Верхняя одежда (Грузия - Тендер #68908776)

სსიპ "იუსტიციის სახლის" წინა ხაზის თანამშრომლებისათვის უნიფორმების სახელმწიფო შესყიდვა.

1. ქალის პიჯაკი - 1405 ცალი
2. ქალის ჟილეტი - 1405 ცალი
3. ქალის პერანგი - 2810 ცალი
4. ქვედაბოლო - 1395 ცალი
5. გრძელი ქვედაბოლო - 10 ცალი
6. ქალის შარვალი - 1405 ცალი
7. მამაკაცის პიჯაკი - 155 ცალი
8. მამაკაცის ჟილეტი - 155 ცალი
9. მამაკაცის შარვალი - 310 ცალი
10. მამაკაცის პერანგი - 310 ცალი

შესყიდვის ობიექტის ტექნიკური პარამეტრები მოცემულია სატენდერო დოკუმენტაციის დანართში - ტექნიკური დავალება.

შესყიდვის ობიექტის მიწოდება უნდა განხორციელდეს ერთიანად/ეტაპობრივად, ხელშეკრულების გაფორმებიდან 60 (სამოცი) კალენდარული დღის ვადაში.

1.5.1. მიმწოდებელმა უნდა უზრუნველყოს შესყიდვის ობიექტების მიწოდება თითოეული პოზიციის მიხედვით, ინდივიდუალურად შეფუთულ მდგომარეობაში, რომლებიც ამავდროულად დაკომპლექტებული უნდა იყოს ცალკეული იუსტიციის სახლებისათვის განკუთვნილი ზომების მიხედვით. ცალკეული იუსტიციის სახლებისათვის განკუთვნილ ზომებსა და რაოდენობების მიწოდებას შემსყიდველი უზრუნველყოფს, ხელშეკრულების გაფორმების ეტაპზე, პრეტენდენტის მიერ სატენდერო წინადადებასთან ერთად წარმოდგენილი ზომების მატრიცის/სქემის შესაბამისად.

1.5.2. შესყიდვის ობიექტის მიწოდება განხორციელდება შემდეგ მისამართზე: ქ. თბილისი, ზვიად გამსახურდიას სანაპირო ქ. №1 - სსიპ „იუსტიციის სახლის“ თბილისის ცენტრალური ფილიალი.

1.7.1.1. მიმწოდებელი იძლევა გარანტიას, რომ მის მიერ მიწოდებული საქონელი არ გამოავლენს ხარვეზებს და იქნება ვარგისი მიღება-ჩაბარების აქტის გაფორმებიდან არანაკლებ 1 (ერთი) წლის განმავლობაში.

1.7.1.2. საგარანტიო ვადის პერიოდში შესყიდული საქონელი (ტანსაცმელი), სწორი ექსპლუატაციის პირობებში, უნდა ინარჩუნებდეს თვისობრივ და ხარისხობრივ მახასიათებლებს, უნდა იყოს რეცხვამედეგი, უნდა ინარჩუნებდეს ფორმას და ზომას, ასევე ტანსაცმლის ფერი უნდა იყოს გახუნებისა და ტემპერატურის ზემოქმედების (რეცხვა, დაუთოვება მზის სხივები) მიმართ მდგრადი.

1.7.1.3. ხელშეკრულების ფარგლებში მხარეთა მიერ ნაკისრი ვალდებულებების შესრულების პერიოდში, შემსყიდველის მიერ უხარისხო, არასტანდარტული, დაზიანებების მქონე და ზომებთან შეუსაბამო საქონლის აღმოჩენის შემთხვევაში, მიმწოდებელი ვალდებულია, შემსყიდველი ორგანიზაციის მიმართვის შესაბამისად, მასთან შეთანხებულ გონივრულ ვადაში, უზრუნველყოს წუნდებული ან/და დაზიანებული საქონლის შეცვლა ან ნაკლოვანების გამოსწორება.

2.1.1.1. პრეტენდენტი ვალდებულია, სისტემაში ატვირთულ ფასების ცხრილში მიუთითოს ინფორმაცია შემოთავაზებული საქონლის წარმოშობის ქვეყნისა და მწარმოებლის (მწარმოებელი კომპანია ან/და ბრენდი ან/და სავაჭრო ნიშანი) შესახებ.

2.1.1.2. წარმოშობის ქვეყნისა და მწარმოებლის შესახებ ინფორმაციის წარმოუდგენლობა გამოიწვევს პრეტენდენტის დისკვალიფიკაციას ყოველგვარი დაზუსტების გარეშე, გარდა იმ შემთხვევისა თუ სატენდერო დოკუმენტაციის მოთხოვნ(ებ)ის შესაბამისად, შესყიდვის ობიექტის სასაქონლო ნიშნის, პატენტის, მოდელის, წარმოშობის წყაროს ან მწარმოებლის შესახებ წარდგენილი ინფორმაცია არასრულყოფილია ან შეიცავს უზუსტობებს, თუმცა პრეტენდენტის მიერ სატენდერო წინადადების სახით წარდგენილი დოკუმენტ(ებ)ის/ინფორმაციის ერთობლიობით, მათი შეფასების ანალიზისა და ურთიერთშეჯერების საფუძველზე შესაძლებელია შესყიდვის ობიექტის სასაქონლო ნიშნის, პატენტის, მოდელის, წარმოშობის წყაროს ან მწარმოებლის იდენტიფიკაცია.

2.2.1.1. ელექტრონულ ტენდერში მონაწილე პრეტენდენტს უნდა გააჩნდეს ანალოგიური/მსგავსი საქონლის (ტანსაცმლის ან/და სპეც. ტანსაცმლის ან/და უნიფორმის) მიწოდების გამოცდილება (ანალოგიური/მსგავსი საქონლის გამოცდილებად არ ჩაითვლება, ქამრის, ფეხსაცმლის და სხვადასხვა აქსესუარის მიწოდების გამოცდილება), რომლის ჯამური ღირებულებაც 2020-2025 წლებში არ უნდა იყოს 500000.00 ლარზე ნაკლები, საქართველოს კანონმდებლობით დადგენილი ყველა გადასახადის ჩათვლით. აღნიშნულის დასტურად, პრეტენდენტის მიერ წარმოდგენილ უნდა იქნას შესაბამისი ხელშეკრულებები და მიწოდებულ საქონელზე გაფორმებული მიღება-ჩაბარების აქტები ან/და ექსპერტიზის/აუდიტის დასკვნები ან/და ნებისმიერი სხვა სახის დოკუმენტი, რომელიც დაადასტურებს აღნიშნული საქონლის მიწოდების ფაქტს.

2.2.1.2. პრეტენდენტს 2020-2025 წლებში, დაწყებული და დასრულებული უნდა ჰქონდეს: ერთი ხელშეკრულების ფარგლებში, კლასიკური შარვლის არანაკლებ 500 ერთეულის, ერთი ხელშეკრულების ფარგლებში, კლასიკური პიჯაკის არანაკლებ 500 ერთეულის, და ერთი ხელშეკრულების ფარგლებში, კლასიკური პერანგის არანაკლებ 500 ერთეულის, მიწოდების გამოცდილება. აღნიშნულის დასტურად პრეტენდენტის მიერ წარმოდგენილ უნდა იქნას შესაბამისი ხელშეკრულებები და მიწოდებულ საქონელზე გაფორმებული მიღება-ჩაბარების აქტები ან/და ექსპერტიზის/აუდიტის დასკვნები ან/და ნებისმიერი სხვა სახის დოკუმენტი, რომელიც დაადასტურებს აღნიშნული საქონლის მიწოდების ფაქტს. ასევე, ამგვარი დამკვეთისაგან გაცემული არანაკლებ 1 (ერთი) დადებითი სარეკომენდაციო წერილი, რომელიც გაცემული უნდა იქნას წინამდებარე ტენდერის გამოცხადების შემდგომ პერიოდში.

2.2.1.3. იმ შემთხვევაში, თუ საქონელი მიწოდებულია კერძო სამართლის იურიდიული პირის ან ფიზიკური პირის დაკვეთით (არა სახელმწიფო შემსყიდველი ორგანიზაცია), პრეტენდენტმა ზემოაღნიშნული დოკუმენტებთან ერთად უნდა წარმოადგინოს ამ საქონლის მიწოდების დამადასტურებელი ფინანსური დოკუმენტაცია: საგადასახადო ანგარიშფაქტურები ან/და სასაქონლო ზედნადები.

2.2.1.4. იმ შემთხვევაში, თუ გამოცდილების დამადასტურებელი დოკუმენტაცია ატვირთულია შესყიდვების ერთიან ელექტრონულ სისტემაში (www.procurement.gov.ge), პრეტენდენტს შეუძლია, გამოცდილების შესახებ ინფორმაცია წარმოადგინოს CMR, SPA, NAT ნომრების სახით.

2.8.1. იმ შემთხვევაში, თუ პრეტენდენტი უზრუნველყოფს მომსახურების გაწევას ქვეკონტრაქტორის მეშვეობით, პრეტენდენტი ვალდებულია წარმოადგინოს მასთან არსებული სამართლებრივი ურთიერთობის დოკუმენტ(ებ)ის ასლები (ხელშეკრულება, შეთანხმება ან სხვა ექვივალენტური დოკუმენტი), რომლითაც ქვეკონტრაქტორი დაადასტურებს, რომ იგი მზადაა მომსახურება გაუწიოს შემსყიდველს, როგორც პრეტენდენტის ქვეკონტრაქტორმა. სავალდებულოა რომ აღნიშნულ ხელშეკრულებ(ებ)აში შესაბამისი მომსახურების გაწევის ვადები განსაზღვრული იყოს არანაკლებ მიწოდების ვადების შესაბამისად. ქვეკონტრაქტორ(ებ)ი ანგარიშვალდებულია მიმწოდებლის წინაშე.

2.8.2. ქვეკონტრაქორ(ებ)ის მიერ ნაკისრი ვალდებულებების შეუსრულებლობით ან არაჯეროვანი შესრულებით დამდგარ შედეგზე შემსყიდველის წინაშე პასუხისმგებელია მხოლოდ მიმწოდებელი. ქვეკონტრაქტორი კომპანია არ უნდა იყოს რეგისტრირებული სახელმწიფო შესყიდვებში მონაწილე არაკეთილსინდისიერ პირთა რეესტრში – „შავი სია“.

3.1.1.1. პრეტენდენტი ვალდებულია, წარმოადგინოს დანართის N1 - ფასების ცხრილის თითოეულ პოზიციაზე წარმოდგენილი შესყიდვის ობიექტის ნიმუშები. შემსყიდველი პრეტენდენტის მიერ მოწოდებულ ნიმუშს შეაფასებს შემდეგი კრიტერიუმებით: ნაწარმის სილუეტი და დგომა, გვირისტებისა და ნაკერების ხარისხი, ტექნოლოგიური დამუშავების სისწორე.

3.1.1.2. პრეტენდენტი ვალდებულია, შემოთავაზებული საქონლის ნიმუშებთან ერთად, შესყიდვის ობიექტების დასამზადებლად გამოსაყენებელი ქსოვილების შემადგენლობის ტექნიკური დავალებით მოთხოვნილთან შესაბამისობის დადგენის მიზნით (ქსოვილის შემადგენლობა, წონა, საზედაპირე ქსოვილის ფერის მედეგობა რეცხვაზე და ოფლზე) გამოსაყენებელ ქსოვილზე (კერძოდ: პიჯაკი და პერანგი) წარმოადგინოს სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან SGS ან INTERTEK ან EKOTEKS ან CNAS ან სხვა აკრედიტირებული პირის (ასეთ შემთხვევაში, დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი) მიერ გაცემული საექსპერტო დასკვნა (ორიგინალი/დედანი) და ექსპერტიზა გავლილი ქსოვილი. (უცხოური დოკუმენტის წარმოდგენის შემთხვევაში ქართულად ნათარგმნი და ნოტარიულად დამოწმებული).

3.1.1.3. ექსპერტიზის დასკვნის ორიგინალი/დედანი, ექსპერტიზაგავლილ ქსოვილთან ერთად წარმოდგენილი უნდა იყოს დალუქულ მდგომარეობაში. (ასეთის არ არსებობის შემთხვევაში, პრეტენდენტმა შესაძლებელია წარმოადგინოს ექსპერტიზაგავლილი ქსოვილი დალუქულ, ხოლო ექსპერტიზის დასკვნის ორიგინალი/დედანი დაულუქავ მდგომარეობაში. ამ შემთხვევაში შესაძლებელი უნდა იყოს დალუქული ქსოვილის, შესაბამისი ექსპერტიზის დასკვნასთან იდენტიფიცირება. მაგალითად, ექსპერტიზის დასკვნის ინდივიდუალური ნომერი უნდა ემთხვეოდეს დალუქული საქონლის შეფუთვაზე (შეფუთვაში) არსებულ ნომერს) (ექსპერტიზის ხარჯებს ანაზღაურებს პრეტენდენტი). წარმოდგენილი ნიმუშები სრულად უნდა აკმაყოფილებდეს ტექნიკურ მოთხოვნებს.

3.1.1.4. პრეტენდენტის მიერ წარმოდგენილი შესყიდვის ობიექტების ნიმუშები/ექსპერტიზის დასკვნები დაზუსტებას არ ექვემდებარება.

3.1.1.5. ექსპერტიზის დასკვნები გაცემული უნდა იყოს წინამდებარე ტენდერის გამოცხადების შემდგომ პერიოდში.

3.1.1.6. ტენდერიდან „დისკვალიფიცირებულ“ დაინტერესებულ პირს ნიმუშების და ექსპერტიზის დასკვნების დაბრუნების მოთხოვნა შეუძლია წინამდებარე ტენდერის საფუძველზე ხელშეკრულების გაფორმების შემდეგ 30 კალენდარული დღის განმავლობაში, ხოლო „გამარჯვებულ" პრეტენდენტს საქონლის სრულად მიწოდების შემდეგ 30 კალენდარული დღის განმავლობაში. აღნიშნული ვადის გასვლის შემდეგ, შემსყიდველი ორგანიზაცია იხსნის ყოველგვარ პასუხისმგებლობას დაინტერესებული პირების მიერ წარმოდგენილი ნიმუშის დაბრუნებაზე.

ქ. თბილისი, ზვიად გამსახურდიას სანაპირო №1 - სსიპ "იუსტიციის სახლის" თბილისის ცენტრალური ფილიალი.

4.1.1.1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას;

4.1.1.2. ფასწარმოქმნის ადეკვატურობა, შესაძლებელია დასაბუთდეს სსიპ "ლევან სამხარაულის სახელობის სასამართლო ექსპერტიზის ეროვნული ბიუროს" ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული შესაბამისი დასკვნით, შესაბამისი ტენდერის უნიკალური ნომრის მითითებით (პრეტენდენტის მიერ დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი);

4.1.1.3.ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებულ წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

3 Процентов

6 Процентов

ხელშეკრულების შესრულების უზრუნველყოფის საბანკო გარანტიის ვადა, არანაკლებ 1 (ერთი) თვით, უნდა აღემატებოდეს ხელშეკრულების მოქმედებას ვადას.

6.4.1. მიმწოდებელი ვალდებულია, სახელმწიფო შესყიდვების მარეგულირებელი კანონმდებლობის მოთხოვნათა გათვალისწინებით, ხელშეკრულების გაფორმებამდე, წარმოადგინოს ხელშეკრულების შესრულების უზრუნველყოფის საბანკო გარანტია. საბანკო გარანტია წარმოდგენილი უნდა იქნას საქართველოში მოქმედი საბანკო დაწესებულების ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან;

6.4.2. თეთრ სიაში რეგისტრირებული მიმწოდებელი შემსყიდველ ორგანიზაციას წარუდგენს „თეთრი სიის წარმოების წესისა და პირობების დამტკიცების შესახებ“ სახელმწიფო შესყიდვების სააგენტოს თავმჯდომარის 2016 წლის 26 თებერვლის #2 ბრძანების შესაბამისად.

6.4.3. მიმწოდებლის მიერ ხელშეკრულებით ნაკისრი ვალდებულებების შეუსრულებლობის, აგრეთვე, ნაწილობრივი ან/და არაჯეროვანი შესრულების მიზეზით ხელშეკრულების შეწყვეტის შემთხვევაში, შემსყიდველი უფლებამოსილია, განახორციელოს საბანკო გარანტიის სრული ოდენობით გამოყენება;

6.4.4. იმ შემთხვევაში, თუ მიმწოდებელი უზრუნველყოფს ხელშეკრულებით ნაკისრი ვალდებულებების სრულყოფილად შესრულებას ან ხელშეკრულების მოქმედება შეწყდება მიმწოდებლისაგან დამოუკიდებელი მიზეზებით, შემსყიდველი ვალდებულია, მიმწოდებლის წერილობითი მოთხოვნის საფუძველზე, უზრუნველყოს ხელშეკრულების შესრულების უზრუნველყოფის საბანკო გარანტიის დაუყოვნებლივ დაბრუნება.

7.1.1.1. ხელშეკრულების ჯამური ღირებულების 50%-ის ანაზღაურება შესაძლებელია წინასწარი ანგარიშსწორების გზით. მიმწოდებელი ვალდებულია, წარუდგინოს შემსყიდველს წინასწარ გადასახდელი თანხის იდენტური ოდენობის საავანსო გარანტია, ხელშეკრულების გაფორმებიდან არაუგვიანეს 30 კალენდარული დღის ვადაში, რომლის მოქმედების ვადა არანაკლებ 30 (ოცდაათი) კალენდარული დღით უნდა აღემატებოდეს ხელშეკრულების მოქმედებას ვადას.

7.1.1.2. წინასწარი ანგარიშსწორების საბანკო გარანტია წარმოდგენილი უნდა იქნეს საქართველოში მოქმედი საბანკო დაწესებულების ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან. თეთრ სიაში რეგისტრირებული პრეტენდენტი წინასწარი ანგარიშსწორების გარანტიას წარადგენს „თეთრი სიის წარმოების წესისა და პირობების დამტკიცების შესახებ“ სახელმწიფო შესყიდვების სააგენტოს თავმჯდომარის 2016 წლის 26 თებერვლის #2 ბრძანების შესაბამისად.

7.1.1.3. შემსყიდველი ვალდებულია, უზრუნველყოს წინასწარი ანგარიშსწორება მიმწოდებლის მიერ საბანკო გარანტიის წარმოდგენიდან არაუგვიანეს 10 (ათი) სამუშაო დღის ვადაში.

7.1.1.4. წინასწარ გადახდილი თანხა გათავისუფლდება ეტაპობრივად (წინასწარ გადახდილი თანხის ამოწურვამდე), ფაქტობრივად გაცემული ავანსის პროცენტული ოდენობის შესაბამისად, იმ პირობით, რომ თეთრ სიაში რეგისტრირებული მომხმარებლისთვის ჯერ გაიქვითება წინასწარ გადახდილი თანხის ის ნაწილი, რომელზედაც არ არის წარმოდგენილი საბანკო გარანტია.

7.1.1.5. ყოველი მიღება-ჩაბარების აქტის გაფორმების შემდეგ (წინასწარ გადახდილი თანხის ამოწურვამდე) შემსყიდველი იღებს ვალდებულებას, გადაუხადოს მიმწოდებელს მიწოდებული საქონლის ღირებულების ავანსის წილის გამოქვითვის შემდგომ დარჩენილი თანხა, შესაბამისი საგადასახადო ანგარიშ-ფაქტურის წარმოდგენისა და მიღება-ჩაბარების აქტის გაფორმებიდან 10 (ათი) სამუშაო დღის განმავლობაში.

7.1.1.6. წინასწარ გადახდილი თანხის გაქვითვის შემდეგ ანგარიშსწორება იწარმოებს ფაქტობრივად მიწოდებული საქონლის მიხედვით, შესაბამისი საგადასახადო ანგარიშ-ფაქტურის წარმოდგენისა და მიღება-ჩაბარების აქტის გაფორმებიდან 10 (ათი) სამუშაო დღის განმავლობაში. საბოლოო მიღება-ჩაბარების აქტის გაფორმებიდან 10 (ათი) სამუშაო დღეში შემსყიდველი მიმწოდებელს გადაუხდის მიწოდებული საქონლის ღირებულებასა და მიმწოდებლისთვის გადახდილ თანხებს შორის სხვაობას.

7.1.1.7. იმ შემთხვევაში, თუ მიმწოდებელი ვერ უზრუნველყოფს წინასწარ გადახდილი თანხის შესაბამისი ღირებულების შესყიდვის ობიექტის მოწოდებას, შემსყიდველი უფლებამოსილია, მიმართოს გარანტიის გამცემ ორგანოს საავანსო საბანკო გარანტიით გათვალისწინებული შესაბამისი თანხის დაბრუნების მოთხოვნით.

7.2.1. ანგარიშსწორება განხორციელდება უნაღდო ანგარიშსწორებით, ეროვნულ ვალუტაში - ლარში;

7.2.2. მიმწოდებლის მიერ ხელშეკრულებით ნაკისრი ვალდებულებების, როგორც ეტაპობრივი, ისე საბოლოო შესრულება, დადასტურდება მხარეთა შორის შედგენილი მიღება-ჩაბარების აქტების გაფორმების გზით.

7.2.3. ანგარიშსწორება განხორციელდება ფაქტობრივად მიწოდებული საქონლის მიხედვით, შესაბამისი საგადასახადო ანგარიშ-ფაქტურის წარმოდგენისა და მიღება-ჩაბარების აქტის გაფორმებიდან 10 (ათი) სამუშაო დღის განმავლობაში. შემსყიდველი მიმწოდებელს გადაუხდის მიწოდებული საქონლის ღირებულებასა და მიმწოდებლისთვის წინასწარ გადახდილ (ასეთის არსებობის შემთხვევაში) თანხებს შორის სხვაობას.

ანგარიშსწორება განხორციელდება ფაქტობრივად მოწოდებული საქონლის შესაბამისად, ანგარიშსწორებისთვის საჭირო დოკუმენტების სრულყოფილად გაფორმებიდან არაუგვიანეს 10 (ათი) სამუშაო დღის განმავლობაში.

გიორგი მხეიძე, 555704644, giomkheidze@psh.gov.ge

10.1.1. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით, გარდა excel ფორმატით წარმოდგენილი ხარჯთაღრიცხვისა. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.

10.1.2. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.

10.1.3. პრეტენდენტს არ აქვს უფლება, წარმოადგინოს ალტერნატიული წინადადება.

10.1.4. დაინტერესებულ პირს აქვს შესაძლებლობა ადგილზე გაეცნოს ვითარებას.

10.1.5. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.

10.1.6. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-8 მუხლის შესაბამისად.

10.1.7. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, სატენდერო წინადადების ფასი მოიცავს შესყიდვის ობიექტის მიწოდებასთან დაკავშირებით მიმწოდებლის ყველა ხარჯს და საქართველოს კანონმდებლობით გათვალისწინებულ გადასახადებს.

10.1.8. პრეტენდენტის მიერ წარმოდგენილი სატენდერო წინადადების ფასი უნდა დაანგარიშდეს სატენდერო დოკუმენტაციის დანართით N1 მოცემული ფასების ცხრილის შესაბამისად. სატენდერო წინადადების ფასი უნდა შეადგენდეს წარმოდგენილი ფასების ცხრილის ჯამს.

10.1.9. პრეტენდენტი დაექვემდებარება დისკვალიფიკაციას, თუ მის მიერ არ იქნება წარმოდგენილი ფასების ცხრილი ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს.