Ремонт и техническое обслуживание транспортных средств и оборудования и сопутствующие услуги (Грузия - Тендер #68879559)

2026 წლის განმავლობაში შემსყიდველის ბალანსზე არსებული 67 (სამოცდაშვიდი) ერთეული ავტოსატრანსპორტო საშუალების რეცხვის მომსახურების სახელმწიფო შესყიდვა ტექნიკური დავალების შესაბამისად.

1.2.1. მიმწოდებელმა უნდა უზრუნველყოს შემსყიდველის ბალანსზე არსებული ავტომანქანების რეცხვის მომსახურება, კერძოდ:
ა) სედანის ტიპის ავტომანქანის გარეცხვა წლის განმავლობაში - 593-ჯერ;
ბ) ჯიპის ტიპის ავტომანქანების გარეცხვა წლის განმავლობაში - 397 -ჯერ;
1.2.2. ავტომანქანების რეცხვა უნდა განხორციელდეს ქ. თბილისში, ქ, ქუთაისში, ქ. ბათუმში, ქ. ზუგდიდში, ქ. გორში, ქ. რუსთავში, ქ. თელავში და ქ. ახალციხეში და ქ. ამბროლაურში. მიმწოდებელს უფლება აქვს შემსყიდველს შესთავაზოს დამატებით სხვა ავტოსამრეცხაოებიც.
1.2.3. მიმწოდებელს თბილისში უნდა გააჩნდეს მინიმუმ 5 ავტოსამრეცხაო, ხოლო სხვა ქალაქებში მინიმუმ 1 ავტოსამრეცხაო. ქ. თბილისში არსებულ ავტოსამრეცხაოებში უნდა იყოს ერთდროულად მინიმუმ 3 (სამი) ავტომანქანის გასარეცხად საჭირო ფართი და შესაბამისი აღჭურვილობა. სხვა ქალაქებში არსებულ ავტოსამრეცხაოებში უნდა იყოს მინიმუმ 1 (ერთი) ავტომანქანის გასარეცხად საჭირო ფართი და შესაბამისი აღჭურვილობა.
1.2.4. რეცხვის მომსახურება უნდა განხორციელდეს მოცდის გარეშე.
1.2.5. მომსახურების მიღება შესაძლებელია განხორციელდეს როგორც საბარათე (პლასტიკური ბარათების) საშუალებით ასევე რეცხვის შესაბამისი ტალონებითაც.
1.2.6. რეცხვის ტალონი უნდა შეიცავდეს შემდეგ ინფორმაციას:
ა) მიმწოდებლის დასახელება;
ბ)ტალონის იდენტიფიცირების ნომერი;
გ)ავტომანქანის სახეობა (ტიპი);
1.2.7. შემსყიდველის მოთხოვნიდან 5(ხუთი) სამუშაო დღის ვადაში მიმწოდებელმა უნდა უზრუნველყოს შემსყიდველისთვის მოთხოვნილი რაოდენობის, ტალონების მიწოდება თვეში ერთხელ უსასყიდლოდ, შემდეგ მისამართზე: ქ. თბილისი, ალ. ყაზბეგის გამზ. N42;
1.2.8. ტალონის მოქმედების ვადა არ უნდა იყოს შეზღუდული, მისი მოქმედების ვადა უნდა გაგრძელდეს შემსყიდველთან ტალონების საერთო მარაგის ამოწურვამდე.
1.2.9. მომსახურების საბარათე (პლასტიკური ბარათების) საშუალებით მიწოდებისას მიმწოდებელმა საწყისი ეტაპისთვის უნდა უზრუნველყოს 67 (სამოცდაშვიდი) ცალი პლასტიკური ბარათის დამზადება, ავტოსაშუალებების სახელმწიფო ნომრების დატანით და შემსყიდველისათვის მიწოდება უსასყიდლოდ, მოთხოვნიდან 5 (ხუთი) სამუშაო დღის განმავლობაში, შემდეგ მისამართზე: ქ. თბილისი, ალ. ყაზბეგის გამზ. N42. ხელშეკრულების გაფორმების შემდეგ ავტომანქანის ნომრების და ტიპების შესახებ ინფორმაციას შემსყიდველი მიაწვდის მიმწოდებელს.
1.2.10. მიმწოდებელი ვალდებულია თავის ვებ-გვერდზე გაუხსნას შემსყიდველს სპეციალური ანგარიში და უზრუნველყოს შეძენილი რეცხვის მომსახურების ჩარიცხვა აღნიშნული ანგარიშის მეშვეობით პლასტიკურ ბარათებზე მისი შემდგომი განაწილების მიზნით. პლასტიკურ ბარათზე შესაძლებელი უნდა იყოს ელექტრონულად რეცხვის რაოდენობების დარიცხვა და მოხსნა. სპეციალურ ანგარიშზე რეცხვის მომსახურების ჩარიცხვის შემდეგ იგი წარმოადგენს შემსყიდველის საკუთრებას და შემსყიდველს უფლება აქვს ანგარიშზე არსებული ნაშთის ფარგლებში შეუზღუდავად, თავისი შეხედულებისამებრ, გადაანაწილოს მის კუთვნილ ერთ ან რამდენიმე პლასტიკურ ბარათზე ინტერნეტით მიმწოდებლის ვებ-გვერდის საშუალებით, შემსყიდველის სახელისა და საიდენტიფიკაციო პაროლის გამოყენებით.
1.2.11. პლასტიკური ბარათის წარდგენის შემთხვევაში მისი მფლობელი უფლებამოსილია მიიღოს ბარათზე ჩარიცხული რეცხვის მომსახურება მიმწოდებლის კუთვნილ ნებისმიერ ავტოსამრეცხაო სადგურში.
1.2.12. პლასტიკური ბარათის და მისი პროგრამული მხარდაჭერის გამართული ფუნქციონირებაზე პასუხისმგებელია მიმწოდებელი.
1.2.13. ავტომანქანის რეცხვისას მიმწოდებელმა უნდა უზრუნველყოს ავტომანქანის ძარის, სალონის და საბარგულის გარეცხვა/გასუფთავება. რეცხვისას/გასუფთავებისას უნდა იყოს გამოყენებული მაღალი წნევის რეცხვის დანადგარი და სპეციალური სარეცხი/საწმენდი საშუალებები.
1.2.14. მომსახურების გაწევის დროს მიმწოდებლის ბრალეულობით შემსყიდველის ავტომობილზე მიყენებული ნებისმიერი სახის ზიანის ანაზღაურების ვალდებულება ეკისრება მიმწოდებელს.

1. რეცხვის ტალონების მიწოდება განხორციელდება ხელშეკრულების გაფორმებიდან ეტაპობრივად, თვეში ერთხელ, შემსყიდველის მოთხოვნიდან არაუგვიანეს 5 (ხუთი) სამუშაო დღის განმავლობაში 2026 წლის 20 დეკემბრის ჩათვლით, ხოლო შესყიდვის ობიექტის (რეცხვის მომსახურება) მიწოდება განხორციელდება, ეტაპობრივად, ხელშეკრულების ძალაში შესვლის თარიღიდან ტალონების საერთო მარაგის ამოწურვამდე, მაგრამ არაუგვიანეს 2026 წლის 31 დეკემბრისა.
2. პლასტიკური ბარათების მეშვეობით რეცხვის მომსახურება უნდა განხორციელდეს, ეტაპობრივად, ხელშეკრულების ძალაში შესვლის თარიღიდან 2026 წლის 31 დეკემბრის ჩათვლით.

1.5.1. რეცხვის ტალონების მიწოდება უნდა განხორციელდეს ხელშეკრულების ძალაში შესვლის თარიღიდან, ეტაპობრივად, თვეში ერთხელ, შემსყიდველის მოთხოვნიდან არაუგვიანეს 5 (ხუთი) სამუშაო დღის განმავლობაში 2026 წლის 20 დეკემბრის ჩათვლით, ხოლო შესყიდვის ობიექტის (რეცხვის მომსახურება) მიწოდება განხორციელდება, ეტაპობრივად, ხელშეკრულების ძალაში შესვლის თარიღიდან, ტალონების საერთო მარაგის ამოწურვამდე, მაგრამ არაუგვიანეს 2026 წლის 31 დეკემბრისა.
1.5.2. პლასტიკური ბარათების მეშვეობით რეცხვის მომსახურება უნდა განხორციელდეს, ეტაპობრივად, ხელშეკრულების ძალაში შესვლის თარიღიდან 2026 წლის 31 დეკემბრის ჩათვლით.
1.5.3. მომსახურების მიწოდების ადგილია: მიმწოდებლის მიერ წარმოდგენილი სამრეცხაოების მისამართები, რაც დაზუსტდება ხელშეკრულების გაფორმების დროს.

პრეტენდენტს 2023, 2024 და 2025 (ცალ-ცალკე) წლებში, გაფორმებული უნდა ჰქონდეს მინიმუმ 1 ხელშეკრულება ანალოგიურ მომსახურებაზე (ავტოსატრანსპორტო საშუალების რეცხვის მომსახურება), რომელთა ფარგლებში ფაქტობრივად გაწეული მომსახურების ჯამური ღირებულება არ უნდა იყოს 30 000.00 (ოცდაათი ათასი) ლარზე ნაკლები. ამასთან 1 ხელშეკრულების ფარგლებში ფაქტიურად გაწეული მომსახურების ღირებულება უნდა შეადგენდეს არანაკლებ 10 000.00 (ათი ათასი) ლარს.

ზემოაღნიშნული ინფორმაციის დასადასტურებლად პრეტენდენტმა უნდა სისტემის საშუალებით უნდა წარმოადგინოს გაფორმებული ხელშეკრულებები და შესრულების დოკუმენტაცია (მიღება-ჩაბარების აქტები და შესაბამისი ანგარიშფაქტურები. თუ პრეტენდენტი იმ დროისათვის არ იყო დღგ-ის გადამხდელი და ვერ წარმოადგენს ანგარიშფაქტურას, მაშინ მან მიღება-ჩაბარების აქტებთან ერთად უნდა წარმოადგინოს მომსახურების ღირებულების ანაზღაურების დამადასტურებელი დოკუმენტები).

თუ ინფორმაცია იძებნება სახელმწიფო შესყიდევბის ერთიან ელექტრონულ სისტემაში, მაშინ წარმოდგენილ უნდა იქნას მხოლოდ შესაბამისი სატენდერო განცხადების SPA/NAT/CMR და ა.შ. ნომრები.

2.3.1.1.მიმწოდებელს უნდა გააჩნდეს ქალაქ თბილისში მინიმუმ 5 (ხუთი) სამრეცხაო თითოეულში მინიმუმ 3 (სამი) ბოქსით. ამასთან ქალაქ თბილისში არსებულ მინიმუმ 1 (ერთი) სამრეცხაოს უნდა გააჩნდეს იზოლირებული, კეთილმოწყობილი (გადახურული, გათბობით) მოსაცდელი სივრცე.
2.3.1.2.პრეტენდენტს ასევე უნდა გააჩნდეს არანაკლებ 1 (ერთი) სამრეცხაო, თითოეულში მინიმუმ 1 (ერთი) ბოქსით შემდეგ ქალაქებში: ქ, ქუთაისში, ქ. ბათუმში, ქ. ზუგდიდში, ქ. გორში, ქ. რუსთავში, ქ. თელავში, ქ. ახალციხესა და ქ. ამბროლაურში.
2.3.1.3.პრეტენდენტმა ტექნიკური დოკუმენტაციის სახით უნდა წარმოადგინოს ინფორმაცია დანართი №2-ის შესაბამისად ავტოსამრეცხაო(ები)ს შესახებ მისამართების მითითებით, სადაც განხორციელდება ავტომანქანების რეცხვის მომსახურება.
2.3.1.4.პრეტენდენტმა ასევე ტექნიკური დოკუმენტაციის სახით უნდა წარმოადგინოს სამრეცხაოს საკუთრების/სარგებლობის დამადასტურებელი დოკუმენტაცია მისამართების მითითებით.

პრეტენდენტის მიერ ერთიან ელექტრონულ სისტემაში ასატვირთი ინფორმაცია:
2.9.1. ფასების ცხრილი (1.3 პუნქტის შესაბამისად), რომელიც სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების თანახმად, არ საჭიროებს ხელმოწერას ან/და ბეჭედს (მათ შორის ელექტრონულ ხელმოწერას ან/და ელექტრონულ შტამპს);
2.9.2. გამოცდილების დამადასტურებელი დოკუმენტაცია (2.2.1 პუნქტის შესაბამისად);
2.9.3. პრეტენდენტის მატერიალურ-ტექნიკური ბაზის შესახებ ინფორმაცია №2 დანართის შესაბამისად (2.3.1. პუნქტის შესაბამისად) და სამრეცხაოს საკუთრების/სარგებლობის დამადასტურებელი დოკუმენტაცია მისამართების მითითებით.
2.9.4. პრეტენდენტმა ტექნიკური დოკუმენტაციის სახით უნდა წარმოადგინოს ინფორმაცია მომსახურების რომელ საშუალებას გამოიყენებს: საბარათე პლასტიკური ბარათებს თუ რეცხვის შესაბამისი ტალონებს;
2.9.5. იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ხელმძღვანელის სახელი, გვარი და სრული საბანკო რეკვიზიტები, პრეტენდენტი ვალდებულია წარმოადგინოს აღნიშნული ინფორმაცია თანდართული ფაილის სახით.

„ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების მე-18 მუხლის მე-6 და მე-7 პუნქტების საფუძველზე, იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა შემსყიდველი ორგანიზაციის წერილობითი მოთხოვნის შემდეგ, უნდა წარმოადგინოს/ატვირთოს ფასწარმოქმნის ადეკვატურობის დასაბუთება. ფასწარმოქმნის ადეკვატურობა, შესაძლებელია დასაბუთდეს სსიპ ლევან სამხარაულის სასამართლო ექსპერტიზის ეროვნული ბიუროს ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული ან/და საშემფასებლო დასკვნით. დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი. დასკვნა ცალსახად უნდა ადასტურებდეს დაფიქსირებულ ფასად, მიმწოდებლის მხრიდან, ხელშეკრულებით ნაკისრი ვალდებულებების შესარულების შესაძლებლობას. პრეტენდენტმა უნდა გაითვალისწინოს, რომ „ ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების 28-ე მუხლის მე-5 პუნქტის თანახმად, ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულებთან მიმართებით.

7.2.1.საბარათე (პლასტიკური ბარათების) საშუალებით რეცხვის მომსახურებისას ანგარიშსწორება განხორციელდება ფაქტობრივად გაწეული მომსახურებაზე შედგენილი მიღება-ჩაბარების აქტების და შემსყიდველის მხრიდან ინსპექტირების განმახორციელებელი პირის დადებითი ინსპექტირების დასკვნის საფუძველზე.
7.2.2.ტალონებით რეცხვის შემთხვევაში ანგარიშსწორება განხორციელდება ფაქტიურად მიწოდებული რეცხვის ტალონის ღირებულების მიხედვით მიმწოდებლის მიერ წარმოდგენილი საგადასახადო დოკუმენტაციის ან/და მიღება-ჩაბარების აქტის საფუძველზე.

ანგარიშსწორება განხორციელდება, სატენდერო დოკუმენტაციის 7.2 პუნქტით განსაზღვრული პირობების შესაბამისად შედგენილი დოკუმენტაციის წარმოდგენიდან/დადასტურებიდან, არაუგვიანეს 10 სამუშაო დღეში.

მერაბი ჯიბუტი, 577768867, mjibuti333@gmail.com 577768867, MJibuti@prevention.gov.ge

10.1.1. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.1.2. სატენდერო წინადადების ან მისი შემადგენელი დოკუმენტის წარდგენა შესაძლებელია როგორც ქართულ, ასევე უცხოურ ენებზე. დოკუმენტის უცხოურ ენაზე წარდგენის შემთხვევაში, მას უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე.
10.1.3. ალტერნატიული სატენდერო წინადადება არ განიხილება;
10.1.4. აღნიშნულ ელექტრონულ ტენდერში მონაწილეობით პრეტენდენტი ადასტურებს, რომ სრულად ეთანხმება ამ კონკრეტული ელექტრონული ტენდერის სატენდერო განცხადებითა და სატენდერო დოკუმენტაციით მოთხოვნილ პირობებს.
10.1.5. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად.
10.1.6 სატენდერო დოკუმენტაციის ველებსა და ატვირთულ დოკუმენტებს შორის წინააღმდეგობის არსებობის შემთხვევაში უპირატესობა ენიჭება სატენდერო დოკუმენტაციის ველებს.
10.1.7.პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს.