Различные коммерческие услуги и связанные с ними услуги (Грузия - Тендер #68908778)

ქ. თბილისის მუნიციპალიტეტის გლდანის რაიონის გამოგეობის მიერ წინასაახალწლო გასართობი ღონისძიების ორგანიზების მომსახურების სახელმწიფო შესყიდვა.

წინასაახალწლოდ ჩასატარებელი ღონისძიების ორგანიზება ითვალისწინებს შემდეგი მომსახურების გაწევას:

1.2.1 ქ. თბილისში, გლდანის რაიონის ტერიტორიაზე მცხოვრები, ასევე გლდანის რაიონის ტერიტორიაზე არსებულ სარეაბილიტაციო ცენტრებსა და სკოლებში მყოფი შშმ ბავშვებისთვის, წინასაახალწლო გასართობი ღონისძიების მოწყობის ორგანიზება გასართობ ცენტრში.

ღონისძიება უნდა ჩატარდეს 2 დღის განმავლობაში, გლდანის რაიონის ტერიტორიაზე არსებულ გასართობ ცენტრში (დღეში 2 ღონისძიება. დრო და საათები შემსყიდველთან შეთანხმებით), რომელიც აღჭურვილი იქნება არანაკლებ 30 სათამაშო აპარატით და 7D კინოთეატრით. ზემოაღნიშნულის გარდა, უნდა იყოს ცალკე ოთახი, შესაბამისი აღჭურვილობით (მაგიდები, სკამები, მუსიკალური აპარატურა), სადაც ანიმატორები გაართობენ ბავშვებს და მოხდება მათი კვებით უზრუნველყოფა. (ეს ყველაფერი უნდა იყოს ერთ სივრცეში). ღონისძიებაში მონაწილე 120 ბავშვი დაიყოფა 30 კაციან ოთხ ჯგუფად. მიმწოდებელმა უნდა უზრუნველყოს თითოეული ჯგუფისთვის არანაკლებ 2სთ:30 წთ-იანი გასართობი ღონისძიების მოწყობა.

1. წამყვანი ანიმატორი - ყველა ჯგუფთან 1სთ:30წთ-ის განმავლობაში;
2. ზღაპრის გმირები - თითოეულ ჯგუფთან 3 გმირი 1სთ:30წთ-ის განმავლობაში;
3. სანტა კლაუსი - თითოეული ჯგუფის ღონისძიების დასასრულს, სანტა კლაუსმა ყველა მონაწილეს უნდა გადაცეს სასაჩუქრე პაკეტი.
4. საორგანიზაციო ჯგუფი - 5 (ხუთი) ორგანიზატორ-ზედამხედველისგან შემდგარი.
5. თითოეულ მონაწილეს უნდა გადაეცეს გასართობი ცენტრის სათამაშო აპარატების ბარათი, მასზე დარიცხული 20 (ოცი) ლარით.
6. ლანჩი თითოეულ მონაწილეზე: ტოსტი (ლორით და ყველით) არანაკლებ 60 გრ. კარტოფილი ფრი (არანაკლებ 60 გრ.), იმერული ხაჭაპური - 1 ნაჭერი (არანაკლებ 100 გრ.), ლობიანი - 1 ნაჭერი (არანაკლებ 100 გრ); ქათმის ნაგეთსი - 1ცალი (არანაკლებ 40 გრ.), პიცა - ერთი ნაჭერი (ძეხვეულით და ყველით) არანაკლებ 100 გრ.), გაზიანი გამაგრილებელი სასმელი - 0,5ლ, წყალი - 0,5ლ. ლანჩი წარმოდგენილი უნდა იყოს 40 კაცზე (30 მონაწილე და 10 შშმ პირების თანმხლები პირი).
7. მიმწოდებელმა უნდა უზრუნველყოს 1 ცალი შტენდერის (ზომები 2მ X 80სმ) დამზადება. დიზაინი გადაეცემა შემსყიდველის მიერ.
8. ტორტი თითოეული ჯგუფისთვის ერთი ცალი - 45 ნაჭრიანი. სულ: 4 ცალი ფოტო პრინტის ტორტი, შოკოლადისა და ალუბლის შიგთავზით. (არანაკლებ 30სმ - 50 სმ-ზე; სიმაღლე არანაკლებ 8 სმ.) ფოტო პრინტის დიზაინი გადაეცემა შემსყიდველის მიერ.
9. სასაჩუქრე პაკეტი უნდა ჩაიდოს ქაღალდის ბრენდირებულ ჩანთაში ; ჩანთა მყარი სახელურით (სტანდარტული თასმა) ზომით არანაკლებ: სიგანე - 18სმ , სიმაღლე-25სმ , გაშლა- 8სმ; ქაღალდი 210 გრ ბრისტოლი ლამინირებული; ბეჭდვა სრულფერში ჩანთის ორივე მხრიდან, შემსყიდველის მიერ გადაცემული დიზაინით. ჩანთაში თავისუფლად უნდა ჩაიდოს ტკბილეულობა და საჩუქრები, არანაკლებ 1 კგ.
10. მიმწოდებელმა უნდა უზრუნველყოს 120 ცალი საახალწლო სასაჩუქრე პაკეტის ბავშვებისათვის გადაცემა.


ერთი ცალი სასაჩუქრე პაკეტის შემადგენლობა:

1. ბისკვიტი შოკოლადის შიგთავსით (სასურველია დათუნიას ფორმის) ჰერმეტული შეფუთვა ფოლგაში, წონა არანაკლებ 25 გრ. - 1 ცალი.
2. პანდას ფორმით და გამოსახულებით ჰერმეტულად შეფუთულ პარკში მოთავსებული რძიანი დრაჟე, წონა არანაკლებ 50 გრ - 1 ცალი.
3. ხრაშუნა ვაფლი რძიან შოკოლადში, ჰერმეტულად შეფუთული ფოლგაში, არანაკლებ 40 გრ - 1 ცალი
4. საბავშვო რძიანი შოკოლადის ფილა, წონა არანაკლებ 45 გრ - 2 ცალი.
5. კანფეტები 3 სახის - ხილის მარმელადი (5 ცალი არანაკლებ 45 გრ); შოკოლადი კარამელის და თხილის შიგთავსით (5 ცალი არანაკლებ 90 გრ); შოკოლადი ქოქოსის შიგთავსით (5 ცალი არანაკლებ 90 გრ).
6. ორცხობილის სოკოები შოკოლადის ქუდით, ჰერმეტულად შეფუთული ფოლგაში და შემდეგ ქაღალდის ყუთში (წონა არანაკლებ 45 გრ).
7. რძიანი შოკოლადის ბატონი ნუშით და ქოქოსის შიგთავსით. ფოლგაში შეფუთული (წონა არანაკლებ 35 გრ).
8. ფხვიერი „ზებრა“ ორცხობილები კაკაოს კრემის შიგთავსით, ჰერმეტულად შეფუთული ფოლგაში (წონა არანაკლებ 180 გრ).
6. ფერადი ბუშტი - 5 ცალი.
7. რბილი ფუმფულა სათამაშო - არანაკლებ 20 სმ (შემსყიდველთან შეთანხმებით) - 1 ცალი.
სასაჩუქრე პროდუქტების ვარგისიანობის ვადა უნდა იყოს მიწოდებიდან არანაკლებ ორი თვე.

ღონისძიება ჩატარდება 2025 წლის დეკემბრის თვეში. თარიღი დაზუსტდება ხელშეკრულების გაფორმების დროს.

ქ. თბილისი, გლდანის რაიონის ტერიტორია.

2.2.1.1. პრეტენდენტს 2023 წლის 1 იანვრიდან უნდა გააჩნდეს არანაკლებ 18 000,00 ლარის ღირებულების საბავშვო ან/და გასართობი ან/და კულტურული ღონისძიებების ორგანიზების გამოცდილება. სატენდერო წინადადებასთან ერთად სისტემის მეშვეობით წარმოდგენილ იქნას გამოცდილების დამადასტურებელი დოკუმენტები (ხელშეკრულებ(ებ)ა, ამ ხელშეკრულების შესრულების მიღება-ჩაბარების აქტ(ებ)ი ან შესრულების დამადასტურებელი სხვა დოკუმენტ(ებ)ი).

2.2.1.2 იმ შემთხვევაში, თუ პრეტენდენტის მიერ შესრულებულ ანალოგიურ მომსახურებაზე შესყიდვ(ებ)ა განხორციელებულია სახელმწიფო შესყიდვების ერთიანი ელექტრონული სისტემის გამოყენებით და სისტემაში სრულყოფილად არის ატვირთული შესრულების შესახებ ინფორმაცია/დოკუმენტაცია, პრეტენდენტს არ აქვს 2.2.1.1 პუნქტით მოთხოვნილი გამოცდილების დამადასტურებელი დოკუმენტების წარმოდგენის ვალდებულება. საკმარისია წარმოდგენილ იქნას ინფორმაცია გამოცდილების შესახებ დანართი N2-ის შესაბამისად, რომელშეც მითითებული იქნება სატენდერო განცხადებ(ებ)ის SPA/NAT/CMR.. ნომერი.

შენიშვნა:
სატენდერო დოკუმენტაციით გათვალისწინებული გამოცდილების მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

3.1.1.1. ერთიან ელექტრონულ სისტემაში დაფიქსირებული ყველაზე დაბალი ფასის წარმომდგენი პრეტენდენტი (დისკვალიფიკაციის შემთხვევაში მომდევნო დაბალფასიანი პრეტენდენტი), ვალდებულია შემსყიდველის მოთხოვნის შესაბამისად უზრუნველყოს შემოთავაზებული სასაჩუქრე პაკეტის ნიმუშის წარდგენა.
3.1.1.2. შესყიდვის ობიექტის ნიმუშის წარმოუდგენლობა ან სატენდერო მოთხოვნებთან შეუსაბამობა, გამოიწვევს პრეტენდენტის დისკვალიფიკაციას (ნიმუში დაზუსტებას არ ექვემდებარება).
3.1.1.3. პრეტენდენტის გამარჯვების შემთხვევაში, შემსყიდველისთვის მიწოდებული სასაჩუქრე პაკეტი სრულად უნდა შეესაბამებოდეს (იდენტური უნდა იყოს) ტენდერზე წარმოდგენილი ნიმუშის.

ქ. თბილისი, სარაჯიშვილის ქ. N1გ. გლდანის გამგეობის ადმინისტრაციული შენობა.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის/აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო მომსახურების ხარჯთაღრიცხვაში (შესაბამისი ტენდერის უნიკალური ნომრის მითითებით) დაფიქსირებული ერთეული ფასებით და აგრეთვე ჯამური ღირებულებით ამავე მომსახურების ხარჯთაღრიცხვით განსაზღვრული მომსახურების გაწევის შესაძლებლობა. ექსპერტიზის/აუდიტის დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება მოხდება უნაღდო ანგარიშსწორებით ლარში, ქ. თბილისის მუნიციპალიტეტის 2025 წლის ადგილობრივი ბიუჯეტის სახსრებით.

ანგარიშსწორება მოხდება ფაქტიურად გაწეული მომსახურების შემდეგ, მიღება–ჩაბარების აქტის გაფორმებიდან 10 სამუშაო დღის განმავლობაში.

სალომე კიკნაველიძე, 577361417, s.kiknavelidze@tbilisi.gov.ge

10.1.1. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2. ტექნიკური დოკუმენტაციის განხილვისას, უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება). პრეტენდენტის მიერ ტენდერის ფარგლებში შედგენილ დოკუმენტაციაზე სავალდებულოა კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა. აღნიშნული ვალდებულებისგან არარეზიდენტი პირები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტით გათვალისწინებული ვალდებულებისგან გათავისუფლების თაობაზე“ საქართველოს მთავრობის 2022 წლის 20 დეკემბრის №2380 განკარგულების შესაბამისად გათავისუფლებულები არიან და წარმოსადგენ დოკუმენტაციაზე ევალებათ მატერიალურად ხელმოწერის შესრულება.
10.1.4 იმ შემთხვევაში, თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, მაშინ აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.
10.1.5 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.6 პრეტენდენტს არ აქვს უფლება წარმოადგინოს ალტერნატიული სატენდერო წინადადება.

პრეტენდენტის მიერ ერთიან ელექტრონულ სისტემაში ასატვირთი მონაცემები:
1. მომსახურების ხარჯთაღრიცხვა დანართი N1-ის მიხედვით (ხარჯთაღრიცხვის წარმოუდგენლობა ან/და ხარჯთაღრიცხვის განსაფასებელი პოზიციების რაოდენობის 5%-ზე მეტის განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
2. ინფორმაცია/დოკუმენტაცია პრეტენდენტის გამოცდილების შესახებ დანართი N2-ის მიხედვით, სატენდერო დოკუმენტაციის 2.2.1 პუნქტის მოთხოვნების შესაბამისად.