Услуги по программированию и консультационные услуги в области программного обеспечения (Грузия - Тендер #68879512)

1.1.1. საქართველოს საგარეო საქმეთა სამინისტროში დანერგილი ცენტრალური საიტის და საქართველოს დიპლომატიური წარმომადგენლობების ვებ საიტების მართვის ერთიანი სისტემის (შემდგომში CMS) ტექნიკური მომსახურებისა და საჭიროების შემთხვევაში ახალი ფუნქციონალის შემუშავების მომსახურების შესყიდვა.

1.2.1. მომსახურების აღწერა (დანერთი N1 - ტექნიკური დავალება) იხილეთ მიბმულ ფაილში.

1.4.1. მომსახურების გაწევა განხორციელდება 2026 წლის 1 იანვრიდან 2026 წლის 31 დეკემბრის ჩათვლით.

1.5.1. მომსახურების გაწევა განხორციელდება დანართი N1-ტექნიკურ დავალების შესაბამისად.
1.5.2. მომსახურების ადგილს წარმოადგენს პრეტენდენტის ადგილსამყოფელს, იურდიული ან/და ფაქტიური მისამართი, რომლიდანაც განხორციელდება მომსახურების გაწევა.

2.2.1.1. მომსახურების მომწოდებელი კომპანია ბაზარზე უნდა ოპერირებდეს არანაკლებ 3 წელი;
2.2.1.2. მომსახურების მომწოდებელს უნდა ჰქონდეს „გამოყენებული ტექნოლოგიები და ფრეიმვორკები“ განყოფილებაში ჩამოთვლილი ტექნოლოგიებით საიტების დამზადების არანაკლებ 3 წლიანი გამოცდილება და ბოლო 3 წლის განმავლობაში შესრულებული უნდა ჰქონდეს არანაკლებ 6 პროექტი, რაც უნდა დადასტურდეს შესაბამისი ხელშეკრულების, მიღება-ჩაბარების აქტის ან/და კლიენტის ოფიციალური წერილით ან შესაბამისი ტენდერის კოდის წარმოდგენით. იმ შემთხვევაში თუ ხელშეკრულებები გაფორმებულია სახელმწიფო შესყიდვების ერთიანი ელექტრონული სისტემის გამოყენებით და შესრულების დამდასტურებელი დოკუმენტაცია სრულად ატვირთულია სახელმწიფო შესყიდვების ერთიან სისტემაში პრეტენდენტმა შესაძლებელია წარმოადგინოს ინფორმაცია სახელმწიფო შესყიდვის ერთიანი ელექტრონული სისტემის მონაცემებით, კერძოდ: SPA, NAT, CMR ან სხვა უნიკალური ნომრები.

2.4.1.1. პრეტენდენტს უნდა ჰყავდეს ზემოთ ჩამოთვლილი ტექნოლოგიების სპეციალისტები არანაკლებ 3 წლიანი სტაჟით. მათ კვალიფიკაციასა და მონაცემების სიზუსტეზე სრულ პასუხისმგებლობას იღებს მომსახურების მომწოდებელი კომპანია.
2.4.1.2. ტექნიკური მომსახურების გუნდში ჩართული თანამშრომლების კვალიფიკაციის შესახებ მოთხოვნილი ინფორმაცია წარმოდგენილი უნდა იყოს წერილობითი ფორმით, ასევე პრეტენდენტმა უნდა წარმოადგინოს ცნობა იმის შესახებ რომ აღნიშნული თანამშრომლები დასაქმებული არიან ამავე კომპანიაში;

4.1.1.1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა.

4.1.1.2. ფასწარმოქმნის ადეკვატურობა, შესაძლებელია დასაბუთდეს საშემფასებლო დასკვნით (ამასთან,ბუღალტრული აღრიცხვის,ანგარიშგებისა და აუდიტის შესახებ საქართველოს კანონის 28-ე მუხლის მე-8 პუნქტის ,,გ“ ქვეპუნქტის შესაბამისად, საშემფასებლო მომსახურების გაწევის უფლება ეძლევა მხოლოდ იმ პირს, რომელშიც დასაქმებულია აკრედიტებული შემფასებელთა სერტიფიკაციის ორგანოს მიერ სერტიფიცირებული შემფასებელი. შეფასების განხორციელების და შეფასების ანგარიშზე/დასკვნაზე ხელის მოწერის უფლება ენიჭება აკრედიტებული შემფასებელთა სერტიფიკაციის ორგანოს მიერ სერტიფიცირებულ შემფასებელს. საშემფასებლო დასკვნასთან ერთად ასევე, წარმოდგენილი უნდა იქნას ანგარიშზე/დასკვნაზე ხელის მოწერის უფლების მქონე პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც მის მიერ დაფიქსირებულ წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებაში.

ანგარიშსწორება განხორციელდება მიღება-ჩაბარების აქტის გაფორმებისა და ანაზღაურებისათვის სათანადო დოკუმენტაციის (თუ მიმწოდებელი არის დღგ–ს გადამხდელი საგადასახადო ანგარიშ-ფაქტურის გამოწერის) საფუძველზე. ანგარიშსწორება განხორციელდება ლარში, უნაღდო ანგარიშსწორების ფორმით.

7.3.1. ანგარიშსწორება განხორციელდება უნაღდო ანგარიშსწორებით ლარში. შესაბამისი მიღება -ჩაბარების აქტის გაფორმებიდან 10 სამუშაო დღის განმავლობაში.

მანანა ძულიაშვილი, 598192625, mdzuliashvili@mfa.gov.ge

10.1.1. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარებში.
10.1.2. ხელშეკრულების გაფორმებისას არასრული თვის შემთხვევაში, ხელშეკრულების ღირებულების განსაზღვრა და შესაბამისად, ანგარიშსწორება განხორციელდება დღეების პროპორციულად.
10.1.3. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია წარმოდგენილი იქნას ქართულ ენაზე. ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.4. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი ან/და ინფორმაცია უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით დამოწმებული.
10.1.5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.6. აღნიშნულ ელექტრონულ ტენდერში მონაწილეობით პრეტენდენტი ადასტურებს, რომ სრულად ეთანხმება ამ კონკრეტული ელექტრონული ტენდერის სატენდერო განცხადებით და სატენდერო დოკუმენტაციით მოთხოვნილ პირობებს.
10.1.7. სატენდერო დოკუმენტაციის მოთხოვნებთან შესაბამისობის დადასტურების მიზნით, უცხოური საწარმოს/უცხოური საწარმოს ფილიალის/წარმომადგენლობის მიერ სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.


10.1.8. პრეტენდენტის მიერ ერთიან ელექტრონულ სისტემაში ასატვირთი დოკუმენტაცია/ინფორმაცია:
• დანართი N2- ფასების ცხრილი (სატენდერო დოკუმენტაციის 1.3 პუნქტის მოთხოვნის შესაბამისად);
• ინფორმაცია პრეტენდენტის გამოცდილების შესახებ (სატენდერო დოკუმენტაციის 2.2.1 ქვეპუნქტის მოთხოვნის შესაბამისად);
• ინფორმაცია პრეტენდენტის პერსონალის გამოცდილების შესახებ (სატენდერო დოკუმენტაციის 2.4.1 ქვეპუნქტის მოთხოვნის შესაბამისად).