Ремонт и техническое обслуживание строительных сооружений (Грузия - Тендер #68879577)

საქართველოს პარლამენტის აპარატის მიერ გამაგრილებელი ჯგუფების შეკეთების და ტექნიკური მომსახურების სახელმწიფო შესყიდვა (პრეისკურანტით) (CPV50730000).

1.2.1 საქართველოს პარლამენტის აპარატის მიერ შემსყიდველი ბალანსზე არსებული გამაგრილებელი ჯგუფების (55 ერთეული, იხ. დანართი №1 - „კონდიციონერების ჩამონათვალი“) შეკეთება და ტექნიკური მომსახურება, რაც გულისხმობს, სატენდერო დოკუმენტაციის მოთხოვნების შესაბამისად, კონდიციონერების შეკეთებას, ნაწილების შეკეთებას ან/და შეცვლას (გასაწევი მომსახურების აღწერილობა მოცემულია დანართში №2 - „ფასების ცხრილი - პრეისკურანტი“).
1.2.2 მიმწოდებელი ვალდებულია, უზრუნველყოს შემსყიდველისთვის მაღალხარისხიანი მომსახურების გაწევა, ასევე ნაწილ(ებ)ის შეცვლის შემთხვევაში არსებული ნაწილ(ებ)ი უნდა შეცვალოს მაღალი ხარისხის ნაწილ(ებ)ით.
1.2.3 პრეტენდენტი უფლებამოსილია სატენდერო წინადადების სახით წარმოადგინოს დანართი №2 "ფასების ცხრილი-პრეისკურანტი" Excel-ის ცხრილის სახით (გთხოვთ გაითვალისწინოთ, რომ პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს)).

მომსახურების გაწევა უნდა განხორციელდეს, 2026 წლის 1 იანვრიდან (ხოლო იმ შემთხვევაში თუ ხელშეკრულება ვერ გაფორმდება 2026 წლის პირველ იანვრამდე, მაშინ ხელშეკრულების გაფორმებიდან და მისი ძალაში შესვლიდან) - 2026 წლის 25 დეკემბრამდე, პერიოდულად, შემსყიდველი ორგანიზაციის მოთხოვნისა და საჭიროების შესაბამისად, პრეისკურანტისა და ქვემოთ მოცემული პირობების შესაბამისად:
ა) ყოველ კონკრეტულ შემთხვევაში, შემსყიდველის წერილობითი შეტყობინების (მათ შორის ელექტრონული საკომუნიკაციო საშუალების გამოყენებით) შემდეგ მიმწოდებელმა უნდა უზრუნველყოს კონდიციონერ(ებ)ის დათვალიერება მიმართვიდან არაუგვიანეს 2 (ორი) სამუშაო დღეში, რის შემდეგაც ამავე ვადაში მხარეები ადგენენ დეფექტურ აქტს, რომელშიც მითითებული უნდა იყოს გასაწევი მომსახურების დეტალური აღწერა, ერთეულის და საერთო ღირებულება, მომსახურების გაწევის კონკრეტული ვადები და სხვა მონაცემები.
ბ) ყოველ კონკრეტულ შემთხვევაში, მიმწოდებლის მიერ კონდიციონერების შეკეთება და ტექნიკური მომსახურების გაწევა უნდა განხორციელდეს დეფექტურ აქტით განსაზღვრულ ვადებში.

მიმწოდებლის მიერ მომსახურების გაწევა უნდა განხორციელდეს შემსყიდველის მისამართზე: ქ. თბილისი, რუსთაველის გამზირი №8, საქართველოს პარლამენტის სასახლე.

1.7.1.1 მიმწოდებლის მიერ დანართი №2-ით - „ფასების ცხრილი - პრეისკურანტი“ გათვალიწინებულ მომსახურებას (შესაცვლელი დეტალ(ებ)ის გათვალისწინებით) უნდა გააჩნდეს გარანტია მიღება-ჩაბარების აქტის გაფორმების დღიდან არანაკლებ 6 (ექვსი) თვე.
1.7.1.2 შემსყიდველის მხრიდან შესყიდვის ობიექტის ექსპლუატაციის ნორმების დაცვის შემთხვევაში, საგარანტიო ვადის განმავლობაში მიმწოდებელმა საკუთარი ხარჯებით (ტრანსპორტირების ხარჯების ჩათვლით) უნდა აღმოფხვრას ექსპლუატაციის პროცესში გამოვლენილი ნებისმიერი ხარვეზი/წუნი, საჭიროების შემთხვევაში უზრუნველყოს წუნდებული შესყიდვის ობიექტის შეცვლა ახლით, ასეთი ნაკლის შესახებ შემსყიდველის მიერ მიმწოდებლისათვის შესაბამისი წერილობითი შეტყობინებიდან (მათ შორის ელექტრონული საკომუნიკაციო საშუალების გამოყენებით) სატენდერო დოკუმენტაციის 1.4. პუნქტით გათვალისწინებულ ვადებში.
1.7.1.3 ქარხნული წუნის შემთხვევაში ყველა ნაწილი ექვემდებარება შეცვლას.
1.7.1.4 პრეტენდენტი ვალდებულია დანართი №2-ის - „ფასების ცხრილი - პრეისკურანტი“-ს შესაბამის გრაფაში მიუთითოს ინფორმაცია შესყიდვის ობიექტის კონკრეტული საგარანტიო პერიოდის შესახებ (ზუსტი პერიოდი, ყოველგვარი არანაკლებ, არაუმეტეს, მინიმუმ ან მსგავსი მაჩვენებლის მითითების გარეშე).

2.4.1.1 „ატმოსფერული ჰაერის დაცვის შესახებ“ საქართველოს კანონის 54 პრიმა მუხლის და „მაცივარაგენტზე მომუშავე მოწყობილობების მომსახურე ტექნიკოსების სერტიფიცირების წესის დამტკიცების შესახებ“ საქართველოს მთავრობის 2017 წლის 22 ივნისის #302 დადგენილების თანახმად, ტენდერში მონაწილე პრეტენდენტს უნდა ჰყავდეს მაცივარაგენტზე მომუშავე მოწყობილობების მომსახურე მინიმუმ ერთი სერტიფიცირებული ტექნიკოს(ებ)ი, რის დასტურადაც ერთიანი ელექტრონული სისტემის მეშვეობით უნდა წარმოადგინოს შესაბამისი ტექნიკოს(ებ)ის სერტიფიკატ(ებ)ი, მოქმედების ვადით არანაკლებ 2025 წლის 25 დეკემბრისა.
2.4.1.2 პრეტენდენტმა უნდა წარმოადგინოს სატენდერო დოკუმენტაციის 2.4.1.1. პუნქტით განსაზღვრულ სერტიფიცირებულ პირ(ებ)თან დადებული შრომითი ხელშეკრულებ(ები)ა (მოქმედების ვადით არანაკლებ 2026 წლის 25 დეკემბრისა) ან/და თავად სერტიფიცირებული პირის/ტექნიკოსის წერილობითი დასტური მასზედ, რომ პრეტენდენტის გამარჯვების შემთხვევაში, მომსახურება განხორციელდება მისი ჩართულობით შესყიდვის ობიექტის მიწოდების პერიოდის განმავლობაში.
2.4.1.3. ტენდერში მონაწილე ფიზიკური პირის შემთხვევაში, თავად ფიზიკურ პირს უნდა გააჩნდეს 2.4.1.1. პუნქტით მოთხოვნილი სერთიფიკატ(ებ)ი და ამ შემთხვევაში 2.4.1.2. პუნქტით განსაზღვრული ინფორმაციის წარდგენა არ არის სავალდებულო.
2.4.1.4. მიმწოდებელმა უნდა უზრუნველყოს აღნიშნული სერტიფიცირებული ტექნიკოს(ებ)ის მიერ სატენდერო დოკუმენტაციით გათვალისწინებული მომსახურების გაწევა. ხელშეკრულებით გათვალისწინებული მომსახურების გაწევის პერიოდში, სერტიფიცირებული ტექნიკოსის დამატება ან/და ჩანაცვლება დასაშვებია მხოლოდ შემსყიდველთან წერილობითი შეთანხმებით.

2.9.1 პრეტენდენტის მიერ სატენდერო წინადადების სახით წარმოდგენილ დანართ №2-ში - „ფასების ცხრილი - პრეისკურანტი“ დაფიქსირებული მომსახურების (შესაცვლელი დეტალ(ებ)ის გათვალისწინებით) ერთეულის ღირებულება არ უნდა აღემატებოდეს სატენდერო დოკუმენტაციის დანართ №2-ში - „ფასების ცხრილი -პრეისკურანტი"" შესაბამის პოზიციაზე შემსყიდველი ორგანიზაციის მიერ დაფიქსირებულ ერთეულის ზღვრულ ღირებულებას.
პრეტენდენტის მიერ აღნიშნული პირობის დარღვევა გამოიწვევს მის დისკვალიფიკაციას სატენდერო პროცედურებიდან ყოველგვარი დაზუსტების პროცედურების გარეშე.
2.9.2 პრეტენდენტის მიერ დანართ №2-ში - „ფასების ცხრილი - პრეისკურანტი“ დაზუსტების შეთხვევაში, დაუშვებელია რომელიმე პოზიციაზე თავდაპირველად წარმოდგენილი ერთეულის ფასის გაზრდილი ღირებულებით წარმოდგენა. 
პრეტენდენტის მიერ აღნიშნული პირობის დარღვევა გამოიწვევს მის დისკვალიფიკაციას სატენდერო პროცედურებიდან."
2.9.3 იმ შემთხვევაში თუ პრეტენდენტის მიერ შემოთავაზებული ფასი (ერთიან ელექტრონულ სისტემაში დაფიქსირებული სატენდერო წინადადების ფასი ან/და წარმოდგენილ დანართ №2-ის - „ფასების ცხრილი - პრეისკურანტი“ დაფიქსირებული ფასი) ნაკლებია შემსყიდველი ორგანიზაციის მიერ დადგენილ პრეისკურანტის სავარაუდო ღირებულებაზე, მაშინ ტენდერის მიმდინარეობის ნებისმიერ ეტაპზე, პრეტენდენტი ვალდებულია სხვაობა გამოიანგარიშოს პროცენტულად, რომლის მიხედვითაც ფასთა კლება პრეტენდენტმა პროცენტულად და პროპორციულად უნდა ასახოს №2-ის - „ფასების ცხრილი - პრეისკურანტი“ მითითებულ ყველა დასახელების მომსახურებაზე შესაცვლელი დეტალ(ებ)ის გათვალისწინებით (ერთეულის ფასზე). პროცენტული დაანგარიშებისას პირველივე მიღებული შედეგი მრგვალდება მეასედებამდე და ეს მაჩვენებელი გამოიყენება შემდგომი ნებისმიერი თითოეული პროცენტული ან პროპორციული გამოანგარიშების ან/და გათვლებისათვის.
2.9.4 თუ პრეტენდენტის მიერ წარმოდგენილ დანართ №2-ში - „ფასების ცხრილი - პრეისკურანტი“ პოზიცი(ებ)ის ერთეულის ღირებულება/ები წარმოდგება მრავალნიშნა ათწილადის სახით, პრეტენდენტი ვალდებულია აღნიშნული ღირებულებ(ებ)ი დაამრგვალოს მეასედებამდე, შესაბამისად პრეისკურანტის ჯამური ღირებულებაც.
2.9.5 პრეისკურანტში რომელიმე მომსახურების (შესაცვლელი დეტალ(ებ)ის გათვალისწინებით) არარსებობისას, აღნიშნული მომსახურების ერთეულის ფასი მისი შესყიდვის აუცილებლობისას, დგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში მომსახურების რომელიმე ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებელის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა.
4.1.1.2 ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული შესაბამისი დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი. საჭიროების შემთხვევაში, პრეტენდენტის მიერ ასევე წარმოდგენილი უნდა იყოს დასკვნაზე ხელმომწერი პირის ხელმოწერის უფლებამოსილების დამადასტურებელი დოკუმენტი (მაგ. იმ შემთხვევაში თუ დასკვნის გამცემი პირია ორგანიზაცია - შპს, სს და ა.შ. და ორგანიზაციის სახელით გაცემულ დასკვნაზე არ ფიქსირდება სამეწარმეო და არასამეწარმეო სუბიექტების რეესტრის ამონაწერის მიხედვით განსაზღვრული ხელმძღვანელობაზე/წარმომადგენლობაზე უფლებამოსილი პირის ხელმოწერა)), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც ერთეულის, ასევე საერთო ღირებულებასთან მიმართებით.

7.2.1 ანგარიშსწორება განხორციელდება უნაღდო ანგარიშსწორებით, ეროვნულ ვალუტაში – ლარში, ფაქტობრივად მიწოდებული შესყიდვის ობიექტის შესაბამისად, მხარეთა შორის გაფორმებული მიღება-ჩაბარების აქტის და მიმწოდებლის მიერ წარმოდგენილი სასაქონლო ზედნადების (კანონმდებლობით გათვალისწინებულ შემთხვევაში), ასევე ანგარიშ-ფაქტურის (კანონმდებლობით გათვალისწინებულ შემთხვევაში) საფუძველზე, ანდა გამოწერილი საგადასახადო დოკუმენტის (საგადასახადო დოკუმენტის გამოწერის შემთხვევაში სასაქონლო ზედნადების ან საგადასახადო ანგარიშ-ფაქტურის (მათ შორის, სპეციალური საგადასახადო ანგარიშ-ფაქტურის) გამოწერის ვალდებულება არ წარმოიშობა) საშუალებით.
7.2.2 დაფინანსების წყარო: საქართველოს 2026 წლის სახელმწიფო ბიუჯეტიდან საქართველოს პარლამენტისათვის გამოყოფილი ასიგნება.

ანგარიშსწორებისთვის აუცილებელი დოკუმენტების სრულყოფილად გაფორმებიდან არაუგვიანეს 10 (ათი) სამუშაო დღის განმავლობაში.

თეიმურაზ ჩიჩუა, 599700079, tchichua@parliament.ge ტექნიკურ დავალებასთან დაკავშირებულ საკითხებზე: გიორგი ავალიშვილი, 591888900, gavalishvili@parliament.ge

10.1.1 პრეტენდენტი დაექვემდებარება დისკვალიფიკაციას (ყოველგვარი დაზუსტების პროცედურების გარეშე), თუ მის მიერ არ იქნება წარმოდგენილი დანართი №2 - „ფასების ცხრილი - პრეისკურანტი“ ან დანართ №2-ში - „ფასების ცხრილი - პრეისკურანტი" განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს.
10.1.2 სახელმწიფო შესყიდვების ერთიან ელექტრონულ სისტემაში ატვირთული მხოლოდ პრეტენდენტის მიერ შექმნილი ყველა დოკუმენტი ან/და ინფორმაცია (მხოლოდ პრეტენდენტის მიერ შექმნილი სატენდერო წინადადების სახით წარსადგენი დოკუმენტები, გარდა დანართი №2 "ფასების ცხრილი-პრეისკურანტი". პრეტენდენტი უფლებამოსილია აღნიშნული დანართი წარმოადგინოს მხოლოდ Excel-ის ფორმატის ცხრილის სახით, ხოლო Excel-ის ფორმატის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს)) უნდა იქნეს ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე (მხოლოდ პრეტენდენტის მიერ შექმნილი სატენდერო წინადადების სახით წარსადგენი დოკუმენტებზე) შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელის მოწერისთვის გაცემული მინდობილობა
10.1.3 ტენდერის ნებისმიერ ეტაპზე ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.4 ალტერნატიული სატენდერო წინადადება არ განიხილება.
10.1.5 ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.6 სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია ერთიანი ელექტრონული სისტემის შესაბამისი მოდულის მეშვეობით.
10.1.7. ყველგან, თუ სადმე მითითებულია სასაქონლო ნიშანი, მოდელი, წარმოშობის წყარო ან მწარმოებელი იგულისხმება "მსგავსი" ან "ექვივალენტური".