Ремонт, техническое обслуживание и сопутствующие услуги, связанные с воздушным, железнодорожным, автомобильным и морским транспортом (Грузия - Тендер #69034216)

ონის მუნიციპალიტეტში გარე განათების ტექნიკური მომსახურება

გარე განათების ტექნიკური მომსახურების სახელშეკრულებო ღირებულება შეადგენს 80 000 (ოთხმოცი ათასი) ლარს, ხოლო პრეისკურანტის სავარაუდო ღირებულება შეადგენს 1846.60 (ერთი ათას რვაას ორმოცდა ექვსი ლარი და 60 თეთრი) ლარს.
1. პრეტენდენტმა ელექტრონული ვაჭრობა უნდა განახორციელოს პრეისკურანტის სავარაუდო ჯამურ ღირებულებაზე;
2. პრეტედენტის ერთიან ელექტრონულ სისტემაში დაფიქსირებული საბოლოო ფასი რამდენი პროცენტითაც იქნება ნაკლები (ასეთის არსებობის შემთხვევაში) შესყიდვის ობიექტის სავარაუდო ღირებულებაზე, იმდენივე პროცენტით, პროპორციულად უნდა დააკლდეს თანხა პრეისკურანტში (ფასების ცხრილში) შემსყიდველისაგან შესაბამის გრაფებში მითითებულო ერთეულის ფასებს.
3. პრეტენდენტის მიერ დაფიქსირებულ საბოლოო ფასის შესაბამის ფასების ცხრილში მითითებული ერთეულის მომსახურების ღირებულება არ უნდა აღემატებოდეს შემსყიდველის მიერ შესაბამის გრაფაში მითითებული ერთეულის მომსახურების სავარაუდო ღირებულებას.
4. გასაწევი მომსახურების ღირებულება აღებულ უნდა იყოს შესაძლო გასაწევი მომსახურების მიხედვით, ხოლო ანაზღაურება „მიმწოდებელთან“ განხორციელდება მის მიერ ფაქტობრივად გაწეული მომსახურების მიხედვით;
5. პრეისკურანტში მომსახურების რომელიმე ერთეულის არარსებობისას, აღნიშნული ერთეულის ფასი მისი შესყიდვის აუცილებლობისას, დგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში შესაბამისი მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%–ს;
6. სატენდერო წინადადებაში საერთო და ერთეულის ფასი გამოსახულ უნდა იყოს: საქართველოს კანონმდებლობით გათვალისწინებული გადასახადის და მომსახურების გაწევასთან დაკავშირებული ყველა ხარჯის გათვალისწინებთ;
7. ტექნიკური მომსახურება განხორციელდება დეფექტური აქტის შედგენის შემდეგ, რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო საქონლის ჩამონათვალი;
8. პრეტენდენტის მიერ, „წინადადების მიღება დასრულებულია“ ეტაპზე, სატენდერო დოკუმენტაციის პრეისკურანტის წარმოუდგენლობა ან არსებითად შეუსაბამო პრეისკურანტის წარმოდგენა (ერთეულის ფას(ებ)ი აღემატება შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის სავარაუდო ფას(ებ)ს), გამოიწვევს პრეტენდენტის დისკვალიფიკაციას აღნიშნულ ტენდერში;
9. ონის მუნიციპალიტეტში არსებული გარე განათების ქსელის აღწერილობა მოცემულია დანართ N1-ში.
10. მომსახურებისათვის გამოყენებული მასალები უნდა იყოს ახალი, ქარხნული და ხარისხიანი, ნათურების საგარანტიო ვადა უნდა იყოს მინიმუმ 6 თვე, დანარჩენი მასალების საგარანტიო ვადა უნდა შეადგენდეს არანაკლებ ერთ წელს, აღნიშნული არ გავრცელდება ხის საყრდენებზე.

2026 წლის 1 იანვრიდან 2027 წლის 1 იანვრამდე (იხ.ფასების ცხრილი).
სახელმწიფო შესყიდვების პროცედურების სპეციფიკიდან გამომდინარე, იმ შემთხვევაში თუ ხელშეკრულება გაფორმდება 2026 წლის 1 იანვრის შემდგომ, ხელშეკრულების გათვალისწინებული მიწოდების ვადა განისაზღვრება მისი გაფორმებიდან 2027 წლის 1 იანვრამდე.

მომსახურების გაწევა მოხდება დანართ N1-ში მითითებულ ადგილებზე,შედგენილი დეფექტური აქტის შესაბამისად.

1.პრეტენდენტს 2022 წლის 1 იანვრიდან წინამდებარე ტენდერის გამოცხადების დღემდე უნდა გააჩნდეს ანალოგიური სირთულის, ხასიათისა და შინაარსის მომსახურების გაწევის ან/და სამუშაოს შესრულების გამოცდილება
2. ანალოგიურ მომსახურებას ან/და სამუშაოს მიეკუთვნება გარე განათების ტექნიკური მომსახურება და გარე განათებების მოწყობის/რეაბილიტაციის სამუშაოები.
3.ინფორმაცია გამოცდილების შესახებ წარმოდგენილი უნდა იყოს დანართი N3–ის შესაბამისად;
4. პრეტენდენტი ვალდებულია წარმოადგინოს, საანგარიშო პერიოდში ანალოგიური სამუშაოების გამოცდილების დამადასტურებელი, მხარეთა მიერ ხელმოწერილი დოკუმენტები: ხელშეკრულებები და მათი შესრულების დამადასტურებელი დოკუმენტები: მიღება-ჩაბარების აქტები ან/და სხვა მოქმედი კანომდებლობით გათვალისწინებული დოკუმენტაცია რომელიც დაადასტურებს სახელშეკრულებო ვალდებულების შესრულებას;
სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი სატენდერო განცხადების ნომრ(ებ)ის ან/და CMR ნომერის წარმოდგენა.

პრეტენდენტს საკუთრებაში ან/და კანონმდებლობით გათვალისწინებული სარგებლობის რაიმე ფორმით უნდა ჰქონდეს შესაბამისი მატერიალურ-ტექნიკური ბაზა, არანაკლებ 1 სპეციალიზებული ავტომანქანა, ,,ამწე-კალათა" (გამართულ მდგომარეობაში), რომლითაც უზრუნველყოფს წინამდებარე ტენდერით გათვალისწინებული მომსახურების გაწევას.
პრეტენდენტმა მატერიალურ-ტექნიკური ბაზის შესახებ ინფორმაცია უნდა წამროადგინოს დანართი #2 -ის შესაბამისად, ასევე საკუთრების ან/და სარგებლობის დამადასტურებელი კანომდებლობით გათვალისწინებული შესაბამისი დოკუმენტ(ებ)ი.

1.იმ შემთხვევაში თუ პრეტენდენტი არის ამხანაგობა, მაშინ მისმა მონაწილეებმა ტექნიკურ დოკუმენტაციაში მკაფიოდ უნდა განსაზღვრონ (შინაარსობრივად), თუ თითოეული მონაწილე კონკრეტულად რომელ ვალდებულებას შეასრულებს სახელმწიფო შესყიდვის შესახებ ხელშეკრულების ფარგლებში. ინფორმაცია წარმოდგენილი უნდა იყოს სატენდერო დოკუმენტაციის დანართი N 4 შესაბამისად. ამასთან, დასაშვებია ამხანაგობის მონაწილეთა ფინანსური და მატერიალურ-ტექნიკური შესაძლებლობების დაჯამება, ხოლო არ დაიშვება გამოცდილების შეკრება.
2. ამხანაგობის არცერთი წევრი არ უნდა იყოს რეგისტრირებული სახელმწიფო შესყიდვებში მონაწილე არაკეთილსინდისიერ პირთა რეესტრში – „შავი სია“; წინააღმდეგ შემთხვევაში მოხდება ამხანაგობის დისკვალიფიკაცია წინამდებარე ტენდერიდან დაზუსტების გარეშე.

სავარაუდო ღირებულებასთან შედარებით საბოლოო ფასის 20%-ით ან მეტით კლების შემთხვევაში ფასწარმოქმნის ადეკვატურობა, შესაძლებელია დასაბუთდეს საექსპერტო, აუდიტორული ან/და საშემფასებლო დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. ექსპერტიზის, აუდიტორული ან/და საშემფასებლო დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული პირობები.

მომსახურების ანაზღაურება მოხდება ლარებში, ეტაპობრივად, ყოველ კონკრეტული მომსახურების გაწევის შემდეგ, მიღება-ჩაბარების აქტის გაფორმებისა და კანონმდებლობით დაგენილი საჭირო დოკუმენტების წარმოდგენის შემდგომ.
მიღება-ჩაბარების აქტი გაფორმდება ინსპექტირების (ხელშეკრულების შესრულების კონტროლზე პასუხისმგებელი) ჯგუფის დასკვნისა და მიმწოდებლის მიერ წარმოდგენილი ანგარიშების (გაწეული მომსახურების შესახებ) საფუძველზე.

ანგარიშსწორებისთვის განსაზღვრული დოკუმენტების საბოლოოდ გაფორმებიდან 10 (ათი) სამუშაო დღის განმავლობაში.

ლელა მაისაშვილი, 599018182, lela.maisashvili80@gmail.com ტექნიკურ საკითხებში გივი ბენდიანიშვილი 591010371

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.
3. სახელმწიფო შესყიდვების ერთიან ელექტრონულ სისტემაში ატვირთული საქონლისა და მომსახურების ფასების ცხრილი (პრეისკურანტი) და ინფორმაცია მატერიალური ბაზის შესახებ (დანართი #2) წარმოდგენილი უნდა იყოს PDF ფორმატით რომელიც უნდა დამოწმდეს კვალიფიციური ხელმოწერით/კვალიფიციური შტამპით. პრეტენდენტმა საქონლისა და მომსახურების ფასების ცხრილი (პრეისკურანტი) ასევე ერთიან ელექტრონულ სისტემაში დამატებით უნდა წარმოადგინოს Excell ფორმატით.
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
7. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს.
8. იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი იმ შემთხვევაში თუ შესყიდვის ობიექტის მახასიათებლების აღწერისას გამოყენებული იქნება სასაქონლო ნიშანი,მოდელი, პატენტი ან მწაროებელი კომპანია, ასეთ შემთხვევაში აღნიშნული ტერმინები გამოყენებული არის ,,მსგავსისა’’ და ,,ექვივალენტურის’’ მნიშვნელობით და პრედენტენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება.