Услуги офисного обеспечения (Грузия - Тендер #68945268)

დოკუმენტების თარგმნის მომსახურების შესყიდვა.

გასაწევი მომსახურების აღწერილობა განისაზღვრება თანდართული ტექნიკური დავალებით, პრეისკურანტით (დანართი #1 - ფასების ცხრილი) და ხელშეკრულების პირობებით.

იხილეთ ტექნიკური დავალება:

ეტაპობრივად, ტექნიკური დავალებით განსაზღვრული ვადების შესაბამისად, ხელშეკრულების გაფორმებიდან (მაგრამ არაუადრეს 2026 წლის 1 იანვრიდან) 2026 წლის 31 დეკემბრის ჩათვლით პერიოდში, ტექნიკური დავალებით განსაზღვრული ვადების გათვალისწინებით.

დოკუმენტების თარგმნა უნდა განხორციელდეს მიმწოდებლის მისამართზე, ხოლო ნათარგმნი დოკუმენტი შემსყიდველს მიეწოდება მისამართზე: მის: ქ.თბილისი, ა.პოლიტკოვსკაიას5/7 ან/და ხელშეკრულებაში მითითებულ ელექტრონული ფოსტის მისამართზე.

პრეტენდენტს, 01.01.2024-დან წინამდებარე ტენდერში წინადადების მიღების დამთავრების თარიღის ჩათვლით პერიოდში, უნდა გააჩნდეს სახელმწიფო შესყიდვების მარეგულირებელი კანონმდებლობით განსაზღვრულ „შემსყიდველ ორგანიზაციებთან“ (შემდგომში „შემსყიდველი ორგანიზაცია“) ანალოგიური სპეციფიკური ტექსტების (სამშენებლო-საინჟინრო ან/და შესყიდვები ან/და იურიდიული ან/და ეკონომიკა ან/და ფინანსები) დოკუმენტური თარგმნის გამოცდილება, რის თაობაზეც უნდა წამოადგინოს არანაკლებ 2 (ორი) სხვადასხვა „შემსყიდველი ორგანიზაციის“ მიერ გაცემული სარეკომენდაციო წერილი.

წინამდებარე ტენდერში არ იქნება მოთხოვნილი ფასწარმოქმნის ადეკვატურობის დასაბუთება, რადგან მომსახურების ღირებულების მნიშვნელოვან კომპონენტს წარმოადგენს ინტელექტუალური ტიპის შრომის ანაზღაურება, რაც პოტენციურად შესაძლებელს ხდის აღნიშნული მომსახურების მიწოდება განხორციელდეს სავარაუდო ღირებულებაზე 20%-ით ნაკლებ ფასად.

შემსყიდველის ორგანიზაცია ანგარიშსწორებას განახორციელებს მიმწოდებლის მიერ ფაქტობრივად გაწეული მომსახურების შესაბამისად, მხართა შორის გაფორმებული მიღება-ჩაბარების აქტის და შემსყიდველის მიერ დადასტურებული საგადასახადო ანგარიშ-ფაქტურის (თუ მიმწოდებელი რეგისტრირებულია დღგ-ის გადამხდელად) საფუძველზე

ანგარიშსწორებისთვის აუცილებელი დოკუმენტების სრულყოფილად გაფორმებიდან არაუგვიანეს 10 (ათი) სამუშაო დღის განმავლობაში.

ანა შენგელია, 555397818, a.shengelia@water.gov.ge

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით.
3. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
4. იმ შემთხვევაში, თუ პრეტენდენტის მიერ ტექნიკური დოკუმენტაციის სახით წარმოდგენილი დოკუმენტ(ებ)ი შედგენილია და მხარეთა მიერ ხელმოწერილია ელექტრონულად, პრეტენდენტი ვალდებულია წარმოადგინოს აღნიშნული ელექტრონული დოკუმენტ(ებ)ის ორიგინალი ეგზემპლარ(ებ)ი, ან მისი დამოწმებული ამონაბეჭდი, საქართველოს კანონმდებლობის მოთხოვნათა შესაბამისად;
5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
7. პრეტენდენტის მიერ, სახელმწიფო შესყიდვების ერთიან ელექტრონულ სისტემაში წარმოდგენილ პრეისკურანტში მითითებული გასაწევი მომსახურების ერთეულის ფასები არ უნდა აღემატებოდეს, შემსყიდველის მიერ, პრეისკურანტის შესაბამის გრაფაში მითითებული გასაწევი მომსახურების ერთეულის სავარაუდო ფასებს.
8. პრედენდენტს არა აქვს უფლება წარმოადგინოს ალტერნატიული სატენდერო წინადადება;
9. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი (პრეისკურანტი) ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ ხარჯთაღრიცხვაში განუფასებელი პოზიცი(ებ)ის რაოდენობა არ აღემატება განსაფასებელი პოზიციების 5%-ს).
10. პრეტენდენტმა, საბოლოო პრეისკურანტის წარმოდგენისას, პრეისკურანტის თითოეულ პოზიციაზე ფასის კლება უნდა განახორციელოს, მინიმუმ, პრეისკურანტის სავარაუდო ღირებულებასა და პრეტენდენტის მიერ სისტემაში დაფიქსირებულ პრეისკურანტის საბოლოო ღირებულებას შორის არსებული %-ლი სხვაობის მიხედვით, შემსყიდველის მიერ სისტემაში ატვირთულ პრეისკურანტში (დანართი N1) განსაზღვრულ ფასებთან მიმართებაში.