიდან არაუგვიანეს 3 სამუშაო დღის განმავლობაში (მოთხოვნა განხორციელდება წელიწადში 2-ჯერ);
5. ჟანგბადის ქარხნის, აირგენერატორის სერვისული მომსახურების დროს აირ გენერატორზე შეცვლილი, გამოყენებული უვარგისი: ხაზური ფილტრები, ჰაერის ფილტრები, კატრიჯული ფილტრები, ზეთის ფილტრები და სეპარატორის ფილტრი - შემსყიდველის მოთხოვნიდან არაუგვიანეს 3 სამუშაო დღის განმავლობაში (მოთხოვნა განხორციელდება წელიწადში 2-ჯერ).

1.5.1. მომსახურების გაწევის ადგილი: ქ. ბათუმი, ტბელ აბუსერიძის ქ. N2/პუშკინის ქ.164, შპს "ბათუმის რესპუბლიკური კლინიკური საავადმყოფო".

2.7.1.1. პრეტენდენტს უნდა გააჩნდეს აღნიშნული საქმიანობის განხორციელების ნებართვა ან/და ლიცენზია (პრეტენდენტი ვალდებულია წარმოადგინოს შესაბამისი საქმიანობის განხორციელების დამადასტურებელი დოკუმენტის ასლი).
2.7.1.2. პრეტენდენტმა უნდა წარმოადგინოს უფლებამოსილი ორგანოს მიერ სახიფათო ნარჩენების გადამზიდავი ავტომანქან(ებ)ის დაშვების მოწმობა და მძღოლ(ებ)ის სახელზე გაცემული ე.წ ADR-ის მოწმობა მძღოლ(ებ)ის მომზადების შესახებ.
2.7.1.3. სახიფათო ნარჩენების გადამზიდავ ავტომანქანას უნდა ჰქონდეს ბიოლოგიური საფრთხის აღმნიშვნელი ნიშანი;
2.7.1.4. ,,პრეტენდენტმა“ უნდა წარმოადგინოს დოკუმენტაცია ინსინერაციის შედეგად წარმოქმნილი ფერფლის განსათავსებლად საჭირო შესაბამისი ნაგავსაყრელის მის საკუთრებაში არსებობის შესახებ, ან აღნიშნული მომსახურების გაწევაზე შესაბამის ნაგავსაყრელთან გაფორმებული ხელშეკრულება.
2.7.1.5. "მომსახურების" გაწევა უნდა განხორციელდეს საქართველოს მთავრობის 2017 წლის 16 ივნისის N294 დადგენილების, (ტექნიკური რეგლამენტი - ,,სამედიცინო ნარჩენების მართვა“), საქართველოს მთავრობის 2016 წლის 29 მარტის N145 დადგენილების (ტექნიკური რეგლამენტი - ,,სახიფათო ნარჩენების შეგროვებისა და დამუშავების სპეციალური მოთხოვნები“) და სხვა საქართველოს მოქმედი კანონმდებლობით განსაზღვრული მოთხოვნების სრული დაცვით.

აღნიშნული დოკუმენტები წარმოდგენილ უნდა იქნას ერთიანი ელექტრონული სისტემის შესაბამის მოდულში.

2.8.1.1. პრეტენდენტი ვალდებულია ქვეკონტრაქტორის არსებობის ან არ არსებობის შემთხვევაში წარმოადგინოს შესაბამისი ინფორმაცია.
2.8.1.2. ქვეკონტრაქტორის არსებობის შემთხვევაში პრეტენდენტმა უნდა წარმოადგინოს იურიდიული ფორმის, საბანკო და იურიდიული რეკვიზიტების შესახებ ინფორმაცია სისტემის მეშვეობით;
2.8.1.3. „შემსყიდველის“ მოთხოვნის შემთხვევაში, პრეტენდენტი ვალდებულია წარმოადგინოს ქვეკონტრაქტორის მიერ წერილობითი თანხმობა, სატენდერო დოკუმენტაციით მოთხოვნილი ვალდებულების შესრულების შესახებ.
2.8.1.4. ქვეკონტრაქტორი არ უნდა იყოს სახელმწიფო შესყიდვების სააგენტოს შავ სიაში რეგისტირებული.
2.8.1.5. იმ შემთხვევაში თუ პრეტენდენტს, ტენდერისათვის „წინადადებების მიღება დასრულებულია“ სტატუსის მინიჭების შემდეგ, წარმოეშობა ქვეკონტრაქტორი, ამ შესახებ წერილობით უნდა აცნობოს „შემსყიდველს“.
2.8.1.6. პრეტენდენტმა უნდა წარმოადგინოს ქვეკონტრაქტორთან გაფორმებული ხელშეკრულება და აღნიშნულ სფეროში საქართველოს კანონმდებლობით ქვეკონტრაქტორზე გაცემული ლიცენზია/ნებართვა და 2.7. პუნქტში მითთებული ნებართვა.

2.9.1. მიმწოდებელი ვალდებულია საკუთარი ხარჯებით უზრუნველყოს ნარჩენების შესაგროვებლად შესაბამისი ჰერმეტულად დახურული სპეციალური (დეზინფიცირებული) კონტეინერების შემსყიდველის მისამართზე განთავსება, რომლის მოცულობა და რაოდენობა უნდა იყოს: არანაკლებ 100 ლიტრიდან 120 ლიტრამდე - არანაკლებ 15 ცალი, რომელსაც უნდა გააჩნდეს გორგოლაჭები, რის საფუძველზეც გაადვილდება მისი გადაადგილება; არანაკლებ 200-დან 250 ლიტრამდე - არანაკლებ 5 ცალი. აღნიშნული კონტეინერების რეცხვა/დეზინფიცირება უნდა ხდებოდეს ყოველი გატანის პერიოდში, ასევე შესაძლებელია ყოველ ჯერზე ჩანაცვლდეს ახალი დეზინფიცირებული კონტეინერით. განთავსებული კონტეინერები უნდა იყოს ყვითელი ფერის, რომელზედაც დატანილი იქნება შესაბამისი მაჩვენებლის მარკირება;
2.9.2. მიმწოდებელმა საკუთარი ხარჯებით უზრუნველყოს ნარჩენების შესაგროვებლად შესაბამისი (სპეციალური, დეზინფიცირებული) კონტეინერების შემსყიდველის მისამართზე განთავსება, ხელშეკრულების მოქმედების ვადაში. განსათავსებელი კონტეინერების რაოდენობა დაზუსტდება ხელშეკრულების გაფორმების ეტაპზე;
2.9.3. ნარჩენების გატანა-განადგურება უნდა განხორციელდეს საქართველოს მოქმედი კანონმდებლობით გათვალისწინებული წესით, სპეციალური, ჰერმეტულად დახურული კონტეინერების და შესაბამისად აღჭურვილი პერსონალის საშუალებით;
2.9.4. მიმწოდებელი ვალდებულია, შემსყიდველის წარმომადგენლის თანდასწრებით ნარჩენების გატანამდე განახორციელოს მისი აწონვა და შეადგინოს შესაბამისი დოკუმენტაცია;
2.9.5. მიმწოდებელი იღებს ვალდებულებას კლინიკის ნარჩენების მართვაზე პასუხისმგებელი პირი მოთხოვნისთანავე დაასწროს სახიფათო ნარჩენების ტრანსპორტირების და/ან უტილიზაციის (ინსენერაციის) პროცესს.
2.9.6. მიმწოდებელმა უნდა უზრუნველყოს შესყიდვის ობიექტის ტრანსპორტირება შემსყიდველის მისამართიდან უტილიზაციის ადგილამდე შესაბამისი კონტეინერებით და შემდგომი განადგურება (უტილიზაცია);
2.9.7. მიმწოდებელი ვალდებულია მოახდინოს კონტეინერების დეზინფიცირება და თერმული დამუშავება.

4.1.1.1. იმ შემთხვევაში, თუ ტენდერში ყველაზე დაბალი წინადადების ფასის მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა, რომელიც შესაძლებელია, დასაბუთდეს შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო, ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი);

4.1.1.2. ფასწარმოქმნის ადეკვატურობის 20%-ით ან მეტით ფასის კლების შემთხვევაში, პრეტენდენტის მიერ წარმოდგენილი ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე, ხარჯთაღრიცხვის ერთეულებთან მიმართებით.

7.2.1. ანგარიშსწორება მიმწოდებელთან განხორციელდება ეტაპობრივად, ფაქტიურად მიწოდებული შესყიდვის ობიექტების მიხედვით, მიმწოდებლის მიერ წარმოდგენილი მიღება-ჩაბარების აქტისა და შესაბამისი საგადასახადო დოკუმენტაციის საფუძველზე (საგადასახადო დოკუმენტაციაში დამატებით მითითებული უნდა იქნას ხელშეკრულების ნომერი);
7.2.2. ანგარიშსწორება განხორციელდება ეროვნულ ვალუტაში - ლარში, უნაღდო ანგარიშსწორების ფორმით, მიმწოდებლის მიერ ფაქტიურად მიწოდებული შესყიდვის ობიექტის ღირებულების შესაბამისად;
7.2.3. ანგარიშსწორება განხორციელდება მიმწოდებლის საბანკო რეკვიზიტებზე.

7.3.1. ანგარიშსწორება განხორციელდება მიღება-ჩაბარების აქტის და საგადასახადო დოკუმენტაციის საფუძველზე, აღნიშნული დოკუმენტაციის მიმწოდებლის მიერ შემსყიდველისათვის წარდგენიდან არაუმეტეს 30 (ოცდაათი) სამუშაო დღის განმავლობაში.

შენიშვნა: ორგანიზაციის სპეციფიკური დაფინანსებიდან გამომდინარე, ვერ განხორციელდება სახელმწიფო შესყიდვების სააგენტოს რეკომენდაციის გათვალისწინება ანგარიშსწორების ვადებთან დაკავშირებით.

ლელა ხაბეიშვილი, 577302949, lela.khabeishvili11@gmail.com ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა.

10.1.1. ალტერნატიული სატენდერო წინადადება არ განიხილება.
10.1.2. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის გათვალისწინებით;
10.1.3. პრეტენდენტმა სატენდერო წინადადების ფასი უნდა მიუთითოს კანონმდებლობით გათვალისწინებული ყველა გადასახადის ჩათვლით;
10.1.4. საავანსო ანგარიშსწორება არ გამოიყენება;
10.1.5. სახელმწიფო შესყიდვების ერთიან ელექტრონულ სისტემაში ატვირთული დოკუმენტები ან/და ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი/მიმწოდებელი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.1.6. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
10.1.7. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;
10.1.8. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად;
10.1.9. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია ერთეულის ღირებულება შეამციროს და დაამრგვალოს მეასედებამდე, შესაბამისად შეამციროს საერთო ღირებულებაც;
10.1.10. შესყიდვის ობიექტის რაოდენობა/მოცულობა/მომსახურება არის სავარაუდო და მისი შესყიდვა განხორციელდება შემსყიდველის მოთხოვნის შესაბამისად (საჭიროებისამებრ), ანუ შემსყიდველი იტოვებს უფლებას არ აითვისოს სრულად დანართი #1-ში (ფასების ცხრილი) მითითებული შესყიდვის ობიექტი/მომსახურება;
10.1.11. პრეტენდენტი ვალდებულია სატენდერო დოკუმენტაციის/კითხვარის პუნქტში მიმაგრებული დანართი წარმოადგინოს იმ ფორმით, რა ფორმითაც არის მითითებული სატენდერო დოკუმენტაციაში.